أفكار بخصوص الهدايا الرجالية ،،،،،، دعوة للمشاركة

[دانة_ دبي]

السلام عليكم





اتمنى يكون مرجع لاقتراحكم بخصوص اللي تقدم هدية لزوجها ف يوم زواجهم او ميلاده

احس خلصت الهدايا :bbbiu:





فكل وحدة تدخل الموضوع ،، تسمعنا شو اشترت او شو الهدايا اللي تقترحها
اتمنى المشاركة و عدم التعمق في الخصوصيات حتى يكون الموضوع مرجع للجميع​

 

[iLLuMinaTion]

خوش موضوع

 

[om . alzeen]

جاكيت او قميص او بدله بالاصح مو شرط بوك وعطر وساعه

اي شي يعجبج تقدرين تغلفينه بشكل حلو وراح يستانس فيه اكيد

 

[Um Tuki]

الحين شتاء تقدرين تاخذين له جاكيت كشخة gap مثلا
عطر / بوك ماركة / كبك ماركة و ارشح لج اقنر / ساعة ماركة / مسبحة كشخة

خذيت حق ريلي من قبل مكينة حلاقة و استانس عليها وايد و يستخدمها دايم
جهاز مساج
و مرة حجزت له في سبا سوو له مساج و حمام مغربي و نظفوه و ياني متشقق ههههههه
مرة دزيت له كب كيك راقي لشغله و استانس و تم يفوشر جدام ربعه
ريلي من عشاق جوكلت باتشي خذيت له ٣ كيلو مكس و طرشته الشغل له

وايد اشياء بس هذا اللي في بالي

 

[Kocheko]

البنات ماقصروا .. والله يسخر لج زوجج

 

[مهندسه مستقبل]

كذا مره رديت على نفس الموضوع
حبوبه يعتمد اهو شنو يحب و شنو ميوله
بس ممم ييبيله صندوق حطي داخلبه عطر يحبه حتى لو قديم بس يكون له ذكرى و مع جاكيت مثل الي قالت الاخت و بوك و اتوقع اكثر شباب يحبون يتابعون كوره قدم فحطيله دبدوب و خلي قميص دبوب على شعار الفريق اللي يحبه او ميداليه حتى لو رخيصه بيبين ان له معنى او فوطه يعني اي شي بسيط بس يتعلق بشي يحبه و مع باقه ورد او يفضل ورده وحده مو مغلفه لان يعتبر رومانسيه اكثر و في اللي يكتبون عالورد ف كتبي عليها كلمه احبك
حبوبه انا كلشي بالدنيا يبتله ل حبيبي بس اكثر شي خلاه يستانس عطر قدييم بس يمكن لان اول هديه و دبوب و مره سويت سجاده حياكه يمكن مترين بمترين ب ايدي على شي يحبه بس اخذ وقت معاي اشهر على مايخلص و حيل استانس عليه
يعني لو تلاحظين الاشياء البسيطه احيانا تونس الريال اكثر من اشياء الثمينه

 

[|النايفه|]

نظاره شمسيه ماركه كشخه
او كبك حلوو
عطر
ساعه

 

[manoooram]

طبعا الهدية مالها وقت محدد أو مناسبة معينه
فأشوف شنو اللي ناقصه واهديه اياه على ذوقي
والحمدالله ان يستانس وتعجبه الهديه

 

[Gifts&Occaions]

البنات كفو ووفو

 

[Beyoncee]

يعطيج العافيه ع الموضوع

 

[زشتة]

دائما تعتمد الهدية هلى نوع هواية الرجل... مثلا زوجي يحب الارسنال ويحب الشغلات الدينية، فأوديله مجلدات ما عنده ياها من كتب بخاطره، و احطله باكج للنادي كبوس مدالية ساعه سكارف كرة فنيله جذي كاملين على بعض، تكونين وديتي هدية بيرفكت، انا اطلبهم دايما من الانترنت عشان يستانس والحمدلله هداياي دايما متميزة وتغليفي حلو... اهتمي للتغليف اكثر شي، وحطي معاهم ككاو وورد عشان الديكور، راح يستانس وايد

 

[dana.7]

شوفي اهو شنو يحب

ممكن تيشيرت او بلوفر او ممكن كيكه على اسمه او مداليه
اقترح شي غير تقليدي او شي اهو ماعنده إياه

 

[قمورتي فطوم]

بجامة نوم
طقم بنطلون وبلوزة
اله حلاقه
اغراض للنادي
جاكيت جزمة عزكم الله
لو راعي ثياب تفصلين له ثوب مع شماغ وعقال وكبك
تحجزين ليله او ليلتين بفندق
لو راعي اجهزة شغلات ابل شكثرها
او لاب توب او جوال
دزي له على مكان شغله باقه ورد او كيكة
طقم روب للحمام
مجموعة عطور
لو يهتم بنفسه لوشنات وكريمات رجاليه

وكل وحدة تعرف نظام زوجها واللي ماقصه تهديه اياه








استغفر الله العظيم واتوب اليه

 

[معزوفة عشق&]

ررررررررفع
ومنكم نستفيد ^_^
سبحان الله وبحمده ,,سبحان الله العظيم

 

[M!SS.LOBY]

والله بصراااحه ساعة ماركة حلووه هذي افضل هدية

 

[xxx]

موضوع مفيد

انا اقول شوفي شنو ناقصه واشتريله

ينقل للقسم المناسب

 

[kndora]

فون يديد توه نازل

 

[دانة_ دبي]

للرررررررررررفع

 

[دانة_ دبي]

اببببببببببببب

 

[رجوى وصالك]

النظارة شوي صعبه ممكن يكون وجهه ضعيف و النظارة كبيرة او العكس

دايم اهدي بوك - كبك - عطر - دهن عود - اقلام - ميدالية مفاتيح

في العطور ما انجح بالاختيار غالبا