أفضل طريقة لعلاج القمل

[ماكنتوش 1988]

? انا عارفة الموضوع هذا يكون محرج وعارفه ان فيه بيوت كثير نظيفة وبناتهم نظيفة لكن يتعادون من الاقارب ومن الحضانة والمدارس بالقمل او حشرات الرأس

فبقولج الحل شنو
هما خطوتين علشان الموضوع هذا ينتهى بس قبل ما اقولهم راح اقولج على الوقاية
لو بنتك الحمد لله مو منعدية من احد يبقى حطيلها كل شهر او شهرين حطيلها مرة بس في شعرها لايسيد(لايسيد هو علاج للقمل من الصيدليه)
ولو فيه احد معين في العايلة اطفاله عندهم وتخافين على بنتك قوليلهم على لايسيد جد ممتاز للوقاية لكن للعلاج مايكون بروحه

قبل ما تروحين عند الناس اللى خايفه من قمل بناتهم حطي لبنتك دهن لايسيد على شعرها علشان ما يعرف يهرب لشعرها من البنات (مسحه خفيفه)

نجي للعلاج :
الموضوع اتأزم خلاص وصارت مشكلة مو عارفة تخلصين منها راح اخلصك منها في 3 ايام بإذن الله تعالى ??اول شي دهني شعر بنتك بلايسيد كمية وفيرة يعني وتحطين على طرف اصابعج وتدعكين فروة راسها كللها وتمشطينها مرتين في اليوم
كل الكبير راح ينزل لكن يتبقى البيض حقه اللى بيكون لازق وحتى ماينزل كله في المشط الضيق فشنو تسوين؟؟?? ??هذي الخطوة الثانية تروحين مسشورة شعر بنتك راح تلاقين شعرها نظف تمااااااااااااااما لان البيض يموت بالشي الساخن وبيظل لازق بشعرها مثل القشرة بالضبط وبيطيح من على الشعرة ماراح يضل لازق فيها وهما 3 ايام وبتمشطين شعر بنتك فيه وماراح تلاقين شي ينزل منه وتظلين كل فترة جذي تعطينها رشة لايسيد للوقاية