أفكار لقمصان السفر ^^

[Ms.LoL]

السلام عليكم ..

كنت أدور موديلات عساس بخيط ملابس سفر ..

و يمعت جم صورة عندي ..

قلت أحطهم لكم يمكن يفيدونكم و تبون أفكار ..

عاد بعضهم حَفر و منهم جم قصير ..

بس يكون عاجبني القولة ، أو الجموم ، أو طرف النفنوف ، المخابي أي شي يعني ^^ ..

عاد انتو غيروا بالألوان والموديلات و المقاس .. :eh_s(17):​

 

[Ms.LoL]

 

[Ms.LoL]

 

[Ms.LoL]

 

[ام حصوصه]

السووووووق مليااااان فناتك على كيف كيفج صراحه وتلقين سبورت تلقين الرسمي واسعارهم حيل حيل حلوه يعني ما يحتاج اتخيطين مثال سوق السالميه هذا تلقين شغلات وايد حلوه كويت ماجيك النقرة المهلب كل المجمعات فيها وموفقة ان شاء الله

 

[أم لطووف]

حلوين واااااااااايد ومرتبين وشكلهم عملي..
بس السوق متروس روحي السوق الحمر بالسالمية أو المهلب تلاقينهم مكودين أحسن لج من الخياط..

 

[Ms.LoL]

صح عقب ما يمعت صور ..
عساس بخيط .. جان أقول خنروح السوق أشوف ..

النقرة و الأيوب ..
إي شريت منهم السنة اللي طافت ..
غسلتهم جان يتقصملون \=
الجم صار ثلث ترباع .. ما أبالغ \=
و من فوق صار ضيج و صوب الزنود صاك \=

و شريت بني راح لونه ..

لفيت المهلب و النقره ..
صح عندهم موديلات واايد ..
الموديلات مكرره .. أحس بشوف كل الناس مثلي ..
عالعموم شريت 3 قطع ..
و كلهم بعدل عليهم لأنهم قصار ..
صج إنهم لي الركبه .. بس لما تقعدين و تحطين ريل على ريل ..
يرتفع و يبين الجينز و لا البنطلون صاك على الفخوذ.. مو حلو بالنسبة لي
وراي رحلات و مشي و ملاهي .. فعشان جذي راح يترفع مع الحركة ..

 

[zqertya]

يسلمووووووو حدهم حلوين ترا بقت جم موديل

 

[عمشه المنتفشه]

رووووعه الموديلات بخيط منهم جم موديل بس مو للسفر

السفر حرام تكشخين خاصه اذا دوله حاره ورطوبه

 

[أحلى همبه كويتية]

تسلم ايدج اللي جمعت هالموديلات الحلوة
ويييييينك عني السنة اللي طافت من حيرتي قمت اخيط اي شي

وصاجة حق الرحلات يييلج شي طويل نوعا خصوصا للمتحجبة
انا مثلج ما أحب رويلاتي من فوق تطلع
فضايح وريلي ما يرضى


العام شريت قمصان من السندس
وبتايلند لبستة اول مرة كان الطول معقول ومستور

المرة الثانية عقب ما غسلته كويته ولبسته حق الرحلة
والمصيبة اني ما كنت مجهزة شي غيره وتأخرنا
فكنت مضطرة البسه واطلع

امبيييييييييييييييييييه شكلي تحفة صار فوق الركبة وانا متينة
والله العظيم طول الرحلة لازقة بمكاني ما تحركت من الفشلة
احس كل الأوادم يطالعوني
وطبعا مو الأجانب
لا الكويتين اللي كانوا ويانا بالرحلة
تعرفين بعد احنا ما نقدر نسكت لازم ننتقد الناس
لو اوريك صورتي
بتقولين واخزياااااااااااااااااااااااه

ردينا من الرحلة وعلى طول بالزبالة تكرمين





ونصيحة اي قطعة خام تشترينها
نقعينها بماي بارد قبل لا تفصلينها عشان ما تكش

وموفقة وعساكم على القوة
تروحون وتردون بالسلامة

 

[سفيرة العشق]

يعطيج العافية حبيبتي خوش قمصان وشكلها حلو ومريح للسفر

 

[اصايل]

الله يعطيج العافيه الصراحه يو بوقتهم

 

[كويتية أصيله]

واااااااايد موديلات روووووعه ...... مشكوره ما قصرتي ....آنا كل سنه أسوي ما أحب أشتري جاهز علشان محد يصير نفسي ..... تريما فيها شي إذا الوحده طلعت بالسفر وهي بكاااامل أناقتها راح يزيد وناستها وناسه...

 

[مدرسة طفشانة]

يسلموووووو
حبيبتي ما قصرتي صج صج الموديلات حلوة وعملية للسفر
بروح اول شي السوق وبشوف اذا ما لقيت بخيط

 

[KooSHaa ..]

ماشالله خوش موديلات والله ودي اخذ جم موديل امبي ماشالله حلوين والله يالله تروحين وترجعين بالسلامه انشالله

 

[<<المها>>]

بصراحة خوووووش موضوع .. يعطيج العافيه حبوبه

واللي قالوا عن السوق ..صج السوق متروس .. بس مو كل شي يعجبنا

ومانستغني عن الخياط بين وقت ووقت ..

 

[غديران]

يعطيج العافية

 

[أ.س.م.ا.ء]

الله يعطيج العافيةوتسلم ايدج

 

[رافعه الحاجب]

اكيد مانستغنى عن الخياط .. بس اول بروح اشوف السوق يمكن القى شي حلوه عقب اكمل خياط

 

[jtbnmk]

اول شي يعطيج العافيه وايد حلوين انا بعد بقت لي جم مديل
وانا مع خواتي في الشوق بس بسرعه يكش ولا الي بالنقره والسالميه خامتهم ولا بيزه اروح افصل احسن لي ومايكلف التفصيل يعني الحين المحلات صايرين اسعارهم بالهبل القميص ناخذه على 20 ولا 16 واهو خام قطن وناعم مافيه شي امس ماخذه لي واحد من hm والله عادي ب16 لو افصله مايطلع علي 8