أخي المتحجب !

[.Nihal.]

السلام عليكم بنات

غريب العنوان صح ..

الحجاب معروف إنه للبنت وغرضه الستر وان البنت فتنة وما بجوز و .... و .... الخ

لكن ما تلاحظون إن البنات بعد ينفتنون بالرياييل ؟ @@

يعني شكثر بنات يمرون علي اشكال وانواع سواء كانوا ملتزمات دينيا او معتدلين او رايحين فيهااا المهم بتاع كلو

لازم كل وحدة فيهم اذا شافت واحد حلو او ممثل اشوفهااا تطيح فيه مغازل وااااي شحلاته امبييي اينن يماا فديت نسفته طاالعوا شحلات ضحكتة شووفوا عيونه ........... الخ :\

مادري يعني شي غريب اذا رياييل افتتنوا بمرة ليش نقط الغلط على المرة ونقول كله منها اهيا السبب لانها مو محتشمة او ... او .... الخ ؟

واذا المرة افتتنت بالريال قلنا قليلة ادب ما تستحي .... الخ

كلنا بشر والحياء مو مقتصر على البنت

وقبل جم يوم واصلي على البي بي ام برودكاست عن بنتين مغتصبين ريال ؟

فحبيت اشوف خلفيتكم الدينية هل فعلا الحجاب حتى لا تنتشر الفتنة وتلفت الانظار ؟

اذا كان هذا السبب ليش الرياييل بعد ما يتحجبون !

ما يحتاي اذكر لكم قصة سيدنا يوسف عليه السلام لما الحريم قطعوا ايدهم من شدة جماله !!!!!!!!!!!!

(ملاحظة: اللي شادة حيلها وبتطلعني كافرة ومستهزئة بالدين لو سمحتي وفري كلامج ... انا غرضي من الموضوع شنو حكمة الحجاب من وجهة نظرج الشخصية واعتقادج لان الرأي الديني معروف )

أرد وأكرر : الموضوع شنو رااايج بالحجاب وشنو حكمته باعتقادج الشخصي مو انتي معاه او ضده


وسوووري لأني صرت كاسكوا بس شسوي في بنات ماشالله ينطرون الاشارة للهجوم عشان يعيشون دور المجاهدات والمدافعات عن الاسلام على غفلة


انا بقول رأيي بالحجاب عشان تفهمون قصدي: انا اعتقد ان الحجاب هو رمز بأن المرأة اللي ترتديه ملتزمة وشعار لها إنها متدينة ... وليس حماية لها لأن ماشالله الشباب هالايام يتحرشون بالمتحجبة والمنقبة اكثر من السفور ) !

يعني مثل ما اللحية رمز للانسان المتدين .. الحجاب رمز للمرأة المتدينة

مادري انتوا شرايكم ؟!

 

[حبي لله اشد]

الله اعلم والله انا سفور واكثر خز احصله من المطوع @@!
استغفر الله بس ماتدرين حكمة ربج بالحجاب شمعنه للنساء من دون الرجال
حكمة ربج والله غفور رحيم ..

 

[حبي لله اشد]

بس انا اقول لانه اكثر شي يفتن بالبنت شعرها
والريال مايطول شعره ..
يعني لو بنيه متغطيه جم طويل وبنطرون طويل
بس فاله شعرها هذا يفتن الريال اكثر ..
أما الريال مافيه شي يفتن غير جماله وجسمه
أما المرأه الجمال والشعر والجسم ..
وسبحان الله وايد اشياء واذا كان غلط كلامي الله اعلم

 

[حبي لله اشد]

لحد يشغل نفسه بكثرة التساؤلات ترا الشيطان شاطر
وهالاشياء ممكن محد يدري وتوصل للشرك ..!

 

[المـــــها]

رايي بالحجاب
فرض واجب من الله سبحانه و تعالى على كل مسلمة بالغه !!
هو شرع من الله كل مسلمة ((ملزووومه)) لازم تلتزم فيه لان ربنا فارضه علينا ((فرض و ليس سنه)) واتحير من اللي تتهاون في ارتداءه و حجتها الحرية الشخصية !! يعني اتحير لانها مسلمه و تعرف انه واجب و ماتلتزم فيه
و مايدل على التدين فقط انما ستر لما حرم الله من ظهوره
و هو بنظري ليس رمز للانسانه المتدينة .. انا اشوف انه رمز للمرأة المسلمة !! يعني يفرق بين المسلمة و غير المسلمة
اما التدين هو الحجاب الشرعي الكامل

وووو برايي الشباب يتحرشون بالسفور و المتحجبة و المتنقبة و حاشاج لو حصلهم صخلة هم تحرشوا فيها ههههههه
و بالعكس حماية للمرا من عيون الرجال غير المحارم مايطالعون عوراتها من شعر و ملامح الجسم و الرقبة و الساق و غيره و غيره .. و تصير عرضه للخز للي يسوى و اللي مايسوى !!






أتمنى كل بنت مسلمة تلتزم بحجابها و بصورة صحيحة لأنه رمز العفة !!

 

[Manol93]

اذا تبين رايي الشخصي !!
و اتمنى محد ينتقدني

اصلا ً هالحجاب مو حجاب اسلامي
الحجاب الي أَمرنا ان نلبسه يغطييج كلج ويسترج مو بس يغطي الشعر والرقبه والجسم كله مبين !! شالفايده
يعني لو وحده صج متغطيه عدل ومتحجبه و محترمه روحها والله محد يتحرش فيها

اما اللي حجابها ما ادري شلون صاير و لبسها ضيج و تخز يمين و يسار لا اكيد بيتحرشون فيها

وانا اعتقد الحجاب للستر و عشان ماينفتنون الرياييل
والرييايل مايتحجبون اممم يمكن لان المره تقدر تمسك روحها و عندها اراده اكبر منهم ؟

والله تعالى أعلم

 

[Manol93]

^
^
بنات والله الشباب مايتحرشون الا للي تعطيهم نظرااات ولا شكلها يبين تبي هالسووالف
ولا لوووووو وحده محترمه وماتلفت ولببسها سنع مايقربون صووبهـــــا

 

[حامضه]

ههههههههههههههه العنوان يمووت ضحك
بالنسبه للحجاب شي اساسي ورمز لنا كمسلمين
وبالعكس تحسين بالراحه وانتي لابسته لانش سويتي الي امر فيه ربي
والحكمه منه ستر للبنت وهو مايفتن الشباب للي تعرف شلون تلبسه مثل ماامرنا الاسلام!!!!!!!!!!!
مو مغطيه الشعر واللبس الله العالم شلون صاير

 

[توتا الكتكوته]

العنوان سحرني هع هع يا حلات السفور مثيرات للجدل دائما وابدا ااااااااااااه عالسفور بسسسسسسسسسسسسسسسسسسسس

هههههههههههههههههههههههههههههههههههههههههههههههههههههههههههههههههههههههههههههههههههههههه

بس انا متحجبه مع الاسف بس حجابي غير كل البنات

بعدين العنوان حسبت الكلام موجه للرجال ما الومج بعض البنات اهني ردودهم جنهم ابو الشباب مو بنات هههههههههههههههه الحين بيفتحون لج محاضره طويله عريضه

ام الدين بيتفلسفون عليج يا نوووهاااال بس اهم شي انها ما تنمص حواجبها يعني تلبس حجاب وتسوي تاتوا حواجب لان في حديث : لعن الله الواصله والمستوصله

و النامصه والمتنمصه


كذلك اللي تلبس الحجاب وتروح بالعروس تخلعه وتصور والشريط العرس العروسه تتفرج مع زوجها عليه ثاني يوم اقول صباحية مباركة يا بنات هههههه

اي قبل لا انسى ولا اللي بعيادات الليزر يكشفون عوراتهم عيب يا بنات ترى مو بس نلبس الحجاب ونسوي هالاشياء خاصة اماكن العورة وعورة المراة للمرأة معروفه

الله يستر علينا وعليكم دنيا واخره

 

[انا و بس]

هالايام مافي بنات يلبسون حجاب عدل علشان تقولين

مادري يعني شي غريب اذا رياييل افتتنوا بمرة ليش نقط الغلط على المرة ونقول كله منها اهيا السبب لانها مو محتشمة او ... او .... الخ ؟

انا هذا راي الشخصي انا متحجبة بس بصراحة حجابي عادي البس بلوزة شوي قصيرة ولا جينز ضيق بس مو حيل
الحجاب هالايام ما يرمز للعفة احسة موضة للأسف
اما حجاب الريال فالمرة معروفة برقتها وانها مخلوق ضعيف بسرعة ممكن ان احد يغتصبها وووو الخ اما الريال فهو قوام على النساء وما اعتقد في مرة تقدر تغتصب ريال الا اذا كان صغير او فيه شي او ناقص رجولة والدليل قصة يوسف عليه السلام لما امرأة العزيز راودته قدر عليها الريال مهما كان غير
في النهاية كل شي له حكمة

 

[عاشقة الدوحة]

قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ «30» وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَ
ى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ «31»

يعني جواب سؤالج .. هو

( ‏وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ )
النور آية 31

البنت لازم تغض بصرها
الله يهدي الجميع ...
:eh_s(7):

 

[سكوتي بذوقي]

الله سبحانه وتعالى

فرض الغطاء مو الحجاب بس

تلبس لبس مو محتشم وتخش شعرها

والوجه كله مكياج المرأه فتنه للرجل إذا شافها

طبيعي يشوف كل شي بمفاتنها اللي مطلعتها

ليش الله أمرنا إن نستر جسمنا ونغطي وجهنا لأن أغلب النساء اغواء للرجل

والمرأه لازم تغض بصرها عن الرجال الغريب مهما كان شكله فاتن

لابد إنها تتحكم بنفسها وتذكر اللي أمرنا الله فيه

يعطيكِ العافيه اختي

 

[حريتي بحجابي]

بذكر لك ايه عن الحجاب وانتي حره
حبيبتي كيف الرجال يتحجب ؟ انتي اقري الايه هذي

قال تعالى
(وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ)


[النور:31]


وهذا رابط ان شاء الله بيجاوبك على تساؤلاتك

http://www.alhawali.com/index.cfm?method=home.showfahras&ftp=ayat&id=6002821

الله يوفقك للخير ويسعدك ويهديني ويهدي الجميع

تقبلي مروري ياعسل

 

[جود المري]

لي عوده بعد ما أصحصح بإذن الله

 

[الحللللوه]

الله المسستعاان لاحول ولاقوه الا بالله

حجااااااااااااااااااب تغطيه الشعر هذا مو حجاب شبيه الحجاب

الحجاب تغطيه الوجه لان الوجه قتنه حتى لو ماتتزيين

 

[طيوبه89]

مو كل من لبس حجاب صارت متدينه اكثر المتحجبات استغفر الله موضه

 

[جنون أنثى !]

اتوقع لان الريال بطبيعته تفتنه المره بكل شي جسمها .. عيونها.. شعرها
بس البنات مر واحد انعجت وخلاص احس الريال تعلق بذاكرته البنت مدري احساس انه شي من غريزته يعني

غير كدا البنت تتكشخ اكثر يعني الولد ان كثر مرا سوا سبايكي طول شعره عدل حواجبه

اما البنت تفل الشعر مكياج مناكير لبس ضيق ويرسم الجسم كل شي يلفت فيها
اخر شي بقوله كااااك احس وايد تفلسفت

يعنيي الولد ممكن يجذب بنت بس انا مايجذبني عادي بس البنت لما تتكشخ وتكون مرا اتوقع تلفت نظر وايييييد من الشباب
وسؤالج خطنطر صراحه يجيب الحيره

 

[Unusual]

جواب سؤالك يالغالية :- http://www.islamweb.net/fatwa/index.php?page=showfatwa&lang=&Option=FatwaId&Id=19026

مع هذا ،، غض البصر مطلوب من االطرفين ..

 

[غناااتي]

في اشياء فرضنا عليها الشرع ومكروه النقاش فيها لأننا الحمدالله الي يجينا من الله سبحانه ومن رسوله عليه الصلاة والسلام
نطبقه بدون نقاش لان مو من اي أحد والجدل يؤدي للشرك والعياذ بالله

 

[دكتواره]

حجاب فرض على كل وحده بالغه بس مادري شسبب اسالي شيخ دين يمكن يفيدج