أفضل مزيل لمكياج العيون "بعد تجربه طويله"

[FOZQ8]

مرحبا بنات


صارلي فتره اجرب اي مزيل جدامي للكحل اشتريه ومريت بوايد مقالب

ليمن ارتحت على نيتروجينا

روعه ورخيص ويشيل الكحل بضمير ... لكن حسيته شوي شوي ناشف عالعين

سويت هالخطوه

يبت قرشه فاضيه من المزيل كان عندي واشوا ما قطيتها
حطيت 3 ارباعها من منظف نيتروجينا ... والربع الاخير زيت اللوز المر"صوره من النت لزيت اللوز المر"

بنات روعه لا يحرق ولا شي وينظف ويرطب الويه بعد
انا بس اخلص من عيوني ابدي بويهي بنفس المنظف روعه ومو خشن وطريقة اقتصاديه بعد


وانصحكم بدل القطن لان احسه يتنتف داخل العيون ويبقى شوي من الوبر داخل واعاني منه
استخدم مناديل بوتس تهبل نعومه مو طبيعيه يعني ابللها بالمنظف اللي انا مسويته وامسح فيه شوي شوي .. ناعمين ومالوت جونسون ولا شي يمهم

وفي منظف استعملته بعد يهبل صراحه بس مو دايما احصله .... بيوديرما مزيل مكياج العيون يهبل مثل الماي وروعه بس نيتروجينا يأدي الغرض بعد

""احب اقولكم على شغله بس ملاحظه .. راح تلاحظون ان الزيت بيكون فوق والماي تحت حاولي تخضين المنظف قبل اي استعمال عشان يتجانس .. وتقدرين تضيفين زيت اللوز المر لأي منظف قوامه مائي عشان الترطيب ويشيل اسرع"

 

[ام التاريخ]

مشكورة

 

[PINKIA_STYLE]

يعطيج العاافيه

 

[توفـــا]

ثينكس حبوبه​

 

[الأميرة كيرارا]

مشكووورة

 

[FOZQ8]

يعافيكم بنات

 

[law love]

احسن مزيل بايوديرما و بسسسس جربيه عجييييب

 

[الأميرة جوري]

انا ارتاح لمناديل جونسن تنظف عدل ...مشكوووووره

 

[_zahra]

شكرا لج انا انصحج بما اني كنت اعاني من عيون الباندا من بعد الماسكرات والكحل بمزيل الماكياج منظف طبي وعضوي يعني طبيعيي من محل ماكياج ومستحضرات طبيعية اسمه bibi بجاليريا 2000 اليوم استخدمته بس رشتين منه وبكف ايدي مسحت علي ويهي بدون مبالغه الماكياج انمسح ورطبلي ويهي وبعدها غسلت بالماي وصابون خفيف..حتي حاطين عندهم بالمحل انه مستحضرات لمشاهير هوليوود.وفرصة عاملين خصم 15% لين اخر مارس..

 

[Tutti-Frutti]

حلوو شكله

حاليا استقريت على ممسح بس نسيت شسمه
هم تنظيفه حلو وعلى قولتج سالفه القطن تاذيني

يسلموو

 

[عجميه ولي الفخر]

مشكوووره حبيبتيوn7 شفته فبوتس واحترت اخذه بس بحربه ان شاء الله

 

[مضاوي 75]

يعطيج العافيه حبيبتي

 

[لعبة ايام]

يعطييكي العافية مشكورة

 

[BARBIE _PRINCESS]

مشكووووره

 

[شوشو العنزي]

يسلموو

 

[bnt_mafia]

حده عجيب واستانست عليه
حتى يمسح الماسكره القويه او اللي ضد الماي حبيته وايد حق العين
بس ساعات مالقى منه مخلص

 

[kwait doll]

مناديل جونسون زينه

 

[FOZQ8]

حياكم الله بنات
مناديل جونسون انا احبها وعبالي انعم شي .. بس لما جربت مالوت بوتس انصدمت من نعومتهم .. جربوهم خصوصا اللي لونهم ازرق نعومه وترطيب

 

[لآ بيرلآ]

مزيل بيوديرما عجييييييييب ماشاءالله انصحج تجربينه ..

و مشكورة ع الطريقة المبتكرة :*

 

[رفرف]

امووت عليه نيتروجينا بس ماحصله كله مقطوع
وعيزت اجرب انواع كلهم ما ناسبوني نيفيا جونسون لوريال غارنييه كلهم مو شي
اكثر شي عجبني بيوديرما لأن ينظف عدل وجنه ماي ما يحرق ولا يحسس ولا شي وهو نفسه للويه والعيون
وحلوة فكرة زيت اللوز خل اجربه مع الفاشلين اللي عندي يمكن يمسحون احسن وما ينشفون