أضرار مثبتات الحمل

[افروديت]

بنات السلام انا في الشهر الرابع من اول الشهر الثالث صار معاي نزيف واخذت مثبتات حمل "دوفاستون"
ووقف النزيف بس يوميا اشوف بقع بنية عزكم الله. سؤالي للبنات اللي استعملوا مثبتات هل لها ضرر على الجنين؟ رفيجتي قالت ان من المثبتات صار تشوهه بولدها امانه افيدوني.

 

[أم قمبـر]

وعليكم السلام

اختي ماتشوفون شر ان شا ءالله

انا كنت اخذ ابر مثبته من لما كنت حامل والحمدلله ماشي شر

واعرف وحده من اهلنا خذت حبوب دوفستون كذا مره واكثر من حمل والحمدلله ماصار معاها شي

ومو معقوله الدكتورة راح تعطيج شي يضرج توكلي على الله وماكو شر ان شا ءالله

والله يتمم لج على خير ان شا ءالله ويرزقج بالذريه الصالحه والخلقه التامه ان شا ءالله

 

[الجوررى]

اول شي ربي يسهل عليج حمالج ويثبته لج
وياقلبي انتى بالرابع المفروض ابر مو ديفاستون
وياقلبي اهى مثبت والمثبت ربج
وانا اخذها ابر لى الحين وانا بالسادس
لانى معاى اجهاض متكرر
وبولدى اكلتهم الديفاستون والحمدالله ولدى مافيه الا العافيه
عسى ربي يثبت لج مافى رحمج
وارتاحى لمن تخف هالفرازات البنيه
ولاتسمعين كلام احد

 

[دمثة]

انا بعد في ولدي اخذته وماصار شي

 

[ZajiL]

انا خذت بعيالي الاثنين ويحلاتهم مافيهم الا العافيه

 

[أم علاي]

الحبوب والابر آمنة 100 %

 

[&شهرزاد&]

ماعرفت والله بس انشالله مااااااااافيهم شي ولا تحاتين

 

[ورود الودود]

ماعندي فكره ...

 

[*فاصوليا*]

لا تخوفين نفسج وتخوفين البنات الي قاعدين ياخذون ديفتسون

ما فيها شي وايد ناس تاخذه
وانا اختي خذت مثبت والحمدلله ولدها شحليله

توكلي علىالله

 

[دانه وسط الموج]

لاااااا يالغلاااا عادي

انا بحملتين لازم ااخذ مثبت من اول مااحلل الى نهاية الثالث

والحمدالله رب العالمين

ودعواتك لي بالحمل الثابت الميسر بالولد الصالح

 

[SweeTa_4ever]

انا اخذت مثبت ابر الحمدالله ماكوو اله العااافيه لاتخاافين

 

[عصير شاني]

انا اخذت حبوب مثبته من اول شهر الى السابع وجبت بنت زي القمر

 

[كتـ زوجي ـكوته]

ما اتأثر بس ديري بالج وارتاحي

 

[ريم الخبر]

انا في حملي ببنتي وولدي اخذت حبوب دوفوستون من اول الشهر لين الشهر الرابع
والحمدلله ما فيهم الا العافيه ....لاتحاتين وانا اختك وتوكلي على رب العالمين

 

[حد مثلي!]

/
.,

لا ياقلبـي..
مافي الا الخيـرِ.

واللـي كاتبـهِ ربجِْ..يصيـرِ..


.,
/

 

[تمر حنا]

انا اخذت دفساتون وابر وتحاميل والحمدلله ماصار الا كل خير

 

[حشمه]

ماتضر ان شالله

انا اخذتهم بولدي ومافيه شي

واخذتهم مره ثانيه بحمالي هذا

والحمدلله ان شالله الله كاتب لنا الخير

 

[حـلا و ذوق]

المثبتات ماتضر ..

بالعكس هي فايدتها تقوي بطانه الرحم علشان لا يصير اجهاض لاسمح الله ..

بس عيبها الوحيد انها تجيب اللوعه

وماتشوفين شر حبيبتي ..

 

[KAMY77]

السلام عليكم
شوفي حبيبتي المثبت اهو عباره عن هرمون البروجسترون سواء ابر او دوفاستون ونسبته بالجسم مع الحمل لازم تكون عالية واناصارلي النزيف من أول ماحملت أخذت الاثنين ومستمره للحين على الحبوب ولو فيها اي ضرر ماوصفها الدكتور
توكلي على الله ولا تحاتين وأهم شي الراحة التامة والله يتمم عليج وعلينا ...آمين