أروع سفرة لدبي للي عندهم أطفال

[شمس؟]

السلام عليكم ورحمة الله وبركاته

بنات بصراحة البارحة رادة من دبي

كانت من أروع السفراتمدة ست أيام عيالنا استانسو حيل واحنا معاهم

بقولكم جدول سفرتنا بالتفصيل الممل وبعدين بنزل لكم الصور علما اعدلها

طبعا حجزنا شقق فندقية فندق راقي جدا جدا جدا ويديد اسمه ذا بليس يم فندق تشيلسي

يمه محطة القطار رقم 22
اليوم الأول كان الجمعة ...

مافي شي الصبح وبعد الظهر حذنا اليهال مدينة مدهش كانت قمة في الروعة خصوصا الحصن والبوني

بنات لا تنسون تاخذون من قرية مدهش دفتر الخصومات ودليلكم السياحي ما طلعنا منها الا احنا متعشين ومعشين اليهال وحاجزين تذاكر حق الدلافين في حديقة الخور الصبح يوم السبت


راجعة لكم .....

 

[شمس؟]

lيوم السبت الصبح

ريقت اليهال بالفندق وطلعنا الساعة 9 على حديقة الخور علشان عرض الدلافين وصلنا حجزنا كراسي في اي بي بالنص

وانتظرنا بالكافتيريا لين بدا العرض

العرض كان قمة في الروعة ساعة وربع تقريبا من المتعة اللي عيالي كانومو عارفين شيسوون من الوناسة

واثناء السحوبات طلع رقم ولدي الفايز فخلوه ينزل مع الدلافين ويصور معاهم وعطوه هدية

يوم خلص العرض رحنا اخذنا تذكارات لباقي اليهال وطلعنا على .........


امارات موووول ( مدينة الثلج )

راجعة لكم ....

 

[& الذاهبه &]

يعطيج العافيه اختي

صراحه انا بروح دبي الأحد وأول مره بسافر مع عيالي 8 سنين و 5 سنين :68_asmilies-com:

موضوعج جاا في وقته

جدولج روووعه من البدايه

بس عندي سؤال عرض الدلافين بصاله مغطاااه ؟؟

كملي تقريرج الرائع وانااا من المتابعين

 

[EL jowhra]

الحمدالله عالسلامة , شوقتينا كملي ؟بس كل من يقول رطوبه ما ضايقتكم؟

 

[ريماس77]

كملي انا باجر مسافره لدبي شنو قولي كل الي رحتيله عشان بروح بس عالخاص على اساس افتحه واشوف

 

[@ الجوري @]

ايه والله مشاء الله موضوعج روووعه
والحمد الله على سلامتكم
انا بسافر ان شا ء الله دبي
ناطرين اتكملين الموضوع

 

[Sweat Dreams]

رد : أروع سفرة لدبي للي عندهم أطفال

الحمدلله على سلامتكم كم كلفكم السكن ؟ صراحه فيه ناس قالوا مدينة مدهش مو شئ ما شجعونا صراحه أنا بنتي 12 وولدي 10 وبنتي الثانيه 7 أبي شئ يونسهم

 

[الشيرازية]

الحمدالله عالسلامة

 

[منول]

رد : أروع سفرة لدبي للي عندهم أطفال

جم تذاكر عرض الدلافين ودي اوديهم

 

[عقارية]

رد : أروع سفرة لدبي للي عندهم أطفال

اللي بونس عياله فعلا يروح لدبي
للصغار والكبار
الحر والرطوبه ما تحسين فيها بدبي
كل شي مكيف

ما تروحون القرية العالمية تعنينا لها ولقيناها مسكره

والدلافين أما في المكان اللي ذكرته الأخت أو في أتلانتس لكن قبل الساعه خمس العصر
في وايد منتزهات مائية في دبي غير أتلانتس

ويا ليت لو في صور للشقق الفندقية ، لأني ما احب اسكن إلا في فندق ومكلف حبتين لو خمس نجوم وغرفتين

الحمدلله على سلامتك

 

[ابتكار وتصميم]

عليكم بالعافيه حبيبتي

 

[FdeT LmoSa]

رد : أروع سفرة لدبي للي عندهم أطفال

الحمدالله على السلامه خيتي

 

[أوكسجين]

عليكم بالعافيه
ناطرين باجي الايام

 

[miss_british]

عليكم بالعافيه

 

[شمس؟]

السلام عليكم ورحمة الله وبركاته

برد عليكم بنات وحدة وحدة بس اكمل الجدول علشان اللي مستعجلين بيسافرون

ثاني يوم طلعنا من عرض الدلافين على الامارات مول طبعا ابونا يسوق وعلى النافيقيتر اول ما وصلنا تغدينا بجيليزوبعدها دخلو اليهال يلعبون مع ابوهم وانا تفرفرت شوي وبعدين قعدت بالكافيه ارقبهم

( المميز هناك .. جواتي الرياضة وانتو بكرامة اليديدة اللي تحرق السعرات الحرارية تنباع بشوسيتي بسعر خيالي يعني رفيجتي طلبته مع الشحن وصل لها بما يقارب 45 دينار ولقيته في شوستي من غير التنزيلات بسعره مال امريكا ب 28 دينار

وللأسف ترددت وماشرسته والحين متحسفة ) طلعت عن الموضوع خخخخخخ

خلصو عيالي على الثمان رجعنا وبالطريج خذنا سندويجات وتعشينا ونمنا علشان نتحضر لليوم الثالث وهو المفاجأة

دبي مول ومدينة كدزينيا اليابانية وااااااااااااااااااااااااااااااااااو

 

[جكورة]

رد : أروع سفرة لدبي للي عندهم أطفال

حمدلله على السلامه
ومشكورة على المعلومات والتقرير
بس عفيه لاتتأخرين لإني بسافر الأحــد ومعاي عيالي

 

[شمس؟]

السلام عليكم ورحمة الله وبركاته

ان شاء الله جكووورة ماراح اتأخر

صبحنا الصبح اليوم الثالث في دبي مول من الساعة عشر رحنا مدينة كدزينيا اليابانية

وهذا الرابط فيه تقرير عن المدينة اللي بدبي

http://www.inshad.com/forum/showthread.php?t=235550

طبعا اليهال دخلو وما يبون يطلعون ما اقدر اوصف لكم المتعة اللي حصلوها اليهال بهالمدينةمن اول دخلتهم لين طلعو وهي عبارة عن مهن يشتغلونها وفي بعض المهن يعطونهم فلوس على شغلهم

قمة في الروعة


خلصو عيالي على الاربع وهم للحين ما اشتغلو كل المهن وزاد معاهم فلوس

طلعنا تغدينا بمطاعم دبي مول

بعدها رحنا شرينا من محل هيرشي فظيعة الصوصات مالته الجوكليت والتوفي يميميييي

وقررنا ندخل فيلم (ايم اديسكبل ) اعتقد جذي اسمه (أنا الحقير ) فلم اطفال وبين شد ورد ندخل ما ندخل قررنا نسوي تصويت وطلع القرار انا ندخل راح ابونا يحجز لقى الفلم بادي عشر دقايق اصرينا على الدخول وتاعلو شوفونا نتراكض مع جياسنا لين وصلنا الدور الثالث في مجمع السينمات بدبي مول

والفلم كلمة رااااائع شوي عليه يموت من الضحك

بالثري دايفنشن

لايفوووتكم

خلصنا الفلم طلبنا عشا تعشينا بالطريق وردينا نمنا استعدادا لليوم الرااابع

رحلة إلى الشارقة

 

[شمس؟]

اليوم الرابع ...رحلة الى الشارقة

صبحنا من الصبح رحنا سوق الشارقة القديمطبعا معانا اليهال لأن هناك محل الرصاصي يبيع عطر للأطفال اسمه تونكل رائع وخذت جم عطر للمدارس بس على ذوقهم

بعدها رحنا محل الدراريع خذت دراريع لرمضان الباردة تينن بدانتيلات حقي وحق البنات

خلصنا على اذان الظهر

تغدينا في برقر كنق الشارقة ولعبو اليهال وقررنا نكمل مشوارنا على سوق التنين الصيني


وصلنا على الاربع ونص

طبعا هناك ما بتحصلين عربانه الا اذا شريتي شي من الجمعية او بالحظ يكون احد زهق وترك عربانته عاد انتي اخذيها وانا بصراحة اخذتها بالحظ ههههه

زين يا بنات

سوق التنين لحد يقولي مو حق اليهال الا حق اليهال ونص

اشترو البي اس بي فيها كافة المواصفات مع تصوير كاميرا مع 700 لعبة مجانية مع الوصلات كل هذا ب 12 دينار
غير ساعة ام تلفون معروضة بدبي مول ب 750 لقيناها بالتنين ب 300 درهم اماراتي

واشياء وايد

تشرينا لليهال احتياجات المدرسة من جناط وادوات مكتبية وطلعنا متأخر بقرار ثاني وهو اعادة الفلم والتنين علشان نخلص كل احتياجاتنا


دبي مول والتنين كلاكيت ثاني مرة اليوم الخامس

 

[شمس؟]

اليوم الخامس بناتبعد ما تريقنا رحنا نشوف العرض الاول للفلم في دبي مول بس هالمرة من البداية (كان هناك عدة عروض تقدرون تختارون اللي تبونه )

خلصنا تغدينا بدبي مول ورحنا التنين ثاني مرة نشتري هدايا لأهلنا وربعنا

وبجذي خلص يومنا تعشينا ورجعنا وبقت عندنا تجربة القطار وبكرة اليوم السادس واحنا راجعين بقولكم اشقررنا


اليوم السادس ورحلة القطار....

 

[شمس؟]

اليوم السادس ..

سكرنا جناطنا طيارتنا خمس المغرب

تريقنا وطلعنا على دبي مول بس هالمرة بالقطار علشان عيالي ما تفوتهم تجربة القطار استانسوا وايد والله الحمد لله

نزلنا طبعا ما ينزلج عالمول على طول لازم تاخذين تكسي

بس كتجربة تستحق انج تجربينها

تذكرت الفي اي بي ب 12 درهم وانصح فيها

المهم يوم وصلنا رحنا محل الجوكليت كاندي دليشز كل اهل الكويت فيه

اشترينا حالنا حال الناس ورجعنا على الاكواريوم دخلو العيال استانسو

تغدينا بالمطاعم الصينية جود صارت الساعة 3 اخذنا تكسي كبير من المول علشان يودينا المطار مرة وحدة

وبس يا حبيباتي هذي رحلتنا السعيدة

بكتب لكم في البارت القادم عن اشياء اساسية حطوها بعيت الاعتبار