أسباب التلقيح الصناعي

[حلوة الاخدود]

مرحبا


السؤال باين من عنوانه
منو اللي تحتاج تسوي تلقيح صناعي
اذا تأخر حمالها.

اللي سوته ؟؟

أي دكتور ,, دكتوره؟

ضبط من أي مره؟

جم تكلفته؟

وشنو راح يسولونا انا وريلي بوقت التلقيح؟



وشكرااااااااااا.........​

 

[برنسيسة2007]

اللي زوجها عنده ضعف في الحركه للحيوانات المنويه يختارون حيوان منوي سليم ويرسونه في زوجته
لاامانه انا ماجربت لكن هند اليتامى اتسويه قدامكم وانتوا واقفين ةزوجج موجود عشان تطمئنون من موضوع خلط الاجنه او تبديلها
بس نصييييحه قولي للدكتوره انا ابي اتأكد ان مافيني تكيس
لان كثييير دكاتره يستغلون تلمريضه حبا في المال ويسوون لها وفيها تكيس وماينجح التلقيح
في وحده اهني بالمنتدى تتشكى ان الدكتوره سوتلها واهي فيها تكيس ولما اكنشفت من دكتور ثاني وواجهت الدكتوره قالت لان فيه حريم كثير احملوا وفيهم تكيس
ونصيحه اخيره:
ضلي صلاة استخاره انج اتسوين تلقيح صناعي وعند اختيارج للدكتور وانصحج بدكتوره مو دكتور عشان ترضين ربج ويوفقج
لا الاه الا انت سبحانك اني كنت من الظالمين
اللهم اني اسئلك ان ترزقها الذريه الصالحه وترزقني وترزق كل المسلمين والمسلمات ياااارب*

 

[برنسيسة2007]

ايه مسيت انتي اذا فيج ضعف تبويض راح يعطونج كلوميد وتتفقج معاج على يوم
وزوجج اذا ضعفه شديد لازم يتحسن شوي يعني فيه مستوى معين حق التلقيح

 

[On-Off]

اللي زوجها فيه قلة عدد وضعف حركة يسولها تلقيح صناعي
حتى لو فيها تكيس بالعكس لحالات التكيس زين لان بيعطونها ابر منشطة تكبر البويضة بس اهم شي اذا فييج هرمون الحليب مرتفع تاخذين علاجه
اول شي تراجعين الدكتورة 2 يوم الدورة وسوي تحليل هرمون الحليب اذا طلع مرتفع تعطييج حبوب تنزله وتلتزمين بهالحبوب ويبي معاج تحليل زوجج يسويه باي مختبر او بعيادة الدكتورة نفسها والنتيجة تطلع بسرعه وراح تعطيج كورس ابر منشطه وتحدد معاج سونار التبويض عقب تتاكد من حجم البويضة واذا تحتاجين بعد ابر ولا بعدين تعطييج ابره تفجيرية وبعدها بــ 36 ساعه يكون التلقيح الصناعي ياخذون العينه من زوجج ويشيلون الميت ويحطون ماده علشان البطئ يصير سريع وبعدين التلقيح الصناعي ماتاخذ المسالة نص ساعه تحقن السائل المنوي فيج وتنامين على ظهرج بالعيادة نص ساعه تردين البيت لازم لازم يصير جماع وبعدين كل يوم وترك يصير جماع وراح يعطونج عصار جل تستخدمينه بعد التلقيح بــ 3 ايام لمدة 14 يوم للتثبيت او حبوب ديفستون
انا مره سويته ضبط معاي بس حاشتني ولادة مبكرة ومرة سويته فشل

اذا كانت حايشتج التهابات من قبل لنجاح التلقيح الصناعي يفضل اتسوين اشعة صبغه علشان الانابيب اذا مسكرة تتبطل
واذا انتي وزنج زايد حاولي تضعفينه لزيادة نجاح التلقيح الصناعي وخل الدكتورة تسويلج مسحة علشان تتاكد ان مافيج التهابات
وعقب التلقيح تقدرين تمارسين حياتج بشكل طبيعي بعد اسبوعين من التلقيح تسوين اختبار الحمل ويارب يارب تفرحيييييين بكلمة مبروك انتي حامل ويارب كل وحده تنطر الحمل تفرح فيها وعسى ربي يرزقج ويرزقني ويرزق كل بنات التجمع وكل امة محمد

انصحج دكتورة نهلة او دكتورة سهى بعيادة الدكتورة فوزية يهبلووووووون

 

[On-Off]

اذا زوجج فيه ضعف خل ياخذ حبوب رويال جيلي وسبيمان ممتازين

 

[حلوة الاخدود]

أختي اوون اوووف مشكوره ...*