- إنضم
- 20 أكتوبر 2010
- المشاركات
- 274
- مستوى التفاعل
- 1
- النقاط
- 0
بسم الله الرحمن الرحيم
شخباركم مع البرررد؟؟ أهم شي تدفو زين .. وكثرو من الزنجبيل ^^
وصحصحوا معاي عدل لأن اللي باقوله وايد مهم لكل وحدة تبي تعيش حياة كلها حب وسعادة .. وهاذي اللي آنة أتمناه من كل قلبي
ويعلم الله اني مابي الا الخير لكل حبيباتي وخواتي بهالمنتدى العزيز على قلبي
موضوعي هاذي مهم لكل وحدة تبي تفهم تصرفات زوجها
وتطيح على باسوورد قلبه لووول
هدف موضوعي .. ترويض الزوج الشرس.. فهم الزوج الغامض.. جذب الزوج لأهدافج.. فهم ما يدور حولج بوضوح..
بكل موضوع كنا نتكلم اشلون تكسبين زوجك وتراضينه .. صح؟؟ ألحين بعد ما نكمل من هالموضوع .. بتتعلمون اشلون تخلين زوجك هو اللي يسعى لكسب رضاك .. !! وبتصيرين فنانة بإذن الله وتحصلين كل اللي تبينه من زوجك بدون عوار راس هههههه
((اللي أتمناه ان ما يكونون هناك رجال الحين يقرون موضوعي ههههههه))
بنات تسائلو عن السبب اللي يخلي اللي مو ذاك الزود وريلها يموت عليها
ووحدة يمكن تكون ملكة جمال والزوج هاملها!! مع العلم ان الجمال هو أول شي يجذب بس بعدها يصير شي عادي ويمكن ينتهي وتصير أقبح منها ما فيه بنظر زوجهها بسبب جهلها بخريطة زوجها النفسية!!
المهم ندش في المفيد
من خلال تجربتي واللي شفته وقريته من مشاكل خواتي الحبيبات في المنتديات .. لاحظت عدة نقاط... اجتمعوا عليها البنات ..
واللي هي صمت الزوج
كثرة سهراته وطلعاته
تكشيره في البيت
عصبيته:eh_s(14):
الخيانة والعياذ بالله .. ليش يخون الريال مع سمعته الطيبة واخلاقه بين الناس .. وزوجته مو مقصرة بحسب كلامها!!!!!!
ليش يحقر زوجته اللي تعامله احسن المعاملة
تعطيه وتصرف عليه ويخون او يتزوج عليها .. لا وبفلوسها بعد!!!!
مدة اليد على الزوجه
بنتكلم عن أخطاء ترتكبها الزوجة لتكسب زوجها ولكنها تبعده وتنفره منها!!
الرومنسية اللي يتمناها الزوج!! واللي تتمناها الزوجة!!
ليش لماتكثرين قرب منه يهرب ولما تبعدين عنه يركض وراج..!!
باقول لكم عن شي يصيب كل الرجال بلا استثناء يخلي الزوجة تستغرب وتدخلها شكوك
((المتحمسة لموضوعي وخاطرها تكمل للنهاية تسجل حضور واللي لا تكفيني دعوه طيبة منج ^^))
أولا..
تذكرو انه ما فيه رجل صعب ترويضه
تذكرو بأن لكل رجل مفتاح .. ومهمة كل زوجة تعرف مفاتيح زوجها
تذكرو بأن الله سبحانه وتعالى خلق الانثى أنثى والرجل رجل
الأنثى أنثى بمشاعرها وتفكيرها وأمومتها ورقتها وعطفها ودفئها وجوها في البيت
الرجل رجل بعقله وتفكيره وتحمله لمشاق الحياة والعمل خارج البيت .. حتى ولو كانت الزوجة موظفة في النهايةالرجال قوامون على النساء
وهذا ليس بتشريف ولكنه تكليف
ثانياً:
تذكرو بأن الرجل في البداية عندما تزوج كانت لديه افكار وطموحات وخيالات كذلك المرأة ..
الرجل يندفع ليتزوج المرأة .. يقترض من البنوك .. يكون همه وشغله الشاغل كيف يحصل عليها..يهتم بالحفلة.. ويسفرها شهر العسل.. وبعد الحصول عليها.. لماذا يتغير كل شيْ؟؟
لماذا ينتهي هذا الدافع؟؟
الجواب .. لأن المرأة لم تحافظ على هذه النقطة..!! سمعتي المثل المصري اللي يقول.. (داري على شمعتك تئيد) يعني داري على هالدافع
خلي زوجك يكون شغله الشاغل .. اشلون اونسها؟؟ اشلون اراضيها؟؟ اشلون اتفنن في تدليعها ؟؟ :eh_s(10):
بيدج اختي الحبيبة تخلين زوجج يهتم فيج
علشان يحبج زوجج وما يخونج لازم تشغلين تفكيره
لازم تكونين حاضرة في عقله .. على طوووووول:fun22:
احنا دايما نقول يا فلانة لبسي لزوجك.. ليش مو زوجي يلبس لي؟؟
لأنه ما عنده الدافع اللي يخليه يلبس لي ؟؟
تتذكرون بالخطوبة اشلون الزوج متزقرت وكاشخ علشان يطلع بأحلى صورة جدام الحبيبة بس ليش بعد الزواج قل هالشي وعند البعض انتهى للأسف !!!!!!!
((من هاذي النقطة بننطلق
وباعلمكم اشلون تملكون مشاعر ازواجكم .. وتكونين انتي المسيطرة على تفكيره ويكون همه ايراضيج ويسعدج ..))
..............................
نكمل
تفكير الرجل يختلف عن تفكير المرأة ..
بالتالي ردة الفعل تختلف
فلاتستغربين أختي ولا تشتكين من ردود أفعاله الغريبة عليك !!!
((باختصر الموضوع وباسرع فيه فاسمحولي لضيق وقتي .... والموضوع جدا طويل فاللي عندها نقطة وتبي تناقشها ممكن تطرحها بنتناقش فيها ونشرحه))
إذا تضايقت المرأة فإنها ترتاح بالفضفضة
بالسوالف في الموضوع اللي ضايقها
وتشعبها أكثر في طرح كل ما يزعجها حاليا وما ازعجها سابقا
وتتوسع في ذكر كل شي سبب لها تعاسه في حياتها وان كان لا علاقة له بالموضوع اللي قاهرها !!!
أو تتجه للثلاجة وتوسع سدرها بالأكل !!!!!!!!!!
أما إذا تضايق الرجل فإنه يصمت ويحب أن يجلس بمفرده .. في هالوقت يكون هو يحل مشكلته بنفسه!!!! يسأل ويجاوب نفسه ويدور حوار كامل بينه وبين نفسه الين ما يوصل لحل
أو يشغل نفسه بطق السيارة باليس مثلا أو الهياته ويا ربعه علشان جذي تشوفون أزواجكم يموتون على قعدة الديوانية ويا ربعه !!!!!!!!!
أو يشغل نفسه بمتابعة المباريات والأخبار
وكل هالأشياء مشاهدة على أرض الواقع ..
الحين نيي لرد فعل الرجل من زوجته ..
إذا تضايقت واشتكت المرأة من أي شيء حتى ولو لم يكن هو على علاقة بها .. يسقط الموضوع على نفسه ويفهم أنها متذمرة ونكدية.. هاذي شي ..
شي ثاني يعتقد الزوج بأن الزوجة تشتكي لتبحث عن حل .. مع انها مثل ماقلنا سابقا بأن أقصى ما تتمناه هو أن يسمع لها ويقول لها الكلمة الحلوة ومسكة اليد وهي تسولف لترتاح ...أما ما يفعله الزوج فهو إنه يلغي مشاعرها ويعطيها حلول مما تزيد مشكلتها وتعصب على أسلوبه ..
فاذا اشتكيتي من أي شيء لازم تذكرين انج مو محتاجة حل بقدر مانتي محتاجة حنان وانه يسمعج للآخر.. ابديه بمدح فضائل أخلاقه وطيبته علشان تلقينه يسمعج وما يتهمج انج متذمرة ونكدية وما يبين بعينج شي!!!!!!!!
وتشكرينه على انصاته لأن بالنسبة له هو سوا شي كبير انه سمع لج
هاذي أول سر
رد فعل المرأة من زوجها الصامت .....
تسقط الموضوع على نفسها وتشعر بأنها مهمووولة والأفكار توديها وتجيبها ويوسوس لها ابليس انه فيه شي بحياته!!!!!!
وتشك فيه !!!!! ومو بس جذي الا تكتئب لأنها موقفة حياتها عليه!!! وتتسول منه الكلمة!!
أو اذا شافته مهموم تطيب خاطره وتكلمه وما تتركه في حاله على أساس انها تعامله مثل ما تحب ونست الاختلافات بين تفكير المرأة والرجل!!!!!
الحل شنو؟؟!!
اذا شفتيه منفرد يفكر فلا تقعدين معاه تولولين وتاكلين في روحج أو تطلبين منه يسولف !!!! بيقول لج ما فيني شي
بتقولين لا تقص علي
وهو من صجه يعني هالكلمة انه مافيه شي وبخير
لأنه مرتاح بصمته وقعدته بروحه لأنه قاعد يتنفس بهالطريقة وكثرة سؤالج عنه والطبطبة عليه تخنقه!!!
وبيكون أحسن شي تقدمينه له وبينسى معروفج لو تركتيه في حاله
وانشغلتي بنفسج واولادج .. وبتشوفينه اشلون بيرجع لج طبيعي ويموت فيج أكثر لأنج ما حملتيه هم .. علشان جذي الريال كلما طنشتيه تمسك فيج
بس ما يمنع انج تعرفين الموضوع بس بعد ما تشوفينه طلع من حالته !!
وهاذي السر الثاني:eh_s(15):
أكمل والا لا؟؟؟؟
اذا عجبكم قولو لي وباكتب لكم أشياء أكثر بس كلما سمح لي الوقت :eh_s(8):
نسيت اقول اللي عندها كلمة شينة تحتفظ بها لنفسها خخخخخخ:eh_s(8):
أرحب بأي وجهة نظر أو نقد بناء
![[[ عيون جابر ]]](/data/avatars/m/88/88982.jpg?1621060915){kind=avatar}
