عزيزتي فوفو
انا واقعيه وغير انفعاليه
انا انفعل لما انتو بين انفسكم تعرفون الحقيقه لكن تحبون تزخرفونها
عشان ترضون انفسكم !
يعني بقراره نفسكم عارفين الحقيقه بس تدورون لها مسهلات
ومبررات وحجج،،،!
انا مارفض كلامكم انا ارفض تزييفكم للحقيقه وخداع نفسكم
اوك احنا ب2013
اوك بتطور ًًاوك تطورنا وصار التلفون بيد الياهل والمراهقه والمره والعيووز
اوك فااهمه والله
اي نعم ضايفين دكاتره واخصاائيين
اماعاد ربع عيالنااا وووو لاااا بصراحه،،!
صح الحين تفتحنا وااايد عن قبل
وانا ماا احطلج الريال ملاك لااا
الرياايييل كلللهم خونه حتئ اللي ماخان ولاصادت عليه زوجته شي هم
بنظري قابل للانحراف والخيانه
ندري عندهم تويتر وانستغرام وواتس اب ووووو
وممكن يضيفون بنات اوك
ويردون عليهم من باب المجامله وباحترام
انا عارفه كل هالامور
ً
لايغرج كلامي انا مرنه مع ريلي مثلا بمطعم شوف هذي شحلاتها
وي ياحلات صبغتهاا
وعااادي واضحك وحتئ اذا تجاوب مع كلامي
ً
تلاقيني ارد عليه بكل اريحييه!
عارفين احنا الثقه
ً
وعارفين حدودها
وعارفين ان الريل موخرووف الزق عيونه ببلاستر
واحطله اوامر عسكريه
لا طبعااا
عارفه ان الريال ليبغا شي يسويه يسوويه
لاترده مره ولاعيال
واااااايد اشيا متاكده منهااا
ً
اللي علي انا اكون كاااااااامله بكل شي
واحاسب نفسي ع كل تقصييير
واوفرله واقدم له كلللل اللي مايحلم فيه
بس بالمقاااابل
كرامتي مايجرحها بسهر لي الفير!
وكرامتي مايجرحها بردووده ع المضافين!
كرامتي مايجرحهااا بروحي لاهلج
ً
انا ماحبج انا مابيج انا بتزوج عليج!
كرامتي مايجرحها ليدش علي البيت طلع الايفون
وقعد يطقطق جدااامي واانا مالي وجوود!
ارقامه اعرفها وارقامه السريه اعرفها ومعاه في كل شي
مافرضت عليه هالشي انا بحترامي لنفسي
وبقومتي فيه خليته اهو اللي يصرر اعرف هذا وهذا
ولله الحمد
مااانزه نفسي انا بشر واخطي واهو بعد
واهو هم موكاامل
لكن خطوطه الحمرا معاي مايتعدااها ابد ولا اناقشه فيها
مرنه بكللللل شي الاهالسوالف
مولاني بخرعه وبيطيعني لااا بس عشان يعرف اني صااارمه ولايمكن
اتجاوب ولااسمح له يتمادا،،،،!
ًً
واذا اخطا اكيد بساامحه واكيد بحافظ ع بيتي واكيد حياتي موهينه
اخربها بلحظه
بس هااا؟
ع الامور الطبيعيه اما الامور الجااايده لاوالله ياوخيتي
مسسسسسسسسستحييييييل اتجاوب معاه لوشصاار
هذا طبع فيني،،،،،...
وخواتي البنات
لا يبا سامحو وتغااضوو وخلكم مرنيين وتحااشوو
وبدو النوايا الطيبه
اما عااد يغازل جدامي!
ويخوني جدامي!
ويحقرني ويبدي الزبايل تكرموون!
ويحطله ارقام سريه ويخشش جهازه!
والسهر لي الفير !
ومعطيني طاااف ولاداري عني!
ويقولي مابيج ويتزوج علي تالي عاد اقعد
اتنقزز بوييه واتضحكوك واتلبس له واتلزق فيه
واتلقلق له ومالي شغل الا رضاااه!
واصلي وادعيله!
لا والله لابوه لابو اليوم اللي كتبو حبر ملجتنا فيه
اتمسك فيه اذا تمسك فيني
ًاقدره اذا قدرني
احشمه اذا حشمني
واتغااضا عنه اذا داراني
اما انا اعطي وانطعن بظهري وتقلل قيمتي وتنهان
كرامتي وانصب طولي جدامه ليل نهار اترجا منه الضحكه
والابتساامهً
لااااا لاااااا لااااااااااااالااااااااااا
انا بعد بشر ولنفسي علي حق اكرمها
ربي كرمني ماذلني واهانني
ليش اسمح لعبد من عبيده يمرمطني بحجه ريلي وبيتي!؟
