أخوي مادري شفيه تغير

[رنة جرس]

بالأول ماكان جذي













إحنا 4 خوات متأذين حيل من أخوي صار كله يراقبنا وين رايحين ومن وين يايين ؟؟ وليش لابسه جذي ؟؟ وليش تتكلمين جذي ؟؟

بالأول ما كان جذي كان حنون علينا ويودينا ويييبنا لو نبي أبعد مكان يودينا له وما كان يرفضلنا طلب ومدلعنا آخر دلع

بس مادري شفيه تغير بعد الزواج اهو صارله 10 سنين تقربا متزوج وبالتدريج بدا يتغير ليما وصل لهالمرحلة باختصار صار لا يطاق لدرجة إنه قام يفتعل المشاكل ويحرض امي وابوي علينا

تعبنا منه وسببلنا أرق حتى بدينا نكرهه

مادري شالحل معاه ؟؟

 

[كسر قلبي زماني]

عندج خيييير وعندنا خير والسبب باختصاار مرت الاخوووووووووووو

 

[إبشر بعزك]

الحل قعدو معاه وصارحو حاوروه وشنو الاسباب ودام ابوج وامج موجودين اله يعطيهم طولت العمر اهوه ماله شغل الا بمرته لا يقعد يتدخل واذا اهيه تشيشه فكلمن يرى الناس بعين طبعه

اكثروا الدعاء ان الله بهديه وان الله يرزقج ويرزق خواتج ازواج صالحين وتفتكون

المفروض امج وابوج يوقفونه عن حده

واذا اهوه مو قادر على زوجته يحط الحره فيكم شنو ابوي مايقدر إلا على امي هههههههاااي

 

[رنة جرس]

كسر قلبي زماني

أنا شاكه فيها بس دايما افترض حسن النيه واقول يمكن مو منها شنسوي الله كريم وتسلمين يا قلبي عالرد


أبشر بعزك

المشكلة امي وابوي بعض المرات يصدقونه ويقلبون علينا ومرات يوقفون معانا وبالنسبة له اهو يا ما حاولنا نفهمه ان اللي يسويه غلط وان احنا مو صغار عشان يعلمنا الصح من الغلط ويراقبنا بس شتقولين عمك اصمخ يصر على رايه ويعصب وحالته حاله حتى اخواني الباقين يحاولون يفهمونه بس ماكو فايدة وتسلمين يا قلبي عالرد

 

[عمة الزين]

الله يهديه ويصلح حاله وتتعدل الامور بينكم

 

[فجر الغلا]

وحده منكم اقرب وحده له تقعد معاه وتسولف وتقوله انكم فاقدينه حيل تذكره بالايام القديمه بدون لا تييب طاري الوقت الحالي بطريقه مو مباشره وعلى كثر ما تقدر تمدحه وانشاالله يلين قلبه ويحن عليكم والله يهديه لكم

 

[انصاريه قمره]

واااي ما احب هالنوعيه حرام لا تظلمين مرت اخووج
انا بصراحه من تزوجت لت حق ريلي رجاءا خواتك عندهم ام وابو مسؤولين عنهم والحمدالله بصحه وعافيه وقادرين يدارون بناتهم باجر لي تدخلت بيقولون مرته مشيشته فرجاءا ابعدني عن المشاكل انت مالك شغل الا فيني وبعيالك وفعلا زوجي ما يتدخل فيهم ولا يحاسبهم على اي شي

 

[فجر الغلا]

وحده منكم اقرب وحده له تقعد معاه وتسولف وتقوله انكم فاقدينه حيل تذكره بالايام القديمه بدون لا تييب طاري الوقت الحالي بطريقه مو مباشره وعلى كثر ما تقدر تمدحه وانشاالله يلين قلبه ويحن عليكم والله يهديه لكم

 

[حجيه هيونه]

الله يهديه لكم

يمكن سامع شي من بره واهو الى مخليه جذي؟؟؟


شوفي منو يمون عليه خل يتكلم معاه بهدوء وبعقل ومنطق



الله يهديه

 

[رنة جرس]

تسلمون بنات عالردود

بس والله مادري تعبنا منه كلمناه وماكو فايده أدعووا إن الله يهديه ويكفينا شره اللهم آآآمييين

 

[حنان الذكريات]

احنمال كبير تكون مرت اخوج هي السبب
الله يهديه لكم ان شالله

 

[Mazyoona]

شوفي عادةً بتغيير الأسلوب مع الناس يكون فيه شي بالنفس تغير
يمكن أخوج مشيشته مرته؟
يمكن أخوج مسولفينله بالدوانية عن بنات ناس خاينين أهلهم فخاف؟
يمكن أخوج شاف بنات يغلطون فشك؟
يمكن و يمكن و يمكن ....

القريبه منكم تكلمه و تقوله يا خوي احنا تربية امي و ابوي و مستحيل نييبلك العيب.
و تستفسر منه .. سايسوه، قوليله اخت الريال ما تييبله العيبه!
و أنت أخونا عزوتنآ، مستحيل نخونك.

 

[طموحه بزياده]

ااهوا الانسان لا يمكن يقعد على نفس معقتداته وتفكيره طول عمره بدون سبب لازم يكون شاف شيخلاه يحرص عليكم لدرجه لا تطاق
واهوا الله يهداه يعني دام امج وابوي عايشين ماله شغل فيكم

افففففف احتريت ماحب جذي التدخل المبالغ فيه

مالج الا تدعين الله يهديه ويفكم من شره ويشغله بنفسه بعد هالشي ما يطاق

 

[زوزو العوبه]

اللي يشوف مصيبت غيره تهون عليه مصيبته انا بنت بروحي بالبيت والباقي كله عيال واخوي مو متزوج الكبير متعقد من الحريم وكله حاط دوبه ودوبي حتي دراستي كان بيقعدني منها مع العلم اني اسمع كلمه وايد ومافي طريقه ما استخدمتها بس لقيت احسن حل هيا اني اتحاشه يعني اتحاشه اقعد معاه من اسمع صوته او اشوفه انحاش على طوال لغرفتي وما اطلع الا لما يدخل غرفته سووا مثلي وبترتاحون وايد

 

[الفدنه]

الله يكون بعونكم
والله يهديه
بس لازم امج او ابوج اهم اللي يوقفونه عند حده

 

[missdreamer]

عندنا وعندج خيييييييييييييييييييييييييييييييييييييييييييييييييييييييييييييييييييييييييييييييييييييييييييييير الحين كل الي اتمناه ان يطلع هو ومرته من البيت
لدرجه اني كل يوم ادعي تصير معجزه ويطلع لووووع جبدي
ويااااااااااااااااااااااااااااااااااااااااااارب يطلع

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه بس آآآآآآآآآآآآآآآآآآآآآآه قلبتي المواجع

 

[نور اهلي]

الله يهديه لكم

بس واضح من مرته تغير ليش ماتكلمون امكم تشتكون من تصرفه معاكم ؟؟ على شان تكلمه تشوف شفيه عليكم؟؟

 

[spanish-girl]

لا حول ولا قوة الا بالله الله يهديه انشاءالله

 

[عسولتي]

مافي رجال يتغير على اهله فجأة الا في سبب انتي لاحظي مرت اخوج تغار منكم بينكم وبينها شي حاولوا تعرفون اذا نيتها شينه ومن النوع اللى تنقل حجي وتحب تفر الراس ترا فى حريم اخوان يغارون من البنات خصوصا اذا مدلعين عند اهلهم ومرتاحين تلقينها تسلي نفسها فيهم وتفر راس الرجال عليكم اما اذا نوعيتها حليوة ونيتها طيبه ترا العيب من اخوج وفي احد من برا يشيشه عليكم بس صدقيني مالج الا الدعاء وان الله يشغلهم في نفسهم وماراح يطول هالموضوع بس عليكم بالدعاء والله يرد كيدهم بنحرهم موفقه عزيزتي ...

 

[اميره1980]

شوفي انا دايما أأمن بهالمثل
لا تبوق لا تخاف
دامج مو مسويه شي خليراقب على كيفه ليل نهار ما راح يلاقي شي و بيتعب
حسني علاقتج بزوجته و اعتبريها اختج
ردو ضحكو و تغشمرو مره ثانية لا تخلون الشيطان يدخل ما بيناتكم و اعتمدي على اخوج ببعض الشغلات لازم يحس باهمينه و انج ما تعرفين تسوين شي من غيره علشان يفج عنج شويه