أسنان العروس بروحها سالفة

[عروسة داجه]

هاي بنوتات

انا اكتشفت متأخرة أني ماعندي سالفة و ان كان مفترض اهتم باسناني قبل الزواج
طبعا الحمدلله اسناني بيض ولا فيهم سوس و مهتمة فيهم
لكن مشكلتي كانت في الفراغات بين الاسنان، و يقولون ان الحل الوحيد له هو التقويم
بس طبعا مستحيل يمديني لان عرسي خلال 4 شهور
ويني و وين التقويم
بروح بعد شوي عيادة بيان وبقول للدكتور: تفضل هاك اسناني سو اللي تقدر عليه ههههههههه
مع اني ما اظن بيقدر على شي
أحد سامع عن علاج بأي عيادة ممكن يحل مشكلة الفراغات بدون تقويم؟

 

[<<ريماس>>]

هاي بنوتات

انا اكتشفت متأخرة أني ماعندي سالفة و ان كان مفترض اهتم باسناني قبل الزواج
طبعا الحمدلله اسناني بيض ولا فيهم سوس و مهتمة فيهم
لكن مشكلتي كانت في الفراغات بين الاسنان، و يقولون ان الحل الوحيد له هو التقويم
بس طبعا مستحيل يمديني لان عرسي خلال 4 شهور
ويني و وين التقويم
بروح بعد شوي عيادة بيان وبقول للدكتور: تفضل هاك اسناني سو اللي تقدر عليه ههههههههه
مع اني ما اظن بيقدر على شي
أحد سامع عن علاج بأي عيادة ممكن يحل مشكلة الفراغات بدون تقويم؟

لحووووووووووول أنتي بتخليني أبجي اليوووومـ...

أهــــيء أهــــيء

شفت موضوعج الأولي وأنآ بروحي خآيفهـ قلت أنآ ألحين جذي شلون بليلة العرس شيصير فيني<<هذآ أللي أحآتيهـ وأقول شلون أكثر العرايس ماسكين نفسهم وعندهم عآدي!!

وشكللللللللللللللللي بدج ويآأإآج هههههههههههههههه

أنآآآ تووو طآلعتلي سوسه بسن واحد وصغنطوووطه وقعدت أحن عند مآمي وبروح لطبيب الأسنآن بس مفكره أروح لخآص

وع قولتج عطي الدكتور أسنآنج خخخخخخخخخخ

وفــديتــج وربي يوووفقج ياااارب وسوري ع الإطآلهـ.,

 

[الـــدفـــشـــة]

انزين ليش ماانتبهتي للفراغات قبل لاتتزوجين
وانا مثل حالتج بس موفراغات انا ابي تركيب طبقات على الضروس الاماميه هذا اذا في بالكويت
وااااااااي الله يعيني اكرره عيادات الاسنان

 

[واقعية حـلـم !]

حبيبتي اللومينير يسكر الفراغات


و الله يوفقج حبيبتي

 

[عيون ملكيه]

المفروض من زماااان من ايام الثانويه تحطين تقويم

انا جذي اسناني صفتهم حلوه بس فيهم فراغات بسيييطه ضبطتهم بتقويم و خلصت و لله الحمد

اننتي روحي لعيادات الاسنان يضبطونها لج و بوقت قياسي بس الله الله بالقريشات

 

[شوكة رنانه]

عيل انا ابي عياده زينه بنظف اسناني وبسوي تبييض...ويييييييييييييين ياااابنااااااااااااات

 

[رحيق الورد]

حياتي عادي من غير تقويم إذا الفراغات يقدرون يسكرونها بالحشوات التجميلية ..

و لها أنواع البورسلان و السيراميك و في أنواع أخف منه ..

شوفي الي يناسبج قلبي و سويه ..

عادي يمديج لا تحاتين ..

 

[واحشنى موت]

ســـووي اللومينيير ,,


هو آلحل الأنسب لج بس تراه غالي ,,

 

[صدى الوحدانية]

>> اهمممممممم شي الله يهداااج


أنا مملجة وبحط تقوييييم الله يعيني ياليتني حاطته من زمااااان



تقريبـأ التقويم سنة وأشهر هيييك :>



بس لآآآزم

 

[كويتيه nice]

انا مع رأي اختي رحيق في حشوات تجميليه وتدووم
انا واحد من معارفنا مسويها كان عنده كسر في سنه الامامي يعني نص السن مكسور
سووله حشوه تجميليه ولي الحين موجوده

بجد عادي

 

[عروسة داجه]

أهلين بنوتات
ثانكس عالمشاركات الحلوة
أمس عقب ما كتبت الموضوع رحت عيادة بيان لطب الأسنان <<< متأثرة بالدعاية
بصراحة خدمتهم راقية وحلوة ، وتعامل الدكتور يفتح النفس وكله يتغشمر
اسمه خالد وليد علي اختصاصي جراحة الفم والفكين
قالي بحولج على اخصائي تركيب عشان يسويلي تلبيس
وسألته عن كلامج يا رحيق الورد ، قلتله عادي أحط الحشوات التجميلية
بس رفض وقال مستحييييل لان الفراغات بين اسنانج كبيرة
وقال بحولج على اخصائي تقويم، فقلتله لا انا عرسي بعد 4 شهور
جان يقول خلاص اذا جذي بعطيج تلبيس
عالاقل تترقع الاسنان ههههههههههه
موعدي باجر والله يستر
ان شاء الله تتسهل الامور