أعلم و لا أسكت :)

[السكرة المعسولة]

:nbptr:صبااااااااح \ مسااااااااء الخير

شلونكم و شلوون الحماله معااكم ؟؟

الله يعينا و يسهل علينا كلنا:eh_s(15):

المهم موضوعي اعلم و لا أسكت اقصد بجنس البيبي علشان انا ناوية ابدا اخر الشهر بالتجهيز

بحمالتي ببنتي ما علمت شريت موحد بس اختي جهزت لولدها بعدي كل شي ازرق لأنها متاكدة على كلام دكتورتها

و كان حلوووو كل شي ازرق

انا الحين اعرف شنو بيبي ، بس اختار لون و انفضح و لا موحد و اسكت ؟؟؟
شرااايكم ؟؟؟؟؟؟؟؟؟

 

[angel_soul_1989]

رد : أعلم و لا أسكت

عادي جهزي الي بخاطرج فيه ازرق وردي وبعدين الناس شعرفهم شنو شريتي ولا اي لون جهزتي واذا انتي اخر الشهور من رايي عادي اذا درووو والي يحبج بيفرحلج والله يتمم عليج

 

[زينانه]

اذا ماتبين احد يعرف جهزي كله الوان محايده .. ابيض وبيج واصفر بس...
ولاحقه عالالوان ... حتى بطلعة الاربعين تلبسين البيبي باللي تبين وبخاطرج.
وممكن تشترين الالوان اللي تبينها وخشيها بمكان معين بعيد عن عيون الكل
وطلعيها بالوقت المناسب

 

[%جابرة الخواطر%]

رد : أعلم و لا أسكت

انا من النوع اللي مااعلم لأن اشوفها احلى وامتع والكل متشوق يعرف شنو فيني ،،
ومع ذلك اشتري اللي خاطري فيه .. ومااوري الملون اخشه .. اما الموحد عادي اوريهم
موفقة والله يسهل علينا وعليج الولادة ،،
*

 

[أم عبداللطيف]

لا والله واااي يشوقون الملابس لليهال ما اعرف اشتري موحد كيفهم الاودام اشتري على جنس المولود وافرحي فيه وخشيه عن عيون الكل وعقبها ان شاء الله تولدين بالسلامة وتلبسينه سالم معافى كامل سليم ياربي

الله يسهل علينا يارب اللهم اسألك حسن الخلق وهون الطلق

 

[^هديل الكويت^]

رد : أعلم و لا أسكت

انا في بجري ماعلمت الثاني علمت وجنه الثاني بعد وفي بنوتي ماعلمت وتعالي شوفي سونارات الاهل هههههههههههههههههههههههه كل واحد يقول بطنج مدور ولد واللي مادري شقول وانا اضحك

انا عن نفسي صراحه اختي صعب اخش عنها ودي بس ما اقدر لانها توام روحي مو رحمي الله يخلينا لبعض يارب

 

[كويتيه مذهله 87]

اذا بتشترين روحي السوق بروحج واشتري الالوان ووديهم البيت
بعد شنو ما ابي احد يدري خو الثياب موجودين اب بيتج

 

[أنفاسي دخون]

جهزي اللي بخاطرش واذا على الناس علميهم اذا سألوا

انا والله اعلم معروف يا ولد يا بنت مالهم ثالث

 

[مدام د.علي]

رد : أعلم و لا أسكت

لا تزعلون .. بس يعني شنو الهدف انج ما تعلمين

يعني شنو بتولدين مخلوق ثالث مثلا .. اكيد يا بنت يا ولد حالج حال الناس

واذا الناس ما فرحولج بتستانسين .. ولا خايفة من الحسد .. الحريم تولد اكثر من القطاوة ترا

وما تغثني غير اللي فيها بنت وتقول مو مبين ..

حبوبة ترا مردنا بنعرف ,, حركات الحريم هذي بطلوها

 

[عاشقه الاسمرانى27]

نصيحه منى لاتعلمين والبنات اللى يقولون علمى يا ولد يا بنت

والله انا ما كنت اعرف شنو فينى ومن اول حملى من مستشفى لمستشفى واخيرا مستشفى الاعصاااااااب

حبيباااتى العين علينا حق والعين ما ترحم....خااااااافوا على عمركم وعلى اجنتكم تراا الحماااااال مو سهل عسا الله يتمم عليكم يارب

 

[متيمه بهواه]

رد : أعلم و لا أسكت

لا تزعلون .. بس يعني شنو الهدف انج ما تعلمين

يعني شنو بتولدين مخلوق ثالث مثلا .. اكيد يا بنت يا ولد حالج حال الناس

واذا الناس ما فرحولج بتستانسين .. ولا خايفة من الحسد .. الحريم تولد اكثر من القطاوة ترا

وما تغثني غير اللي فيها بنت وتقول مو مبين ..

حبوبة ترا مردنا بنعرف ,, حركات الحريم هذي بطلوها

ماعليه حبوبه
انا بقول لك ليش ...؟؟

اولا فيه حديث للرسول عليه افضل الصلاة والسلآم بمعناه
أقضوا حوائجكم بالكتمان ماهو خوف ولا شي بس الوحده تحب احيانا تكون عندها بعض الخصوصيه مو كل شي يطلع عليه الناس

بكره هذي درت والثانيه والي وراا والي بعدها والحي كامل
إذا ولدت بالسلامه يقولون لها فلانه ولدت يردن ايه ندري سمعنا من فلانه أنها ببطنها كذا

بعكس لما محد يدري
أي الحمد لله على سلامتها شنو جابت يعني تحسين الواحد متحمس حق هالشي

والعين حق يعني فيه ناس ماتصلي على النبي وفيه ناس فيها خير بعيد الشر تقرض فيكـ لين تقول اميــن

وماني مجبوره أهتم لـ فلانه وعلانه أني اخبرها بشنو الي ببطنــي ...

وبالنسبة ل ياصاحبة الموضوع
سوي الي انتي مقتنعه فيه ولا عليكـ من احد

لانه رضا الناس غاية لاتدركـ
حتى لو صبيتي لهم عيونكـ

:yaaaaaarb:والله يتمم حملك على خير يارب :yaaaaaarb:
​

 

[(أم نونو)]

رد : أعلم و لا أسكت

انا جذي ما اعلم احد اروح السوق انا وزوجي واشتري واخش في بيتي واذا ولدت بيدرون ماله داعيه يعرفون وهو توه في بطني

 

[Brounzi_girlly]

رد : أعلم و لا أسكت

أنا عن نفسي ماحب أعلم. أحب المفاجأة.
مع التحية

 

[Brounzi_girlly]

رد : أعلم و لا أسكت

أنا عن نفسي ماحب أعلم. أحب المفاجأة.
مع التحية

 

[دنيتى زوجي M]

انا عن نفسي عادي قلت وبعد لان اول بيبي

بس انتي شوفي شنو اللي يريحج وسويه

 

[غلاي امي وزوجي]

الي يريحج سوييه

 

[tmtmt]

انا اشوف فزت القلب اذا خشيتوا اكثر من لما تقولين ...

يعني الوحده ماتقول الا لما يبين بطنها بالرابع ولا بالثالث
تلقين الوحده سيده تشهق مو مبييين مثلا
ولا اي تعليق

وبتخشين جنس البيبي الي يا ولد يا بنت
واذا يبتي ولد مثلا
وحده بتقول اي شفتوا قتتلكم
والثانيه بتقول صجج توقعتها بنيه شكل بطنها مو صبي
ولا تعبها بالنساة مو حق بنت ولي ولي ولي ....

فهم راح يعطون عين الله يحميج منها

انا مع الي ما تقول لين تروح تتطمن بالسونار وبس
وكل واحد وقناعاته

*

 

[غلاي غير]

اذا الي حوالينج يعلمون علمي اذا لا لاتعلمين
وسواء علمتي او ماعلمتي شكو ملابس البيبي ولونهم فيهم
اشتري باللي خاطرج فيه واستانسي وماعليج من احد

 

[جذابه بنت ذيابه]

رد : أعلم و لا أسكت

انا الصراحه اعلم
وانتي براحتج ..

 

[ام مسااعد]

انا وحده ما اعرف اخش وليش اخش الحمدلله الكل عنده خييير ونعمه وعلي قولتكم يابنت ياولد اللي ايي من الله حياه الله
وسبحان الله علي حسب اللي حوالييج اذا يفرحونلج قولي واذا بس بلاغه شف ظيعي السالفه خخخخ