أختي تقولي يا العانس

[برونزيه 84]

السلام عليكم

بصراحة حدي متضايقة تخيلو لما الواحد ينجرح من اقرب الناس لة؟؟

اي والله جد اختي اقرب الناس لي المفروض توقف


معاي عقب ماوقفت معاها

بوايد امور اقلها ان يوم قالت تبي سيارة
لان ابوي مارضة يشتري لها سيارة طقيت الصدر وخذيت قرض وشريت لها سيارة واهية تدرس بجامعة خاصة مكلفة حيل وكنت مرات اسدد لها لا حمدا ولا شكورا

من تزوجت واهية شافت عمرها
ومرات تقولي انتي تكلمين وريحتج راح تفوح واطلق والسبة انتي؟

في وحده تقول حق اختها الكبيرة جذي؟

وربي قاعده ابجي من القهر:eh_s(11):

كل هذا املجت قبلي؟


والمشكلة امي واقفة معاها ضدي

شنو ذنبي ماياني نصيبي؟
النصيب بايد الله سبحانة


حبيبت افضفض واطلع الحرة الي بقلبي


وياليت تقرة الموضوع لانها عضوة هني

حسبي الله ونعم الوكيل على كل من ضلمني

 

[حلوه..]

الله يهديها ..


وحبوبة لا تشلين فخاطرج منها

والله احيانا احس انا نفكر ونحبط نفسنا لناس ما تستاهل وبالاخص ما تهتم ..

طنشيها ..
واذا عايرتج ذكريها بالسيارة ولا تسوي روحها عبيطة

 

[(حكاية قلب )]

حياتي باجر بتعض اصابعها من الندم .,
هي الخسرانه من انتي ,وبعدين النصيب بيد الله
وكلن له نصيبه ان شاء الله ,خليها ماعليج منها وحقريها
(الحقران تقطع المصران )^.*

 

[alo2 cute]

الله يهدي اختج
والا كلمة عانس وايد تجرح احساس البنت
وخليها مردها راح تحس بالكلام الي تقطه وتيي تعتذرلج

 

[ام ميميتو]

يعطيج العافيه حبيبتي لا تنقهرين ولا تضايقين نفسج معبين من كلام اختج انها مو ناضجه بعد ومو حاسه بنفسها طنشيها عشان تعرف قيمتج و تحس بغلطتها

 

[UNICORNA]

اصلا انتى مفروض تعطينها طاف

ليش تبكى كن على راسك بطحه

خلها تقول اللى تقوله وخذى السياره ولا تدفعين لها ولا فلس

 

[الرروح44]

الله يهديها يمكن غيرانة منج في امور غير او يمكن ما تقصد الله اعلم

 

[عبير العنزي]

والله ياختي مرات وقت الهوشه والعصبيه نسمع كلام من خواتنااا كله غلط وسب وتجريح

يالعانس يالجيكره ويالبطه ياللي فيج ومافيج

اذكر قبل لاتتزوج اختي قلت عنها هالكلمه واناا ببقلبي اتمنى لها احسن نصيب وادعي لها دايم



صدقيني بعد ماتروح الهوشه وتتصافى القلوب نلقاهم اقرب ناس لنااا هم خواتناا

اهي المفروض تتحكم بأعصابهااا والفاضها وتحترم اختها الكبيره

اهي طبعا غلطانه وانتي انجرحتي منها جذي اكيد لانها عزيزه وغاليه عليج

وماتوقعتي منها هالكلام

قولي لها انتي جرحتيني بهالكلمه وخليها تعرف انج انجرحتي منها

وانا واثقه انها راح تتأسف وتعتذر وتندم لانج اختهااااا وانها اتحبج

وانتي مو عانس خلج واثقه ان ربج راح اييبلج نصيب احسن منها

اذا تراضيتو دشي وقولي لناا شصار

 

[DALA3.RA8EY]

حيأتي لا تشيلين بخأطرج ولآ شي .., خلييهـأ كيفهـأ ..,!

"واحسسـن دواء للي يحـأول يستفزك تحقره" ..

قلبي اخذيههـأ على قد عققلهـأ يمكن هي تقول جذي من الحره

اللي فيهها يمكن هي متضأيقه وحطت الحره فييج .. ساعـأت

الوأحد ما يدري شيققـول ., وأعتبريهـأ زلت السآن ..

 

[عجهرس]

الله يهديها لاتاخذين المور بحساسيه وتحرين عمرج ويرتفع ضغطج ويجيج القوولوون اسمعي كل تاخيره وفيها خيره ياكثررررر اللي تاخر نصيبهم وجاهم اللي سبحان ربي جنه ياعسى تاخر زواجج يكون خيره يارب اكثري استغفار واقري اللبقره يوميا والله يووفقج يارب ويرزقج بالرجل الصالح اللي تكونين جنته يارب _ اختج مبين طايشه باجر لما تزوج تعرف قيمتج صديقيني وتذكري كلامي .

 

[فـدوه]

اهية يمكن تخاف تتطلق اذا دره ريلها انج تكلمين واحدعشان جذي قاعدة تخورها بالكلام. اذا انتي تحبين الشخص اللي تكلمينه حاولي ماتطولين معاه و تتزوجين و فهميها نوع علاقتج معاه. و اذا تكلمين بس جذي فبس بقولج الزم ماعليج رضا ربج و سمعتج و ياااارب تتزوجين و تنسعدين يارب

 

[جيرازksa]

حبيبتي لاتشيلي بخاطرك

الله يرزقك بالرجل الطيب الي يعوضك عن كل شي

اذا هيا عقلها صغير وتقولك يالعانس عايريها بالسياره قوليي العانس جايبتلك سياره

 

[حصة2010]

أسال اللة العظيم رب العرش العظيمممم ان يرزقك الرجل الصالح قولو أااااااأاااأميننننننننننننننننننننننننننننننننننننننننننننننننننننننن

 

[EmMy]

الله يرزقك بالزوج الصالح عاجلاً غير آجلاً

 

[امل وكلي آمآل]

والله صحت يوم قريت كلام اختك
مهب الكلام الي يصيح لانه ممكن يقوله اي انسان
الي يصيح انه اختك يصدر منه هالشي
وهذا الي اعاني منه مثلك-
يعين الله-

 

[سآق نملة]

الله يهديها يارب ..

ويرزقج من واااسع فضله

حبوبه هدي اعصاابج الدنيا ماتسوى :*

 

[عالمي انا غير]

لا تحطين بالج اكثر الاخوات هشكل عادي طنشي ولا تدققين ع اي شئ جد بتموتين هشكل انا نفسج ماتزوجت بس الله مانسانا وهذا نصيب بكره بتحس انها غلطت بحقج وبتعتذر
وبخصوص اللي تكلمينه نصيحه مني انج ماتكلمينه وتقولين له اذا تبيني صج تقدملي لان صدقيني رضى رب العالمين اهم شئ وسمعه مهمه بعد دير بالج وصدقيني ربج كريم ويريت تركزين ع هل النصيحه لان بيبين معدنه معاج

 

[ام مناوي2009]

الله يعينج

 

[فدوووو]

هونيها وتهون وطنشي كلامها
وابداي من الحين انك تعتمدين على نفسك
لان مافي شي دايم حتى الاهل مو دايمين

 

[عادت ذكرياتي]

الله يصلح ما بينكم