الـسلام عليكم
عندي لكم شوربة خفيفه وسريعه يمكن تاخذلها ربع ساعه بعد
طرشتها حق حمووولتي و استانسوا عليها خالتي دقت تمدحها
بسم الله،،
(( المقادير ))
__ بصله كبيره مقطعه قطع صغار حيل
__ 2 فص ثوم مقطع قطع صغار حيل واذا بتزيدين عادي
__ علبتين كبار مشروم صحيح " معلبات " أو 4 علب صغار
>> ما أنصح بالمقطع اخذي العدل وانتي قطعيه شرايح
__ زبدة + زيت
__ كريمة كي دي دي
__ ملعقتين طحين
__ فلفل أسود
__ مكعب ماجي أو جيس مرقه ماجي البودرة بس اذا بتستخدمون الجيس حطوا نصه مو كله لأن الجيس عباره عن 2 مكعب ماجي اذا حطيتوه كله راح تطلع معاكم الشوربة مالحة
__ زنجبيل مطحون " جاهز " + بودرة جبن بارمزان تلاقونها جاهزة بالجمعيات >> هالشغلتين حسب الرغبة بس ضيفوها احسن تطلع نكهه حلوة
(( الطريقـه ))
__ نحط بالجدر شوية زيت و نحط قطع الزبدة و ننطرها لمه تذوب
__ ضيفي البصل و قلبيه وضيفي الثوم ونطريه لمه يتحمر و رشي عليهم شوية زنجبيل مطحون
__ ضيفي المشروم اللي قطعتيه شرائح وقلبيه مع الزبدة والبصل والثوم لمه يذوب أو يصير لين وماراح ياخذ منج وايد وقت
__ الحين اخذي نصف الكميه اللي حمستيها وحطيها في الخلاط وصبي فوقها 2 كوب ماي + مكعب ماجي + 2 ملعقه طحين و خلطيهم
__ صبي الخليط اللي خلطتيه بالخلاط على النصف الباقي من الحمسه و ضيفي عليهم كريمة كي دي دي ،، كمية الكريمه حسب الرغبة و رشي جبن بارمزان البودرة + رشي فلفل اسود
__ صكري الغطا و خليها تطبخ دقايق و بس راح تكون جاهزة بسرعه وقدميها بالعافيه
ملاحظة:
بإمكانكم اضافه فلفل اخضر بارد مقطع مثل البصل في البدايه مع البصل تحمسينه هم تطلع حلوة
وآسفه نسيت أصور لكم
عندي لكم شوربة خفيفه وسريعه يمكن تاخذلها ربع ساعه بعد
طرشتها حق حمووولتي و استانسوا عليها خالتي دقت تمدحها
بسم الله،،
(( المقادير ))
__ بصله كبيره مقطعه قطع صغار حيل
__ 2 فص ثوم مقطع قطع صغار حيل واذا بتزيدين عادي
__ علبتين كبار مشروم صحيح " معلبات " أو 4 علب صغار
>> ما أنصح بالمقطع اخذي العدل وانتي قطعيه شرايح
__ زبدة + زيت
__ كريمة كي دي دي
__ ملعقتين طحين
__ فلفل أسود
__ مكعب ماجي أو جيس مرقه ماجي البودرة بس اذا بتستخدمون الجيس حطوا نصه مو كله لأن الجيس عباره عن 2 مكعب ماجي اذا حطيتوه كله راح تطلع معاكم الشوربة مالحة
__ زنجبيل مطحون " جاهز " + بودرة جبن بارمزان تلاقونها جاهزة بالجمعيات >> هالشغلتين حسب الرغبة بس ضيفوها احسن تطلع نكهه حلوة
(( الطريقـه ))
__ نحط بالجدر شوية زيت و نحط قطع الزبدة و ننطرها لمه تذوب
__ ضيفي البصل و قلبيه وضيفي الثوم ونطريه لمه يتحمر و رشي عليهم شوية زنجبيل مطحون
__ ضيفي المشروم اللي قطعتيه شرائح وقلبيه مع الزبدة والبصل والثوم لمه يذوب أو يصير لين وماراح ياخذ منج وايد وقت
__ الحين اخذي نصف الكميه اللي حمستيها وحطيها في الخلاط وصبي فوقها 2 كوب ماي + مكعب ماجي + 2 ملعقه طحين و خلطيهم
__ صبي الخليط اللي خلطتيه بالخلاط على النصف الباقي من الحمسه و ضيفي عليهم كريمة كي دي دي ،، كمية الكريمه حسب الرغبة و رشي جبن بارمزان البودرة + رشي فلفل اسود
__ صكري الغطا و خليها تطبخ دقايق و بس راح تكون جاهزة بسرعه وقدميها بالعافيه
ملاحظة:
بإمكانكم اضافه فلفل اخضر بارد مقطع مثل البصل في البدايه مع البصل تحمسينه هم تطلع حلوة
وآسفه نسيت أصور لكم
