السلام عليكم ورحمه الله وبركاته ....
انظرو ماهو الابداع الشعري ..
اليكم القصيده ..
مانيب طيب اي نعم. كانك تبي العلم الوكـاد
لكن قبل لا تبتسم مهما حصل.. باقـي جبـل
الجرح هاج من الشمم وانطلقت رباط الضماد
والجفن مل من السهر واستأذن الصبر وذبل
رمضا. وقيض .وقايله. واقول يا زين البراد
عشق الشموخ وعزتي مثل الرشا وهي الحبل
صار الرهان بحضرتي دم ولحـم والا جمـاد
واحتار وقتي وانبهر جرب معي كـل السبـل
يا وقت انا شماعتك من المهد حتـى اللحـاد
فتُحت بالدنيا على. حربـك ودقـات الطبـل
والحب ملعون الجدف اقرب وسيلـه للهجـاد
رزانة (الضرغام )عقبه تنقلب طيش (الشبل)
ضميت نار معاندك لين انها صـارت رمـاد
ورحت اتعفُى واسترح ساعة رجعت إلا دبـل
مادام حالتنـا كـذا ابشـرك طـال الطـراد
لاجيت اطفي نارها شفتك تقط ابهـا العبـل
ادري وش اللي يفرحك وآخر طموحك والمراد
مسكين تبغا طيحتي؟ اشهد عليك انك خبـل
يا هيه وفر فرحتك لأعيـاد تحريـر البـلاد
كانك تحرىُ طيحتي رح حررُ (الاقصى) قبـل
انتظركم.
