أرجوكم ساعدوني اللي عندها خبر ..معقوله مستشفيات امريكا؟!!

[المرتاحة]

بنات

انا بالعماله نزلت الموضوع اهني بليز لا تنقلونه

انا اخوي عمره بالعشرينات و حاشه ورم سرطاني في المخ

وما عالجناه بالكويت دزيناه امريكا كبير في امريكا

ولما ردينا من العلاج بره قالوا لنا تراجعهم بعد 6 شهور وقدمنا طلب اهني بالكويت علشان يوافقون يعالجونه بالخارج ورفضوا طلبنا كذا مره

الحين انا توسطت لي بنت يصير لها دكتور علشان يشوف موضوع اخوي طبعا بعد ما حاولنا محاولات وايد

عقب انا كلمت هذا الدكتور انا بقول لج شي وبكون صريح معاج

قلت له تفضل قول

يقول لي ان مستشفى اللي بامريكا مسوين اخوج فار تجارب لانه كل الحالات اللي مثل حالة اخوج ودزتهم الحكومه لهالمستشفى كلهم ماتوا مافي احد فيهم عاش

امبيه بنات قمت اصيح و من غير شعور قمت اقول للدكتور انت جذاب جذاااب

وقام يهديني و يذكرني بالله بس قال صدقيني لو تبين اساعدج و ندزه لامريكا راح اساعدج بس انا مابيهم يلعبون في اخوج

قلت له اشلون جذي ؟ واهو عالج ورد احسن من يوم كان يعالج بالكويت

قال لي وزارة الصحه ما ترفض طلبات العلاج بالخارج جذي بدون سبب يقول صدقيني يبون مصلحة المريض

قمت اصيح بنات حدي ضايق خلقي ماني قادره اقول لابوي عن الموضوع احس اني بنفجر بنات

امانه بنات منو سمعت بجذي؟؟ في وحده سمعت ان مستشفيات امريكا يلعبون بالمرضي و يجربون فيهم و خاصه اذا كان المريض عربي؟؟

امبيه بنات مادري احس اني مشوشه مادري ساعدوني احد يقول لي اي شي.. والله اخوي عندي بالدنيا
اخوي هذا له معزه خاصه بقلبي قولولي شسوي ساعدوني اروح لمنو بعد الله
منو ينصحني شسوي وين اروح و عند منو؟

 

[بتبوتااا]

لاحول ولا قوه الا بالله العلي العظيم

والله اختي اول مره اسمع !

والله يشافي اخوج ياقلبي

 

[what's up]

اب
الله المستعان

 

[الغلا كله لبوي]

الله يشفي اخوج
عليج بالدعاء والصلاه بااخر الليل ودعي ربج ودعي لخوج ان الله يشفيه
بنسبه للمعلومه ما ادري عنها
بس اتوقع من امريكا كل شي لانها دوله يهوديه وماتحب العرب

 

[el lulu]

حبيبتي ذكري الله وهدي نفسج وتعــوذي من ابليس شالحجي الي قاله لج الدكتور يخرعج
الله يهداه مستشفيات امريكا معروفه احسن مستشفيات بالعالم كله وانتي بنفسج قلتي انه اخوج ماشاءالله رجع بعد العلاج احسن من أول .. ليش مصدقه كلامه هالدكتور جنه قاعد يرقع ليش اللجنه ما وافقو على علاجه لوو صج كلامه واهم ما رفضوا و ما عندهم مانع يدزووونه جان دزوه مستشفى ثانيه جان رشحوا مستشفى ثانيه يتعالج فيها اذا صج يهمــهم يتعالج

لكن انتي ادرى بخياس هالادراه يدزون على مزاجهم
انا وايد اعرف ناس تعالجو هني قراب مني من اهلي وكنت معاهم من البدايه لي نهاية العلاج واخطر واندر الامراض مرت عليي ولله الحمد كلهم تحسنت حالتهم

واذا هالمستشفى سمعتها مو زينه والمرضى يموتون فيها ليش قاعد يدزون ناس عليها قوليله يشوف احسن المستشفيات الي يتعاملون معاهم ويدزون اخوج لها
الاخطاء الطبيه وارده بكل مستشفى بالعالم بس صدقيني انا اتكلم عن تجربه العنايه والاهتمام والتطور بالمستشفيات هني ما تشوفينه بولا مكان غيره بس اهم شي اختيار المستشفى يكون زين ومعروف
والله يشافي اخوج يارب ويعافيه ويجمعكم دايما على الخير ويخليه لكم قولي امين

 

[عميمة]

لله يطمن قلبج عليه بس تبين الصج انا ما اصدقه

معروف الاطباء في امريكا عندهم ضمير حي اكثر من الي هني مع ان هالشي المفروض من خلق المسلم
وهناك ادا ما خافو من ضميرهم بيخافون من القضايا وجمعيات حقوق الانسان خصوصا ان هالشي وارد ومعروف عنهم
على اقل شي يرفعون عليهم قضايا فما بالج روح انسات ؟
مو نفس الي هني الي تهددينه باي شي بيرد عليج (الله يعافي الواسطه !! )
خصوصا انج قلتي انكم فرقتوا على اخوج عقب ما رد
انا اقول استخيري وتوكلي على الله وخليه يكمل علاجه برا وانتو اسألو عن المستشفى اكثر يمكن سمعة هالمستشفى مو زين

الله يشافيه ويجعل ما فيه تكفير دنوب ان شاء الله ويقر عينكم فيه

 

[عبير العنزي]

شنو هالدكتور المتخلف.. والله كلامه كله جذب بجذب..عمري ماسمعت هالكلام الغبي الا من هالدكتور

شنو فار تجارب شنو خرابيط.. دول متطوره وعلاجها متطور ويهتمون بالمريض وايد

ياحياتي الله يشافي اخوج يارب ويفرح قلوبكم واليوم جمعه وماابنساهـ من الدعاء..

حياتي بس اقولج والله والله والله بنت عمي صار فيها سرطان وانتشر بكل جسمهاا والاطباء بالكويت قالو حق ابوها انتظر ست اشهر وتموت

والعايله كلها بجي وصياح..بس ابوها ماسكت ولا سمع كلامهم وراح على المانياا وخذااها وامها راحت معاها

اقسم بالله وبهذا يوم الجمعه انها الحين ماشاء الله تبارك الرحمن المرض راح منها نهائي وتعالجت منه

والحين طلع شعرها ورجع طويل مثل اول..وكملت الـ 24 ماشاء الله عليهاا..

الحين المطلوب يختي تاخذون اخوج امريكا او المانيا وان شاء الله بيرد احسن من اول ..بحيـــل الله

بس حذاري يااختي من اليأس من رحمة الله او الجزع

خلي ثقتكم بالله عظيمه

وطمنينا عنكم يالغلا

 

[المرتاحة]

مشكورين حبايبي انتوا

اليوم كلمت ابوي و قلت له عن كل شي قاله الدكتور

وقال لي ما عليج منه و خليه يولي

عاد قمت دشيت موقع المستشفى و لقيت انهم يعالجون نفس حالة اخوي سنويا 3600 حاله بالسنه و كلهم تشافوا

عاد يقول لي ابوي انهم لما كانوا بامريكا الدكتور اللي عالج اخوي يقول انه مستعد يخلينا نتواصل مع المرضى اللي نفس حالة اخوي و تعالجوا عنده و شفوا


ما اقول الا حسبي الله عليه من دكتور ان جانه يجذب علي و يدري انه يجذب

لا حول ولا قوة الا بالله العلى العظيم

 

[بيتي بوب بس كويتيه]

شيبي عالدكتور حده غلطان
أهناك بأمريكا أذا بجربون يبلغون قبل لا يجربون الي يبي يصير تجربه يقولون له
واذا الله كاتب يشفا ويتعافا بصير زين
والصراحه أهني إحنا صرنا فيران تجارب من علاجاتهم الفاشله

 

[ياقوته (^_^)]

أنا اخوي كان مسوي زاعة كلى في مقاطعة هيوسن بولاية تكساس مستشفى هيرمان ، وهالمقاطعه كلها مستشفيات وكلها مراضى عرب وخليجيين ...... ولد عمي راح نفس المنطقه على حسب وصف اخوي وتعالج عن السرطان وصار زين والحمد لله .

انتوا كنتوا اي منطقه رايحين ؟؟؟*

 

[المرتاحة]

أنا اخوي كان مسوي زاعة كلى في مقاطعة هيوسن بولاية تكساس مستشفى هيرمان ، وهالمقاطعه كلها مستشفيات وكلها مراضى عرب وخليجيين ...... ولد عمي راح نفس المنطقه على حسب وصف اخوي وتعالج عن السرطان وصار زين والحمد لله .

انتوا كنتوا اي منطقه رايحين ؟؟؟*

الحمد الله على سلامتهم

اخوي عالج بامريكا بولاية مينيسوتا مدينة روشيستر

بمستشفى يعتبر من اوائل المستشفيات بامريكا للاورام و الاعصاب

 

[ما كو اسم]

اذا مستشفيات امريكا حقل تجارب عيل شنو يقول عن نفسه ؟؟
حبيبتي هذا ينخاف منه اللي قاعد يرقع حق اللجنه وما سوالج شئ لو انا منج ما اطالعه بنص عين

 

[ما كو اسم]

بس ما ابي منج تخترعين بس كل اللي بحالة اخوج نهايتهم معروفه .........الا بامر الله

بغيت اسال اخوج شنو شهادته ؟ اسمحيلي على السؤال بس دايما يصير بالاذكياء الظاهر الواحد لازم يصيرغبي علشان يرضي الناس

 

[انوار87]

اول شي الله يشفي اخوج يارب ويحفضه لكم
انا كان يصيرلي واحد توفى الله يرحمه عنده سرطان بالمعده واهوا لما راح الطبيب كان واصل حده والسرطان انتشر
يعني ماكان في امل ان يشفى الا اذا الله سبحانه بغى بس اهوا طرش تقاريره بره وامريكا قالوله تعال نعالجك كيماوي
المهم اهوا تصيرله دكتوره في مكي جمعه قالتله ان هالمستشفى قاعدين يجربون هالعلاج وانا انصحك لاتروح لان انت حسبه اخوي وانا اقولك ماكو فايده. يعني اهما مو الهدف يلعبون بالعرب بس دوى جديد يبون يجربونه عشان بالنهايه يفيدون العالم كله و اهما يجربونه على الكل اضن المفروض يقولون ان هذا دوى يدي وقيد التجربه بس حق منو يقولون مادري

 

[جـوود الحب]

الله يهونها عليكم مالج الا رب العالمييين

 

[المرتاحة]

بس ما ابي منج تخترعين بس كل اللي بحالة اخوج نهايتهم معروفه .........الا بامر الله

بغيت اسال اخوج شنو شهادته ؟ اسمحيلي على السؤال بس دايما يصير بالاذكياء الظاهر الواحد لازم يصيرغبي علشان يرضي الناس

ضحكتيني يا اختي

اخوي اسم الله عليه مميز من يوم كان صغير لحد الحين ذكروا الله

لا اله الا الله محمد رسول الله

و انا على يقين ان اخوي راح يشفى شفاء كامل باذن الله

و ان شا الله نشوفه معرس

دعواتكم حبايبي

 

[ســتارز]

اختي المرتاحة الله يشافي اخوج ويقومه بالسلامة

حاسة بشعورج وخوفج على اخوج ومابي ازيد همج لكن اذا ما اقتنعتي بكلام الدكتورلا تحسبين عليه ماتدرين وين الصح

هذي امريكا واذا اهم بيجربون علاج ويبيله ميزانية خاصة اذا رايح على نفقة البلد عادي يجربون فيهم العلاج الجديد بدون مايعلمونهم

 

[المرتاحة]

اول شي الله يشفي اخوج يارب ويحفضه لكم
انا كان يصيرلي واحد توفى الله يرحمه عنده سرطان بالمعده واهوا لما راح الطبيب كان واصل حده والسرطان انتشر
يعني ماكان في امل ان يشفى الا اذا الله سبحانه بغى بس اهوا طرش تقاريره بره وامريكا قالوله تعال نعالجك كيماوي
المهم اهوا تصيرله دكتوره في مكي جمعه قالتله ان هالمستشفى قاعدين يجربون هالعلاج وانا انصحك لاتروح لان انت حسبه اخوي وانا اقولك ماكو فايده. يعني اهما مو الهدف يلعبون بالعرب بس دوى جديد يبون يجربونه عشان بالنهايه يفيدون العالم كله و اهما يجربونه على الكل اضن المفروض يقولون ان هذا دوى يدي وقيد التجربه بس حق منو يقولون مادري

الله يرحمه يا رب

اختي احنا عانينا 4 شهور بمستشفيات الكويت و انصدمنا من وايد دكاتره و استشاريين بعد "ماراح اذكر تفاصيل اكثر عن اللي شفناه"

والدكاتره الزينين ضايعين

انا ما يقهرني بدكاترتنا الا الجذب و الجذب و الجذب و الاستخفاف بعقولنا

لا حول ولا قوة الا بالله العلي العظيم

شوفي اختي كلمة "لو" تفتح عمل الشيطان

بس انا سامعه كذا حاله راحوا علشان العلاج التجريبي و طبعا هقب ما خذوا موافقة المريض و شفوا شفاء تام و ردوا لاهلهم مو يمشون الا يركضون لا اله الا الله محمد رسول الله

يعني هالدكتوره الله يهديها لو ناحصه المريض يروح يعالج ويشوف العلاج التجريبي مدام ماله علاج و مرضه واصل مراحله الاخيره يمكن ربي يكتب له الشفاء مثل اللي جربوا

بس في بعض دكاتره يصير ضغط عليهم من اللي اكبر منهم انهم ما يطلعون علاج بالخارج او ينقص عليهم لانهم وثقوا بناس المفروض يكونون اهل للثقه بس للاسف ما يتعاملون الا بالجذب

 

[ياقوته (^_^)]

أنا سمعت ان بعض المستشفيات يديرونها يهود ، وأخوي من قبل راح مستشفى في ولاية بوستن بس ما سووا له شي ، بعدين عقب قالوا له دكاترة الكويت ان هالمستشفى كله دكاتره يهود .

..... احتمال ان المستشفى يديرونه يهود اللي اخوج تعالج عندهم *، وعلى فكره ولد عمي لما راح يتعالج في هيوستن ما شاف ان في فرق بين علاج الكويت عن امريكا .

 

[المرتاحة]

اختي المرتاحة الله يشافي اخوج ويقومه بالسلامة

حاسة بشعورج وخوفج على اخوج ومابي ازيد همج لكن اذا ما اقتنعتي بكلام الدكتورلا تحسبين عليه ماتدرين وين الصح

هذي امريكا واذا اهم بيجربون علاج ويبيله ميزانية خاصة اذا رايح على نفقة البلد عادي يجربون فيهم العلاج الجديد بدون مايعلمونهم

اختي انا اتحسب عليه اذا هو يجذب علينا وهو عارف ان الكلام اللي يقوله جذب

لكن اذا اهو مخدوع عسى ربي يبيين له الحق

احنا مشاعرنا مو لعبه علشان كل من يه قط علينا جم كلمه جذب و مشى

اختي مستشفيات امريكا مع انهم مو مسلمين لكن عندهم امانه في القسم
واذا دكاترتهم ما يلتزمون بالقسم فا اهم يخافون من القانون

على العموم انا ياتني اثباتات تبين ان كلام الدكتور مو صحيح غير اللي قلته لكم يعني بمعنى اصح (عرفنا القمنده ابوي قال لي على كل شي و فهمني الموضوع عدل)

واتمني انكم تخلون الموضوع هو مجرد انكم تدعون لاخوي بالشفاء التام

و عسي الله يبعد عنكم كل شر