أفضل صالون اطفال

[مزاااج]

السلام عليكم ورحمه الله وبركاته

مســــائــكم مطر وخير

شلونكم يا أمهات عساكم بخير وعيالكم بخير


بروح لصالون أطفال جديد>>>كنوع من التغيير وأبيه يكون بروفيشينال وسويت بحث بالمنتدى

ماحصلت شي.. وحبيت افتح موضوع عن هالموضوع وفيه نعرف شنو احسن صالون بالكويت

نبي تجاربكم يعني شعر ولدج / بنتــج بعد ماحلقتيه حصلتي النتيجه اللي تعجبج انصحينا وقولي عند

منو تحديدا لأنه مثل ماتعرفون بالصالون الواحد يكون واحد شغله روعه واحد تلعنين اليوم اللي دشيتي فيه الصالون .

مع ذكر الــعنوان بالضبط .


وجزاكم الله خير





​

 

[مزاااج]

رد : أفضل صالون اطفال

افيدونـــا ياكويتيـــات ​

 

[ام نيوفي]

انا عالطول اودي عيالي صالون ليسباس في المنقف عند واحد اسمه ( طوني )قصه روعه

 

[أحب الصدق وأعمل به]

صالون خلف امل الكويت اللي مجابل النقرة الجنوبي ما اعرف اسمه بس خلي النقرة الجنوبي الباب الجانبي علا يسارج اول فتحة يمين لفي صاير بالخلف موجودة يافطة الصالون بس ما اعرف اسمه صراحة خوش صالون سوريين وشطار جربته مرتين يعرفون يقصون الشعر مو نفس دبدوب وارنوب بالروضة ما يعرفون القص اختربو روحي وجربي بالذات حق الصبيان يهبل قصهم

 

[Maltesers]

برنسس اند كارييبيان

princess and carabien بمول جمعية الجابرية فوق عجيب قصهم وتقدرين تصيفينهم عندج عالفيس بوك .. انا طحت عليهم من الفيس بوك

 

[المميزه84]

مجمع الوطنيه الي بالسالميه يم مجمع الثريا يكون بشارع الي فيه الفنار

المهم بالمجمع فووق صالون اطفال الي يقص لبناني مووووصج كان بلبنان يقص حق حريم كبار لايطوووفكم وعنده اشياء حق الشعر عجييبه خصوصا الي عندها بنت ختروح عنده يقص نفص حصة اللوغاني والقصات الدارجه

انا وديت بنتي صالون اطفال خرب شعها ولا اوديها حق الصالون الي بالوطنيه والله حرام صج امين قالي انا اقدر اقصه واخذ فلووس بس حرام نطريه يطول ويبيها اعدله وشفت بنت قاصه عنده يهبل شعرها حده ستااايل روحوي وشوفي وحكمي بنفسج وادعيلي

 

[مزاااج]

مشكورين كل اللي ردوا حبايبي لاخلا ولا عدم

واتمنى من كل وحده تدش تسجل حضورها بأسم صالونها المفضل

ناطرينكم


​

 

[زنوبة الحلوة]

والله يا بنات افدتوني بجم حلاق ان شاء الله ناوية اجربهم


لان صج ما اودي ولدي غير ارنوبة ودبدوب مرة يسووونة شحلاتة و مرة مو شي وننطر يطول شعرة علشان بس احلقة



شكلي بوديه يا اللي بالجابرية مول او اللي بالوطنية شوقتوني عليهم

 

[q.u.e.e.n]

أنا أودي اعيالي أرنوب ودبدوب الي في جمعية الروضة وااايد حلوو

 

[eng^^zozo]

وااايد حلو الموضوع مشكوره افدتونه بنات ..

عجبني هذا مال الوطنيه شكله بيرفكت بنجربه ان شاء الله لليهال

 

[بلاك بيريا]

مجمع شاهه فوق
لبناني اسمه اياد قديم حيل وله شهرته
بصراحه هذا الصالون يا بلا
وعلى فكره اللي تكلمون عنه البنات مجمع الوطنيه اسمه بسام
كان مع اياد قبل وطلع من جم سنه وبصراحه أثنينهم حلوين وشاطرين
ومبدعين بالقص*

 

[سموره 87]

ارنوب و دبدوب الروضة


ودي اجرب اللي قلتوا عنهم

 

[noynoy]

ارنوبه و دبدوب اللي بمشرف
حلو و الله و قصهم مرتب

 

[ام بدريه 8]

السلام علكم بنات انا ابي اخرى قصات شعر امان بنات علموني شنو

 

[ام بدريه 8]

اخرى صبغات الشعر

 

[ام بدريه 8]

مشكورين اذاني غثيتكم بالاساله

 

[Chic & Unique]

انا اقص شعر بنتي في ارنوب و دبدوب بالافنيوز عجيب و مرتاحه عليه كل شهرين اقص شعرها مره عشان يثخن و فعلا تعدل وااااايد عن اول اهيه الحين عمرها سنه و شهرين

 

[روعة خيال]

اقصهم عند صالون ديزني اللي بالجابرية

بس قصهم عادي مو واااو

 

[جورجيت]

جزيل الشكر...
الله يخلي اطفالكم ويعينكم على تربيتهم .

 

[AVE.NJ]

امبيه ارنوب ودبدوب عن تجربه من قبل يومين قاصه شعر ولدي صاير ولدي نمونه والكل قالي صاير ولدج مو حلو من القصه
صج بنات القصه تاثر على الويه
انه صج اعذر اللي قص حق ولدي لانه سوا زلزال بالصالون بس يظل ولدي مو حلوه قصته
انه جنه بجرب اللي مجمع شاهه بس خل يطلع شعره اول