أصحاب الخبرة فزعتكم لاهنتوووووووووووووووا

[بنت بني تميم]

السلام عليكم ورحمة الله وبركاتهـ
بدون مقدمات
انا عروس زواجي ان شاء الله بيكون بعد العيد
موووو عاااااااااااااااارفه اي شي عن الحياة الزوجية وعن الجهاز وعن العرس
امي كبيرة بالسن وخواتي ما افادوني بشي كلش
اللي عندها اي شي تقوله لي هنا الله يفرج همكم دنيا وآخرة ويفتحها بوجيهكم
حدي خااااااااااااايفه وقلقاااااااااااااااااانهـ ..
ومشكووووووووووووورين مقدماً حبيبااااااااااااتي .

 

[سويت فانيلا]

بسم الله الرحمن الرحيم
بكتبلج الي اذكره من جهازي اول شي شغلات اسوينها
مثلا
تهتمين بجسمج من ضعف ومتنه يعني اذا متينه بلشي رجيم استفيدي من الوقت الي عندج دام ليمن الحين ماتحدد عرسج
تهتمين بشعرج من خلطات وكريمات وزيوت ومن داخل عن طريق تغذية صحية
تهتمين ببشرتج كريمات خلطات تراجعين دكاترة متخصصين اذا في مشكلة بالبشرة اسمرار بماكن معينه او حبوب ممكن يعطيج كريمات او ابر نضارة على حسب
تشربين ماي وايد عودي نفسج من الحين غلى هالشي
ثاني شي
شغلات تنشرى
اذا جسمج حلو وواثقة ماراح يتغير من الحين لي وقت العرس اشتري بجايم وملابس داخلية وقمصان نوم وبديلت للدراريع الي اكمامها شفافة تاخذين الوان ثابته وال اهيا اسود و ابيض و بيج كبداية
واذا حاسة راح يتغير جسمج اخذي شغلات بحدود التفير
يعني اذا تلبسين لارج الحين وتتوقعين بعرسح تضعفين تلبسين مديام اخذي هالشغلات الي قياساتهم مابين الاثنين وتلقين يكتبون على الملابس شنو القياسات المفترضة
اشتري المكياج الي مايخرب مثل البودره المحدد كحل داخل العين
اشتري العطور الستاندر الي تحبينهم نصهم مو كلهم واحفظيهم بمكان بارد وجاف و مظلم عشان مايتاثرون باي عامل خارحي
اشتري استشوار
طبعا سجادة صلاة وقران وثوب صلاة
*تعلمي ترقين نفسج بشكل يومي للاسف انا ماسويت جذي
وبشهر الي بيكون فيه العرس لاتنسين تبيضين اسنانج حق الصور الحلوة

 

[♥ SWeeRa ♥]

الله يوفقج ان شاء الله

 

[ya al3rosa]

ان شاء البنات يفيدونج

 

[كاروهات#]

مووووفقه ان شاءالله

 

[قاهره عذالي]

شوفي حبيبتي في مواضيع انا منزلتها
تساعد العرايس حيل مو شوي
بما انه عندي خبر وتعلمت من غلطات تجهيزي

هذا رابط موضوع عن عطور وبخور ومجموعات الجسم للعروس حلوه ومجربه
وحسب خبرتي
http://www.q8yat.com/t849549.html

واذا تبين اي سؤال عن المحلات والاماكن حياج اسالي

وهذا موضوع عن مشغل فيه ملابس للعرايس حلو
http://www.q8yat.com/t830794.html

واسعاره هاديه وهم حبيبتي فيه مصور حلو بس غالي واذا تبين مصوره حلوه بس سعرها زين عندج
زيزي كانت مصورتي بعرسي
66628195

وفي عندي مواضيع عن العطور
ابي احط لج روابطهم عشان تستفيدين
http://www.q8yat.com/t849858.html

http://www.q8yat.com/t838835.html

http://www.q8yat.com/t809575.html
http://www.q8yat.com/t781000.html

خلصنا من العطور والبخور ومجموعات الجسم للعروس مع التصوير

في موضوع بنت نكها عروس1988
محتاره مو عارفه تشتري
وساعدتها بموضوعها ونزلت لها شنو تشتري مع الصور عشان تاخذ فكره
وحيل استفادت سواء بجايم قمصان نوم عطور بخور وطقم فوط لها ولزوجها والاكسسوارات والبدل والجواتي تكرمين وهم لاتنسين حجز الزفه
هذا موضوع البنت اللي جهزناها بالصور
http://www.q8yat.com/t847050.html
شوفي الصفحة الاولى من موضوعها والثانيه والثالثه اللي فيها ردودي والتجهيز كامل تقريبا

وهذا موضوع عن استفسارات العرايس
اي وحده عندها سؤال كنت ارد عليها
http://www.q8yat.com/t807399.html


هذي المواضيع كلها من خبرتي وان اء الله تستفيدين
نصيحتي حطي مبلغ 400 دك بظرف وخليه للظروف ولاتلمسنه حسب تبين 400 او 500
لان ماتدرين يمكن ع العرس اسبوع والا شهر وتذكرين اشياء نسيتها او تطلع عليج اغراض ناسيتها فخلي هالمبلغ للطوارئ وحتى لو ما احتجتيه يمكن بعد العرس تحتاجينه

 

[قاهره عذالي]

وبالنسبه للمكياج
احلى ماركه مو غاليه وحلوه
عندج ماركة ريميل وماركة ريفلون وماركة نيفيا خاصه البلشرات ومسكرتهم الورديه وريفلون مسكرتهم الحمره وكريم اساسهم
وريميل اخذي الحمر والله تهبل
والشدوات حلوين هم من هالماركات الثلاث الحلو اسعارهم زينه وجودة بعد تلقينهم بسنتر بوينت وصيدلية بوتس اللي بالافنيوز
وركن المكياج والعطور بسيتي سنتر اللي بالشويخ مدري كيفان

الدراريع عندج مجمع العربيد ومجمع العالميه مول في فوق محلات تجنن وعندج دراعات ساره اذا دورتي عدل تلقين دراريع حلوه
ومجمع الاوقاف بعد حلو والبلوكات
والعطور
شوفي هالموقع
http://www.qaaren.com/Items.aspx?SubCateID=26&intSubSubID=&intBrandID=61 &intStoreID=&dblFromPrice=&dblToPrice=&_srtGroupDe tIDs_srtCriteriaIDs=

يبيعون عطور ماركه اقل من السوق
بالنسبه للعطور الحلوه الفرنسيه لازم على الاقل تشتري 6 الى 8 مجموعات عطور فرنسيه
مثل
الور
لاليك
جيفنشي
سان لوران البنفسجي
شو بارد
ديور
لاكوست
كوليستار عندج ممكن ترشينه على شعرج الي يكون وردي وسعره زين وخالي من الكحول حتى الجسم ينرش عادي
وعندج بعد شانيل
وقيس

وبالنسبه للعطور العربيه
عندج عطر دلع بنات من الرصاصي 3 انواع ب15
وعندهم بخور للشقه يجنن اسمه العود المميز ومبخرته معاه هديه بـ20 دك

ومن اجمل
عندج عطر قطرات المطر مع مجموعته ماراح تندمين ان شريتيه
وعندج عطر وصال مع مجموعته

ومن القرشي
البخور الملكي + مسك العروسه

وفي مجمع اسمه المنار مول بالجهرا
في فوق محل نكتار
عنده مجموعتين للجسم يهبلون
مس نكتار وسويت نكتار

وقباله بالضبط في زهور الريف
عندهم مجموعة زهرة الكاميليا الورديه والزرقه ريحتهم اثنينهم انتعاش ويهبلون

ومن بودي شوب عندج القلوسات حلوه
ولمعه للجسم حلوه ومجموعة المسك من عندهم للجسم بعد
ومجموعة جابانيز جيري

المسكه عندج بياع الورد او زهور الفيصل اللي قبال مستوصف الراشد بالجهرا قبال الصيدليه حقت المستوصف

 

[قاهره عذالي]

شوفي هذا ردي على وحده من البنات كانت تسألني شلون تجهز اختها وهذا كان ردي


كفكره عامه للتجهيز
في حجز البدله البيضه والمسكه وحجز المصوره والصالون حق المكياج والتسريحه :eh_s(7):
واذا عندج حفله ثاني يوم لازم تجهزين نفنوف حق صباحية او مسائيه مع حجز مكياج وتسريحه تجيج للبيت ودفع حق البوم ثاني يوم مع المصوره تنسقين
الذهب (طقم ابيض واحد حق البدله البيضه او اكسسوار كيفج + ذهب اصفر على الاقل طقم ينلبس حق ثاني يوم الصباحيه او المسائيه )
هذي الاساسيات
نجي للدراريع بيت الحموله على الاقل 12 دراعه + 5 او 4 بدال او دراريع فخمه من العربيد من دراعات ساره من مجمع الاوقاف
عبي
جناط وجواتي تكرمين طقم مع بعض الالوان الاساسيه (ابيض-اسود-رمادي-بني-بيج)
قميص نوم اول ليله من محل نعومه يكون طويل ومعاه روبه ولونه اوف وايت+ كم قميص طويل من عندهم من جميع الالوان
طقم فوط
بطانية العرايس
بجايم عندج لاسنزا وبجايم حرارير من انور والطاهر ونعومه
ع الاقل 20 قميص نوم منوعين مع قميص اول ليله والبجايم بعد ع الاقل عشر بجايم منوعين ودراريع قصيره حلوه للشقه
المكياج : عندج ماركة ريميل وريفلون ونيفيا وبرجوا ومايبيلين حسب اللي يمشي مع اختج وتحبه وكريم اساس للمناسبات وكريم اساس خفيف للاستعمال اليومي
وتشتري ستاند مكياج حلو شفاف تلم مكياجها كله على التسريحه من مكياج منصور هناك اشكال وانواع
العطور :
اول شي البخور : الملكي من القرشي +المميز من الرصاصي
تشتري طقم مباخر للشقه تنحط بصالة الشقه
دهن عود العتيق من اجمل يهبل
مسك العروسه من القرشي كل عروس لازم تشتريه
خلطات للفراش عندج اكوا كوثر من الرصاصي +نفحات ليلة خميس من اجمل + 4 خلطات من دار اطياب زكيه (ثراء - انيس الروح-غنى الحياة -الملكي )
عطور فرنسيه على الاقل 6 عطور فرنسيه ( كوكو شانيل - الور القديم - شوبارد-كوليستار - لاكوست الوردي - لاليك الاسود او بو ربطه حمره -كلوي الجديد)
العطور العربيه :
من اجمل :"مجموعة قطرات مطر ووصال وساكريفايس وعطر غرامي وتينز )
من الرصاصي :" عطر رومانس وعطر خلطة العود وعطر المحبه ودلع بنات الاسود والوردي "
من الشايع " عطر حروف وسطور وعطر هاجر وعندهم عطورات سيد جنيد :فنن-بنفسج-سرور-طيوب وخمرية الشايع للشعر ."
من سويس اربيان :" خلطة فراش كشخه + دهن عود نوره ودهن عود شذا + عطر مخلط عبير المجلس يجنن وهم بخور درة الخليج حلو حق بعد الطبخ والعصاري للشقه ".
بالنسبه لمعطرات الجسم :
بودي شوب : مجموعة المسك + مجموعة جابانيز شيري "
من نكتار :" مس نكتار + سويت نكتار .
من زهور الريف :" مجموعة سويت كاميليا + مجموعة نيترون ريحتها انتعاش وتهبل (على الاقل من هالمجموعتين اشتري (العطر+بدي سبراي+شاور جل + اللوشن )
من باث اند بدي ووركس تلقينه بالافنيوز ع الارض المجموعة البنفسجيه والبنيه
ومن بدي سنتر موجود بالمنار مول ع الارض وبمجمع العربيد بلازا المجموعة البنفسجيه تجنن كامله بـ15دك

وطبعا لاتنسين الاكسسوار والساعات الحلوه اللي تصلح للبدال الحلوه اللي بتشتريها اختج

 

[نيو سيدنى]

"سبحان الله وبحمده عدد خلقه ورضا نفسه وزنة عرشه ومداد كلماته"
بالتوفيق حبيبتى

 

[قلبهـ 86]

الله يتمم عليج بالخير

 

[بنت بني تميم]

خوااااااااتي مشكووووووورات على رفعكم للموضوع والله يوفقكم ويفتحها بوجوهكم ..
سندريلا 11 << مشكووووووووووورة فديتك لا حرمنا المولى منكٍ والله يسهل لك ويسخر لك زوجك

 

[بنت بني تميم]

قاهرة عذالي >> وش اقول وش اخلي
من جد احرجتيني بطيبك وكرمك اللامحدود
كفيتي ووفيتي من كله يابعد عمري
اسأل الله العلي العظيم ان يسدد عنك خطاك ويفرجها عليك من أوسع ابوابه ويسخر لك زوجك ويجعله قرة عين لك ويجعلكٍ قرة عين له ويرزقك الذرية الصالحة ويرزقكم برهم ونفعهم
اسأل الله الذي جل في علاه ان يحرم جسدك عن النار ويرزقك الفردوس الأعلى من الجنة وان يجعلك من 70 ألف الذين يدخلون الجنة بغير حساب ولا عذاب ويجمعك بمنزلة الأنبياء والصديقين والشهداء والصالحين
اللهم هذا الدعاء في ليلة مباركة فاستجب يالله ياواسع المغفرة ..
الله يوفقك ياعمري ويسعدك والله ما ادري وش اقول مابيدي غير الشكر والدعاء الصادق لك ياعمري ..

 

[بنت بني تميم]

قاهره عذالي انتٍ من وين من الكويت ولا من السعودية ؟

 

[قاهره عذالي]

انا من الكويت
عايشه بالكويت بس جنسيتي سعوديه بس ولامره عشت بالسعوديه ولا لي بيت فيها

 

[عهد الغرام]

الله يعطيج العافية قاهرة

 

[al-7nona]

الله يوفقج يارب

والبنات ماقصرو معاج

 

[بنت بني تميم]

مشكورات حبيباااااااااااتي
الله يجزاكم خير يارب ..