أخت النفــاس

[مذهــلــه]

السلام عليكم

اشلونكم حبيباتي عساكم بخير

أنا أجهضت بالخامس وصارلي اليوم بالضبط 32 يوم

طبعا تطهرت من دم النفاس خلال 21 يوم

وقبل يومين تكرمون قام ينزل علي دم بدايته كان اسود وفتح شوي

سؤالي بنات:

هل هذي اخت النفاس؟
وجم يوم تظل؟
والدورة اللي بعدها متى تنزل عقب جم يوم؟ أنا دورتي قبل كانت كل شهر 30 يوم
هل تنزل نفس قبل والا يكون في تغيرات؟
وهل ممكن بعد هالدورة يصير حمل؟

الله يجزاكم خير حبيباتي

 

[RO0O7Y KUWAITYA]

عسسسسسسسسى ربي الواحد الاحد الفرد الصمد يعوووووضج بالذريه الصالحه



وماعندي علم .. الصراحه ان شاءالله البنات يفيدونج



اب

 

[مذهــلــه]

عسسسسسسسسى ربي الواحد الاحد الفرد الصمد يعوووووضج بالذريه الصالحه



وماعندي علم .. الصراحه ان شاءالله البنات يفيدونج



اب

حبيبتي بعد عمري

ربي يجزاج كل الخير ويوفقج ويرزقج باللي تتمنينه ويخليلج احبابج

ماقصرتي حبيبتي عالدعوه الحلوه

 

[mi corazon]

أهلين مذهله

ماشالله انا وياج مواقيتنا وحده

نفس الشي انا وقف النفاس عقب ثلاث أسابيع بعدين افرازات ومن يومين نزل دم اسووووود رحت الطبيبة قالت عادي نفاس يرتفع ويرجع

بس خالتي قالت لا هاذي الدوره أخت النفاس اول دوره عقب الولادة تيي جذي غامجه وصج عقب يوم صار احمر عادي بس غزير

صاري اليوم ٤ ايام

قالولي تتغير بس مايصير نحكم الا عقب ثاني دوره

و اي ممكن ان شالله يصير حمل

والدكتوره قالت لي اذا اول حمل كان لا تأخذين موانع خلي الموانع طبيعيه

 

[بـ سـ كـ وتـ ة]

قريت بموقع طبي إن طبيعي بعد أسبوعين تقريبا تنزل دورة عقب الإجهاض

اللي اهي أخت النفاس في لهجتنا

وبالنسبة للحمل الأفضل تريحين رحمج آنا سقطت في الثاني فقالوا لي عالأقل 3 أشهر أنطر

بس انتي في الخامس أعتقد تحتاجين 6 أشهر لأن الرحم متمدد على حجم البيبي

سئلي دكتورتج أو دكتورج أفضل لأن الحريم كل وحدة تقول لج عن تجربتها

س الدكتور يقولج كلام علمي مدروس اللي صاب مع غيرج ممكن يخيب معاج

 

[خلطات المذهله]

احسن روحي فحصي عند دكتورتج

 

[مذهــلــه]

حبيبتي مي كورازون

مشكوره عالرد واي امي وكل رفيجاتي قالوا اذا لونها فتح يعني دوره

الله المستعان انا للحين خفيفه مو وايد

وتصدقين راجعت بالولاده عند دكتوره اسيا كان عندها دكتوره كويتيه صغيره عرضت علي تعطيني مانع وقلتلها لا انا اسوي موانع طبيعيه

بس عطتني حديد عشان دمي نازل وقت الولاده وفوليك اسد

والله يرزقني واياج يارب بالقريب العاجل بالحمل السليم المعافى يارب

 

[مذهــلــه]

قريت بموقع طبي إن طبيعي بعد أسبوعين تقريبا تنزل دورة عقب الإجهاض

اللي اهي أخت النفاس في لهجتنا

وبالنسبة للحمل الأفضل تريحين رحمج آنا سقطت في الثاني فقالوا لي عالأقل 3 أشهر أنطر

بس انتي في الخامس أعتقد تحتاجين 6 أشهر لأن الرحم متمدد على حجم البيبي

سئلي دكتورتج أو دكتورج أفضل لأن الحريم كل وحدة تقول لج عن تجربتها

س الدكتور يقولج كلام علمي مدروس اللي صاب مع غيرج ممكن يخيب معاج

حبيبتي مشكوره ماتقصرين عالرد

انا دكتورتي قالتلي نطري ثلاث شهور عشان الرحم يرتاح بس اللي مسويه تنظيفات 6 شهور

وقالتلها راح اسوي مرانع طبيعيه والله الرزاق

 

[مذهــلــه]

خلطات المذهله

ان شالله راح اشوف دكتور خاص اروحله لان الحكومه ماتستقبل متى ماتبين وبالمره احتمال اجيك عالهرمونات

وشكراً حبيبتي عالرد

 

[mi corazon]

امين مذهله ماتقصرييييين حبيبتي


شنو سالفة التنظيفات؟؟؟

انا عقب الولادة بس ضغطة عله بطني ... جذي التنظيفات !!!!!

مذهله شربي أدوية النفاس اول ايام الدوره ... شاي الغوري واللهوم والحسو اللي مع الاكل

انا من جذي بت غزيره

 

[t.o.o.ot]

اب اب اب

 

[ابدا يالغالي مانساك]

يالبااكك يامذهله يارب ياكريم يعوضككك بالحمل العاجل

وطالعه من الشر ياقلبي

يفيدونكك البناات ماحبيت ادش موضوعكك وطلع الا قلت ارد عليكك

 

[مذهــلــه]

امين مذهله ماتقصرييييين حبيبتي


شنو سالفة التنظيفات؟؟؟

انا عقب الولادة بس ضغطة عله بطني ... جذي التنظيفات !!!!!

مذهله شربي أدوية النفاس اول ايام الدوره ... شاي الغوري واللهوم والحسو اللي مع الاكل

انا من جذي بت غزيره

لا حبيبتي التنظيفات تعتبر عمليه وبنج عام ويسووت مثل كحت حق الرحم عشان جذي لازم 6 شهور راحه

انا نفسج ضغطووا على بطني عشان تنزل المشيمه والحمدلله مشى الحال

 

[~Rou7~]

مذهله ابي اسالج شلون طلعو الجنين الله يعوضج يارب
انا نفاس بعد لي 21 يوم ولدت بنت بس كانت متوفبه
ولدتها طبيعي ابي اعرف انتي نفسي اولا والله يعوضني ويعوضج يارب

 

[مذهــلــه]

مذهله ابي اسالج شلون طلعو الجنين الله يعوضج يارب
انا نفاس بعد لي 21 يوم ولدت بنت بس كانت متوفبه
ولدتها طبيعي ابي اعرف انتي نفسي اولا والله يعوضني ويعوضج يارب

حبيبتي الله يعوضج ويعوضني خير يارب وكل محروم

لا انا ماوصلت التاسع بالخامس صار عندي توسع بعنق الرحم وقالوا مافي اي حل هذا اجهاض وراح ينزل

كان عندي طلق خفيف فالدكتوره بطت الجيس وتزل الماي وعطوني طلق صناعي وكان في نبض الجنين بس الظاهر مع الطلق الصناعي مات

الله يعوضنا خير يارب عاجل غير اجل يارب

 

[مآيكبرني نك]

ي حبيبتي

الله يعوضج ويعوضني ويعوض كل وحده فقدت جنينهآ . .

مآعندي فكرة بصرآحة لني للحين الدورة مستمرة معآي من

بعد الاجهآض . .

 

[مذهــلــه]

حبيبتي تسلمين وربي يسمع منج ويفرح كل قلب منكسر امين يارب

 

[مذهــلــه]

يالبااكك يامذهله يارب ياكريم يعوضككك بالحمل العاجل

وطالعه من الشر ياقلبي

يفيدونكك البناات ماحبيت ادش موضوعكك وطلع الا قلت ارد عليكك

حبيبتي سامحيني والله ماانتبهت لردج بين البنات

ربي يجزاج كل الخير ومشكوره يالغلا عالرد