أستعباط

[jowls]

سلام بنات اليوم بشارك بموضوعي الاول وانشاالله (يعجبكم):yaaaaaarb:
في الآونة الأخيرة (حلوة الآونة) في بنات يستأهزون بالوضوء ويعتبرونه مومهم <مايدرون ان الصلاة من غير وضوء صحيح باطلة> يعني مثل الي تتوضأ وبأيدينها صبغ للأضافروهو يمنع الوضوء...وفي بنات يتحجبون ويطلعون شعرهم ورقبتهم من الحجاب اويلبسون شفاف وثري كوارتر(ليش متحجبين):rerrerek:

وهذا بوجهت نظري أسمه (استعباط):eh_s(2):​

أرجو الرد:eh_s::eh_s:​

 

[ShaGRa NoiSya]

على سالفه الوضوء مامرت علي وحده تتوضا وحاطه صبغ اظافر بس الي تتوضا وتمسح عالجوتي تكرمين او الدلاغ هذي ابداااع يعني استغفرالله مالهم خلق حتى يفصخونه واخر شي يوم تيي تدش المصلى تفصخ الجوتي عند الباب وتدش
على قولة رفيجتي اختي نص وضوئج بره لوووول الله يهديهم

 

[dj.RomanCe]

نفس الشي آنا بعد .. ما مرت علي وحده تتوضآ واهي حاطه صبغ اظافر @@

بس سالفه الحجاب خليها على الله ..


الله يهدي الجميـــــع ويهديــنآآ


يسلموو حبيبتي ع الموضوع

 

[دوت نت]

الدلاغ عادي تمسح عليه اذا كانت لابسته وهي على وضوء

اما الجوتي لا مايجوز تمسح عليه

والله اعلم

 

[جرووح غالية]

مو أستعباط هاذا يسمونه قله ايمان

 

[شذى2007]

وفي بنات يتحجبون ويطلعون شعرهم ورقبتهم من الحجاب اويلبسون شفاف وثري كوارتر

بجد اسغرب وااايد من هالحركه او حجاب وتلبس سكيني اعوذبالله شالمنظر ؟

اما الوضوء لا عاد شنو هذي الدين على كيفها

 

[»همسْ ـآلخجل✿]

يجوز تمسح ع الدلاغ اذا كان نظيف وبشرط تكون لابسته واهي ع وضوء


الله يهديهم يارب

 

[الحلوه وبس]

اي والله الحمدالله والشكر
الله يهدي الجميع

 

[أهل البيت]

هو مو استعباط كثر ماهو جهل ..في بنات صج مايدرون ومايعرفون يتوضون ومايعرفون ابسط الأحكام الشرعيه اللي تهم البنت مثل غسل الحيض والإستحاظه والجنابه ..صدقوني في بنات مايعرفون
ما اشوف نفسي عليهم لأنهم مايعرفون ..بالعكس احمد ربي ان الله علمني وهيأ لي الظروف عشان اتعلم ..لكن ماتدرين شنو ظروف هالبنات !! في بنات امهم وابوهم مايصلون ولابحياتهم شافوا احد يتوضى جدامهم فزين منهم انهم قاعد يصلون!!
المشكله شلون نوصل لهم معلومه ان اللي قاعد تسوونه غلط ونعلمهم الصح من غير لا نحسسهم ان احنا نتفلسف عليهم وبنفس الوقت لازم نتوقع كل شي منهم يعني عادي تنصحين وحده وترد عليج (انتي شكو) !!يعني نتوقع كل شي

وبالنسبه للبس هذا عاد صج استعباط..لأن اهم شي بالحجاب ان مايبرز المفاتن-ترى موبس الشعر فتنه حتى الجسم بعد- وفي بنات يلبسون تريننج وحجاب!! والمصيبه ان تكون ماشيه مع ابوها وله امها اللي لابسه عباه راس
بعد شنسوي(ظهر الفساد في البر والبحر بما كسبت ايدي الناس)
ومشكووووره عالموضوع الحلو

 

[فلة المنتدى]

يسلموو على الموضوع الله يجعلة في ميزان حسناتج ان شاء الله​

استغفر الله الذي لا أله الا الله هو الحي القيوم واتوب اليك​

 

[brettey]

ياحلوووووج في حريم وبنات مايغسلون عقب الجنابه والحيض يقعدون ايام عاااادي والحياه ورديييييه

 

[بنوتة ذهبية]

ياحلوووووج في حريم وبنات مايغسلون عقب الجنابه والحيض يقعدون ايام عاااادي والحياه ورديييييه

استغفر الله العظيم

معقوله فيه ناس كذا

طيب الصلاه مي مقبوله ليه متعبه روحها


الله يهديهم