أسافر ،،واالا اسوي التلقيح؟؟؟؟

[الجادل الخشف]

السلام عليكمخواتي بغيت مشورتكم
انا احب السفر وعندي مبلغ حلو بس محتاره اسافر والا اسوي تلقيح صناعي صارلي اربع سنين وماحملت

 

[مسـك]

والله مدري شقولج دامج طرحتي الموضوع ومحتاره يعني مانتي مستعجله على الحمال


بس اقول سوي تلقيح لان العمر يمشي والسفر لاحقه عليه و{المال والبنون زينة الحياة الدنيا}



استخيري واللي كاتبه ربي بيصير

 

[الجادل الخشف]

شكرا مسك على ردج صاجه احس دايم متردده بالحمال وكل ماروح دكتور ماكمل معاه حتا الممرخات شهر واتركم مادري شفيني وافكر بالسفرات اكثربس هالسنه حييل ابي احمل صج العمر يمشي والمره مو مثل الرجال

 

[Roozlin]

الله لايحرمج الذريه الصالحه ولايحرمني حبيبتي اسعي بموضوع الحمال واستعملي خلطه الرويس الله يخليج واصلي عليها
وارقي نفسج وكملي علاجج وخلي عندج ثقه بالله سبحانه ...ويارب تفرحينا عن قريب
ويرزقني الحمل الثابت السليم لاني اجهضت كم مره ....

 

[نـعـومـه]

طبيعي الحمل اهم وافضل من السفر !!!!

٤ سنين وبجر اكيد سافرتي من قبل فالاهم الذريه ربي يرزقج

وهم استخيري اهم شي

 

[موله الكويت]

ربي يرزقج الذريه ياعمري استخيري افضل

 

[الجادل الخشف]

جزاكم الله خير لدعواتكم وردودكم ويرزقكم باللي تتمنونهالحمدلله مسافره من قبل والحين قررت اخش فليساتي للتلقيح

 

[حظ من عنده انا]

الله يرزقج يارب بالذريه الصالحه المعافاه

اي عالجي اول بعدين لاحقه على السفر

 

[q8helwa]

سوي تلقيح احسلج والعيال اهم من السفر

 

[دانة الدنيا144]

الله يرزقج يارب


بس أختي عفوا ليش بتسوية تبقيح صناعي في سبب يمنع الحمل

انا مثلج قبل بس الحمد لله مع المراجعات تبين عندي أنبوب مسكر
وعالجت لله الحمد والله رزقني يارب يرزقج بولد صالح يدعي لج

العيال اهم من السفر صدقيني والعمر يركض والمرا مو نفس الريال
الواحد موظامن نفسه

السفر يتاجل بس العيال. والله اهم
صدقيني

 

[attoosh]

سوي الاثنين انا برايي يعني التلقيح الصناعي كله ب 80 واذا غالي 100 دينار وعادي ما ياخذ حتى 5 دقايق بالعياده وعقب تعيشين حياتج طبيعيه وتحللين عقب 15 يوم من التلقيح فسويه وسافري استانسي لانه النفسيه تاثر وانشالله ربي بيرزقج والسنه اليايه بيبيج بسافر معاج

 

[eastlife]

التلقيح العمر يمشي لاحقه عالسفر

 

[الجادل الخشف]

شكرا حبيباتي اللي تفاعلتو معاي وترا انا اقصد اطفال انابيب بس غلطت وكتبت تلقيحوالي تسال عن سبب اني بسوي الحمدلله مافينا شي وتو سويت سونار قالي كل شي فيج اوك وانشالله الدوره الجايه اسويها والله يرزق الجميع باللي يتمنى

 

[المقتصرة]

لا الحمل طبعا وان شاء الله السفر يجى كتير ربى يرزقك من وسع

 

[أميرة-]

الله يرزقج بالذرية الصالحة وان شالله على الشهر الجاي تدشين تبشرينا

اكيد العيال أهم من السفر

 

[نـعـومـه]

بشرينا ان شاءالله سويتي تلقيح

 

[متواضعة]

الله يرزقج الذرية الصالحه