مساء الورد
كل عام وإنتوا بألف خير ومبارك عليكم الشهر وعساكم من عواده يارب
ومبروووك لكل العرايس عسى الله يوفقكم ويسعدكم ويسخر لكم رجاجيلكم ويحنن قلوبهم عليكم
ويرزقكم ذريه صالحه وحياه سعيده ويجمعكم مع أزواجكم على طاعة الرحمن ويهديكم لعبض يارب
باجر أول أيام الشهر الفضيل وماراح أفظه أبداً أشبك بكمل باقي أشغالي واليوم ان شاءالله رايحه
للمسكه وبقالي الرداء الأبيض مال يوم العرس ان شاءالله ألقاه وإن شاءالله لي عوده قبل العرس
بأذن الله تعالى وعسى الله يجمعنا في الفردوس الأعلى بعد عمرٍ طول ان شاءالله وأحبكم فالله
وأبي كل وحده زعلتها ولا زل لساني بغلط تحللني وتسامحني وأنا محلله كل وحده أسائت لي :eh_s(17):
والله إني أحبكم كلكم , وعرايس شهر 9 فديتهم أسأل الله العظيم رب العرش العظيم أن يجمعنا في
قسم الحوامل في رمضان الجاي اللهم أميين ويرزق المحرومه ويرزق البنوتات بالأزواج الصالحين
اللهم أمييين الله يوفقكم يااااااارب الله يوفقكم ويسعدكم ويهنيكم ويحفظكم من العين والحسد والسحر
ديرو بالكم على حالكم ولاطولون جدام النت عشان بشرتكم والعنون الحلوه ماتروح داخل 
بينج وبين نفسج خلي شهر رمضان بدايه جديده لج انسي الي راح إبتدي من جديد حافظي
على صلاتج إقعدي مع الوالده والوالد خلاص مابقالج شي في بيت أهلج على خير خلي لج ذكرى
حلوه إجتمعي معاهم خلي الأستغفار دايماً على لسانج قولي لنفسج الي فات مات والي راح مايرجع
والحياه حلوه بذكر الله عز وجل (( إحفظ الله يحفظك )) اذكري الله في السراء والضراء يذكرج
في كل وقت واهتمي بنفسج لاتعلمين أحد شنو سويتي شنو بتسوين وين بتروحن
(( اقضوا حوائجكم بالكتمان )) وخلي الوالده تدعيلج دايماً ترا ماينفعج الا دعوت أمج
والي فقدت والدتها إدعيلها بالرحمه والمغفره وانتبهو انتبهو تروح عليكم ليلة القدر هذي ليله
بألف ليله وقيام الليل لاتخلينه أبداً أبداً وحافظي على صلاتج
((أحب الأعمال إلى الله الصلاة على وقتها )) والي تتكيسل عن الصلاه وذكر الله تعالى :
(( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي
أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى )) [طه :124-126]
عسى الله يهديني ويهديكم اللهم أميييين , ولاتقولين أنا إرتكبت ذنوب واجد والله ماراح يتقبل مني
بالعكس لاصرتي مقره بذنبج وإعترفتي لله عز وجل إنج كنتي مذنبه يتقبل منج ويغفر لج
ان الله غفور رحيم , أسأل الله العظيم رب العرش العظيم أن يجعلني وإياكم من المؤمنات الصالحات
اللهم أمييين , وهالكلام مو بس للعرايس لا للمتزوجات وللبنات الي تقول زوجي يسوي ويسوي
وعيالي فيهم وفيهم والي تقول للحين أنا ماتزوجة ووووو الخ وينج عن الله عز وجل اذكر الله يذكرك
وإدعي لنفسج وأهلج وإخوانج وعيالج ووالدينج في الثلث الأخير من الليل وفي كل وقت وعسى الله
يتقبل مني ومنكم صالح الأعمال ويهدينا ويوفقنا ويسخر لكل وحده زوجها ويرزقها حياه سعيده
كلها فرح وسرور وترى الحياه حلو والله حلوه بس اذا كنتي تراقبين الله في تصرفاتج , الله سبحانه وتعالى قال :
((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)) .
وقال سبحانه وتعالى : ((وَمَنْ يَتَّق ِاللَّهَ يَجْعَلْ لَهُ مَخْرَجاً * وَيَرْزُقْهُ مِنْ حَيْثُ لا يَحْتَسِب ))
عسى الله يهدينا جميعاً ان شاءالله ويوفقنا ويرزقكم بفرحه تبكي العين لها و تسجدون له شاكرين
اللهم أميييين .
اللهم أميييين .
وأنا أحبكم حيييييل كويتيات وأموت فيكم يمكن الله سبحان وتعالى ماعطاني خوات :eh_s(2):
لاكن والله العظيم أنكم مثل خواتي وماعرفت الزين الا منكم وانتوا ماشاءالله ذويقات وحبوبات
ومحترمات وكل الصفات الزينه فيكم
شكر خااااااااااص جداً لعرايس القسم وبالأخص
مطنوخه - خجل - باروكة شعر - هنوف - حكاية قلب - ياحبني لي - الأسود يعبر - غناتي - انثى الغموض ... وكل العرايس
تحيه خاصه مني لحبيبت قلبي مشرفتنا (( حناين )) الله يسعدج يارب حنونه ويوفقج
عاد تصدقين من زمان أنا بالمنتدى ومادري اذا متزوجه أو بنوته هههههههه
الله يوفقج وبنات المسلمين أجمعييين اللهم أمين
والسلام عليكم ورحمة الله وبركاته :eh_s(8):
التعديل الأخير:
