أسئلة للي امسوية عملية بخشمها .. الله يوفقكم

[Life.Rosy]

السلام عليكم ورحمة الله وبركاته

بنات مثل ما قلت من قبل إن شاء الله العطلة الصغيرة أو السنة الياية بسوي عملية بخشمي

لسببين : 1- عظمة بارزة بخشمي مع الجيوب الأنفيه 2- عندي ورم مبين في داخل خشمي

يعني صايرة الفتحة اللي على اليمين أصغير بوايد من اللي باليسار .. الله المستعان

1- شكثر تاخذ فترة العملية ؟؟

2- الموعد في الخاص شكثر المدة اللي تاخذه ؟؟

3- جم مدة القطن اللي ينحط على الخشم ؟؟

4- اشلون أسجد وأتوضا واتسبح والقطنه موجودة ؟؟ لأني سمعت إن القطن اهوا اللي يثبت الخشم !!

5- عملية الأنف تأثر على الصوت ؟؟

6- آنا مابي تجميل بس ابي تعديل العيب والمرض هل لازم تجميل وإلا يخترب الخشم ؟؟

لأني سمعت من وحده ثقه اتقول إن إذا ما طلبتي من الدكتور أبي نفس خشم فلانه أو فلان راح يكبر

خشمج عن أول صح هالكلام ؟؟

7- تنصحوني أسوي عند دكتورة وإلا دكتور ؟؟

وفي أسألة وايد إن شاء الله استفسرها من الدكتور

والله يوفقكم ياارب ويحقق لكم اللي ببالكم إن كان في خير لكم يارب

 

[ماكنتوشه]

هلا حبيبتي اول شي ماتشوفين شر ان شاء الله وشوفي العمليه ما تطول ساعه او ساعتين بالكثير واخذي موعد تقريبا قبل شهر جذي واول شي راح يحطلج الدكتور جبس على الخشم لمده اسبوعين وبعدين تحطين لزقات والصلاة طبعا تصلين وانتي قاعده لان ما تقدرين تنزلين راسج اول جم اسبوع وعلى الوضوء لازم تتيممين على ما تشيلين الجبس بعدين عادي تتوضين لان لازم ما يحوش الجبس ماي واذا على السباحه تغسلين شعرج بالاول لي ورا مثل الصالون بعدين تغسلين جسمج عشان لا يحوش الجبس ماي والعمليه ما تأثر على الصوت وايد بس اول جم اسبوع بعدين يرد عادي وراح يكون في اثر كدمات من العمليه بس لا تحاتين اسبوعين ويروح وعادي حبيبتي اذا بس تبين تعديل قولي حق الدكتور واهوا راح يفهمج ولا تسمعين حجي من اي احد اخذ الكلام من الدكتور والله يوفقج ان شاءالله وتنجح عمليتج باذن الله وتبين نصيحتي سوي عند دكتووور مو دكتوره لانهم اخبر ولازم دكتور شاطر ومتخصص وعندج وقت دوري عدل على دكتور زين وسوري اذا طولت عليج

 

[رنه خلخال]

هلا حبيبتي انا سويت العمليه بايران والحمدالله النتيجه واااااااااااايد حلوه انا تميت اهناك تقريبا 12 يوم وبعد 3 ايام شال القطنه اللي داخل وحط الجبس وبعده اول ما رديت الكويت شلته طبعا اهو قالي عادي وبعده تميت ماخذه اجازه شهر لان شمسنا قويهو ماينفع انج تطلعين عشان لايصير نزيف وكنت اسبح عادي بس الدوش ما خليه على ويهي كلش وطبعا ماتستخدمين اي كريم وماتحفين ولا تغسلين ويهج بصابون لمده شهر بس ماي وماتنزلين راسج كلش ولاتصعدين وتنزلين الدري وايد ولاتلعبين رياضه ولا تنامين على ظهرج بس طبعا كل هذا لمده شهر او اكثر بعد لان الخشم مايبت الا بعد 6 اشهر ولا بعد شكله النهائي يكون بعد سنتين وماياثر عالصوت كلش وبالنسبه لصلات انا كنت اتوضا عادي بس ماكنت اقدر اسجد بس احاول انزل راسي شوي لان احس بدووووووووووخه اذا نزلت راسي المهم وبعددددددددد ايه ماتلبسين نظاره كلش الا بعد اتوقع شهر وشوي او 3 اشهر لان ثقل النظاره تنزل الخشم والدكتور قوليله ابي شي اناسب ويهي واهوه ادرى لاتقوليله ابي نفس افلانه كلش وعلى فكره كل شخص تختلف عمليته عن الثاني بس انا اقولج عن تجربتي وصراحه الحمدالله وايد استانست من نتيجه العمليه وعلى فكره ما اتعب كلش الا باول الايام عشان القطنه ولانج اتنفسين من حلجج فتضايقين واتحسين دايما ريجج ناشف والله يسهل عليج انشاءالله

 

[دنيا جديده]

حبيبتي انا سوت عمليتي من تقريبا 26 يوم عند عبدالمحسن جعفر انصحج فيه. العمليه بس تاخذ ساعه او ساعه ونص واخذي موعد قبل العمليه بشهر او اسبوعين . والقطن اللي داخل الخشم بس يتم يوم واحد يعني اول يوم تنفسين من حلجج بس عقب مايشيل القطن ينزل دم من خشمج شويه بس وطبيعي هالشي. ومثل ماقالوا خواتي بطريقة السبوح انج تغسلين راسج مثل الصالونات بروح وجشكج بروح عشان لايحوشه ماي الجبس لمدة اسبوعين والصلاة ع كرسي.
والصوت طبيعي يتغير يعني اسبوعين او اقل عشان الجبس يكون ضاغط ع خشمج تحسين جنج تكلمين من خشمج وهم طبيعي. وانصحج بدكتور مو دكتورره لانه ثقه واذا رحتي له قوليلي شنو تبين بالضبط وانشاءلله يصير خشمج حلوووو ومضبوط. واتمنى اكون فدتج

 

[pinky77]

انزين كم كلفتك العملية
الدكتور والمستشفى؟؟
ياريت تفيدنا

 

[Life.Rosy]

ماكنتوشه

يعطيج ألف ألف عافية والشر ما ييج حياتي ..

واايد استفدت الله يوفقج ياارب ..

نورتي غلاتي

 

[دنيا جديده]

انزين كم كلفتك العملية
الدكتور والمستشفى؟؟
ياريت تفيدنا

2000 و 150

 

[حبيبته آنا]

انا مسويه خشمي عند الدكتور جمال الحربي وهو غني عن التعريف لكن للاسف انه حاليا ماخذ اجازه مفتوحه بس ان شالله الله يوفقج بدكتور زين سواء اهو او غيره
سوالي العمليه ب1350 والنتيجه من احلى مايكون

 

[ماكنتوشه]

الله يعافيييج حبيبتي واذا عندج اي سؤال انا حاضر من عيوني

 

[Life.Rosy]

رنه خلخال

إيران الكل يمدحها بس وين ماقدر ..

انزين حبيبتي بغيت أسألج .. يعني أتم بالبيت لمدة جم يوم .. انزين وإذا كان يصادف الشتا عادي أطلع لأن الشمس

راح تكون حزتها خفيفه ؟؟

يزاج ربي الجنه .. وعسى ربي يوفقج دنيا وآخرة ..

سنعات بنات الكويت والله

 

[Life.Rosy]

دنيا جديده

أمي مشكلتها ما تبي عبدالمحسن جعفر مادري ليش !!

الحمدلله على سلامتج حبيبتي وما اتشوفين شر إن شاء الله ..

الله يسعدج دنيا وآخرة ويطمنج مثل ما طمنتيني .. وربي حدي خايفه جنه قايلين لي بنوديج عند البراكين والزلازل

هههه ..

مووفقه إن شاء الله

 

[رورو الدلوعة]

هلا حبيبتي

انصحك تساويها عند الدكتور خالد الصبيح.....لان هو شاطر بمجاله وطلع له مقابل على تلفزيون الكويت وعجنبني اسلوبه وطريقته جداااااااا يعني يتحدث ويعطيكي كل جواب لاسئلتك

بعد فتره انزل اللقاء بالمنتدى لانه رح تلاقين كل اسئلتك بالمقابله من اول يوم بالعملية ولاخر يوم


انا عملت عمليتي عند جمال الحربي بس هو الحين ما موجود...انصحك ب خالد الصبيح من بعده

 

[Life.Rosy]

رورو الدلوعه

أخوي يقولي بعد روحي حق الصبيح

يعطيج العافيه حبيبتي .. بصلي استخاره وعلى الله

مووفقه يااارب

 

[دلع_البحرين]

رورو حبيبتي امانه انتي مرتاحه بعد ماسويتي العمليه عند الدكتور جمال لان بصراحهه هابي اسوي العمليه ومادري اسويها عند منو؟؟

 

[رورو الدلوعة]

رورو حبيبتي امانه انتي مرتاحه بعد ماسويتي العمليه عند الدكتور جمال لان بصراحهه هابي اسوي العمليه ومادري اسويها عند منو؟؟

انا الحمدالله مرتاحه للنتيجة...بس الحين جمال الحربي ما يسوي عمليات..روحي ل خالد الصبيح حسيته شغله وطريقة كلامه نفس جمال الحربي وحتى شغله زين

وربي يوفقك يارب