بسم الله الرحمن الرحيم ...
أغلب المشآكل جذورها وحده كالمثل : تعددت الأسباب والموت وآحد ّ!! :eh_s(1):
ريلي ما يهتم فيني وكله لاهي بالفون وحاسه نفسي وحيده ومالي لزمه ! :eh_s(2):
ريلي كله نجري وعصبي ولايعه جبده مني وتعقدت نفسيتي ! :eh_s(2):
ريلي كله برا بالدواويين وانا بروحي اجابل الاطوف ! :eh_s(2):
ريلي بقربه مني بسويله ليلة وبكشخله من عقب هالبرود اللي بينا وعدم اهتمامه فيني ! :eh_s(2):
كل وحده تسـأل نفسها .. انا زوجته شريكة حيآته .. أم رفيقة سرير ؟ :eh_s(10):
اذا بس بتفكرين شلون ليالي حمراء وخضراء وزرقاء وألوان الطيف بدون لا تفكرين بشنو مسار حياتج فأنتي غلطانه :eh_s(1):
وكلمة شريك الحياة مو بس كلمه ملازمه عاللسان أو كلمه تعودنا عليها وبس .. الكلمه هذي لها معنى والله سبحانه وتعالى تكلم عن الزواج من فوق سبع سموات... انها شراكه متعددة الابعاد يعني :-
جسديه وعاطفيه وعقليه واجتما عيه اي يعني انها شراكه كامله شامله
اليوم حبيت أتكلم عن ( خفآيا وأسرار العشيقات )
اللي تفتقدها للأسف اغلبية من الحريم المتزوجات
في سالفة مره وآحد داز لفوزيه الدريع أو نآعمة الهاشمي ما أذكر بالضبط رسآله يشكيلها يقولها ..
إي نعم انا خنت زوجتي .. نعم خنت أم عيالي .. بس لو سألتيني بتعذريني هالمره ما تريحني بالـ .. وعشيقتي ذقت وياها كل أنواع الراحه بتسأليني ليش وشالفرق الثنتين حريم ؟! بقولج هذي تستمتع وياي واستمتع وياها تعيش وياي اللحظه بكل جوارحها وتحس فيني وأحس فيها أما زوجتي اذا طلبتها للـ ... تحآول تمثل علي انه تمثيل بتمثيل وأنا أفهم انه مجرد تمثيل !! سآعات تقولي أوووه خلص بسرعه .. أو تقول كل يوم بغسل .. أو يحس انها شارده بالذهن ومو مهتمه فيه أو بعد ما يخلصون تقول انا افكر بولدي كان تعبان خنت خيلي !!!!!!! وعشيقتي اذا رحت لها .. يبين بعيونها وبخطواتها وبلمسآتها انها انها تبيني
هالريال لقى عذر يبرر له خيآنته وبفضلج انتي ... قدمتيله اياه بطبق من الفضه !
هذا أكبر خطأ ترتكبونه بحق ازواجكم
عيشي وياه اللحظه بكل جوارحها واستمتعي بكل ثانيه فيه .. خليه يحس انج انتي اللي ترغبين فيه مو بس هو اللي يرغب ( وساعات المرأه اهيا اللي تبآدر مو شرط كله الريال ) لان هالشي يثيره جنسيا ويخليه يشعر بالراحه !!
الرجل بطبيعته عنده الطآقه الجنسيه أكبر من المرأه .. وفي أوقات الرجل عنده فوق المعدل الطبيعي !!!!!!
دوام الحآل من الموحال الزمن تغير الحريم والنفوس تغيرت والناس تحسد على أدنات الدون .. انتو مجبورين تغيرون من تفكيركم في كذا نقطه أبي أتكلم عنها ....
العشيقه تؤسس علاقه عشآن تسعد وتجذب عشيقها وتهتم وتنقي كل تفاصيلها .. شلون ؟!
انتي وغيرج أو انا أو اي وحده تزوجت الحين .. قبل إرتباطنا كآنت عندنا حيآتنا واهتماماتنا وأشغالنا ويا الاهل ويا الصديقات الاهتمام بالنفس سواءا أقرا كتب أو أطور من نفسي من نآحيه شي أحبه يعني يكون عندي أشغالي الخآصه وكنا نشعر بالرفاهيه والسعاده انج خلصتي اليوم شغله كانت بخاطرج أو سويتيها من هواياتج .. بس عقب الزواج !!!!!! جك بوم للأسف تتغير180 درجه !! تعطي زوجها كل وقتها وتهتم فيه بدرجه غير طبيعيه ( وما تحس بنفسها والمشكله تعتبر هالشي شي عآدي ولازم كل زوجه تصير مهووسه بزوجها انا اسميها هوس لأنه مو طبيعي الوضع )
وحتى البعض تهمل بمظهرها وبنفسها بمجرد انها شاغله تفكيرها بوين راح وويا منو قاعد وشعنده الحين !! وياترا شيسوي الحين وحتى تلقينها قاعده ويا عيالها ومو صوبهم بس اتدقدق عليه
وينك ؟؟
يا بنات ترا الضغط يولد إنفجار !!!! غلط غلط غلط
وحتى حبج الزايد له واهتمامج المبالغ فيه ودلعج المهووس له يعتبر أحد انواع الضغط يؤدي الى الطفش - الزهق - الملل - ومن ثم الهروب تلوع جبده !!!! وترا عندنا وآيد زوجآت رياييلهم من هالنوع يلزق فيها لزززقه مو طبيعيه وتلوع جبدها منه .. الشي المبالغ فيه يرد بأثر عكسي
العشيقه أهوا اللي يدلعها تنقلب الآيه ... صحيح انها تدلله بس بأشياء معينه تلقى اهيا فيها متعتها
بس تجبره انه هو اللي يدلعها ويهتم فيها والبعض منهم ياخواتي يكتب اللي وراه واللي قدامه عشانها ( انه كيدهن عظيم ) ماسئلتوا نفسكم ليش ؟؟ لأنه إهيا تمتلك حيآتها وتمتلك نشآطاتها واهوا ما صار إلى ( إضافه بحياتها ) لا أكثر ولا أقل وكسبته بصفها !! لمطلوب من كل وحده : إنج لا تتخلين عن صديقاتج ولا تتخلين عن ممارسة هواياتج ولا تتخلين عن أهلج ولاتتخلين عن اي شي تحسين في المتعه فيه بمجرد انج تزوجتي ممكن انج تخففين بس انج تلغين هلأشياء اكبر خطأ ترتكبينه في حق نفسج
تخلقين معادله بين اهتمامج بنفسج واهتمامج بريلج انا ماقلت روحي الصالون وسوي تنظيف بشره عشان تنعمين جلدج عشانه لأ لأ
سوي هالتنظيف عشان تحسين انتي بإسترخاء عشان تشوفين ويهج في المنظره ونتي واثقه بنفسج تحسين انج قاعده ترفهين عن نفسج
اذا انشغلتي بممارسة هواياتج الي تحبينها وتنظيم وقتج لج انتي وزيارة صديقاتج واهلج وحتى أهله وزيادة الروابط بينج وبينهم بتحسين انج سويتي شي لنفسج وقضيتي وقت ممتع
( يعني بصحيح العباره : مايكون الزوج هو أكبر همي وإنشغالي ) ودائما حطي هالجمله بآلج ومبدئج : الزوج شريك الحيآة وليس الحيآة بأكملها !! يعني نفس قبل كنتي بيت أهلج عندج ارتباطات ويا الأهل صحيح تحصل خلافات ومشآكل وماكو حيآة تخلى من مشآكل سواء بين متزوجين أو بين اهلج .. ومع هذا كنتي تعيشين حيآتج بحلوها ومرها وتعيشين نشآطاتج وكلها غيمه سوده وتزول .. شللي تغير ؟؟ ولاحظي انتي اللي تغيرتي ولا أهوا للحين يصل ربعه بالدواوين ويوجب الناس والحيآة مآشيه لأنه موازن الأمور وهذا الصحيح
واللي تهمّل ذاتها يا خواتي مستحيل تقنع زوجها بذاتها وبوجودها .. لدرجة قمنا نسمع رياييل يقولون لحريمهم انا مليت ولاعت جبدي منج انتي كله لازقه فيني فجي شوي !!!!
النقطه الثآنيه ..
حاولي انج ماتكونين على طبيعتج جدام ريلج .. عشان مايعتبرج واحد من الربع !! وان اٌقصد اهني طبيعتج ( يعني خل يكون في شعلات حق نفسج مو كل شي تركضين تقولين له ولا تسوين جدامه )
ترا العشيقه ماعمرها كانت على طبيعتها جدامه مستحيل .. تتقن الأدوار وتعرف شلون تبرز جمآلها وتخفي عيوبها سواءا ظاهره أو لا
حسي من داخلج انه هالريال غريب عنج بتقولين صعب وليش أرهق نفسي ؟؟ وشوي شوي تعرفين تتقنين الدور ( طبعا الأشياء اللي ما تبين يكتشفها فيج حسسي نفسج انه غريب عنج وماله داعي يعرف مو كل شي لأنه في بعض البنات الله بالخير تفهم الكلام بالعكس وتركب الحيا من ساسها لراسها ويزهق منها التواااازن التوااازن التوااااازن )
لأنج متى ماطيحتي الميانه بينج وبينه شلتي كل الحواجز والحدود المفروض تكون موجوده في نطاق وإطار عش الزوجيه ...
بقولكم مثال بسيط وشوفوا الفرق بين ثنتين متزوجتين يعني ولا وحده فيهم عشيقه ;
الزوجه الأولى : مطيحه الميانه ويا ريلها بقوه
أول مادق عليها : هاااااا ببت الملابس من اللاندري !! هات بطريجك حفاظات للياهل ترا ماعنده وبصوت كله خشونه وحدّه وارتفاع !!
أول مايدخل البيت ها يبت الاغراض ولا نسيتها مثل كل مره واللبس اللي عليها هو يوم طلع كانت لابسته ويوم رجع البيت بعد لابسته ( الرجل تهمه التفاصيل )
طلع من الحمام واقفه وراه راح يجلس يتفرج على التلفزيون راحت وجلست وياه ياربيه وين اشرد من هالحرمه
إاشدعوه عليج .. تركيه هو اللي يناديج !!
الزوجه الثانيه : يدق عليها هلا روحي هااا شسويت اليوم في الدوام ( شفتوا الاهتمام ) عسا ماتعبوك يا قلبي يعل التعب في قلب عدوينك قبل لا تسد السماعه ممكن حبيبي هات لنا وياك ( قالت ممكن وهات لنا ) ركزوا على العبارات !! :eh_s(8):
أول مايدخل البيت الابتسامه ( ولاحظوا يابنات انكم تكسبون أجر باللي تسوونه فوق انه هالشي لصالحكم ) :rerrerek: والابتسامه تبعث قي نفسه ونفسج البهجه والرضا لابسه لبس مختلف عن اللبس اللي شافها فيه يوم طلع وحتى لون القلوز غير عطيه شي بارد يشربه و وخري نفسج عنه وروحي انشغلي إبأي شي وبتشوفينه هو اللي ينساق لج بكل عواطفه ويدور عليج
والانسان بغض النظر كان رجل او إمرأه بنت او ولد شايب ولا شباب يحبون الشخص المتفائل المبتسم ونتي يوم تلبسين وتبتسمين وتتعطرين وتتبتخرين كله عشانج انتي يابنت الناس مو عشانه اهوا نفس ما اتفقناااااااا بأول الكلام تخيلوا واحد من المتزوجين يقول قصته للباحثه عن عشيقته يقول حتى الأندر وير ينقط دهن عود ؟؟ وجسمها خالي تماما من الشعر ( شفتوا التركيز بالتفاصيل اللي تغفلونها )الخيانه اصبحت مرض متفشي ؟؟ ونا وياج بهالنقطه للأسف اصبحت شي متفشي وبعنف !! وانا حالي حال غيري متزوجه .. وأبي أحافظ على زوجي .. وأحافظ على بيتي .. وأبعد عن كل السلبيات اللي ممكن تأثر عليّ انا شخصيا قبل أي أحد ثاني
انا قلت قولي كلام حلو نابع من مشاعرج انتي مو مجرد تمثيل ,, أدري بتقولين والله انا سويت وعملت ومابقي شي الى وسويته !!
قلت لج خطأ يابنت الحلال انج تضغطين على نفسج وعليه بهالحب لانه راح يكون منفر مو مقرب ابد ديري بآلج ( لا تعطي السيف لمن لا يجيد الرقص ) شوي شوي على الريال وشوي شوي على نفسج كلمات خفيفه لطيفه وبس ماله داعي هسترت الحب اللي الل متبعها وكلها تنحش الريال من بيته .. انا قلت حبيه وعشقي كل ذره فيه وبطبيعة الحآل لو حبيتي شخص بتحبين عيوبه وتحلو بنظرج .. لا تقولين ريلي ما في شي حلو ويعمي عينج السلبيات والمشاكل اللي ترست قلبح !! بالعكس واهو يمشي جدامج أو قاعد تأمليه اكيد هلانسان اللي هو ريلج فيه ميزه وقوليها له لأنه هالشي موجود فيه مو تمثيل وسوالف يايبتها من راسج لوول
كوني صادقه وياه بمشاعرج مو تكون مشاعرج وعباراتج وسيلة ضغط
انا اتكلم عنج انتي شخصيا ركزي بنفسج وطويرها واستعيدي علاقاتج برفيجاتج واهلج ومارسي هواياتج واهتمامج بنفسج وقوي من ذاتج وشخصيتج عشان تكونين شخصيه مستقله مو تابعه للزوج فقط !!
كوني شخصيه متفائله مبتسمه .. ثير البهجه صحيح كل حيآة زوجية لا تخلو من المشآكل بس لا تخلين هالشي يسيطر عليج وتصيرين حنآنه رنانه احنا بنات وما نتحمل وحده كل يوم تحن وترن عن ريلها ومكتئبه ما بآلج ريلها وياها 24ساعه شلون !!
اتمنى انكم فهمتوني لاني مو قاعده اقنعكم انكم تقولون كلام حلو وبس !!
ركزوا بالعبارات والنقاط زين
النقطه رقم ( 2 ) تدرون شنو الفرق بين العشيقه والزوجه ؟
الزوجه : تجعله أهم شي في حياتهااا أو حياتها بالكآمل < الخطأ بعينه
العشيقه : تضيفه لحياتها يعني يعتبر شيء إضافي لا
النقطه رقم (3) : والخطأ الفادح اللي تقع فيه أغلب المتزوجات وخصوصا في بداية حياتها الزوجيه انها تقول لزوجها على سبيل المثال
- والله يافلان ترا انا كنت مضطهده ومحرومه فبيتنا وأبيك تعوضني عن كل اللي انحرمت منه !!
- يافلان انا أخوي كان يطورق فيني ويطقني لين كرهت كل الرياييل أتمنى انك تفكني من هالعقده اللي سببها لي أخوي!
- يافلان أمي وابوي حرموني من حنانهم وابوي عمره مامسح على راسي ابي احسن بهالحنان وياك !
تظل تقلل من قيمتها بهالكلام وتقلل من قيمة أهلها وتمسح نفسها بنفسها بالقاع ..!!
في البدايه بيعطيها حنان يمكن شهر يمكن شهرين يمكن 3 وحمدي ربج بعد بس بعدين ؟؟
بيكون اهوا أول من يطقها بالطوفه و يدوس عليها
ماراح يحس ان وراج ظهر ,, وماراح يحس ان لج قيمه أصلا طول مانتي تظهرين انه انتي ولا شي بهالدنيا من غيره و مدى حاجتج لوجوده في حياتج فهمتوني ؟؟ حتى في كلمات بهالخصوص ديري بآالج تقولينها : قولي انت حبيبي وبوعيالي وتآج راسي بس لا تقولين انا ولا شي من دونك .. ترا هالكلام ياخذ أثره بالمدى البعيد يعني عرفي تنقين الكلام !
طيب شنو المفروض اقوله وشنو المفروض أسويه ولو كان مجرد كلام بس على سبيل تقوية فروعي !!
- تدري يافلان مره اخوي بالغلط يت ايده على ظهري بقوه وقعد طول اليوم يعتذر مني !
- والله ابوي مامثله ريال عمري ماطلبت شي الى وفره لي وعمره ماحرمني من شي ياليت كل الأباء والامهات مثل ابوي وامي وانشاءالله أصير طبق الاصل منهم لعيالي !
- تخيل مره من المرات رفيجتي بالمدرسه سبتني ابوي وامي راحوا لأهلها لين البيت يهاوشونهم ومن يومها وهالبنيه مو قادره ترفع راسها لوول عاد انتي زيدي البهارات من عندج
واللبيب بالإِشاره يفهم .. واكيد راح يفهم ان وراج ظهر وسند وعزوة وبيكون له أهوا زيآدة لهالسند اللي وراج
النقطه رقم ( 4 ) وهالنقطه وايد مهمه خواتي
لعشيقه : تحبه كما هو بكل ما لديه من أخطاء وبدون أن توجه اليه النقد الدائم ولاتشعره ابدا بتأنيب الضمير الزوجه : تنشتغل وتصب اهتمامها باحداث تغييرات جذريه في حياة زوجها لكي يتناسب مع ذوقها ومستقبلها ومصالحها
شلون ؟
اذا كان الزوج تنقصه الشهاده الجامعيه على سبيل المثال تقعد تلّح عليه وتحن وترن بشكل مستمر انه يكمل دراسته واحتمال كبير تكون الفكره غير وارده في ذهن الزوج فيشعر بالضغط وحنه وهالشي اللي يولد للهروب ... يزهق
تركيه على راحته وتقبليه مثل مو اهوا
الريال ما يحب الطبع اللحوح والحنه وخصوصا اذا شي مو مقتنع فيه شنو تسوين ؟! انتي طوري من نفسج ومن طريقة التعبير السلسه وحآولي انج تختارين الوقت المناسب والجو الهاديء والطريقه الهاديه وقوليله بطريقه غير مبآشره :eh_s(7):
وكل إمرأه فينا تحمّل من الذكاء الفطري مايكفيها انها تحدد الاسلوب الصح اللي تتعامل فيه ويا ريلهااا
لازم تصبرين وتحافظين على بيتج وبذكائج تقدرين تبعدينه عنها اما تركج للبيت ومصارحتج له بأنج اكتشفتي خيانته هالشي يزيد الطين بله وبيقول بالعكس يمعود كا درت ومردها بتردلي ..! طبعا مو كل الازواج بس في اللي يفكر بهالطريقه وانتي وشطآرتج تحافظين على بيتج ( بس لا زاد شي عن حده انقلب ضده ) لانه هذا ما منه رجا وخآن ربه قبل لا يخون مرته ... بس انا اتكلم في حآلات ماله داعي تنهدم البيوت ويرجعون أحسن من أول وكل وحده عارفه ريلها شنو ..
النقطه (5)
العشيقه :سعيده ومبتهجه تشعر بالثقه والغرور وتشيع حولها جو من التميز لأنها بكامل ثقتها ( والثقه يسمونه الأطباء والاخصائيين النفسيين العلاج السحري )
الزوجه :بارده كئيبه و شاكيه وغير راضيه عن نفسها او بيتها او حتى زوجها والحياة عندها أبيض وأسود .... قبل لا تهتمين ببشرتج وقبل اهتمامج بالحركات الرومانسيه والليالي و و و و ,, قبل كل شي حاولي تهتمي بذاتج من الداخل ثقي بنفسج وارضي عنها تمام الرضا حسي بحلاوه الدنيا بالبهجه والتفاؤل والسعاده .. بقولكم مثال عن ;- الزوجه الكئيبه .. واااي شوفوا شاون كرشتي طالعه !! العيال مايدرسون وكله صراخ تبهذلت عيشتي !! البيت مافيه اغراض مصفرررر !! ريلي مايطلعني كله لاهي شنو هالعيشه !! فلانه عندها خدامتين وانا حتى وحده ماكو !!!!!!!!! وتقعد تحبط من نفسها لين توصل الى مرحلة الاكتئاب!!
ولا تظنون ان هالشي مايوصل حق ريلها ؟؟ يوصل له ويكتشفه بكل سهوله وهالشي اللي يؤدي الى هروبه الى احضان وحده ثانيه يشعر وياها بالنفاؤل والسعاده والراحه النفسيه لا حنه ولا رنه ولا عوار راس امرأه ماتتشكى امرأه تحسسه ان الدنيا بخير مبتسمه عذبه رقيقه
المطلوب من خلال هالنقطه
ركزي على الأشياء الإيجابيه في حياتج وصرفي النظر عن السلبيات وخلي في بالج شي واحد مافي حياة كامله على هالوجود مااافي مااااافي مااااافي وكل انسان بياخذ رزقه بهالدنيا .. الارزاق بيد الله لا طالعين غيرج وتتحسرين ترا انتي اتعبين نفسيتج وتعبين ريلج وياج حبي الدنيا بطعمها ..
أتمنى ما طولت عليكم فديتكم وهذي مجرد نصآيح ممزوجه بفضفضه .. وأنا مسافره هالفتره ادعولي الله يسرلي أموري ويمكن ما أرد لفتره بس تشرفني ردودكم عالموضوع ودمتم :eh_s(7)::eh_s(7):
أغلب المشآكل جذورها وحده كالمثل : تعددت الأسباب والموت وآحد ّ!! :eh_s(1):
ريلي ما يهتم فيني وكله لاهي بالفون وحاسه نفسي وحيده ومالي لزمه ! :eh_s(2):
ريلي كله نجري وعصبي ولايعه جبده مني وتعقدت نفسيتي ! :eh_s(2):
ريلي كله برا بالدواويين وانا بروحي اجابل الاطوف ! :eh_s(2):
ريلي بقربه مني بسويله ليلة وبكشخله من عقب هالبرود اللي بينا وعدم اهتمامه فيني ! :eh_s(2):
كل وحده تسـأل نفسها .. انا زوجته شريكة حيآته .. أم رفيقة سرير ؟ :eh_s(10):
اذا بس بتفكرين شلون ليالي حمراء وخضراء وزرقاء وألوان الطيف بدون لا تفكرين بشنو مسار حياتج فأنتي غلطانه :eh_s(1):
وكلمة شريك الحياة مو بس كلمه ملازمه عاللسان أو كلمه تعودنا عليها وبس .. الكلمه هذي لها معنى والله سبحانه وتعالى تكلم عن الزواج من فوق سبع سموات... انها شراكه متعددة الابعاد يعني :-
جسديه وعاطفيه وعقليه واجتما عيه اي يعني انها شراكه كامله شامله
اليوم حبيت أتكلم عن ( خفآيا وأسرار العشيقات )
اللي تفتقدها للأسف اغلبية من الحريم المتزوجات
في سالفة مره وآحد داز لفوزيه الدريع أو نآعمة الهاشمي ما أذكر بالضبط رسآله يشكيلها يقولها ..
إي نعم انا خنت زوجتي .. نعم خنت أم عيالي .. بس لو سألتيني بتعذريني هالمره ما تريحني بالـ .. وعشيقتي ذقت وياها كل أنواع الراحه بتسأليني ليش وشالفرق الثنتين حريم ؟! بقولج هذي تستمتع وياي واستمتع وياها تعيش وياي اللحظه بكل جوارحها وتحس فيني وأحس فيها أما زوجتي اذا طلبتها للـ ... تحآول تمثل علي انه تمثيل بتمثيل وأنا أفهم انه مجرد تمثيل !! سآعات تقولي أوووه خلص بسرعه .. أو تقول كل يوم بغسل .. أو يحس انها شارده بالذهن ومو مهتمه فيه أو بعد ما يخلصون تقول انا افكر بولدي كان تعبان خنت خيلي !!!!!!! وعشيقتي اذا رحت لها .. يبين بعيونها وبخطواتها وبلمسآتها انها انها تبيني
هالريال لقى عذر يبرر له خيآنته وبفضلج انتي ... قدمتيله اياه بطبق من الفضه !
هذا أكبر خطأ ترتكبونه بحق ازواجكم
عيشي وياه اللحظه بكل جوارحها واستمتعي بكل ثانيه فيه .. خليه يحس انج انتي اللي ترغبين فيه مو بس هو اللي يرغب ( وساعات المرأه اهيا اللي تبآدر مو شرط كله الريال ) لان هالشي يثيره جنسيا ويخليه يشعر بالراحه !!
الرجل بطبيعته عنده الطآقه الجنسيه أكبر من المرأه .. وفي أوقات الرجل عنده فوق المعدل الطبيعي !!!!!!
دوام الحآل من الموحال الزمن تغير الحريم والنفوس تغيرت والناس تحسد على أدنات الدون .. انتو مجبورين تغيرون من تفكيركم في كذا نقطه أبي أتكلم عنها ....
العشيقه تؤسس علاقه عشآن تسعد وتجذب عشيقها وتهتم وتنقي كل تفاصيلها .. شلون ؟!
انتي وغيرج أو انا أو اي وحده تزوجت الحين .. قبل إرتباطنا كآنت عندنا حيآتنا واهتماماتنا وأشغالنا ويا الاهل ويا الصديقات الاهتمام بالنفس سواءا أقرا كتب أو أطور من نفسي من نآحيه شي أحبه يعني يكون عندي أشغالي الخآصه وكنا نشعر بالرفاهيه والسعاده انج خلصتي اليوم شغله كانت بخاطرج أو سويتيها من هواياتج .. بس عقب الزواج !!!!!! جك بوم للأسف تتغير180 درجه !! تعطي زوجها كل وقتها وتهتم فيه بدرجه غير طبيعيه ( وما تحس بنفسها والمشكله تعتبر هالشي شي عآدي ولازم كل زوجه تصير مهووسه بزوجها انا اسميها هوس لأنه مو طبيعي الوضع )
وحتى البعض تهمل بمظهرها وبنفسها بمجرد انها شاغله تفكيرها بوين راح وويا منو قاعد وشعنده الحين !! وياترا شيسوي الحين وحتى تلقينها قاعده ويا عيالها ومو صوبهم بس اتدقدق عليه
وينك ؟؟
يا بنات ترا الضغط يولد إنفجار !!!! غلط غلط غلط
وحتى حبج الزايد له واهتمامج المبالغ فيه ودلعج المهووس له يعتبر أحد انواع الضغط يؤدي الى الطفش - الزهق - الملل - ومن ثم الهروب تلوع جبده !!!! وترا عندنا وآيد زوجآت رياييلهم من هالنوع يلزق فيها لزززقه مو طبيعيه وتلوع جبدها منه .. الشي المبالغ فيه يرد بأثر عكسي
العشيقه أهوا اللي يدلعها تنقلب الآيه ... صحيح انها تدلله بس بأشياء معينه تلقى اهيا فيها متعتها
بس تجبره انه هو اللي يدلعها ويهتم فيها والبعض منهم ياخواتي يكتب اللي وراه واللي قدامه عشانها ( انه كيدهن عظيم ) ماسئلتوا نفسكم ليش ؟؟ لأنه إهيا تمتلك حيآتها وتمتلك نشآطاتها واهوا ما صار إلى ( إضافه بحياتها ) لا أكثر ولا أقل وكسبته بصفها !! لمطلوب من كل وحده : إنج لا تتخلين عن صديقاتج ولا تتخلين عن ممارسة هواياتج ولا تتخلين عن أهلج ولاتتخلين عن اي شي تحسين في المتعه فيه بمجرد انج تزوجتي ممكن انج تخففين بس انج تلغين هلأشياء اكبر خطأ ترتكبينه في حق نفسج
تخلقين معادله بين اهتمامج بنفسج واهتمامج بريلج انا ماقلت روحي الصالون وسوي تنظيف بشره عشان تنعمين جلدج عشانه لأ لأ
سوي هالتنظيف عشان تحسين انتي بإسترخاء عشان تشوفين ويهج في المنظره ونتي واثقه بنفسج تحسين انج قاعده ترفهين عن نفسج
اذا انشغلتي بممارسة هواياتج الي تحبينها وتنظيم وقتج لج انتي وزيارة صديقاتج واهلج وحتى أهله وزيادة الروابط بينج وبينهم بتحسين انج سويتي شي لنفسج وقضيتي وقت ممتع
( يعني بصحيح العباره : مايكون الزوج هو أكبر همي وإنشغالي ) ودائما حطي هالجمله بآلج ومبدئج : الزوج شريك الحيآة وليس الحيآة بأكملها !! يعني نفس قبل كنتي بيت أهلج عندج ارتباطات ويا الأهل صحيح تحصل خلافات ومشآكل وماكو حيآة تخلى من مشآكل سواء بين متزوجين أو بين اهلج .. ومع هذا كنتي تعيشين حيآتج بحلوها ومرها وتعيشين نشآطاتج وكلها غيمه سوده وتزول .. شللي تغير ؟؟ ولاحظي انتي اللي تغيرتي ولا أهوا للحين يصل ربعه بالدواوين ويوجب الناس والحيآة مآشيه لأنه موازن الأمور وهذا الصحيح
واللي تهمّل ذاتها يا خواتي مستحيل تقنع زوجها بذاتها وبوجودها .. لدرجة قمنا نسمع رياييل يقولون لحريمهم انا مليت ولاعت جبدي منج انتي كله لازقه فيني فجي شوي !!!!
النقطه الثآنيه ..
حاولي انج ماتكونين على طبيعتج جدام ريلج .. عشان مايعتبرج واحد من الربع !! وان اٌقصد اهني طبيعتج ( يعني خل يكون في شعلات حق نفسج مو كل شي تركضين تقولين له ولا تسوين جدامه )
ترا العشيقه ماعمرها كانت على طبيعتها جدامه مستحيل .. تتقن الأدوار وتعرف شلون تبرز جمآلها وتخفي عيوبها سواءا ظاهره أو لا
حسي من داخلج انه هالريال غريب عنج بتقولين صعب وليش أرهق نفسي ؟؟ وشوي شوي تعرفين تتقنين الدور ( طبعا الأشياء اللي ما تبين يكتشفها فيج حسسي نفسج انه غريب عنج وماله داعي يعرف مو كل شي لأنه في بعض البنات الله بالخير تفهم الكلام بالعكس وتركب الحيا من ساسها لراسها ويزهق منها التواااازن التوااازن التوااااازن )
لأنج متى ماطيحتي الميانه بينج وبينه شلتي كل الحواجز والحدود المفروض تكون موجوده في نطاق وإطار عش الزوجيه ...
بقولكم مثال بسيط وشوفوا الفرق بين ثنتين متزوجتين يعني ولا وحده فيهم عشيقه ;
الزوجه الأولى : مطيحه الميانه ويا ريلها بقوه
أول مادق عليها : هاااااا ببت الملابس من اللاندري !! هات بطريجك حفاظات للياهل ترا ماعنده وبصوت كله خشونه وحدّه وارتفاع !!
أول مايدخل البيت ها يبت الاغراض ولا نسيتها مثل كل مره واللبس اللي عليها هو يوم طلع كانت لابسته ويوم رجع البيت بعد لابسته ( الرجل تهمه التفاصيل )
طلع من الحمام واقفه وراه راح يجلس يتفرج على التلفزيون راحت وجلست وياه ياربيه وين اشرد من هالحرمه
إاشدعوه عليج .. تركيه هو اللي يناديج !!
الزوجه الثانيه : يدق عليها هلا روحي هااا شسويت اليوم في الدوام ( شفتوا الاهتمام ) عسا ماتعبوك يا قلبي يعل التعب في قلب عدوينك قبل لا تسد السماعه ممكن حبيبي هات لنا وياك ( قالت ممكن وهات لنا ) ركزوا على العبارات !! :eh_s(8):
أول مايدخل البيت الابتسامه ( ولاحظوا يابنات انكم تكسبون أجر باللي تسوونه فوق انه هالشي لصالحكم ) :rerrerek: والابتسامه تبعث قي نفسه ونفسج البهجه والرضا لابسه لبس مختلف عن اللبس اللي شافها فيه يوم طلع وحتى لون القلوز غير عطيه شي بارد يشربه و وخري نفسج عنه وروحي انشغلي إبأي شي وبتشوفينه هو اللي ينساق لج بكل عواطفه ويدور عليج
والانسان بغض النظر كان رجل او إمرأه بنت او ولد شايب ولا شباب يحبون الشخص المتفائل المبتسم ونتي يوم تلبسين وتبتسمين وتتعطرين وتتبتخرين كله عشانج انتي يابنت الناس مو عشانه اهوا نفس ما اتفقناااااااا بأول الكلام تخيلوا واحد من المتزوجين يقول قصته للباحثه عن عشيقته يقول حتى الأندر وير ينقط دهن عود ؟؟ وجسمها خالي تماما من الشعر ( شفتوا التركيز بالتفاصيل اللي تغفلونها )الخيانه اصبحت مرض متفشي ؟؟ ونا وياج بهالنقطه للأسف اصبحت شي متفشي وبعنف !! وانا حالي حال غيري متزوجه .. وأبي أحافظ على زوجي .. وأحافظ على بيتي .. وأبعد عن كل السلبيات اللي ممكن تأثر عليّ انا شخصيا قبل أي أحد ثاني
انا قلت قولي كلام حلو نابع من مشاعرج انتي مو مجرد تمثيل ,, أدري بتقولين والله انا سويت وعملت ومابقي شي الى وسويته !!
قلت لج خطأ يابنت الحلال انج تضغطين على نفسج وعليه بهالحب لانه راح يكون منفر مو مقرب ابد ديري بآلج ( لا تعطي السيف لمن لا يجيد الرقص ) شوي شوي على الريال وشوي شوي على نفسج كلمات خفيفه لطيفه وبس ماله داعي هسترت الحب اللي الل متبعها وكلها تنحش الريال من بيته .. انا قلت حبيه وعشقي كل ذره فيه وبطبيعة الحآل لو حبيتي شخص بتحبين عيوبه وتحلو بنظرج .. لا تقولين ريلي ما في شي حلو ويعمي عينج السلبيات والمشاكل اللي ترست قلبح !! بالعكس واهو يمشي جدامج أو قاعد تأمليه اكيد هلانسان اللي هو ريلج فيه ميزه وقوليها له لأنه هالشي موجود فيه مو تمثيل وسوالف يايبتها من راسج لوول
كوني صادقه وياه بمشاعرج مو تكون مشاعرج وعباراتج وسيلة ضغط
انا اتكلم عنج انتي شخصيا ركزي بنفسج وطويرها واستعيدي علاقاتج برفيجاتج واهلج ومارسي هواياتج واهتمامج بنفسج وقوي من ذاتج وشخصيتج عشان تكونين شخصيه مستقله مو تابعه للزوج فقط !!
كوني شخصيه متفائله مبتسمه .. ثير البهجه صحيح كل حيآة زوجية لا تخلو من المشآكل بس لا تخلين هالشي يسيطر عليج وتصيرين حنآنه رنانه احنا بنات وما نتحمل وحده كل يوم تحن وترن عن ريلها ومكتئبه ما بآلج ريلها وياها 24ساعه شلون !!
اتمنى انكم فهمتوني لاني مو قاعده اقنعكم انكم تقولون كلام حلو وبس !!
ركزوا بالعبارات والنقاط زين
النقطه رقم ( 2 ) تدرون شنو الفرق بين العشيقه والزوجه ؟
الزوجه : تجعله أهم شي في حياتهااا أو حياتها بالكآمل < الخطأ بعينه
العشيقه : تضيفه لحياتها يعني يعتبر شيء إضافي لا
النقطه رقم (3) : والخطأ الفادح اللي تقع فيه أغلب المتزوجات وخصوصا في بداية حياتها الزوجيه انها تقول لزوجها على سبيل المثال
- والله يافلان ترا انا كنت مضطهده ومحرومه فبيتنا وأبيك تعوضني عن كل اللي انحرمت منه !!
- يافلان انا أخوي كان يطورق فيني ويطقني لين كرهت كل الرياييل أتمنى انك تفكني من هالعقده اللي سببها لي أخوي!
- يافلان أمي وابوي حرموني من حنانهم وابوي عمره مامسح على راسي ابي احسن بهالحنان وياك !
تظل تقلل من قيمتها بهالكلام وتقلل من قيمة أهلها وتمسح نفسها بنفسها بالقاع ..!!
في البدايه بيعطيها حنان يمكن شهر يمكن شهرين يمكن 3 وحمدي ربج بعد بس بعدين ؟؟
بيكون اهوا أول من يطقها بالطوفه و يدوس عليها
ماراح يحس ان وراج ظهر ,, وماراح يحس ان لج قيمه أصلا طول مانتي تظهرين انه انتي ولا شي بهالدنيا من غيره و مدى حاجتج لوجوده في حياتج فهمتوني ؟؟ حتى في كلمات بهالخصوص ديري بآالج تقولينها : قولي انت حبيبي وبوعيالي وتآج راسي بس لا تقولين انا ولا شي من دونك .. ترا هالكلام ياخذ أثره بالمدى البعيد يعني عرفي تنقين الكلام !
طيب شنو المفروض اقوله وشنو المفروض أسويه ولو كان مجرد كلام بس على سبيل تقوية فروعي !!
- تدري يافلان مره اخوي بالغلط يت ايده على ظهري بقوه وقعد طول اليوم يعتذر مني !
- والله ابوي مامثله ريال عمري ماطلبت شي الى وفره لي وعمره ماحرمني من شي ياليت كل الأباء والامهات مثل ابوي وامي وانشاءالله أصير طبق الاصل منهم لعيالي !
- تخيل مره من المرات رفيجتي بالمدرسه سبتني ابوي وامي راحوا لأهلها لين البيت يهاوشونهم ومن يومها وهالبنيه مو قادره ترفع راسها لوول عاد انتي زيدي البهارات من عندج
واللبيب بالإِشاره يفهم .. واكيد راح يفهم ان وراج ظهر وسند وعزوة وبيكون له أهوا زيآدة لهالسند اللي وراج
النقطه رقم ( 4 ) وهالنقطه وايد مهمه خواتي
لعشيقه : تحبه كما هو بكل ما لديه من أخطاء وبدون أن توجه اليه النقد الدائم ولاتشعره ابدا بتأنيب الضمير الزوجه : تنشتغل وتصب اهتمامها باحداث تغييرات جذريه في حياة زوجها لكي يتناسب مع ذوقها ومستقبلها ومصالحها
شلون ؟
اذا كان الزوج تنقصه الشهاده الجامعيه على سبيل المثال تقعد تلّح عليه وتحن وترن بشكل مستمر انه يكمل دراسته واحتمال كبير تكون الفكره غير وارده في ذهن الزوج فيشعر بالضغط وحنه وهالشي اللي يولد للهروب ... يزهق
تركيه على راحته وتقبليه مثل مو اهوا
الريال ما يحب الطبع اللحوح والحنه وخصوصا اذا شي مو مقتنع فيه شنو تسوين ؟! انتي طوري من نفسج ومن طريقة التعبير السلسه وحآولي انج تختارين الوقت المناسب والجو الهاديء والطريقه الهاديه وقوليله بطريقه غير مبآشره :eh_s(7):
وكل إمرأه فينا تحمّل من الذكاء الفطري مايكفيها انها تحدد الاسلوب الصح اللي تتعامل فيه ويا ريلهااا
لازم تصبرين وتحافظين على بيتج وبذكائج تقدرين تبعدينه عنها اما تركج للبيت ومصارحتج له بأنج اكتشفتي خيانته هالشي يزيد الطين بله وبيقول بالعكس يمعود كا درت ومردها بتردلي ..! طبعا مو كل الازواج بس في اللي يفكر بهالطريقه وانتي وشطآرتج تحافظين على بيتج ( بس لا زاد شي عن حده انقلب ضده ) لانه هذا ما منه رجا وخآن ربه قبل لا يخون مرته ... بس انا اتكلم في حآلات ماله داعي تنهدم البيوت ويرجعون أحسن من أول وكل وحده عارفه ريلها شنو ..
النقطه (5)
العشيقه :سعيده ومبتهجه تشعر بالثقه والغرور وتشيع حولها جو من التميز لأنها بكامل ثقتها ( والثقه يسمونه الأطباء والاخصائيين النفسيين العلاج السحري )
الزوجه :بارده كئيبه و شاكيه وغير راضيه عن نفسها او بيتها او حتى زوجها والحياة عندها أبيض وأسود .... قبل لا تهتمين ببشرتج وقبل اهتمامج بالحركات الرومانسيه والليالي و و و و ,, قبل كل شي حاولي تهتمي بذاتج من الداخل ثقي بنفسج وارضي عنها تمام الرضا حسي بحلاوه الدنيا بالبهجه والتفاؤل والسعاده .. بقولكم مثال عن ;- الزوجه الكئيبه .. واااي شوفوا شاون كرشتي طالعه !! العيال مايدرسون وكله صراخ تبهذلت عيشتي !! البيت مافيه اغراض مصفرررر !! ريلي مايطلعني كله لاهي شنو هالعيشه !! فلانه عندها خدامتين وانا حتى وحده ماكو !!!!!!!!! وتقعد تحبط من نفسها لين توصل الى مرحلة الاكتئاب!!
ولا تظنون ان هالشي مايوصل حق ريلها ؟؟ يوصل له ويكتشفه بكل سهوله وهالشي اللي يؤدي الى هروبه الى احضان وحده ثانيه يشعر وياها بالنفاؤل والسعاده والراحه النفسيه لا حنه ولا رنه ولا عوار راس امرأه ماتتشكى امرأه تحسسه ان الدنيا بخير مبتسمه عذبه رقيقه
المطلوب من خلال هالنقطه
ركزي على الأشياء الإيجابيه في حياتج وصرفي النظر عن السلبيات وخلي في بالج شي واحد مافي حياة كامله على هالوجود مااافي مااااافي مااااافي وكل انسان بياخذ رزقه بهالدنيا .. الارزاق بيد الله لا طالعين غيرج وتتحسرين ترا انتي اتعبين نفسيتج وتعبين ريلج وياج حبي الدنيا بطعمها ..
أتمنى ما طولت عليكم فديتكم وهذي مجرد نصآيح ممزوجه بفضفضه .. وأنا مسافره هالفتره ادعولي الله يسرلي أموري ويمكن ما أرد لفتره بس تشرفني ردودكم عالموضوع ودمتم :eh_s(7)::eh_s(7):
