أربـــــع لوكآت بألوان غيـــر .. لا يطوفونكم =)

[Mrs_Orchidia]

السلآم عليكم ​

:eh_s(9):​

شلونكم؟ عيدكم مبارك مقدمًا و عساكم من عواده​

و الله يتقبل منا صيامنا و قيامنا و صالحات أعمالنا و يجعلنا من المغفور لهم يا رب ​

من مدة جم وحدة بالبنات هنيه بالركن طلبوا مني أحط لوكااات .. و بما اني من دهر مو منزلة لوكات ​

فقلت بسردها معاكم هالمرة و يبت لكم 4 لوكات فيها كل الالوان اللي يحبها قلبكم ​

و ان شاءالله يعجبونكم و تحطونهم حق العيد ​

أول لوك خفيف و اللي عقبه وسط .. و جذي لي ما أثقل لوك​

بس حتى الثقيل ناعم مو اوفر وايد ​

ملاحظااات قبل ما أبدا ​

هذه اساسيات استخدمتها بكل اللوكات .. شوفوا صورها لان بعضها ما صورتها عشان ما اقلب روسكم بالتفاصيل​

اضاءة الحاجب آي برايت ​

​

باليت برونز توفيسد ​

​

استعمل التايغر الفاتح على جبهتي خشمي و حنجي و ساعات على خدوودي حق اللمعة و البرونز الخفيف​

و فكس بلس ماك .. كلكم تعرفونه مالي داعي صورته .. أرشه على ويهي بعد كل لوك ​

مثبت شدو دييغو .. أخذه من بيضون ​

الحين خلص حسافته .. اخر مرة استعملت بداله كونسيلر ابيض و عطاني نتيجة حلوة الحمدلله​

بسم الله نبدا مع اول لوك ​

اللوك الناعم (تركواز مع بيج)​

​

على الجفن اللي فوق ​

وزعت شدو بيج على كل جفني ​

و على كسرة الجفن حطيت شدو بني على كاراميل .. بس عشان أخلي اللوك طبيعي ​

تحت عيني حطيت كحل أزرق او تركواز​

او ممكن تحطون شدو بس بفرشة ضعيفة و دقيقة و تخلونه واضح ​

و فوقه حطوا شدو ازرق او تركواز فاتح بس بفرشة شدو عادية ​

وزعوه و خلوه مثل السموكي عشان اللوك يصير مثل الصورة ​

اضاءة الحاجب بينيفت آي برايت​

البلاشر ​

حطيت بلاشر عادي أي لون تحبون ​

و ضحكت و على تفاحة الخد اللي تبرز حطيت بلاشر فسفوري من الهنود .. دايمًا يطلع اوفر فقمت اعتم هالطريقة ​

احط منه شوييية بنص الخد .. لما أضحك يبرز اللون يصير زوغة ​

الحمرة​

حطيت حمرة وردية ​

أذكر اني خلطت جم لون بس نسيت الخلطة !! لا تطقوني تكفوووون ​

عيزت و انا اجرب و اخلط بالالوان اللي عندي و لا وصلت حق اللون ​

سووري ​

بس شوفوا .. اللون الوردي تختلف الدرجة حسب لون البشرة يعني انا الوردي اللي يصلح لي ممكن ما يصلح حق وحدة ثانية بالنسبة حق لون بشرتها​

فحتى لو ما حطيت الحمرة .. انتوا حطوا الوردي اللي يناسبكم ​

بس ها حطوا بالكم .. اللون وردي مو بيبي بينك أو فووشي او نيوود​

وردي :eh_s(17):​

اللوك ​

​

يتبع ​

و اذا بتردون ردوا كيفكم بيخترب الموضوع و ماراح تشوفونه عدل :eh_s(8): خخخخخخخ ​

يا نحاستي لوووووووووووول
_03BA:​

 

[Mrs_Orchidia]

اللوك الثاني
رصاصي و مشمشي



انا وايد أحب الرصاصي .. و دايمًا اعتمده بلوكاتي
هاللوك سويته العيد اللي طاف "الاضحى" كنت لابسة بلوزة رصاصية فاتحة و سادة و طويلة
فقلت ودي اركب معاها مشمشي فاتح
و فعلا الحمدلله لقيت اللي ابيه
و طبقت اللوك
سهل و سريع ما يبيله شي
كل الشغل عالجفن اللي فوق
على الجفن المتحرك حطيت شدو رصاصي من مكياج كويتي من كومار اللي عليه *
مو غامج و لا فاتح وسط
و عالجفن الثابت حطيت شدو مشمشي !! لوول أدري غريب اللون معاه بس صار مو صج
و طبعًا درجت المشمشي مع اضاءة الحاجب
و حاولت اني ادمج بين الرصاصي و المشمشي بالفرشة و كان حلو

اضاءة الحاجب .. بينيفت آي برايت

البلاشر
مشمشي من توفيسد .. في شيمر خفيف اينن
الحمرة
ماك كوستا شيك و فوقها قلوس مشمشي على اورانج من سكن فود .. يشوق بس شقق شفايفي
و ثقيل بعد
مع ان لمعته تينن بس شسوي؟

و خلص اللوك
الماسكارا الللي عندكم
الكحل اختياري ... انا ما حطيت .. أبي الالوان تبرز و اكتفيت بالماسكارا .. خاصة ان اللوك كان الصبح فما ما بغيت اكثر حوسة



اللوك







يتبــــع .. ​

 

[Mrs_Orchidia]

اللوك الثالث ​

لوك كحلي ثقيل ​

هاللوك كان حق اختي فعشان جذي بتشوفون الخطوات غير شوي لان عينها غير عن عيني​

​

اللوك​

1- اول شي وزعت شدو بيج على كل جفنها . ماك من كولكشن تشامبيل​

2- بعدين على زاوية جفنها من برة حطيت شدو كحلي مخملي


بس مو كحلي غامج ... لا لون البيبسي ​

شوفوا مو تقولون اللون اوفر و ما نعرف نوزع المخملي!! ​

طبقوا اللي اقوله بالحرف الواحد و بيضبط ان شاءالله .. انزين؟​

اول شي اخذوا من الشدو المخملي شوية "شوية" مو وايد ​

و حطوا على طرف الجفن بره و وزعوه بالفرشة مو الاسفنجة


نصه لي بره و نصه لي داخل


و رفعوه شوية لي فوق


اللون راح يتوزع .. و بيصير خفيف ​

الحين حطوا عليه شوية مرة ثانية


و عيدوا الحركة


لما توصلون حق اللونو الكمية اللي تبونهم ​

بس نصيحة بنات .. لا تكثرون علبوا انكم تبون كحلي لان مهما غمجتوا اللون بيبن مثل ما اهو


ازرق البيبسي ​

3- بعدين حطيت لها كحل أسود حوالين عينها


و يبت اسفنجة شدو طوالية و موهت الكحل مع الشدو البيج عالجفن اللي فوق .. خليته مدموج مو خط واضح ​

4- اما على طرف جفنها من برة بيت شدو اسود و وزعته لي برة


و صار فوق الشدو الازرق و طلعت الشدو لي برة


و بهالحركة صار عندنا


اسود مدرج بكحلي .. مدرج بأزرق بيبسي​

5- تحت عينها يبت شدو سود شوية و وزعته عالمحل و موهته و فوقهم كلللهم


يبت قلم أزرق غليتر و حطيت


صار أسود بلمعة زرقا عجييييييييب​

و داخل عينها حطيت كحل اسود​

6- و لما خلصت .. حسيت فيه وايد تناقض بالالوان


البيج و يمه الازرق .. شكله صار مو وايد حلو


فشسويت؟


قمت يبت شدو برونزي .. و اخذت من بصبعي شويييييييييييييييييية شوييية


و وزعته على كل جفنها


مشيته عالبيج و الأزرق و الاسود​

بس بنات مو وايد .. يعني ما يبين اللون


بس خفف من حدة الالوان و زاد الدمج بينهم و البيج صار طبيعي أكثر .. جربوا هالحركة اذا ما تتجرؤون عالالوان


تخلي اللوك يصير ذرب و ناعم​

الاضاءة حطيت لها قلم بينيفيت آي برايت مابغيت اضاءة اوفر كافي اللوك كله يلمع و ثقيل ​

ماشاءالله تبارك الله .. مع الماسكارا .. عيونها صارت مو صج ​

الحمرة حمرا ماك Russian red


البلاشر يفضل برونز


الاضاءة .. برستيج حطيتها بفرشة ماك 187​

​

 

[Mrs_Orchidia]

اللوك الأخير .. لوك القرقيعان =))​

سلمكم الله انعزمنا على حفلة قرقيعان و كنت حاطة لوك حلو بس عادي
يعني مدرجة الوان و شوية كحل و جذي
بس لما شفت البنات هناك و اللا الدنيا كلها غلتر!! بس انا و خواتي اللي طافين وعليه!! :krkrkr:​

عاد صدف ان من باجر كان عندنا عزيمة قرقيعان .. جان اسوي لوك غليتر ​

و خلوني اقول لكم بنات .. لو احط صور الدنياااا .. ماكو شي يوضح لكم اللوك عالطبيعة .. حتى لو صورت و حطيتها​

تبون تشوفون اللوك .. طبقوه ​

صج صج هاللوك قمممممممة .. احس اني وايد فنتقت فيه و حدي استانست عليه ​

و كملتها كنا يايبين وحدة ترسم عالويه حق اليهال و طبيت بينهم و رسمت لي قلب على خدي لونه احمر و عليه قلتر وردي لوووووووول :krkrkr:
بدعت صح؟ لووووووووول​

​

اول شي
1- حطيت شدو مادري شسم اللون جنه بني على لحمي على كل جفني
2- بعدين حطيت على عيني من فوق كحل بنفسجي "نسيت لا أصوره" و ماخليته خط ضعيف .. لا حطيته بشكل عشوائي .. و فوقه شدو بنفسجي من نفس اللون
3- بعدين اخذت الغلتر .. لونه بنفسجي على فوشي
و بفرشة مكياجي الضعيفة "اللي بالنص" حطيت من قطرة انجلوت دريولاين و حطيت من الغلتر "فوووق" الكحل البنفسجي .. صار الغلتر البنفسجي!! مووووووووووووو صج اينننن ​

شوفوا صورة الفرشة .. ترى وايد حلوة و رخييصة

لازم تجربونها
ناعمة و دقيقة .. ترسم الشدة رسم تخليه جنه كحل .. حتى لو بدون القطرة
اسمها large angled brush
و عندي نفسها مالت الاي لاينر .. نفسها بس صغيرة اسمها small angeled brush​

المهم ​

4- بعدين الله يسلمكم حطيت على زاوية عيني كحل أسود
و بعيد سويت حركة اللزاق
اللي احطه تحت عيني بشكل مايل لي فوق
شوفو صورة سباركل حاطة اللزاق
​

و يبت شدو أسود و حطيت منه على طرف عيني من برة و دمجته مع الكحل الاسود
و طبعًا حطيت من تحت << هالخطوة استخدمت فيها الاسفنجة الطوالية شوفوها فوق اللزاق
و وصلته حق اللي فوق
و طلعت الشدو كله لي برة و لما خلصت شلت اللزاق
و صار اللوك حده واو .. جنه كات آي بس بشدو ​

الكحل تحت عيني ما وصلته لي داخل بس لي طرف عيني من بره
اذا تحبون توصلونه لي داخل على راحتكم كل وحدة و اللي ينااسب عينها​

5- حطيت من اضاءة بودي شوب و فوقها غلتر اوف وايد .. بس وايد ناعم
يعطي لمعه بدون سباركلز ​

البلاشر
وردي من ماك و فوقه دوللي مكس .. و فوقه شوية من الوردي توفيسد اللي عليه **
الحمرة ماك غيرل اباوت تاون و وفقها شوية من محدد ماغينتا
ادر ان المفروض المحدد اول بس مابي اللون وايد غامج
و دمجته بحمرة شفافة من شارمل "شوفوا اللي واقفة لونها سلفر"
احط و اوزع اللون بصبعي او بفرشة الحمرة ​

الفاونديشن بهاللوك كان بيبي فاونديشن من ميشا تكلمت عنه بالتفصيل بسوالفي المكياجية
و البلاشر التايغر اللي عليه * هذا حطيت شوية منه على جبهتي خشمي و حنجي ​

و خلصنا و ملصنا لووول ​

اللوك​

​

ووو بس .. خلصنا الـ4 لوكات الحمدلله =) ​

ان شاءالله عجبوكم و استفدتوا منهم​

مو شرط تحطون نفس الالوان .. يعني تاخذون فكرة من هني
حركة من هناك و بتسوون لكم ستايل خاص فيكم ​

و أي سؤال .. بليييييييييييييييييييييز عالعــــام مو عالخـــــــاص .. لو سمحتوا ​

 

[بشبوشه المزيونه]

ما شاء الله تبارك الرحمن اللوك اللي فيه الرصاصي والمشمشي عجبني

واشكرج ما قصرتي على الشرح الوافي

 

[قطوووة]

وااااااااااااي احبج ياا اوركيدا ... فنانة ماشاء الله عليج ..
سؤاااااااااال
شنو نوع فرشج

 

[قفشه شكر]

روووعه الشرح واللادوااات والتفاااااصيل
تسلم اييدج
الصرااحه كل لووك احلى من الثاااني
بس كلش ماكوو طاري للمسكره <<<<< غرامي

 

[مزيونه وشقره]

ماشاء الله يعطيييج الف عافيه حياتي

وايد حلوه الالوان


وثاني لوك حلووو واايد

 

[سنيوريتآ]

ثـآإنكيووو ..~

 

[همس الهموسات]

روعــــه يسلموو حبووببببه

 

[سكادا بلو]

رؤوووووعه.

تسلمين يالغلا على اللوكات الحلوه

 

[أسيرة_أحزاني]

حدج عجيييييييييييبه يعطيج الف عافيه

 

[.:غربة مشاعر:.]

واااااايد نايس تسلم ايدينج ..بس بغيت اسألج عن بلاشر توفيسد .. ثابت وقوي ؟؟ ولا بسرعه يطير ؟

 

[Mrs_Orchidia]

ما شاء الله تبارك الرحمن اللوك اللي فيه الرصاصي والمشمشي عجبني

واشكرج ما قصرتي على الشرح الوافي

حياج الله حبيبتي نورررررتي

وااااااااااااي احبج ياا اوركيدا ... فنانة ماشاء الله عليج ..
سؤاااااااااال
شنو نوع فرشج

ياحياااتي .. تحبج العافية ان شاءالله
و فرشي الله يسلمج تقليد ماااك

و في اصليين بس الاغلبية من التقليد

روووعه الشرح واللادوااات والتفاااااصيل
تسلم اييدج
الصرااحه كل لووك احلى من الثاااني
بس كلش ماكوو طاري للمسكره <<<<< غرامي

يابعد عمري انتي .. @@ الحلوة
كلج ذوق

و الماسكارا ماحطيت لان كل لوك مسويته بوقت
بعضهم قديمييين .. فكل لوك ماسكارا غير عن الثانية

الحين استعمل ماكس فاكتور الذهبية :rerrerek: شي شي

ماشاء الله يعطيييج الف عافيه حياتي

وايد حلوه الالوان


وثاني لوك حلووو واايد

حبيبتي انتي @@ الحلوة
اللوك الثانية النتيجة مو طبيعية .. طبقيه و بتشوفين

ثـآإنكيووو ..~

روعــــه يسلموو حبووببببه

رؤوووووعه.

تسلمين يالغلا على اللوكات الحلوه

حدج عجيييييييييييبه يعطيج الف عافيه

حياااكم الله ياحياتي .. @@ الحلوة :eh_s(7):

واااااايد نايس تسلم ايدينج ..بس بغيت اسألج عن بلاشر توفيسد .. ثابت وقوي ؟؟ ولا بسرعه يطير ؟

الله يسلمج يا قلبي

بلشر توفيسد ثابت و لمعته عجيبة
بس خفيف شوي لانه وايد طبيعي
انا عادة استعمله حق لوكات النهار الخفيفة



وحياااااااكم الله كلكم .. نورتواا
:eh_s(9):

 

[{نور الليالي}]

حلوووووووووووووووووين


تسلمينــــ

 

[ޢޢޢإيمانޢޢޢะۣۨ>]

ماشاء الله عليج
شغلج حلو ومرتب
ومشكورة على المجهوووود ​

 

[_zahra]

تسلمين يا اوركيديا علي هالمجهود الحلو واللوكات الاروع.

 

[جوهرة البحرين]

احنا الحمدلله طيبيين .. انتي شلونج؟؟
ايامج سعيدة يالغالية..

بالنسبة للوك ماشاء الله علليج احترت أي واحد احلى
بس كل اللوكات عجيييييييبة وتهبل وشغلج مرتبي وشحرج حلو
بصراحة شي شي شي

اللوك الثاني رهييييييييييييييييب واخر لوك بعد حلو والله كلهم كلهم حلوييييييييين طلعتي خطيييييييرة يه يه يه


عساج ع القوة حبيبتي
تسلم يدج حبيبتي وعساج عالقوة

 

[شقآوه أنثى]

وآآآآآآآآآآآآآآآآآآآآآآيد حلووووو
يعطيج الف عآفيه حتاتي

 

[بنت الرياض99]

رررررروعه ياالغلا عجبتني علب المكياج