أفضل مدرسه خاصه بالكويت :)

[أحب أمي]

السلام عليكم ورحمة الله وبركاته .....




:68_asmilies-com:



كيف الحال .....





ابيكم ترشحووون لي افضل






مدرسه خاصه بالكويت ....






بس ما تكون مختلطه !





يعني خريج هالمدرسه يتقن اللغه الانجليزيه <<< هذا اهم شي +__^







هذا فيما يخص أولاً ...





ابي معلومات عن مدرسة الرؤيه






اتذكر انها بالنقره عاد مادري الحين وينها





بالضبط ابي اعرف نظام تعليمهم .....





واختلاط ولا لاء ... ؟؟!!!





سمعت انهم يركزون على التربيه الاسلاميه





معلوومتي صحيحه ولا لاء ؟؟!!!






لاني بالصراحه تهمني بالدرجه الأولى





الـــــبــــــيــــــئه الصالحه :tek:




دمتم بود ....




:klhfl:​

 

[أم أحمد كول]

وعليكم السلام ورحمة الله وبركاته .. الرؤيه فى صباح السالم .. بنات اخوى يدرسون فيها وزجة اخوى تمدح بالمدرسه واايد .. المعلمات واايد يهتمون بالطالبات .. مره بنت اخوى نست تعطى الابله دفتر التربيه الاسلاميه ولا المدرسه تدق الظهر تقول ترى بنتج ما عطتنى الدفتر .. بصراحه عجبنى اهتمام الابله .. وطبعا المدرسه تهتم وااااايد من الناحيه الدينيه .

 

[قلم رصاص]

السلام عليكم

مدرسة الرؤيا مثل ما قالت أم احمد بمنطقة صباح السالم واهي فيها كل المراحل من الروضة لي الثانويه بنات وصبيان وطبعا منفصله ... وفرصة بنات الابتدائي غير بنات الثانوي...

مميزاتها وايد ( بكتب الي اقدر عليه) وان شاء الله ما أنسى شي...

- بيئة اسلاميه
- تدريس اللغة الانجليزيه والعربيه والتركيز على تحفيظ القرآن بمعدل جزء لكل مرحلة دراسية وايضا تدريس التجويد ومادة منفصله (رؤية) بدرس فيها منهج الرؤيه
-والمدرسات صج يهتمون بالطلبه ويكونون على اتصال دائم بأولياء الأمور
-تدريب الطلبه على الاعتماد على النفس..ففي بداية المرحلة المتوسطة يتم انتقال الطلبه من فصل لآخر على حسب الجدول الدراسي( يعني كل ماده بفصل)
-الترتيب في اجتماع اولياء الأمور
-

العيوب:
- جدول دراسي طويل ( 2:30 نهاية الدوام)
-الواجبات كثيره والدراسة تزداد صعوبه مع كل مرحله دراسيه
- الرسوم الدراسية مرتفعه


واذا تذكرت شي بعد بقولكم ​

 

[أحب أمي]

جزاكم الله خير


موفقين يااااربي



صباااح السالم مره وحده !




وانا عبالي لالين بالنقرة ومتباعدتها



صباح السالم يعني بالمنطقه عاشره صووووح




مالهم فرع ثاني ؟؟!!!




او حتى مستقبلاً <<< غصتها العبره +__^




لاني بالجهرا قلت حدي حدي الجابريه وهم




بعيده بس في سبيل العلم



طيب مافيه مدارس مثل نظامها ؟؟؟




ادري غثيتكم بالاسئله تحملووني




لاهنتوا

 

[أحب أمي]

آآآآآآآآآآب

 

[قلم رصاص]

هلا حبوبه

يمكن رياض الصالحين نفس نظامها بس تصدقين مادري بأي منطقه أتوقع بالسالميه وهم بعيد عليكم

ان شاء الله تلقين مدرسه زينه وقريبه عليكم

 

[أحب أمي]

لا السالميه ارحم شووي ان شاء الله



مافيه مشاكل .... بس والله ماعندهم سالفه



لي سنتين اقنع امي اخر شي بعدوا لصباح السالم <<<<توهقت هههههههه



موفقه جزاش الله خير ....




احنا عندنا الرفعه بس !



ما تقارن بالرؤيه بس للبنين لالحين مافتحوا للبنات



الله كريم

 

[Mrs. Finance]

السلام عليكم
اختي طريجج حق صباح السالم اسهل من الجابرية و حولي ( روض الصالحين في حولي مو السالمية ) .. الدائري السادس سحبة وحدهو انت عكس الطريج الناس رايحين و انت رادة
اما الجابرية ساليني انا .. بيت اهلي هناك و مدرستي من قربها ينراح لها مشي وهم اتاخر .. فما بالك حولي الي يتنفجر من الزحمة مدارس و محلات و دوامات!
و موقع المدرسة مو داخل المنطقة .. يم طيبه كلينيك يعني تطلعين من الجهرا خط واحد على الدائري السادس وتدخلين صباح السالم على نهايته و تكملين سيده تلقيتها على يسارج

و انا ان شاء الله ناوية ادخل ولدي الرؤية باذن الله مع اني ما اعرف احد فيها

 

[أحب أمي]

اي انا عارفه


بس طريق الجابريه ارحم


هذاك بر وكأني بسفر


وبعدين متى يرد ومتى آآآآخ


بس ههههههه



بس بدوور رقم تلفوونهم بقترح عليهم يفتحوون



فرح على الاقل بالعاصمه مو شرط بالجهرا


<<<< حلم ابليس بالجنه <<< ماخذه السالفه سهالات



اي والله ابووي ياعمري كان بدخلني فيها



بس امي مارضت لانها كانت بالنقره ....



يالله الحين ناويه ادخل اخووي وعيالي ان شاء الله خخخخخخ



طيب رياض او روض الصالحين شنو مميزاتها ؟؟؟!!



لي الثانوي ولا لاء ؟؟


بنين وبنات ؟؟؟!!



مشكوووره موفقه ياااارب

 

[Ga6waah83]

هلا حبيبتي
مدرسه روض الصالحين واااااااااايد قويه
وعمتي اتدرس فيها مادتين انجليزي وعلوم
واي سؤال انا حاضره

 

[بطاطا]

الرؤية تحتاج اختبار للقبول و اهوا على درجة عالية من المستوى اذا كان الطالب متعدي مرحلة الروضة

تركز على التربية الاسلامية و اللغة العربية المدرسات مستوى عالي جدا



و البنات ما قصروا بالباجي اختي ان شاء الله اكون فدتج

 

[أحب أمي]

هلا حبيبتي القطووه


جزاش الله خير


بس بغيت اعرف رووض الصالحين لي الثانويه



بين وبنات ؟؟!!


خريج المدرسه إجاده للغه انجليزيه ولا مثل طالب الحكومه ؟؟!!!



وشلوون على البيئه هناك ؟؟؟ قصدي الاداره مثل اهتمام الرؤيه ؟؟؟!!



ومنهج التربيه اسلاميه شنو مميزاته ؟؟؟



موفقه الله يعينش

 

[Ga6waah83]

هلا حبيبتي القطووه


جزاش الله خير


بس بغيت اعرف رووض الصالحين لي الثانويه



بين وبنات ؟؟!!


خريج المدرسه إجاده للغه انجليزيه ولا مثل طالب الحكومه ؟؟!!!



وشلوون على البيئه هناك ؟؟؟ قصدي الاداره مثل اهتمام الرؤيه ؟؟؟!!



ومنهج التربيه اسلاميه شنو مميزاته ؟؟؟



موفقه الله يعينش

هلا والله فيج يا قلبي
بالنسبه لإجاده اللغه الانجليزيه مستواهم وايد حلو ومحذرين كل المدرسات انهم ما يتكلون عربي حتى بيناتهم فما بالج جدام الطالبات ...
وصاحب المدرسه عبدالرحمن العليان وااااايد قوي وحازم وادارتهم قويه وكررااااااااف
بالنسبه لمنهج الاسلاميه ماعندي فكره بس اقدر اخلي عمتي تسأل لج ...
والمدرسه بس بنات وحتى لبس المدرسات الزامي شرط لازم عبايه ومافي شي يلمع ....
واعتقد لي صف 10 عندهم​

 

[المحامية هبة السهلي]

الابداع اذا ماني غلطانه نفس النظام وبحولي على الدائري الرابع

الله يوفقج

 

[sHa6o0ra]

شوفي حبوبه من تجربت واحد من معارفنا مع بناته 4 ثلاثه منهم مدخلهم الابداع ووحده بالرؤية

الرؤيه من ناحيه اسلاميه وحفظ قرآن وهالسوالف ممتازه
بس بالانجليزي لا والف لا

اما الابداع عكس

واذا تبين الي احسن من الابداع بالانقليزي روحي المدارس الانجليزيه (مو ثنائيه بس انجليزي) لان هذوله اصلن مافيهم عرب غالبا ومدريسنهم اجانب بس ماعتقد تلاقين فيها بيئه اسلاميه

 

[HusHusH]

عن تجربه شخصيه ..

الرؤيه قويه بشغلات وايد .. وخاصةً المواد الاسلاميه مثل ماوضحو البنات.. والرياضيات
اما بالنسبه للانجليزي ف اهي مو ضعيفه كلّش .. بس مو مثل المدارس الامريكيه
وخريجها ماينخاف عليه بالانجليزي ..
وتتميز بمنهج خاص فيها .. الي اهو منهج "الرؤيه", يدرسون فيه كل شي عن الاخلاق ..
ابتداءً من آداب الطعام وبر الوالدين .. الى امراض القلوب "الحقد والحسد .. الخ" وكيفية التحكم فيها ..
وعلى حد علمي ان أ. نسيبه المطوع اهيا الي حاطه المنهج ..

عيب الرؤيه ادارتها مو منظمه ..


الابداع .. قويه بالانجليزي .. بس الرياضيات اضعف من مستوى الرؤيه بنظري ..
ودراستها عموماً قويه ..
ادارتها OK , ومدرسينها متمكنين .. ويهتمون بالطالب واااايد .. ويتابعون كل طالب أول بأول
وتعلم طلابها الثقه والاعتماد بالنفس ..
مو مختلطه .. وماعليها من ناحية الدين مو مثل باجي المدارس الامريكيه .. وجو المدرسه حلو


وموفقه حبيبتي ..
وقوليلنا شنو بتختارين

 

[شانيل نمبر 5]

انا بصراحه افكر بمدرسه الحياه التابع لابراهيم الخليفي بالسالميه
وايد يمدحونها

 

[أحب أمي]

اممممممممم



والله احترت صراااحه


الابداع مريت عليها


ورسووم غااااليه


ماخذه فكره عنها



بس تحسين بغربه



انا تهمني بالدرجه الاولى البيئه الصالحه


لان للاسف ماصارنا ان لاقيها بالحكومه



على العموم حيرتووني زياده



اي ا.نسبيه المطوع حاطه كم منهج بالرؤيه



بس مادري انا عندي انطباع ان رؤيه


تخرج كفائات يعني الطالب مايتخرج


الا ورااسم خطه لمستقبله مو متخبط


ولا هو عاارف شنو رااح يدخل



فاهمين قصدي مابي اخووي ولا عيالي ان شاء الله



يمرووون بتجاارب الفاشله الي مريت فيها



وشفايده اللغه والشهاده اذا طااالب مو قادر يحدد




وجهته ادري قمت اتفلسف بس شسووي




من كثر ماااني محتاره +__^



الله كريم



وبغيت معلوومات اكثر عن مدرسه الحياة




موفقييييييين



جزاكم الله خير:q8:

 

[slk]

بصراحه عن تجربه النظام الانجليزى واايد صعب اذا تبون لغه انجليزيه قويه انا بنتى فى الابداع الامريكيه فى حولى جربتها من الروضه والحين فى اولى ابتداءى الاهتمام فضيع واهتمام المدرسات وا تلقينه فى الحكومه اغلبهم اجانب علشان جذيه اللغه قويه وحتى العربى والدين فى اهتمام صج رسومها غاليه بس ما فى غيرها حاليا الرؤيه ما فى تركيز عاللغه وصعبه واللمريكيه الى بسلوى اسهل بس مستواها صا ر موزود وحتى الابداع يقولون صعبه ورياض الصالحين يقولون تغيرت اول احسن :nocommint: بصراحه شى يحير

 

[أم أحمد كول]

بنات اشرايكم بالباكستانيه الانجليزيه اللى بالسالميه .. اللى عندها معلومات ياريت تفيدنى وشكراااااااا