أسرار حلاتهم وزينهم عندي.. وأسراركم عند منو ؟

[al-musk]

قوة بنات وخصوصا صاحبات الأسرار..وخصوصا الي ماتبي أحد يشوفها ويعرف سرها..

اليوم موضوعي غير ونبي نفيد ونستفيد ..

حاطتلكم اليوم جم نصيحة سرية وحلوة للجمال الحلو الرباني..

بس شرط عشان الموضوع يحلو لازم هم تفيدونا بأي سر عندكم أو شغله ماتستغنون عنها وهي الي تعزز وتزيد من جمالكم ونخلي الموضوع مثل المرجع..والكل يستفيد منه..

والحين بحطلكم جم سر والباجي عليكم أكيد وأحتسبو الأجر بكل فايدة تكتبونها..وان كل كل فايدة تفيدين فيها غيرج راح تاخذين أجر كل من تعلمها وعلمها...

يالله نبلش ..وأبي الموضوع يكون ملون وحلو من كل صنف ولون ومجال للعناية بالجسم بشكل عام..

 

[al-musk]

الكونسيلر خافي العيوب يقوم بنص الدور في معركة إخفاء العيوب ونص المهمة يقوم فيها أحمر الشفايف بلون وردي دافي وهو الي يشتت عيون الناس عن أخطاء البشرة والتعب الي فيها والعيوب ويشغل عيونهم بلون الحمرة الدافي الحلو ويعطيج لوك مثالي ( هالنصيحة من خبير المكياج مورغان شيك )

تشذيب الحواجب ( طبعا الحف والنمص حرام ) بشكل مبالغ فيه وزايد راح يضعف من الحواجب وقوة الشعرة
وأماكن راح يوقف فيها نمو الشعر ويصير فيها مثل مشكله الصلع..والشعر اذا بيرجع يطلع وينمو فبيكون بشكل غير نظامي ومشوه..
لازم نستخدم جل مغذي أساسه بروتيني لتحفيز نمو الشعر وطبعا ممكن نرسم الحاجب بشدو مخصص للشي هذا عشان نغطي اماكن العيوب..( طبعا هالنصيحة أغلبكم يعرفها ويسويها)

طبعا اي شور طبيعي عندنا يكون أساسه ماي حار لاهوب خصوصا بالحر..وبعدها هوا بارد وجاف وهذا كله يخلي جلدنا خشن وجاف ومتهيج..ولازم نأمن الرطوبة للجسم بعد الشور والحمام أساسه لوشن ومرطب من مادة الألفا هيدروكسي

عشان تكون بشرتج نقية وحلوة ضروري يكون عندج منظف للبشرة ومرطب يناسب نوع بشرتج للصبح وللمسا..وطبعا لازم تسوين تدعيم وتكميل للكريمت بماسك تحطينه أسبوعيا ينقي البشرة ( يعني التزام مرة بالأسبوع أحسنا من ولا شي )
ولازم نستخدم معالج خاص للبشرة ينحط بالليل قبل النوم وتكون مهمته يقشر البشرة من خلايا الجلد الميتة..

المسامات الواسعة ناتجة عن سببين : التقدم بالعمر + الوراثة
طبعا الكل وده يصغرهم ويشدهم وهالشي ممكن تحلينه بتقنية ال microdermabrasion
وهي عبارة عن كشط خفيف للبشرة عن طريق جهاز يطلع رذاذ من بلورات كرستالية تقشر البشرة المتعرضة للشمس والمتقدمة بالعمر وتجددها وتشيل كل الخلايا الميتة والتصبغات والتجاعيد وهالمهمة ممكن دكتور جلدية متخصص يسويها أو بأي سبا متخصص بهالأمور وثقة..

لمظهر شفايف ممتلي .. القلوس هو الاختيار الامثل وقبله تحددين شفايفج بكونسيلر اغمج بدرجتين من لون بشرتج..

عشان نظرة عيونج تكون درامايتيكية ( ولاتسألوني شنو يعني دراماتيكية بس أعتقد شي زين ورزة )
فخطي عيونج بالآيلاينر السائل ..
تعليقي : طبعا أعتقد كلنا نظرتنا دراماتيكية لان كلنا مانستغنى عن الآيلاينر بالخليج وهو الي يميز الخليجيات..عكس الأجانب..

عشان المنيكور يكون حلو وضابط ويدوم لمده أكثر ويكون شكله انسيابي لازم الأظافر تنبرد من السطح الخارجي وهالشي طبعا بعملية البديكور..ونصيحة خلو البرد بشكل خفيف لأن الزايد أخو الناقص

للبشرة ذات المسام الواسعة ولتغطية الحبوب وقبل ماتحطون كريم الأساس استخدمو كونسيلر يكون اساس مكوناته
a zit-zapping ingredient ومثال على هالمادة هو حمض السالسيليك الي هو أساس الأسبيرين..








يالله بنات نبي أسراركم ونبي الفايدة من كل شي تسوونه أو تشترونه وتستعملونه...و شـــــــــرط نبي كل رد فيه فايدة ومثل ماقتلكم أحتسبو الأجر بهالشي..:sfg:

أوكي بنات ؟ :eh_s(15):

يالله بلشو..



:nbvppw::nbvppw::nbvppw:

 

[Grass]

يعطيج الف عافيه موضوع جدا غني وحلو ومفييييييييد

 

[om-3wenat]

موضوووعج عجيب و احب اضيف مشاركتي فيه و اتمنى اني افيدكم

بتكلم عن الشعر

اول شي لي بغيتي تقصين شعرج

ان المرأة تتأثر هرموناتها جدااا يوم اكتمال القمر (البدر ) ليلة 14 فى الشهر الهجري وبناء على كذا بيكون الميعاد

المناسب لقص شعرها لو هي حابه تقصه ويطول بعدها على طووول وبسرعة وان هذا سر من اسرار سرعة نمو

الشعر بعد قصه وبعد بيخليه يكون كثيف وغزير اكثر والطريقة الصحيحه هى انك تستنى يومين او ثلاثة مو اكثر من

اكتمال البدر وبعد كذا تقصي شعرك أو تقصي اطرافه وهو بيكون الميعاد المناسب عشان تضمنى سرعة نمو شعرك بعدها وغزارته

و صج وايد بنات جربو يقصون شعرهم بوقت اكتمال القمر يطول بسرعة ماشالله و يكثر مع الالتزام


بالنسبة للمشط

انا افضل و استعمل مشط بدي شوب و هذا شكلة

الحين نيي حق غسيل الشعر

لازم تستعملين الشامبو المناسب لشعرج
و ابتعدي عن شامبو الجمعية اللي كلة كيماويات
وو حذااااري انج تغسلين شعرج بماي حار لمن تخلصين من الشور لا تغطين شعرج لان الشعر يحتاج الى الهواء بعد هذه الفترة
كمان كلنا نعرف ان الشعر ممنوع تمشطينة و اهو مبلل

احرصي على الاعتناء بالشعر و عدم عدم عدم شده الى الوراء
لان شد الشعر الى الوراء يسبب الصلعة الامامية

يعني اذا بغيتي تربطين شعرج ودية اما يين او يسار عشان ما يسبب لج الصلعة اللي جدام





اتمنى لكم شعورا غزيرة و ناعمة

تحياتي لكم ام عوينات

 

[Arabian Beauty]

واااااو موضوعج يهبل وحدددده مفيد


انا بشارك بعد :eh_s(9): ومشاركتي راح تكون عن اشلون تهتمين برموشج وحواجبج خصوصا مع الميك اب الرموش تتعب وشعر الحواجب يحت


اول شي بعرضه لكم هالمنتج السحري هذا .. واتوقع حاليا معروف من الكل لانه صارلي اسبوعين استعمله و نتايجه الاوليه حلوه فمابالكم بعد شهر شلون راح تصير الرموش وهم استعمله حق حواجبي عشان يصيرون اعرض وامتن تدرون بعد الحواجب العريضه تصغر وتخلي الشكل احلى واهي موووضه اللحين بعد الجاينييز وعلى فكره كيم كارديشيان تستعمله

اسمه Double-Lash لا يطوفكم بنات ترا حدده يهبل :eh_s(15):



انا طبعا عقب ما اشقر حواجبي اصبغهم عشان اقلل شوي من استعمال التاتو مع المكياج وهم عشان يكون شكلج حلو بالبيت تكون حواجبج مرسومه بدون تاتووو وهالحركه مريحه وتقعد معاي اسبوعين و هذي الادوات اللي استعملها

انا استعمل صبغة bigen تلاقونها بالعطار وفي منها بنيه وسوده طبعا انا استعمل البنيه و احط شوي من اوكسجين ويلا 6% مو 9% لانه الاول يقمج والثاني يفتح يستعملونه حق التشقير , وطبعا ماي وماننسى الفازلين داير مايدور الحواجب عشان مايصبغ الجلد .. ومجرد نص ساعه وتكون الحواجب صابغه .. والفرشه المشطوفه مرتاحه عليها برسم الحواجب...



وسلامتكم :bye22:

 

[بناتي زينة حياتي]

يعطيج العافية كفيتي ووفيتي ,,,

لتجنب آثار الاحمرار والحبوب بعد حف الوجه ,, استخدمي مخلوط من ماي ورد + حليب بودرة + عصير ليمون تستخدم كماسك بعد الحف والنتيجه روووعه

 

[بنوته22]

مشكووووره انا ما عندي اسرار واايد (=

بس اذا شقرت حواجبي وخلصت احطه عليها بلسم الشعر وشوي واغسله تنعم الشعره الي شقرتها لانه بعد الصبغه توقف وتصير خشنه والبسلم ينعمهاا..

وقبل المكيااج بعد ما انظف بشرتي امرر ثلجه من مااي ورد او ارش ع وجهي ماي ورد يصغر المساام ..

اذا كنتي حااطه زيت او خلطه وريحتها ثاابته بشعرج شطفيه بنسكااافيه تروح الريحه ..


هذا الي ببالي واذا ذكرت شي بكتبه اهني..

 

[Tulips]

هلا والله

انا قبل لا احط مكياج اغسل وجهي بعدين ما انشفه احط بيدي شوي من الـBaby oil وادلك في وجهي ليمن
تتشربه البشرة وبعدين احط كريم الاساس ... ماراح يتشقق كريم الاساس وراح تتم يشرتج رطبة وطرية

 

[عيون المهاا]

تسلميييين موضوع حلووو
للشعر:
عندي نصيحه بسيطه انج ماتحطين الشامبو على شعرج مباشره اخذي معاج بطل وحطي فيه شوي شامبو مع ماي
يخفف تلزق المواد الكيماويه بشعرج

 

[حوووور الدنيا]

حلوووو ينن الموضوع .. اسرار ماعندي
عندي سر واحد بس ادهن وجهي بجلسوليد رووووعه وخالطه معاه ليموون وماء ورد
والحمدلله مررررررره مرتاحه

وبس

 

[اروى77]

ماعندي اسرار
ومنكم نستفيد
شكرا عالموضوع

 

[M!Ss Un!VerSe]

مشكورين بنات جزاكم الله خير عالمعلومات الحلوه
اذا عندي سر بقوله حاليا ماكو ..

 

[al-musk]

يالله بنات لايوقف...


***

وانا بقولكم سر حلو عندي ويخلي الوجه بيبي فيس وهو ماسك ملتزمة فيه مرة بالأسبوع شفته بكذا موقع أجنبي وهني البنات بالمنتدى كتبو عنه وماقصرو وفعلا شي خيال وحلو..

أسبرين الي ينباع بالجمعية الي يكون متخصص حق آلام الأسنان والصداع ( مو مال أمراض القلب )سعره تقريبا نص دينار وشوي وهذي صورته

آخذ منه 5 حبات واقطر عليهم ماي نتفه وعلى طول راح يتفتت واحط عليه قفشة عسل وأخليه 40 دقيقة على الوجه وبعدها ابلل طرف صبعي بماي نتفه وأقعد افرك بالوجه بشكل خفيف وبعدين أغسله بماي شي ووووووووووووووووااااااااااااااااااااااااااااوووووووووووو جربوه وبتدعولي ومع الإلتزام فيه أسبوعيا فعلا شي خيال..ووجهج بروحه مورد..

 

[احساس مرمر]

مجهوود رائع ..

 

[ريومه كلي دلع]

يسلمو ، بصرآحة مره استفـدت​

 

[@الياسمين@]

يعطيج العافيه
موضوع رائع

 

[al-musk]

الله يعافيكم بنات ومروركم أسعدني بس هم نبي فوايد

 

[كيفي كيوت]

موضوع جميلللل صراحه :eh_s(22):


بقولكم عن اللي عندي




اذا بشرتج تعبانه كلها بقع حبوب لونها رمادي

فا السبب اكيد من داخل جسمج

لان الكبد تعبان ومتروس سموم

من اكل المطاعم والحلويات والشبس والمواد الحافظه والببسي وربعه :eh_s(13)::eh_s(13):

لازم تعالجين داخل جسمج عشان يعكس على البشره والصحه بعد :eh_s(17):



ششوفو شششششلون بشرتها حلوه :eh_s(22):




انا اقولكم وشو تسون

كل يوم الصبح ع الريق :O_SHH_:

ماي دافي + ملعقه عسل + ملعقتين ماي ورد+ ملعقتين عصير ليمون

وبسسسس ولله مثل السحر لاداومتي عليه كل يوم بشرتج بتصير احلى مايكون


خلينا نتكلم عن فوايده


1- العسل





فوائد العسل:
1- العسل مهدأ ومغذٍ ويحارب الفطريات.
2- يساعد على ليونة الأنسجة، وعلى بقاء الكالسيوم بالجسم.
3- مضاد للبكتريا، ومفيد للمشاكل الداخلية والخارجية للجسم.
4-العسل يدعم الجهاز المناعى بجسم الإنسان.
5- من الوسايل العلاجية فى الطب البديل



2- الليمون




-يقوي الجهاز المناعي
-يوقف نشاط اي عدوى ممكن ان تنشط مثل الانفلونزا
-منقي للدم ويخلص الجسم من السموم
-يحارب الامراض المرتبطه في العدوى
-مفيد لامراض القلب لانه عني بالبوتاسيوم



وترى اشويريا تشرب اليمون الصبح عشان بشرتها :fun:




3- ماي الورد



شربه على الريق يفتح لون البشرة ويصفيها



<<<<هذا اللي حصلته :eh_s(3):

وشرب ماي الورد من اسرار جمال بشره الايرانيات

ولاحظت انه يترس الصدر بعد :O_SHH_:





وهو بنفس الوقت زين حق اللي بطونهم تعورهم الصبح زيي :eh_s(13):


وبسسسسسسسس


يعطيج العافيه ع الوضوع :eh_s(22):​

 

[ام**العسولين]

موضوع صج يهبل
انا ما استغني عن ماسك نيفيا اللي اييه بجيس يستعمل لمرتين فقط وسعره اقل من نص
يهبل انا احطه بالاسبوع مره في اللي بالعسل وفي ماسك تنقيه البشره
احلى واحد اللي لونه ازرق واهو اكثر واحد يعطي ترطيب
يعطي بروده للبشره ويرطب انا احطه قبل الاساس

 

[الغــلآ]

موضوووووووع روووووووووعه يعطيج الف عآفيه

عندي اسسسرآآآر مجربه ومضموونه ^-^

عشان تصير ريلج مثل ريل البييييييييبييي

فركيها بليموون وشكر عدددل ونطري لمااا ينشف اليمووون

غسليييها وحطي جليسويد ولبسي دلآآغ

وشووووووفي النتيجه


واذا بغيتي تطلعين قبل الدلاغ الشفاف حطي بوودره جونسون او اي نوع ترتاحينله وداايما قصي اظافر ريلج


ولي عوودهـ ^-^