مشكلتي اني تقريبا عديمة الثقه بالنفس بصراحه ماعرف مسبباته بالضبط بس انا لما اكون مع ناس وايد حتي لو كنت اعرفهم ومن الاهل ماعرف اجذب الانتباه ولا اتكلم بحرية وصوت عالي واذا احد وجه لي سؤال بقعدة الحريم والناس بدت تطالعلي تطقني بوهة واتلعثم واصير اقول نص كلمه ومو مفهومة بعد لكن بالاحاديث الجانبية ممكن اسولف واذا احد ركز نظره فيني واهو يسولف معاي فترة طويلة يصير ويهي أحمررررر وأدووووووخ ولا عاد اركز مادري شسالفتي والله هالشي متعبني نفسيا وايد وايد وترا هالمشكلة فيني من الطفوله ومالج امل اتكلم في تجمع حريمي بصوت عالي واذا تكلمت كلها كلمة ورد غطاها وصرت احس الناس تمل مني وتكره تقعد معاي مع اني احاول اسولف وآخذ الجو ، لحد يقول لي روحي معالج نفسي مابي ، شنو تشخيص حالتي وشنو حلها ياربي ، كل مرة اقول ابي اتغير واتجرأ وبعدين يصير موقف يردني نفسيا لي وري مية سنة ،
