رد: أفكار للغرف الزايدة لبيت الأحلام رووعة بالصور حياكم
حياااكم الله خواااتي بعد عندي أفكااار لووول
الفكرة العاشرة: غرفة للأب
اليوم فكرت أبي غرفة تكون للأب يعني مثل ما سوينا غرفة للأم صالون وجذي فقلت لازم نسوي بعد غرفة للأبو حسب هوايته...... انا زوجي يحب كرة القدم ويشوف مباريات دايماً وبالنسبة لكم كل وحدة تصمم غرفة تناسب هواية زوجهاا، فهذي الغرفة مثال لهواية كرة القدم،،، والفكرة هي: تكون الأرضية حشيش صناعي نفس الملعب وبعدين ورا القنفة أكو مرمى شبك وتلفزيون كبير أكيد حق المباريات والطوفة مصبوغة مثل الملعب،،، طبعاً هالصور غرف نوم بس انا حبيت أوضح فكرة الطوفة وانتي طبقيها على هالصالة
وممكن تستخدمين قطع أثاث تناسب هالهواية مثل هالصور وجمعتهم بصورة وحدة أسهل للتحميل على المنتدى
وانشالله بيقضى زوجج أحلى الأوقات وبعيش جو المباراة بهالصالة
واللي زوجها هواياته شي ثاني غير الكرة تقول لي وأحط لها صور وأفكار عشان تسويهم
