أسئلة عن مدارس الحكومه (رياض الأطفال + أولى إبتدائي)

[رزنامة حلوة]

السلام عليكم بنات ..

ياليت من الامهات الحلوات يساعدوني بجم شغله إن أمكن لأني جدا جاهلة في بعض الأمور ..

للأمانة انا توني حولت عيالي من مدارس الخاصه إلى الحكومه للمرحلتين أةلى روضه و الاولى إبتدائي ( طبعا بسبب الزيادات اللامعقولة من المدارس الخاصه)

بنات الحين جم سؤال --

1- بالنسبة لرياض الأطفال -- انا اعرف اللبس العادي مالهم الي اهو ابيض وازرق لكن لبس الرياضه شنو بيكون؟
2- هل يعطونهم أكل ولا لازم احطلهم ماي واكل ؟
3- هل اقدر احطلهم ملابس زياده ( لا قدر ان وسخ الطفل نفسه)؟

بالنسبة ل الاإبتدائي:
1- شنو لبسهم الاساسي وشنو الرياضه؟
2- هل يعطونهم اكل؟
3- هل هناك نجاح وسقوط في مرحلة الاولى إبتدائي ؟
4- الكتب المدرسية هل تضل في المدرسه ولا ياخذونها البيت ؟

ولو اي أم عندها اي معلومه زياده لي وتقدر تفيدني فيها رجاء لا تبخلون علي فيها ..

 

[meen_ana]

انا كنت بستفيد منكم حسافه باقي جواتي الرياضه والطلعه

 

[انصاريه قمره]

انا بعد كنت بستفيد من الموضوع
ولبس الرياضه اكيد شورت اسود والتيشيرت يا ابيض يا تحدد المدرسه اللون الاكل يعطونهم لانه اختي كانت تودي جنطه اكل وكلموا امي كذا مره قالولها لا تييب معاها اكل احنا نعطيهم يمكن علشان لا ياكلون بالصف اثناء شرح المعلمه

الابتدائي لبسهم يونيفورم وردي معروف الرياضه الشورت اسود والبلوزه نطروا المعلمه تطلب لانه احيانا يطلبون اللون الاساسي الابيض واحيانا يطلبون الوان بالنسبه للاكل اعتقد قاموا يوفرون لهم وجبات ما اعتقد في سقوط بالصف الاول الكتب اكيد ياخذونها البيت شلون بيدرس الطفل ؟؟

 

[ReD&FoSHia]

1- بالنسبة لرياض الأطفال -- انا اعرف اللبس العادي مالهم الي اهو ابيض وازرق لكن لبس الرياضه شنو بيكون؟
شورت اسود و تي شرت ابيض


2- هل يعطونهم أكل ولا لازم احطلهم ماي واكل ؟
اي يعطونهم اكل و ووجباتهم حلوة

3- هل اقدر احطلهم ملابس زياده ( لا قدر ان وسخ الطفل نفسه)؟
ايي اكيد حطي لهم بدلة زيادة
بالنسبة ل الاإبتدائي:
1- شنو لبسهم الاساسي وشنو الرياضه؟ لون الوردي
2- هل يعطونهم اكل؟يعطونهم بس تقدرين تعطينهم بعد انتي اكل
3- هل هناك نجاح وسقوط في مرحلة الاولى إبتدائي ؟ ايي فيه
4- الكتب المدرسية هل تضل في المدرسه ولا ياخذونها البيت ؟ ولدي انا تظل كتبه وياه بالمدرسة مادري عن البنات



ان شالله اكون فدتج

 

[red_rose8278]

واااانا نفس الشي حولت بناتي من خاص للحكومه .. واستفساري هل تظل الكتب دايما معاهم ؟؟ الصراحه الجنطه وايد ثقيله عليهم