أسرار الوظيفة والتعامل مع المراجعين

[tootoo86]

السلام عليكم ورحمه الله وبركاته
في موضوع محيرني وملوع جبدي في موظفات بقسم معين بأحد الوزارات صراحه غير جديرين باسرار المهنه .. قبل كل ماروح للوزارة الملف ضايع ورقه ضايعه طوفت

حاليا من فتره والله العظيم كل ماطب المحكمه الطرف الاخر عنده خبر ليييييييييييييييييييش مو حرام الي قاعد تسوونه ماتخافون من الله باجر وراكم حساب ولا يكون وضعج مثل وضعي ترا كماتدين تدان​

غير جذي اي اجراء بسويه يستعبطون طبعا مو الكل .. بعض مايدلونج وين امنا بالله يمكن مايعرفون
انزين ليش لما ايي اسوي اجراء تحيزهم للطرف الاخر في شي مو طبيعي بهالقسم قاعد يصير
انتي موظفه عليج بشغلج وتأدينه تجاه المواطن الي ياي بدون لاتدخلين بخصوص الاجراء الي يبيه ممكن في اشياء انتي ماتفقهين فيها ولاتدرين شنو
فماله داعي هالتفلسف واذا كاسر خاطرج شيلي عنه خخخخخخخخخخخ

ولا ساعديه مايصير جذي شغلي قاعد يتعطل اسرار شغلي امور وايد قاعد تصير بهالقسم الموظفات نفسيه خايسه على شنو انتي بهالقسم وتدرين قسم المصايب واجراءات ومايفضى ليش اتطلعين اسرار القضيه برا عيب ترا حرام الي قاعد يصير !!!

وين الرقابه عنهم لي متى نغفل والحقوق قاعد تضيع اتمنى ان اذا اي احد تشتغل هناك او اتعرف احد تلتزم الشرع لان المره الثانيه ماراح اسكت​

أن غاب الضمير ساء العمل وبالتالي تبخر حياء الوجه وأحلت كل ماكان عيب فعلهُ والدوله تحكمها الشريعه الأسلاميه ومن أين تأخذ الناس حقوقها ؟؟​

وماهو اهم من العدل في المعاملات...فمطلب العدل هو حق كل انسان فلكل منا أمانات نسأل عنها يوم لاينفع بها لامال ولا بنون إلا من أتى الله بقلب سليم بما أننا دوله يحكمها قواعد وأسس تسري علي المواطن قبل المقيم وعلى الكبير قبل الصغير فلا للمحسوبيات والمصلحه مكان ​

ولنصطدم بواقع مغاير مليء بالكذب ومخالف ويحمل صوره عكسيه لما تعلمناه من تعاليم دينيه وأخلاقيه فكيف يسمى عدلاً ​

أنا اشهد ينطبق عليهم هالكلام وكل انسان خاين لاسرار مهنته​

جعله مايتوفق لادنيا ولا اخره​

 

[manoooram]

رد: انتقاد الى موظفات وزاره العدل

موضوعج حساس
وصعب جدا تسرب معلومات خاصة بالقضية اللي عليج ان تشتكين عليهم عند المسؤول

 

[sorry l love u]

ليش ما تشتكين عليهم عشان يادبونهم اصلا الموظفات نفسيه بكل الوزارات مو بس بالمحكمه بس اشتكي عليهم خل يطلعون منو هالزفته الي تطلع اسرارج عاد صج شي يحر

 

[عـيّــآره]

حسبي الله عليهم ونعم الوكيل

اللي قلتيه له علاقه بشغله صارت لي كذا مره

بيوم كنت راجعه البيت متاخر وكانت اختي بالمستشفى

قريب البيت شرطه وعفيسه تفتيش قوي وصادفني شرطي عطيته الليسن وشافه وحركت

تصدقين باقل من خمس دقايق

الا متصل لي يبي يتعرف

ماتخافون الله صار لي هالموقف مرتين وعقبها خليت السياره باسم اخوي يلا احين اتصل وكلمه ياللي ماتستحي على

ويهك ومو كفوو القسم اللي قسمته قبل الشغل << طبعا مو الكل هذوول شواذ فقط

حتى وحده بفترة شغلي بمكان معين كانت تشتغل بمكان حساس وتقول اسرار الناس بالتفصيل الدقيق والاسم الكامل

ياويلكم من الله

الله حرم افشاء الاسرار واستغلال المناصب



يَا أَيُّهَا الَّذِينَ آمَنُواْ لاَ تَخُونُواْ اللّهَ وَالرَّسُولَ وَتَخُونُواْ أَمَانَاتِكُمْ وَأَنتُمْ تَعْلَمُونَ


وقال الرسول صلي الله عليه وسلم

فقال: ((يا معْشر مَن أسلم بلِسانِه ولم يفضِ الإيمان إلى قلبِه، لا تؤذوا المسلمين ولا تعيِّروهم ولا تتبَّعوا عوراتِهم؛

فإنَّه من تتبَّع عورة أخيه المسلم تتبَّع الله عورتَه، ومَن تتبَّع الله عورتَه يفضحه ولو في جوف رحلِه

مالج الا الصبر وربي بياخذ حقج في اشياء لازم نتحملها مانقدر نغيرها على وعسى وحده منهم بينا وتتغير وتغير اللي حولها






​

 

[ليدي بجد]

الفساد الإدراي المنتشر بكل إدارات الدول العربيه يبرر للموظفيين فسادهم أضافه لانعدام المراقبة والمحاسبة بصراحه الدنيا رايييحه من فساد لفساد اكثر واصبح عندي إيمان ان انصلاح الحال من المحال
حتى رأي الدين يجبرك على المزيد من التشاؤم فلن تقووم القيامه حتى يعم الفساد الارض!!!


الله المستعان

 

[M!SS.LOBY]

لا حول ولا قوة الا بالله

 

[عـيّــآره]

الفساد الإدراي المنتشر بكل إدارات الدول العربيه يبرر للموظفيين فسادهم أضافه لانعدام المراقبة والمحاسبة بصراحه الدنيا رايييحه من فساد لفساد اكثر واصبح عندي إيمان ان انصلاح الحال من المحال
حتى رأي الدين يجبرك على المزيد من التشاؤم فلن تقووم القيامه حتى يعم الفساد الارض!!!


الله المستعان

^^^

ليدي شنو تقصدين بانه راي الدين يجبرج على المزيد من التشاؤم ؟​

 

[نوف الصقعبي]

نفس الشي حاصل معاي بمجمع المحاكم الرقعي مشاكل بيني وبين زوجي يعطونه كل التفاصيل بالملي تخيلي واشكره يقولي اي شي ابي اعرفه من اللى بالمحكمه حسبنا الله ونعم الوكيل

ومره بقصر العدل شي حيل مؤلم سكرتارية القضاة ماتخافون من رب العالمين تطلعون ملف القضيه وتصورونه وتعطونه حق الخصم ؟؟

والله بلاوي

وبوزاره ثانيه ماني كاتبه اسمها موظفات ماقول غير حسبي الله عليهم دنيا واخره زوجي بس يروح ويجر معاهم ناعم وغمزه وترقيم ولان زوجي حلو على طول الموظفه تسيح معاه وتعطيه كل المعلومات اللي يبيها عني وهالشي صار كذا مره القهر ماني عارفه هاذي اي منحطه فيهم عسى ماشافو ريال صارو شواذي شهالشفاحه يبا الله فوقج بس مو فوق شينج قواة عينج شلون تتسببين بفتنه وتفشين اسرار انتى مؤتمنه عليها الله لايوفق كل وحده هاذي صفاتها وينتقم منها دنيا واخره ​

 

[نوف الصقعبي]

انت هي صباغ وين قاعد​

 

[نوف الصقعبي]

بكل موضوع راز فيسك هذا منتدى نسائي شكو داش هنى يعني عيب عليك فى خصوصيات ترضى على اهلك ؟؟

اللى مايرضى على اهله مايرضى على بنات الناس وهنى فى خصوصيات بنات وحريم

وتذكر ان فوقك رب العالمين​

 

[M!SS.LOBY]

الله يهديهم هذي اسرار الناس امانه عندهم