**** أطباعنا حلوه ومو حلوه ******

[لؤلؤ صافي]

السلام عبيكم
شلونكم حبيباتي شخباركم حبيت أشارك بهالموضوع الي ان شاالله يعجبكم
اهو عباره عن سؤال لكن جوابه يبيله صراحه
كل انسان في أطباع مختلفه فها زين وفيها شين لكن أحيانا غصبا علينا نتصرف تصرفات نندم عليها وودنا نغير من أنفسنا .
والحين بسألكم هالسؤال وان شاالله يلقى ردودكم

شنو الطبع الي فيج تحبينه ؟؟
و الطبع الي ماتحبينه ؟؟؟؟؟؟
وودج تغيرينه

 

[iron women]

ممممم بما اني برج الاسد الصفاة الحلوة والموحلوة اللي فيه منطبقة علي

بس راح اقولج بعض الشغلات احب بطبعي الفرفشة والوناسة والضحك طبعا اكيد بوقته لان طفارتي الناس الكئيبة

الحنانة الرنانة المملة ثاني

2- احب وقفتي مع رفيجاتي والناس اللي اعزهم وقت الشدة واللي ايعرفوني يشهدولي بهالشي ودايم ايقوليلي
وقفاتج وقفاة رياييل طبعا يقصدون الموقف مو الشكل لووول

3- امشي عدل يحتار عدوك فيك وهاذا اسلوب وايد مريحني بحياتي ومينن وايد ناس اعرفهم _03ba:

4- يعجبني بنفسي اني احبها ومعطتها حقها ودايمن ابدي نفسي على الكل بكل قراراتي حتى مع زوجي وعيالي

لاتقولولي انانية مو انا اذا مارتحت ماقدر اريح اللي حواليي واسلوب التضحية الزايد اللي موبمحلها وانكار الذات ماحبة وبعيد عني وماييب نتيجة مع احد

5- احب بطبعي الطموح اللي مالة حدود واذا حطيت براسي شي اسويه اسويه مايهمني كلام الناس ودايمن اخر همي
طبعا هاذا جزء من الشغلاة اللي احبها فيني

انيي حق طبايعي الشينة لووووول الله لايوريج نار على زيت حار وهاذي مشكلة بالنسبة لي سرعة الغضب لاتفه الاسباب

2- ماقدر اقيم الناس من اول نظرة لازم اعاشرهم عشان اعرف نوعيتهم وهاذا عيب شرعي فيني يعني ممكن انغش بالشخص اول مرة اشوفة


3- مزاجية بطريقة بايخة يعني ممكن احب احد امووت عليه فجئة اكرهه من غير سبب لمجرد اني استملقته مثلا وهاذا شي غلط بس شسوي طبعي جذيه

4-اذا احد غلط بحقي اعطيه فرصة وحدة بس واسامحة بس لوكررها امحيييه من حياتي الى الابد ولا ارجعله لومهما يصير

حتى لو من داخلي ميته ابي اكلم هالشخص خلاص ماقدر ارد واحيانا احس ان طبعي هاذا في نوع من القسوة بس

ماقدر اغيرة او يمكن ما ابي اغيرة مادري

طبعا الانسان فيه وايد طباع بس هاذا جزء بسيط

مشكورة اختي عالموضوع

 

[يا لون المطر]

..



مسااااااااء الورد ..

أول شي .. مشكوره ع الموضوع الحلو ..

الطبع ألي أحبه بشخصيتي .. أتحمل .. حييييييييييل أتحمل وأكون قد المسؤوليه ..

من يومني صغيره ماحب يعاملوني بدلع .. كنت أشوف نفسي مرى !.. هههه

وإلي مااااااااحبه .. عصبيه لدرجه غريبه .. وأي شي أي شي ينرفزني ..









:eh_s(17)::stars:


SIZE="6"]آآخر مواضيعي ..
مسكينه عطيتيه كل شي وخانج ؟؟..تحذير يا متزوجاااات[/SIZE]
http://www.q8yat.net/showthread.php?t=640982







موضوعي مع البنفسج حل لكل مشاكل الشكل بغيرج 180 ْ ..
http://www.q8yat.net/showthread.php?t=478294









:stars:







:stars:
:stars:


يا لون المطر .. ( حالياً ) ... ( البنفسج ) .. سابقاً ..

:stars:

 

[الاء أم لولو]

موضووووووع روعه

تبين الصراحه الصفه او الطبع اللي فيني ودي اغيره هو العصبيه شوي
والصفه اللي تعجبني طيبة قلبي وعلى نياتي مثل مايشهدون لي الناس والقاعده اللي دايما احطها امامي حب لأخيك ماتحب لنفسك

وسلاااااامتك وانتي قوليلنا وش الطبع اللي يعجبك في نفسك واللي مايعجبك

 

[لؤلؤ صافي]

أولا شكرا على مشاركتكم
وردودكم واعترافكم أعتقد هو دليل طيبتكم
بالنسبه لي الطبع الحلو فيني وطبعا هذا من فضل ربي علينا اذا عندنا أطباع حلوه
آن وايد أحب أخدم الناس وأحب أسعى معاهم الى النهايه وأقضي الشي الي يبونه والحمد لله
وفيني طبع اني أتحمل أي شي أسمعه ويضايقني خاصة من زوجي أو أي أحد يعني بالي طويل وأنسى بسرعه وأسامح لأي سبب
أما الطبع الي وايد مضايقني ما أقدر أطوف شي ما يعجبني بأي مكان سواء دوام أو غيره وأقط الكلمه بالويه غصب عني (لكن بالحق طبعا ) وعصبيتي الزايده والي دايما أندم من بعدها

 

[نور دربي]

يسلمو عالطرح الحلو

الطبع اللي يعجبني

اني بسرعه اسامح وطيبه بعد

واللشي اللي مايعجبني العصبيه الزايده بعد

 

[عهود الحب]

ترى الكل بيقولج نفس الكلمة

انا طيبة وعلى نياتي


طبعي المو حلو اني قرقة بالوقت الغلط وساكتة هم بالوقت الغلط

و طبعي الحلو اني فزااااااعة و احب اخدم لوجه الله

 

[كيكه توفي]

اطباعي الحلوه : اتحمل بكل شي حتن المرض - شخصيتي قويه (على قولة رفيجتي عليج شخصيه عن الف ريال) - احب التنظيم وايد زياده عن اللزوم لي درجه بسرعه اتنرفز من اي شي غلط بالبيت - هاديه (بس لحد يدوس لي على طرف) - ماحب احد يكون زعلان مني حيل اتضايق لاني صريحه حيل واحس صراحتي تزعل مرات بس انا جذي ماحب الف وادور - متسامحه اذا احد سوالي شي مو زين ورجع بيكلمني اسامح على طوول .


اطباعي المو حلوه : عصبيه نار وشرار لول - احس نفسي انانيه في بعض الشغلات - ماعندي طولة بال كلش يعني حييل انفعاليه - صعب اقتنع الشي اللي براسي يصير يعني يصير - ماحب احد يتحكم فيني احس اني حرة نفسي محد له حكم علي .

وشكرا

 

[همممت]

كل طباعي احبها وتعجبني
الا
صفه وحيده
العصبيه الزايده
تأذيني لانها قد تؤذي الاخرين
وشكرا​

 

[spanish-girl]

موووووووووضوعج روعه

الطبع الحلو الي فيني اني طيبه وحنووووووونه وايد واذا حبيت احب من قلب وخدومة وايد واحب اساعد الناس

الطبع الي مو حلو فيني اني بسرعه اتنرفز واعصب ومرات يعني مو عصبيه وايد مرات اعصب على شي ما يسوى هذا الي ما يعجبني بطبعي

 

[لبيه لكن!]

الصفات الحلوه

صبوررره حيل
ابتسامتي وضحكتي ما تفارقني حتى بعز ضيقتي (وهالشي احببببه موت)
وفاهمه نفسي عدل ومتأكده منها
واحب حميّتي ( يعني انحياازي القوي حيل ) لأهلي يعني انا غالبا اللسان الناطق عن الكل فيهم


الصفات اللي ما احبهآآ

مزاجيـه بكل شي
ما عندي طموح اعيش يوم كما هو
اتكاليه
اتأثر حيييل بالجو ( ممكن انه يخرب مزاجي او يروقني حيل ) <يرقه مو بنت ههههههههههههههههههه


بس

مرسي اد الكون موضوعج روعه

 

[غايتي الجنة]

السلام عليكم ورحمه الله وبركااته

خوووش موضوع الله يقوييج يارب

طبعي الحلو صبوووووره لله الحمد واذا خذيت قرار وخااصه اذا متاكده من صحته اثبت عليه لو الكون كله قلب ضدي
والي مو حلو اني عنيييده واي كلمه تاثر فيني سواء غشمره او غيره وخااصه النقزاات واني مااعرف ارد اذا انقطت علي نقزه

 

[om deaj]

طيبة واسكت عن حقي ساعات والطيبة الزايدة لاننا وللاشف صرنا بمجتمع المؤدب فيه يحسبونه طوفة هبيطة

حسبي اللع على الي في بالي اشوف فيهم يوم