أعباء الاعمال الاداريه على المعلم

[sasa1234]

من اشراف ومناوبه وادخال درجات من أعمال القسم الاداري في المدرسه وليس من صميم عمل المعلم

من تويتر شبكة المعلم


​

 

[Winter Q8]

خلنا نكون منصفين .. ترا وايد من هالأعمال شالوها عنا
بس اللي بقى المراقبة بالفرصة و مو كل يوم بعد
و 4 مرات بالسنه نسوي الشهايد بس ..
يعني وين كنا وين صرنا .. الحمدلله على كل حال و ان شاءالله للأحسن يارب
​

 

[فـــخـــر]

سؤال هل يحق للمدرسه ترفض هالاعمال الاداريه ولا اجباري ><

واذا هذا كله تسوي المدرسه الاداريات شيسوون ؟ :|

 

[نماين]

لا زلنا نراقب قبل الدوام و اثناءه و بعده

والي سالت يصير نرفضه اي يصير بس تحملي الي يصيرلك عقب الرفض

عندنا معلمة رفضت هالاعمال الادارية وقالت انا معلمة فقط

ما تتصورون شنو سووا فيها شوية ان قلت حطوها تحت المجهر

والله يتعمدون يتبلون عليه بس اهي كانت ترد عليهم وتهددهم و النتيجة ما عطوها امتياز لاسباب واهية و حرموها لا تتعين مشرفة

فالي بترفض لازم تكون قوية و ماتسمحلهم يمسكون عليها زلة

 

[فـــخـــر]

^^
@@!

الله يعينهم ع حوبتها لان الحق معاها شغلتها التدريس وبس

اما الباجي شغل الاداريات : \

 

[طموحه بزياده]

جان زين الابله مالها شغل الا في حصتها!!



انا صج خايفه من الكرف بالمدرسة اللي خارج اطار التدريس!!


الله يستر

 

[روح اميمتها]

والله انا اول سنه لي كرهوني بالتدريس لدرجه بقيت اقدم استقالتي

 

[sasa1234]

خلنا نكون منصفين .. ترا وايد من هالأعمال شالوها عنا
بس اللي بقى المراقبة بالفرصة و مو كل يوم بعد
و 4 مرات بالسنه نسوي الشهايد بس ..
يعني وين كنا وين صرنا .. الحمدلله على كل حال و ان شاءالله للأحسن يارب
​

وانتي شايفه انه المراقبه والمناوبه شي بسيط!! توقفين على ريولج وبعدها تكملين وقفه وشرح بالحصه اللي تتطلب منج جهد وبعدها تعالي صلحي وتعالي اخذي احتياط وردي مره ثانيه راقبي ودشي حصص
وشغل الشهايد المفروض مسؤولية الاداريات مو المعلمات حتى لو كانت مره بالسنه

 

[sasa1234]

سؤال هل يحق للمدرسه ترفض هالاعمال الاداريه ولا اجباري ><

واذا هذا كله تسوي المدرسه الاداريات شيسوون ؟ :|

بحطون عليج ويكتبون بتقريرج غير متعاونه ويكرهونج بالدوام .. تعرفين عاد نحاسة البعض

 

[sasa1234]

لا زلنا نراقب قبل الدوام و اثناءه و بعده

والي سالت يصير نرفضه اي يصير بس تحملي الي يصيرلك عقب الرفض

عندنا معلمة رفضت هالاعمال الادارية وقالت انا معلمة فقط

ما تتصورون شنو سووا فيها شوية ان قلت حطوها تحت المجهر

والله يتعمدون يتبلون عليه بس اهي كانت ترد عليهم وتهددهم و النتيجة ما عطوها امتياز لاسباب واهية و حرموها لا تتعين مشرفة

فالي بترفض لازم تكون قوية و ماتسمحلهم يمسكون عليها زلة

مستحيل مافي انسان بدون زلات .. قولي حسبي الله عليهم ونعم الوكيل

والله انا اول سنه لي كرهوني بالتدريس لدرجه بقيت اقدم استقالتي

نفس الشعور .. واشكثر في معلمات قدموا استقالتهم

جان زين الابله مالها شغل الا في حصتها!!



انا صج خايفه من الكرف بالمدرسة اللي خارج اطار التدريس!!


الله يستر

المفروض بس حصتها

 

[معلمة_منكوبة]

خلنا نكون منصفين .. ترا وايد من هالأعمال شالوها عنا​

بس اللي بقى المراقبة بالفرصة و مو كل يوم بعد
و 4 مرات بالسنه نسوي الشهايد بس ..
يعني وين كنا وين صرنا .. الحمدلله على كل حال و ان شاءالله للأحسن يارب​

عدل كلامج بس المطلوب انهم يقومون بكل المهام مو نصها واللا ثلاث ارباعها

مثل ما مهام المدرسات يسوونها كلها .. ومحد ينكر انه اداريين المدارس مع احترامي


لهم مزايا كافي انهم يعطلون مع الطلبه والعين مو عليهم بهالنقطه مثل المدرسين !!

يعني هالمهام مع المزايا من طلعة دوام وغيره ..


واتمنى من المدرسات انه قلبهم يصير على بعض شوي لو هالشي يصير مو هذا حالنا

المدرسه مو اله ترى تاخذ احتياط واتابع الطلبه وتدرس على حسب نصابها

وتسوي الانشطه وفوق هذا تسوي اشياء مالها داعي مثل المناوبه اللي تاكل من وقتها

على الفاضي ..

 

[المـــــها]

و الله مالهم حق كلش يكلفونا بهالاعمال
شكثر ناس يبون وظايف ماعندهم شهايد و يدورون المعاش
خل التربية توظفهم نفس مشرفات التغذية
خلهم يوظفون لنا مراقبات و مناوبات و للاحتياط و الشهايد

 

[هيبة ملك]

الاداره. فيها طاقم. اداري. المفروض. يقومون. بهالاعمال. لكن. بعض. المديرات. تفرغ. الاداريات. عشان. يخلصون شغلها. وتقط. كل. الشغل. علي. المعلمات::انا. مثلا. ابله. عربي. نصابي. كامل. وكل. صف. فيه. ٢٨بنت. شلون. بلحق. عليهم؟؟وظيفي. البرامج. الاذاعية.يعني. بصراحه. كراف. بعض. الناشطين. من جمعيه. المعلمين. يسعون لتخفيف. العبء عنا. لكن. عمك. اصمخ

 

[اريج الجوري]

كل الاعمال المذكوره نسويها حتى شغل المخزن من تصنيف الكتب وتوزيعهم على الطالبات

غير الانشطه والاذاعه ومراقبة الامتحانات ورصد الدرجات واصدار الشهادات وتوزيعهم وغيره وغيره والله يعطينا الصحه والعافيه والاجر والثواب والصبر يارب

 

[نونا 3000]

المفروض يقومون باعمالهم بس كله من ظلم الناظرات لو يحطون الادارة ناظر و وكيل احنا بخير والله يفكنا من الحريم وحسدهم

 

[sasa1234]

المدرسه مو اله ترى تاخذ احتياط واتابع الطلبه وتدرس على حسب نصابها

وتسوي الانشطه وفوق هذا تسوي اشياء مالها داعي مثل المناوبه اللي تاكل من وقتها

على الفاضي ..

معاج حق بس الاداريات دايما على قلب واحد فتلقين الاداره تتجنب المشاكل معاهم
ويقطون شغلهم على المدرسات

و الله مالهم حق كلش يكلفونا بهالاعمال
شكثر ناس يبون وظايف ماعندهم شهايد و يدورون المعاش
خل التربية توظفهم نفس مشرفات التغذية
خلهم يوظفون لنا مراقبات و مناوبات و للاحتياط و الشهايد

اقتراح اتمنى تنفيذه

الاداره. فيها طاقم. اداري. المفروض. يقومون. بهالاعمال. لكن. بعض. المديرات. تفرغ. الاداريات. عشان. يخلصون شغلها. وتقط. كل. الشغل. علي. المعلمات::انا. مثلا. ابله. عربي. نصابي. كامل. وكل. صف. فيه. ٢٨بنت. شلون. بلحق. عليهم؟؟وظيفي. البرامج. الاذاعية.يعني. بصراحه. كراف. بعض. الناشطين. من جمعيه. المعلمين. يسعون لتخفيف. العبء عنا. لكن. عمك. اصمخ

في أغلب المدارس الان اصبح عددهم كبير

كل الاعمال المذكوره نسويها حتى شغل المخزن من تصنيف الكتب وتوزيعهم على الطالبات

غير الانشطه والاذاعه ومراقبة الامتحانات ورصد الدرجات واصدار الشهادات وتوزيعهم وغيره وغيره والله يعطينا الصحه والعافيه والاجر والثواب والصبر يارب

آآآمين .. الله يسمع منج

المفروض يقومون باعمالهم بس كله من ظلم الناظرات لو يحطون الادارة ناظر و وكيل احنا بخير والله يفكنا من الحريم وحسدهم

واذا ما سويتي شغلهم اللي مو من صميم عملج .. حطوا عليج

 

[الاميره]

توقفين مراقبه وحالتج حاله وبالاخير مافي تقدير

 

[بطاطا]

الاعباء الادارية لها ايجابياتها

- نحتك بالادارة اكثر
- نتعرف على مدرسات اكثر
- نضيع وقت بالدوام بدال الحش والاكل
- نستفيد بشي يديد
- حركة و بالحركة بركة

 

[جيتك تعال]

مع علمي الشديد بان الاعمال الادارية لا تخص المعلم

لكن للامانه قيام المعلم بتلك الاعمال تقوي شخصيته المهنية وتعلمه امور كثيرة لن يتعلمها اذا اكتفى بالتدريس

وخلونا نكون واقعيين كثيرات من اللواتي تمت ترقيتهن لوظائف اشرافية يواجهون صعوبة كبيرة في العمل الاداري

لماذا ؟؟؟؟ ببساطة لانها لم تمارسه وبالتالي تواجه مشكلات عدم التكيف لفترة طويلة وقد تستمر وتتسبب بفشلها اداريا

واظن كلنا شفنا كثيرات منهن وتساءلن بينا وبين نفسنا " هذي شلون ترقت وهي ما تعرف كوعها من بوعها "

علشان جذيه ياريت نفكر بايجاابية ونطرد الطاقة السلبية الرافضة لاى جديد ... والعمل الاداري الي انتي متذمرة منه الحين

بااجر لا ترقيتي لمنصب اداري هو الي بينفعج مو حصصج ولا كرااريسج الي صلحتيها الي بتنفعج

وصدقيني انا اتكلم عن نفسي العمل الاداري يفتحلج افق الترقيات اسرع من مجرد بقاءج كمعلمة

الا لو كنتي ما تبين الترقين وتكونين قـــــــــــــــــــــــــــــــــــــــــــــــــــــد الترقيــــــــــــــــــــــــــــــــة

وقتها ارفضي العمل .... وساليني انا عن خبرة كثيرات من زميلاتنا المتذمرات السابقااات والي تمت ترقيتهن

الحين وبعد كل تلك السنوات اصبحو يمارسون على معلماتهم ضغط العمل الاداري الي كــــــــانــــو يتذمرون منه

 

[Winter Q8]

وانتي شايفه انه المراقبه والمناوبه شي بسيط!! توقفين على ريولج وبعدها تكملين وقفه وشرح بالحصه اللي تتطلب منج جهد وبعدها تعالي صلحي وتعالي اخذي احتياط وردي مره ثانيه راقبي ودشي حصص
وشغل الشهايد المفروض مسؤولية الاداريات مو المعلمات حتى لو كانت مره بالسنه

حبيبتي كل كلامج على عيني و راسي ..
حبيبتي انا جربت ضغط العمل الادراي بشي فضيع لو اشرح لج من اليوم لباجر ماخلص من ظيمهم و بطشهم .. بس الله فكني منهم الحمدلله ... سنه وحده كانت كافية انها تزرع فيني عقدة ماتروح ..

بس الحمدلله قمت أشوف الجانب الثاني و اكتشفت ان في مدارس تخاف الله مو كل المدارس كانت تمارس الظلم مثل اللي كنت فيها .. بس في مدرسات ماتحمد النعمة اللي اهي فيها .. و اتفق مع كلام بطاطا ..

:eh_s(7):