أعشاب تشد الجسم..؟!!

[*Rose*]

"
"

السلام عليكم ورحمة الله وبركاته

"
"

مرحبا بنات

ياليت تساعدوني إذا تعرفون اعشاب تساعد على تقوية الجسم وشده.. أنا حالياً امشي على السير على أمل انه يشد جسمي بس أنا ابي نتيجه سريعه ومره شفت بنت خالتي تقول انها مداومه على الرشاد والحبه الحلوه يشدون الجسم :eh_s(15):

وحبيت اسألكم إذا هالشي صج ولا لا؟!!! وإذا تعرفون اي اعشاب ثانيه مفيده لشد الجسم ياليت ماتبخلووون علي :eh_s(22):

 

[ii DareeN ii]

يقولون زبد البحر وخل التفاح يشد الجسم

 

[Shestylet]

الشومر وايد ممتاز لشد الجسم وتلقينه مع بهارات مجدي قفشة وحدة من مرتين الى ثلاث مرات تاخذينها مه روبه خالية الدسم

 

[عرووووس الكون]

حتى انا سمعت عن خل التفاح وشريته بس ماجربته

 

[اغزيل]

انا سمعت حبة الشومر

وفعلا اشربها مع زنجبيل وشاي اخضر يوميا ثلاث مرات

بعد الوجبات

والحمدلله احس اني مستفيدة منها

 

[اغزيل]

انا سمعت حبة الشومر

وفعلا اشربها مع زنجبيل وشاي اخضر يوميا ثلاث مرات

بعد الوجبات

والحمدلله احس اني مستفيدة منها

 

[ريمه الكويت]

يمدحون بالينسون عقب الاكل يذوب الشحوم

 

[تفاحة حمرة]

هلا والله باختي والله كل اللي قالوه البنات يشد الجسم ماقصرو

واضافه انا استخدم بعد صابون دووف لشد الجسم وصج يشد الجسم

ولاتنسين المشي يشد الجسم

وان شاء الله يشد جسمج باسرع وقت

 

[همسات ليالي]

والله انا ااستخدم كريم دوف بس ما كوووو نتيجه

 

[همسات ليالي]

والله انا ااستخدم كريم دوف بس ما كوووو نتيجه

 

[ونه]

اختي حبة الحلوه اللي هي الشمر ... فعلا معروفه انها تشد الجسم
انا قاريه عنها كثير وقبل جربتها برجيمي الاول.. فعلا روعه وتشد شد
تاخذين ملعقه وحده او ثنتين تحطينهم بقلاص ماي مغلي وتغطينه لمة ربع ساعه
وتشخلينه وتشربينه بدون سكر مرتين او ثلاث مرات باليوم ... وادعيلي

 

[معلمة العاصمة]

انا وحده استخدم مع الشاى الاخضر الينسون ومرات ميرامية بس فيه فايده جربى حبيبتى وما راح تندمين

 

[ام عبود_q8]

اول شئ ياعمري يبيلج صبر احنا مشكلتنا ان ما عندنا صبر نبي الشئ يصير بلحظة.. واي خلطة يبيلها صبر مو يوم وليلة بنلقى الجسم شد اقل شئ شهر ويمكن شهرين حسب الجسم ..

شوفي يالعالية هذي الخلطة حيل حلوة وفعلا تشد بس مثل ما قلت لج يبيله صبر..

1. م حبة حلوة

1 .م ميرمية

1 .م زعتر

تحطينهم بكوب وتصبين عليهم ماي مغلي وتخلينهم ينقعون شوي بعدين تشخلينهم وتشربينهم ..حيل زينة وتشد الجسم ..

وفيه خلطة الاخت سبائك حيل زينه ويمدحونها بس انا عن نفسي ماجربتها صراحة..

 

[ROBY]

بنات الينسون والشومر هذيل مدررات بول ونتو بكرامة يعني لاتزيدون منه بكثره لاتتعبون الكلى من كثر عمليه الترشيح الي تصير لها .. وسالو اي دكتور ويقولكم

بس الخل بانواعه وزبد البحر هذيل صج لهم مفعول شد على الجسم .. بس يجففون البشره حاريين حيل مع بعض

 

[^كويتية^]

حبيبتي يمدحون الشومر وااايد
و اذا تبين شي بسرعه جربي مشاد الشد حددده اييب نتيجه اسرع

 

[قهوة عربية]

مشكورين بنات ...يعطيكم العافية

بس ماقلتوا لنا شنو هذا زبد البحر ...يعني هذه عشبة أو حبوب ولا شنو بالضبط ؟؟؟ ووين تنباع ...عند الصيدلية مثلا أو عند الحواي

 

[موت الحمر]

كريم نيفيا او لوريال و بس

 

[الماسة22]

ما عندي اي فكرة حبيبتي

 

[حرير]

كويتيه ...شنو مشاد الشد؟؟

 

[خبيرة اعشاب]

مرحبا

بنات ما ابي اعقدكم ؟؟؟ بس للحين ترى ما في اي عشبة اتساعد بشكل فعاال في شد الجسم ( شد الجسم طبعا مو التخسيس ) ..في شغلات موضعية لها نتائج جيدة نوعا ما ..بس اعشاب للاستعمال الذاخلي ؟؟ لا يوجد ...

و الخلطة الي كنت ذكرتها للاستعمال الخرجي لشد الجسم هي عبارة عن لسان بحر مطحون حوالي 10 ملاعق كبيرة + ملعقة متوسطة شبة + 5 ملاعق كبيرة خل تفاح + علبة صغيرة جلسوليد او جلسرين + القليل من زيت السمسم + كريم دوف لشد الجسم حوالي نصف علبة

تخلط و تدهن بها المنطقة المراد شدها يوميا مع التدليك بشكل دائري .. و ايضا الرياضة لها دور كبير في شد الجسم ...

و انا لاحظت من خلال بعض ردود البنات ان في خلط بين شد الجسم و اذابة الدهون ... و بالتالي الشاي الاخضر او المريمية او الزعتر ...او غيره مالهم علاقة بموضوع الشد انما اذي اعشاب اتساعد على التنحيف فقط