أعراض بعد الإرجاع دوره ولا حمل

[ماسة الاسلام]

شلونكم بنات أنا بسابع يوم من الارجاع أحس بنغزات بصدري وهالنغزات عندي من أعراض الدوره يعني ماكو حمل ومنو تجيها نغزات بصدر ووقت الدوره ولما حملت فيها نفس النغزات وودي أطلع زهقت أبي أشوف أهلي عادي أطلع وأنا بالدور الثاني وبيت أهلي بعد في درج نفسي اشوف أهلي ولو بحلل في اليوم 12 يبين وأنا ولا مره حللت هرموني أروح للمختبر أقوله أبي تحليل هرموني وجم سعره ومتى تطلع نتيجته أدري كثرت أسأله بس ما أبي أنطر لليوم 14 لأني عندي دوام وآنا ماخذه الطبيه من يوم السحب مو من يوم الإرجاع بليز جاوبوني:bbbiu:

 

[ماسة الاسلام]

شدعوه بنات وينكم ليه دخلتوا ومارديتوا علي

 

[عسل حدي]

التحليل الهرموني ب١٠ ويطلع بعد ساعه
وبالنسبه للاعراض عادي اعراض الحمل نفس الدوره
انشالله حامل

 

[زين ودلال]

التحليل الهرموني يختلف سعره من مكان لي مكان اقل شي ب ١٠ واكثر شي ١٨ جنه

وان شاء الله يارب يكون حمل ويتمم عليج ان شاء الله

 

[ماسة الاسلام]

عسل وزين حبيباتي ماقصرتوا ومشكورين على هالدعاوي الحلوه يارب يتقبل منكم ويرزقني

 

[عسل حدي]

بشرينا حللتي؟

 

[ثنايا الورد]

عادي انا بحملي السابق حسيت بنغزات وعوار بصدري ولمن حللت قالو ا لي حامل

يعني ماله علاقه كل وحده تكون اعراض دورتها وحملها مختلفه وان نتشابهه في اغلبها

 

[Q8_QT]

حبيبتي انا سمعت ان الاعراض ممكن تحسين فيها بعد الترجيع او لا علي حسب كل وحدة اقصد اعراض الدورة
وانا اليوم لي 12 من الترجيع ودي احلل ومرات اقول خل انطر كلها يومين الله يرزقج ويرزقني ويرزق كل البنات يارب

 

[Q8_QT]

وعالطلعة انا والله طلعت بس طبعا مو كل يوم اطلع اروح بيت امي اوسع صدري وكله قاعدة مااتحرك وايد واقعد بالصالة تحت
مااصعد فوق وبصراحة حطيت ابالي كله رزق من ربي وتوكلت علي الله وسميت وطلعت وربي اذا كاتب لنا الحمل بإذن الله بنحمل

 

[برونزية رشيقة]

نصيحة أقري سورة البقرة يوميا ..

 

[ماسة الاسلام]

بشرينا حللتي؟

عسل آنا ﻷحين باليوم الثامن بعد الإرجاع أمس حيل مضايقخ أقول حق زوجي مافي تحليل يبين على طول بعد الارجاع بيوم

 

[ماسة الاسلام]

ثنايا الورد طمنتيني حبيبتي
كيو أيت يارب يرزقج بالولد الصالح وعلى الروحه أنا قررت أطلع يوم الخميس لأهلي بيصيرلي على الأقل 11 بعد الإرجاع طقت جبدي
برونزيه ما قصرتي أنا قبل صلاة المغرب أقعد أقرأ قرآن عشان نفسيني تهدا شوي الله يعينه الحمدلله علة كل حال

 

[عسل حدي]

يارب حامل وتيين تبشرينا ونباركلج

 

[ماسة الاسلام]

عسوله آمين يارب أكون حامل وأكيد ببشركم انتو أدعولي عن ظهر غيب يارب تحققلي مناي وشوف وليدي بحضني آنا وكل الي بالمنتدى هني يارب

 

[عسل حدي]

اكيد حبيبتي ويرزق كل محرومه وتبي الضنا
ياكريم يارزاق ياوهاب ارزقها الذريه الصالحه

 

[Q8_QT]

اللهم آمين

 

[@ام يوسف@]

الله يرزقج الذريه الصالحه عاجلا غير آجلا

 

[ماسة الاسلام]

آمين يارب

 

[عسل حدي]

حبيبتيةحملتي ولا فشل الحقن لاني ناويه اسوي حبيت اسألج