أفيدوني الله يجزاكم خير ( اعراض الحمل )

[gashooo]

السلام عليكم ورحمة الله وبركاته


أنا دورتي جاتني تاريخ 19-1 وانتهت تاريخ 24-1

والان أحس بتعب وارهاق وغثيان وأسفل بطني يوجعني هل يكون هذا دلائل حمل؟؟

واذا لأ. متى أعرف أيام التبويض عندي

الله يخليكم ساعدوني ...........
[

تم التوضيح بالعنوان
بواسطة اخت خالتهم

 

[M!SS.LOBY]

رد: أفيدوني الله يجزاكم خير

الله يبشرج بالحمل يارب
صبري جم يوم وفحصي

 

[glby7sas]

الله يرزقج يارب
واذا بتعرفين ايام التبويض ودورتج ثابته عدي من اول يوم تيلج الدوره لي رقم 14 يعني يوم 14 و15 و16 هذيل ايام التبويض
وانا بعد ياليت اعرف شنو اعراض الحمل
لانه الدوره متأخره عندي 4 ايام وبصراحه حتى زوجي خشيت عنه وخايفه احلل واتحبط بصراحه مو حاسه بوله شي بس ظهري يعورني وحسيت بالام الدوره اول يوم ونزل بني اول يوم ووقف ونغزات عالاجناب وبس

 

[Ms.lool]

موشرط تحسين واحيانا تحسين باعراض تشكين ان حمل لكن موحمل
انا عن نفسي مره حسيت بعوار غريب بظهري وظنيته حمل وحللت طلع لا
والشهر اللي وراه ماحسيت بشي وطلعت حامل
اذا مستعيله حللي قبل موعد دورتج ب٥ ايام تحليل دم هرموني
لاتحللين قبلها ماتبين
انا حللت قبل الدوره باسبوع مابين بعدين حللت عقب يومين بين الحمل
والله يرزقج

 

[سكرً زيآدهـً]

عادي اعراض الحمل تختلف من بنت لي بنت
انا كنت احس بالالام الدورة بس الالم مستمر
وكنت انحصر بشكل موطبيعي حللت طلعت حامل

 

[امـ خــزامـى]

انا بصراحه مانتبهت لوقت لاعراض لاني كنت لاهيه ومشغوله
بس اول ماتاخرت الدوره كم يوم بعد مااذكر بالظبط شكييت اني حامل بس مااتذكر اني حسيت باعراض
وحللت منزلي وبين الحمل


الله يرزق كل من تبي الحمل

 

[قـــمـــرهم]

اختي انتي تقريبا باجي ع دورتج ٤ او ٥ ايام صح

انطري يومين وحللي دم ..

وترا ممكن هالاعراض حمل لانه الاعراض تختلف من وحده لوحده

والله يرزقج ويرزق كل من يبي الضنى يااااارب

 

[ام الحلوااات]

اللــــه يـــفـــــرح قـــلـــبــج بــاالــحــمـــل الــســـلــيـــم عـــاجـــــلآ يـــاااارب