أختي والواتس آب !

[لحظآتَ]

السلام عليكم بنات
بدخل بالموضوع سيدا ..
أنا عندي اخت مراهقه عمرها 15 سنه ..
ومن بدت هالعطله وهي حنه ع الوالده والوالد تبي تركب واتس اب
وخدمه النت .. طبعا بما ان ماكو دراسه والتزامات .. االاهل رضوا
لكن بشرط انه يكون مؤقت بالعطله بس [ ولما تبطل المدارس نشيله بالمره ]
وهي وافقت .. لهني الموضوع اوكي !

/

ركبنا الواتس اب والنت ياعل ما النت !
والبنت تغيرت 180 درجه .. صارت منطويه
و24 ساعه مقابلته وعينها ماتطيح من التلفون كلش !!
الخوف مو منها .. لأن بالنهايه انتوا عارفين .. مهما تربين
وتتعبين وتزرعين قيم .. ممكن تجي [ رفيقة سوء ] وتفسد اللي أصلحتيه طول هالسنين !
واحنا بصراحه خاييفين من وحده من صديقاتها .. البنت مو ذاك الزود
وحتى امي مو مرتاحه لها كلش .. وياما نصحنا اختي تخفف احتكاك وياها بس ماينفع هذيك تتلزق واختي تستحي تدقرها [ على قولتها ] ..!!
اللي ابيه منكم .. شلون اقدر اشوف الوضع بتلفونها؟
يعني اقرأ سوالفهم مثلا هي وصديقاتها .. اشوف شنو عنه يتحجون ؟؟
أو اشوف جهات الاتصال بالمسنجر ؟ .. [ انا اعرف باسوردها وايميلها ]
ودشيته مره مالقيت شيء غريب وغير عادي !.. بس ودي هم مره ثانيه ادش !
شرايكم انتوا ؟
تنصحوني ابين لها اني قاعده اراقبها .. ولا اراقبها من غير ماتحس !
لأني اخاف تعتقد اني مو واثقه فيها ؟
[ ابي طرييقه تخليني اراقبها بدون ماأحسسها بشيء كأني مو واثقه فيها مثلاً ] !!
ولا تهقون اطوّف بما ان السالفه مؤقته وماردها بتشيله ونفتك !!

:

بنات بليز ساعدوني انا اكبر خواتي .. وماعندي خوات كبار استشيرهم
وأمي معتمده علي .. كوني قريبه من خواتي المراهقات ويسمعون لي اكثر منها !
وانا اصلا بكبري صغيره خخخخخخخخخ وابي من يوجهني
بس مهما كان هذيل خواتي وبهتم فيهم اكثر من نفسي :eh_s(2):
يالله بليز ناطره آرائكم ! :eh_s(17):


:eh_s(22):

 

[shshoo]

الله يخليكم لبعض والله لا يفرقكم
اب اب اب

 

[هنفـآ]

أنا من رايي تقربين منها حيل وتصادقينها وصدقيني بتقولج كل شي والله بتخر الاولي مع التالي..

ولا تبينين لها انج تراقبينها او شاكه برفيجتها ولا ماتحبينها كذا ماراح تقولج شي ابد

ولا تدري انج تراقبينها لان حتى بعدين تصير ماتثق فيج ابد وحتى لو احتاجت لج ماراح تيي لج بتروح لغيرج..

والله بوفقج انتي وخواتج..

 

[جيكره(و)تتغلى25]

عندنا وعندج خير الحين انا متزوجه واخاف من هسوالف لان والله ناس طرش سوالف وصخه فقلت حق امي وكل فتره امي تاخذه منها فجااااه بس الاخت مرات تقول عالشحن على ماتجيبه امبين ماسحه الله يعينه


قولي حق امج تطب فجاه تاخذه منها لازم امج تدخل انا جم مره اقولها عطيني تقولي لحظه!!!!! ورقم سري بعد والله مصايب هالتلفونات والمشكله قلت حق امي لاتشترين لها البيبي نطت اختي انتي شكووو ليش محتره مني ؟؟؟؟؟؟ تخيلي وامي سكتتها بس بالاخير صار عندها وامي تعبي لها كروت

 

[ياحُبِي لِلكويت]

وعليكم السلام ورحمة الله وبركااته ... حطت الخدمه اختج برضااكم ودام راضيين عطوها الثقه دام مؤقت بس نصحيهاا وكوني صديقه لهاا وان شاءالله مافيه شي دام انتي مناشبه لها ^-^ ههههه وصديقتها اللي مومرتاحه منها تقربي منها انتي واكيد حتى لوتقطعون عنها الخدمه تبقى صديقتها فمن الحين تقربي لهاا وعسى ربي يستر عليهم ويحفظهم

 

[ساره777]

الهادي الله -

 

[لحظآتَ]

shshoo > تسلمين ياقلبي الله يجزاج خير ويرفع شانج يارب ! ..




هنفآ .. > والله هذي أنسب طريقه تربويه .. والحمدلله مصادقتهم كثر ما أقدر واشوف ساعات منهم تجاوب طيب .. هالطريقه حيل حلوه .. بس فيه مواقف معينه وأعمار معينه تتطلب منج شوية حزم .. بس مو " كبت " لأن الكبت يولد الانفجار بلا شك .. تسلمين حبيبتي جزاج الله خير ع النصيحه الطيبه .!




مزيونه وتتغلا :$ كيفي بغير نكج ههههههه .. / تسلمين ياقلبي اولاً على ذكر تجربتج ..
وهي تقريباً مشابهه لحركات اختي وهذا اللي شككني وخلاني اتساءل .. هي ليش تمسح وحاطه رقم سري !
الله وكيلج انا عمري 20 سنه مقطوط تلفوني ولا ادري عنه الا لا دق يجيبونه لي .. ولا رقم سري ولا بطيخ
وهالطفله هذي حاطه لها رقم سري .. [ عسى ماشر ] ..؟!
صج فيه اوضاع تشكك وتخليج ترتابين .. ديري بالج على اختج انتبهي واحرصي كثر ماتقدرين !!!
وأنتي بعد لا تخلين امج تغفل عنها نهائياً .. وانا ان شاء الله بنبّه امي على النقطه اللي ذكرتيها !!
تسلمين حبيبتي ..

 

[لحظآتَ]

ياحبي للكويت .. والله هم ساعات اقول جذي دام اهلي راضين يتحملون نتيجه رضاهم ..
ودام ان السالفه مؤقته .. [ يمكن تكون مشفوحه وتحلل هالاشتراك قبل لا نقطعه عنها ] ..
ههههههههههه / وعلى قولتج انا مداحرتها بس والله بطريقه تربويه وحضاريه مو بهلاقه ودفاشه .. يعني مصادقتها اكثر من كوني مناشبتها .. .. تسلمين حبيبتي على النصيحه الغاليه ماقصرتي ..


/

ساره .. ونعم بالله .. اي والله ربنا الهادي عساه يهدينا ويهدي الجميع .. ماقصرتي ياقلبي

 

[رتبه دبلوماسيه]

اب اب

 

[amoona89]

خليج قريبه منهاا واسمعي لهاا
وخليها تسوولف لج عن رفايجها اللي معاها بالواتس اب
وقووليلها بشووف وبيني لهاا انه اهلج معطينها ثقه والنت فيه الشين والزين
وكثير بنات كانوو محترمات بس من رفيجات السووء تغيرووو 180 درجه وقولي
احنا مانبيج تتبعين هالشغلات واي شي او حركات غريبه تمر عليج قووليلي
عسى ربي يحفظهاا ياااارب​

 

[ريم @]

هلا حبيبتى

شوفى انتو غلطو لما قلتو لها لج الوتسات بالعطله وناخذه منج وقت الدراسه

البنت الحين عطت كل وقتها للوتساب والتلفون لانها تبى تشبع منه قبل لاتاخونه منها

المفروض تقولون هذا التلفون بس نبيج حزت الدراسه تعرفين تنظمين وقتج ولانبى التلفون ياخذ وقتج

راح تشوفونها تتصرف طبيعى لانها عارفه انها ماراح تخسر التلفون وشتراك النت والوتساب

ويكون بعلمج خلاص اختج الحين ادمنت على الوتساب يعنى مستحييييييييييييييل انكم راح تمنعونها عنه

واذا منعتوها راح تكبرررررررر المشكله

 

[لحظآتَ]

أمون .. إن شاء الله راح انطرها تقوم وأفاتحها بهالموضوع وأقولها هالنقاط اللي ذكرتيها
عل وعسى يأنبها ضميرها وتحرص أكثررر وتنبته وتركز وتجي تعلمني بكل شيء !


/


ريم .. والله احترت حييل من كلامج ! .. بس إممم عموماً هي تدري ان الوالد شديد من ناحية الدراسه
يعني كل شيء مسموح واوكي والحياه حلوه .. لكن الدراسه والمثاليات خط احمر هههههههه
فهي عارفة قوانين بيتنا .. ماراح تقدر تتعداها ان شاء الله .. بمعنى [ تدمن وتقعد ] ..
لكن صح ممكن يكون الغلط اننا فهمناها الوضع .. عشان جذي هي حاسه انه شيء مؤقت ولازم تصب كل اهتمامها عليه قبل لاتفقده !

/

والله مشكله المراهقين هذول !! الله يكفينا الشر ويستر على بناتنا ويهديهم

 

[خاب ظن الشوق بك]

اصلا يمكن الشكوك اللى حاطتهم في بالج مافيه شي من الصحه

وكلنا جذي كبار وصغار مبققين عيونه بتلفوناتنا في العاب وفي نكت وفي سوالف وبرودكاست يعني مادري احس طبيعي الوضع

ماله داعي تحاتيين اصلا الكبير والصغير صار عنده مادري احس عادي

بس كل ماتقعدون مع بعض قولولها مدام مو قاعده بروحج لا تطالعين بتلفونج يعني اذا تيمعتوا تخلي تلفونها بالدار لانه يلهي

 

[شذى2007]

اذا رااقبتيهااااااااااا راقبي من دوم ماتدري مهمااا كاان تراهاااا محتاجه احد وراااهااااااااا لان صغيره واتس اب ونت لازم مراااقبه

 

[دموع المساء]

والله ماادري بس نفس الحاله انا واختي الصغيره الله يعينا

 

[منو انت]

انا اقولها راقبيها بدون ماتحس احسن

 

[صادقة بكلمتي]

والله حبيبتي لو علي انصح كل اهل لا يعطون عيالها تلفون الا على الثانوي وانتي تقولين اهلج وافقوا يحطونلها نت لااااااااااااااااااااااا ترا احنا كبار وشوفي احيانا شنو اييج سوالف شلون اختج ومراهقة خاصة ان الحين بالفون تقدر ادش اي موقع زين او شين مو لانها مو زينه لا سمح الله لا من باب الفضول ولا ان وحدة لوحدة يدلون بعض خاصة انج تقولين في وحدة من رفيجاتها الله يهديها ويستر عليها وترا ان في حبة تفاح مختربة بسله وما شلناها راح تخرب باجي التفاح اللي بالسلة شوي شوي وترا هذا الجيل واااااااااااااايد ذكي بعمر اختج واصغر بعد ومهما راقبتي اللي يبي يخس ولا يسوي شي يسوي ولا طبعا يختلف من شخص لي شخص فنصيحة لا تنطرون ليما تبتدي المدرسة وباي حجة وقفوا النت عنها حنا الاب توب ويالله الواحد يقدر يحمي عياله ولا تعطون حق رفيجتها ويه تكلمها ان تستحي منها انو زفوها علشان تبعد عم اختج ترا الاسان السيئ يحب يخلي الكل مثله وان زعلت اختج خلها اطامر ليما تهدا باجر لا كبرت تعرف انكم تحبونها ومن باب خوف وانتم اقدر الحين على مراعاتها لا يطيح الفاس بالراس وتقولون لا سمح الله ياليت وياليت واعذريني ان بدر مني شي يضايق وتقبلي مروري

 

[Tom ♥ Jerry]

,،


لا تفتشين من وراها و لا شي !
عطيها الثقه وعلى طول آنتي وآمج و ابوج قولولها آحنآ عطينآج الثقه
وحطينآلج الوآتس اب .، عشان تتسلين ويا رفيجآتج
بس مو تسوين شي حرآم أو شي عيب و يسئ بـ سمعتنآ .،
يعني قولولها من هالـ كلآم .، عشان تستحي تسوي شي غلط
وآنتي على طول خلج وياها على الخط يعني خليها تفضفضلج !
لمآ تقعدون تسولفون
قوليلها شنو آهوة الوآتس اب شنو تسوين فيه ؟
يعني شنو تدزين ؟ > سوي روحج مآ تعرفين شوفي اهيه شنو تقولج ؟!
و ذكريها بـ صلآتهآ على طول ,،
عشان اذا حست آنهآ قريبه من ربها بآذن الله مآ تسوي الحرآم (=

 

[mf6nt el3lat]

شنووو يعني الكل اذا حط الوانس اااب يجابله 24 سنه يدمن عليه مو شرط فيه ششي :$
صفي النيه واذا خايفهراقبيها بدون لا تدري مع اني ما اشجع

 

[هيبة ملك]

فديتج يمكن ماعندهم شئ بس أنتي تحاتين

أنتي حاولي تسولفين معها وشوفي شنو عندها من كلامها بتعرفين

وأنا أتوقع ماكو شئ بس أنت متحرسة شوي

والله يحفظها من كل شر