أطالة اليوم الدراسي ( يوم الثلاثاء ) قرار فــــاشل.. ووزيرة التربية تكابر فيها !!

[ha2005]

اليوم الثلاثاء و ( قرار اطالة اليوم الدراسي ).........

اثبت انه قرارا فاشل بمعنى الكلمة

فالطلبة بالمدارس غير قادرين على استيعاب الوضع ..
ضغط هائل مصاحب بالتعب النفسي والفكري والانهاك الجسدي

وغير ذلك الحصص والانشطة التي ليس لها معنى سوى وجود الطالبات بداخل الصف لسوالف والحش

وايضا عدم مراعاة وضع المدرسين وكأنه عقاب لهم . من قبل الوزيرة

وايضا عاملات النظافة والحارس

( هو فعلا عقاب للكل )

ارجو من الوزيرة ان تزور المدارس بشكل مفاجئ لرؤية الوضع المزري الذي نحن نعيشة من جراء هذا القرار الغير مدروس

 

[al_sadeem]

فعلا فاشل

 

[قوتشي بنت LV]

آي حددددده فآشششل
< حصة نشآط آسم بس
< قآعدين جذي بس لآ نشآط ولا بطييخ
واليوم ماطلعنآ الآ 2

 

[قمر الكويتية]

رد : أطالة اليوم الدراسي ( يوم الثلاثاء ) قرار فــــاشل.. ووزيرة التربية تكابر فيها !

أنا معاك

وعقاب بعد لجميع أولياء الأمور إن أبنائهم في مدارس الكويت.... الله يعينا على القرارات إلي مالها معنا ،، ويارب ما نتفاجأ في السنوات القادمة

إطالة اليوم الدراسي لباقي أيام الإسبوع

و هذا مو أول قرار فيه تخبط ،،، ومنها مادة مهارات الحياة إلي إنضغطو فيها المعلمات وصارت حمل زائد ماله معنى و

حصة زائدة بالإسبوع بعد مالها معني

ومو عارفين هذي الحصة تنحط في نصاب منو من المعلمات كل كم إسبوع تتنقل كأنها حصة ترانزيت

بس ما أقول إلا هذا مصداق حديث الرسول صلى الله عليه وسلم : (( لن يفلح قوم ولوا أمرهم امرأة ))

الراوي: أبو بكرة نفيع بن الحارث المحدث: الألباني - المصدر: صحيح الجامع - الصفحة أو الرقم: 5225
خلاصة حكم المحدث: صحيح

و آسفة على الإطاله بس هذا حديث فيه شجون

 

[ha2005]

اي والله صحيح والدليل هو التخبط في القرارات والوزيرة ما تدري وين الله قاطها !!!

يعني الاخت الوزيرة تبي تطلع لنا بطلعه مافي احد سواها وينكتب انجازها بالتاريخ

ما اقول الا على الطل -

وهذا القرار اللي اصدرته على مدارس الكويت انما دليل على عجز حكومتنا بوضع (ناس كفؤ ) لهذا المركز المرموق

 

[randomy]

ما يدرون انا نسكر الباب وجنها حصة احتياط ‍
الله يعينا ويعين البنات

 

[ام حنااين]

رد : أطالة اليوم الدراسي ( يوم الثلاثاء ) قرار فــــاشل.. ووزيرة التربية تكابر فيها !

احنا للحين ضايعين بالاختيار الحر اللي ماله سالفة طلع لنا النشاط بعد


تخببببببببببط ياوزارة الحريم .....

 

[شـ ShOoNa ـونـا]

يـــبه شــفيــج هذا اسمـه تــنــميــه لمـهارات الطـالبه و اكسـاب المواهــب واعطــائهم الفرصه للمارسه هوايــتهم داخل الاطار المدرسي

او بالمــعــنى الاصــح




حـــــجـــــــــــــــــي فـــــــــــــــــــــــــــــــــــاضـــــــــــي

قــراار فــاشـل نــاتــج عن دراااااســه فــاشله .

اول دليل اهوو التــوقيــت الي يطلعون فيه يصــادف مع طلعت النــاس مع دوامـاتها و طلعت جميع المراحل مع بعض
وهذا يســوي اختــنــاق مــروري .يعني رجــعت البيـت راح تــكون متــأخره ورجـعت البيت متأخر يـعني اكل ونوم لي المغرب
جذي وين الــيااهل له خلق يـحل وااجبـات ولايــدرس .

الله يــعيــيــنــا ويــصـبرنـا .

 

[يمة يادلبي]

يات على هالقرار
99.9% من قرارتهم مالهم معنى ولا فايدة ولا عاااايدة بس تحسين يبون يفرضون سلطتهم

 

[thetear]

رد : أطالة اليوم الدراسي ( يوم الثلاثاء ) قرار فــــاشل.. ووزيرة التربية تكابر فيها !

قرار فاشل

 

[معلمه متميزه]

رد : أطالة اليوم الدراسي ( يوم الثلاثاء ) قرار فــــاشل.. ووزيرة التربية تكابر فيها !

من صجكم اسالوني انا .. انا مسؤولة النشاط بالمدرسة والوضع مزري الطلبة ما يبوووون النشاط يا مسؤووووولين حسو ..

انا مو باط جبدي الا منى اللوغاني .. ما عندها غير عيال اختها تسأل فيهم وهذيلاك يخربطون عليها وخلاص تطبق القرارات علينا ( الظاهر هذيلا مستشارينها واهل الميدان الي يسألونهم عند تطبيق القرارات ) وتقتنع من كلامهم ومالها شغل بالباجي .. انا سمعتها بالتلفزيون تقول مره ولد اختها مدري بنت اختها .. تقول خالتي انا احب النشاط واستانس من النشاط .. خلاص صار عندها النشاط حلو وزين وما كو احسن منه ..

يا جماعه يا مسؤلين والله الي تشوفونه بالتقارير الي توصلكم هو حجي مصفف ومنمق مو الصج .. كل مدرسه قاعده تداري على روحها ما تطلع خياسها لكم اكييييد والتقارير ما فيها مصداقيه ..

انا طلب مني توجيه الانشطه اسوي تقرير عن وضع النشاط وكتبت ايجابيات و سلبيات النشاط وطلعت خياس خياسه يوم شافته الناظره قالت لاااااااااااااااااااا شنو هالحجي ما يصيييييييييييير انتي تخلينهم يقولون عن المدرسه كذااااااا وكذااااااا يقولون الخلل من المدرسة والادارة مو من النشاط .. وغيرت ثلاث ارباع الي كتبته واندز للتوجيه بالصورة المنمقه الملمعه .. بالله مو قهر .. مو حره .. ولما قلت لها ليش نجمل لهم ليش ما يعرفون الصج ليش ما نطلع الحقيقيه جدامهم ليش نلمع الشي جدامهم هذا الي قاعد يصير ولازم يعرفونه .. ما رضت ..

واليوم بدأنا النشاط ..والوضع بالانشطه كالتالي ..

ابلات بالصفوف محضرين على ورق فقط ولا عندهم ادوات وامكانات لتطبيق اللي كاتبينه بالتحضير قاعدين طول حصة النشاط يسولفون مع بعض ( وما الومهم )عيزو ك اسبوع يدورون طلبتهم وايرونهم ير لحصة النشاط .. بس ملو حصة النشاط تظيع على المراكض ورى الطلبة ..

و الطلبة ما كو كل ابله على واحد واثنين والباجي يلعبون صيده مصيده مع الابلات بالممرات ..تحاجينه يا ما ما روح نشاطك .. ابله ما بي ملاقه ما احبه مااني رايح واخذي عاد اقعدي ساعه اقنعيه يروح نشاطه بس شقنعه فيه الابلات نفسهم مو عاجبهم النشاط ويتحلطمون لا امكانات لا شي ملاااااااااااقه وضيااااااااااااع وقت وتفااااااااااهه ..وطلعه متاخره ..

والله لو احجي مني لباجر ما اخلص .. بس مويضي و مناوي حاطين ببالهم النشاط فخلاااااااااااااااااااااااااص غصبا عن ابو الي يابنا يتطبق وما راح يتنازلون عن هالفكره سواء منه فايده او لا ..وانا متاكده وابصم بالعشر ان لو اوصلتلهم تقارير سلبيه وكلها تذم النشاط هم بيطلعون بالتلفزيون ويقولون فكرة النشاط ناجحه ونسبه النجاح 99,9 % وهي مطبقه بمدارسنا بشكل رائع والطلبة قاعدين يمارسون هواياتهم والانشطه الي يحبونها .............. الخ من الحجي المنمق الي لاعت جبدنا واحنا نسمع فيه ..

عكرتو مزاجي الله يهديكم كل هالي قلته ولا بردت حرتي فيهم .. ناس لا احساس ولا فهاميه ولا يدرون وين الله قاطهم بس زاهبيلي يروحون مدارس نموذجيه ومدارس مستقبل اذا فيكم خير تعالو المدارس على غفله بدون ما تعلمون اي احد فيها وشوفو عدل شقاعد يصير مو قاعدين بمكاتبكم وتقارير كلها كذب ونفاق توصلكم ومصدقينها بعد ..

وتسلمون

 

[أبله^زوزو]

والله شكثر رفعنا معنويات البنات وقلنا لهم سوو جذي وسوو جذي في رحلات ومكافئات وتكريم

ولكن لاحياة لمن تنادي .. الوضع مقتصر على السوالف بحصه النشاط وان شاءالله نسوي وان شاءالله نسوي ولا في فايده

امانه شالفايده يعني؟؟؟؟؟ حسبي الله عليها

 

[ha2005]

حسبي الله علي وزارة التربية والحريم المسؤولين عليها

 

[m9arq3a]

طبعا الوزيرة قاعده في مكتبها تشرب شاي وكوفي وتستقبل الضيوف وتيي متى ما تبي وتطلع متى ما تبي من الوزارة.
مو مثل المدرسة المسكينه الي واقفه على ريولها كل هالساعات .
حتى الطالبات والله انهم كارهين عيشتهم من الدوام الطويل...
والله يعين اولياء الامور .. من هالوزارة والحريم اللي يتولونا

والله صدق المرحوم احمد الربعي لما قال وزارة التربية مثل الهرم المقلوب

 

[اريج الجوري]

رد : أطالة اليوم الدراسي ( يوم الثلاثاء ) قرار فــــاشل.. ووزيرة التربية تكابر فيها !

واااي الله يعنين انا من طبقوا النشاط وانا غايبه وبعدين ولدت ,,,
وما ادري شنو بسوي بالنشاط اذا داومت ,,,
بس شكلي بكبر المخده وبقعد بالنشاط احضر لحصصي واخلي البنات يسولفون وكانها حصة احتياط ,,,
وهيك ناس بدها هيك تصرفات ,,, :lololoe:
تحياتي ...