أعور .. ويتنقور ..

[FeShinGoOo]

قووه بنات ..

ببلش بالموضوع بمثال لوحده قريبه مني حيل ..
البنت وماعليها قاصر ماقولكم ملكة جمال بس مملوحه ومافيها شي ينعاب او شي بشع بشكلها
هاذا غير اخلاقها واسلوبها والظحكه الي ماتفارقها .. وهم ذويقه وتهتم بنفسها وبكشختها وبعطورها وفبيتها .. قايم بكل حقوق بيتها وزوجها وعيالها ..
اني حق زوجها ..
متين .. مصلع .. اسنانه سود من الزقاير .. بخيل نفسه خايسه كله مبوز ومطنقر .. ومايدري عن بيته ولا عن عياله حياته كلها الديوانيه والقهوه ..
مع هاذا البنت متحمله وساكته وتحبه وراضيه فيه
بس اللي يحر صج ان هالريال كل ماسوتله شغله حلوه كسر فيها
اذا لبست عيب على جسمها (( اهي شوي متروسه بس مو امتن منه تطلع عنده كتكوته ))
اذا دلعته وقالتله كلام حلو (( عطاها ظهره ونام ))
اتدزله مسجات حب وغرام او مسجات عاديه (( مايرد عليها كلش ))
اذا طبختله ياكل الصحن كله (( ويقولها مو حلو مو نفس طباخ امي ))
مايصرف عليها وعلى عيالها فمسكينه تشتري اشياء رخيصه حق عيالها ال 3 (( وتالي يعيب يقولها شاريتلهم صيني وبوطقه )) انزين انت مو قاعد تصرف من وين تبيها تشتري ؟؟
هاذا غير انه كل مناسبه مسافر وهادها وعمره ماسفرها مكان اللهم شهر العسل ..
واذا طلعت وحده بالتلفزيون قال اي هاذا الجسم .. هاذا الشعر .. هاذا الجمال .. ويمدح بالممثلات الهابطات .. وطبعا كذا مره يهددها بالزواج وان بتزوج وحده ثانيه (( انت اصرف على وحده عشان تصرف على 2 ))


اللي بعرفه ليش يسوي جذي ..؟؟
البنت كامله والكامل الله
واهو المعيوب واللي متروس عذاريب
ليش جذي يعاملها ؟؟ شنو يبي ؟؟
والله البنات الي اقل منها متهنين واهي ماعليها قاصر
كافي اخلاقها واسلوبها والله ماينشبع منها ومن سوالفها


صج لي قالو


(( اعور ويتنقور ))

منو مصادفه حالات مشابهه وتتوقعون ليش ؟؟​

 

[بتبوتااا]

اووو في وايد جذي والي يبط الجبد انه المره تموت في دباديبه وهالشي الي مخليه واثق من روحه /:
اعرف وحده كلمه تهبل شوي عليهاا متزوجه واحد الكل مستغرب شلون خذت هذاا ! وطبعاا المفروض اهو يحمد ربه ليل ونهار على البنت

بس موريها نجوم الفير بعز القايله ونفسيه ووصخ ياكل وبمش ايده بالطوف وكرشته شكبرهااا ومطيح حظ حظها ومهددها يتزوج عليهاا منو بتتحملك انت 

ولا منو تجابل ويهك استغفر الله لو على الويه خلقت ربي بس وصاخه وكلام قذر وريحه معفنه وسب وطق للبنت مسكينه /:

الله يعينهم الي من هالنمونه

 

[amami al-kuwai]

حبيبتي هالاشكال ماتخلص

والمشكله الهره يعني مو معقوله مســيــبــج وتحبينه وتدورين رضاه

لو تعطيه المره طاف لو اسبوع وما تهتم فيه شوفي شلون يركض مثل الخاروف وراها

 

[Judy . abbot]

الله يهديه حقها
صج انه فيه وايد عذاريب
بس يمكن يبيها تضعف خل تسوي داايت وتسوي نيو لوك
وخل تقوله يضعف ويقطع زقاير واي شي بخاطرها بس بدلع واسلوب حلو
ولا شمعني هالريايل مايخلون بخاطرهم شي
بس سالفه مايصرف علي البيت مو بكيفه يعطوونه حق كل ياهل ٥٠ دينار واهوه حتي مايشتريلهم هدمه زينه يلبسونها ؟؟!
حرام الله بيحاسبه باجر اهوه ريال البيت وحتي لو ماعنده ميخالف خل يساهم لو بشي بسيط

 

[توتا حمرا]

الزوجة لازم ماتعطي زوجها كل شي
لأن في رياييل يجوفون روحهم ويغترون
لازم اتخليه يحس بالمسؤولية مو مرتاح من كللللل الجوانب حتى ماديا وما اتطالب بحقوقها راح اتضيع

 

[شذى الحب]

معقوله في ازواج جذي ؟ الله يبعدنا عن هالاشكال يارب

 

[اينااس]

الله يعينه

 

[sosowaty]

استغفرالله الله يسخره لهاا

 

[زوجة الوزير]

اختي كذا وزوجها العن من هذا والله انها صابره ومتحملته عشان عيالها
وربي انها تصبر وتتحمل لدرجة جاها القلب وهي باقي صغيره الله يشفيها ويبعد المرض عنها وعنا
حسبنا الله ونعم الوكيل في كذا اشكااااال

 

[! بــدويه وآآيــد !]

،


واااي مسجينه كسسرت خاااطري

مايحضرني شي حاليا اذا سامعه جذي من قبل والا لا !

 

[جولينار]

مايحضرني شي حاليا



بس بصراحة هي اللي معطيته وجه

 

[بنت عز وما تنهز]

انا اعرف اذا الزوجه افضل من الزوج جمال واخلاق وسنع

فالزوج مايحب يمدحها عشان ماتتكبر عليه وتقول انا وانا

يحب يكسر مجاديفها والمراه رقيقه اقل كلمه بتكسر ثقتها بنفسها وتخليها ادور الي يرضيه

هذا مال تعطيه اكبر طااااف

ودايم خل تقوله افلانه مدحتني
افلانه مااتت علي طباخي

وحده خطبتني بالعرس


خليها تعيد ثقتها بنفسها

وتحسسه ان رايه فيها مو مهم

وخل يكون عندها رايي اذا قال بتزوج

خل تقوله تزوج ماتشوف شر
انا بعيش حياتي وبسافر وبستانس انا وعيالي
والله يسلم الحكومه ماتخلي علينا قاصر

خل تصير قويه بردودها ترا الرجال يحب المراه الي تهمشه ماتركض وراه


واهي ادري بمصلحتها

والله يسخرلها زوجها

 

[حبيبي فهوودي]

الله يسهل عليها ويسخر لها زوجها

 

[om_dodo]

الحمدالله الذى عافانا ولا ابتلانا

 

[كلي لحبيبي]

هذي اخررت الدلع

 

[غرور الريم]

انا لو منها احط طلقتين براسه .... اصلع ومتين وتعيب بعد ولا بخيل
الله يكوون بعوونه استغفر الله

 

[شادن33]

ويعه تويعه!!!!!بطط جبدي قاعده أتخيل شكله استغفر الله
حبيبتي انا اقولج السر في هالنماين!!!!!
الريال سواءا كان قبيح ولا وسيم اذا ذااااااك الشي تمام ومضبوط يكون اوكييييه فهمتي
اما اذا كان مو على هواه يقلب على المره لو ملكه جمال وسنعه والعكس صحيح

 

[FeShinGoOo]

^^


شادن اهو من متنه مايقدر يسوي شي على قولتها يبي ينبطح ويبيها اهي تسوي كلشي :/ والله اشلون بالله شتسويله فقيره

 

[دلوعه ززوجي]

يمه نفس زوجت ولد عم زوجي كل مطنشه لا وبخيل حيل وكل هذا كوم وانه مايجيب اعيال كوم وانه مايسافر معها كل يسافر مع ربعه فر العالم وغير هذا عند فلوس تكفيه العمر كله وهي المسكينه صابره مادري ليش سبحان الله نفس الموصفات

 

[hazel eyes]

الله يعينهاا

انا اعرف العكس اعررف واااحد مزيوون واخلاق. وحاط مررته يادهينه لاتنكتين وميصرف عليها وعلى البيت وعياله وسفرات وكل اللي خاطرها فيه واهي لاجمال ولا اخلاق ولا اسلوب وفوق هذا طايحه فيه تمسخر بس مو جدامه جدام الناس لايودي ولاييب ومن هالكلام ومو عاجبها العجب