أختكم محتاجه مشورتكم ... تردونها :(

[بنت غازي]

مرحباااااااااااا



شوفو هذا جدولي

كله مواد صعبه وسجلت 6 مواد لأن الكورس الاول خذيت بس ماده عشان تمهيدي انجليزي وتوني مستجده




بيكون علي اختبارين بيوم واحد اللي هو فلسفة العلوم وثقافه اسلاميه

أنا خايفه ينزل معدلي واجيب العيد

شتنصحوني فيه

أختكم الضايعه

بنت غويزي << فديته

 

[نجمه الحالمه]

هلا حياتي لا ان شاءالله مو ضايعه ولا شي موادج مافيها شي تهبل وسهله يمكن بس حسبان وفلسفه هم القثيثين بس
اما الباقي سهالات انا ماخذه جماليات وسهل صج كله شعر بس الماده خفيفه مثل الثانويه واسهل والثقافه ماعليها كلام اسهل المواد اللي موجوده بالمجرشيت
والله يوفقج واذا ليلحين مو مقتنعه التسجيل مفتوووح وباجر عندج باي فورس

 

[JaDeL]

حبيبتي انتي تخصصتي ولا توج توج مستجدة يعني بس كورس مداومه

اذا بس كورس مداومه ليش ضاغطه عمرج ب 6 مواد انتي يبيلج معدل عشان تدشين التخصص اللي تبينه

فاخذي بس 4 مواد واذا ثقلتي ثقلتي 5 بس اكثر من جذي ماله داعي عشان تاخذين معدل كبير وانتي كيفج

وموادج حلوة

 

[JaDeL]

حبيبتي انتي تخصصتي ولا توج توج مستجدة يعني بس كورس مداومه

اذا بس كورس مداومه ليش ضاغطه عمرج ب 6 مواد انتي يبيلج معدل عشان تدشين التخصص اللي تبينه

فاخذي بس 4 مواد واذا ثقلتي ثقلتي 5 بس اكثر من جذي ماله داعي عشان تاخذين معدل كبير وانتي كيفج

وموادج حلوة

 

[بنت غازي]

توني ثاني كورس لي زخايفه

شكلي بسحب فلسفة العلوم

 

[نجمه الحالمه]

وي ثاني كورس وجذي ضاغطه على نفسج حبيبتي انتي وراج تخصص لازم تيبين معدل

شوفي اصعب ماده شيليها
انا اتذكر ثاني كورس اخذت4مواد بس عشان التخصص
وانتي ان شاءالله قدها وقدود والله يوفقج

 

[looooly08]

حبيبتي لا تحاتين سهالات ان شاءالله كالكلس a حلوه وعند بدر الشمري بتصير ماااي الدكتور حده عجيب
والثقافه بعد حيييل سهل ماتعتبر ماده لا تشيلين همها اما باجي المواد اسمحيلي ما أقدر افيدج؛
شد حيلج وموفقه ان شاء الله :33_1185028183:

 

[كلن له الله]

واااااي ياحياتي ليش ماخذة فلسفة علووم احس توج عالمادة لان يقولون شوي صعبة
وانتي بتتخصصين بدري عليج ياقلبي
وترا موادج من اللي قالج صعبة تهبببببل ما فيها شي
قباني يجنن هالانسان وان شاء الله اي عندو
ومختار هم يمدحونو حييييييييل
والعازمي منتدب اهو :eh_s(10): جني شفت درجاته تهبلللل كلها اي واي ماينس وشويه بي
ووثقافة اللي اعرفو انها سهلللله وياخذونها رفع معدل والدكتور بصراحة ما اعرفو
وبدر الشمري اهو دكتور العلوم الوحيد اللي اسمع انو يمدحونو
وشدي حييلج
بس نصيحة لا تضعطين ع روحج بالمواد انا ثاني كورس لي بالجامعة خذيت 4 مواد ولا تعبانه
وترا لاااااااااااااااااحقة على الشقاااااا:dfgl:

 

[الشيخه شيخه]

انا مع كلام الخوات لانه يبيلح معدل عشان تخصصين

وبعدين اخذي 6 اذا تخصصتي عشان تمشين وتخلصين

 

[..نواره..]

بنت غازي

حبيبتي انا نفسج تمهيدي و ماده الكورس الاول

والحين سجلت تمهيدي وثلاث موااااد

انا اشوف تسحبين فلفسه لانه من المواد الاختياريه وصعبه شوي

وبعد تسحبين مهارات لانه وقته مو شي ولا تنسين ان يكون عندج حسبان من 5الى 6.15 بنفس اليوم !

واكيد الاولى حسبان وخاصه اذا كانت عند دكتور مثل بدر الشمري

والله يوفقج يا رب

وبلغينا ع شنو قررتي نبي نتطمن عليج

 

[بنت غازي]

بسحب فلسفة العلوم

مهارات لا ما اقدر خويتي معي اخاف تذبحني :$

مشكووووووووووورين بنات

يوم جيت بسحب فلسفة يقولون لايوجد مستمع

تقول امي يمكن يابنيتي نامو هههههههههههههههههههههههههههههههههههههههههه

 

[..نواره..]

لووووووول

اجل الله يعنيج ويسهل عليج يا رب

احس انج ناويه تتخصصين علوم ورياضيات ابتدائي >>>>>الاخت ناويه عليه لوووول

 

[0(مـــســـ(مطير)ــــــك)0]

غلطانه ليش 6 مواد وانتي توج 2 كورس انا انصحج اسحبي مادتين فلسفه وحسبان الصعبات عشان يرتفع معدلج وتتخصصين

اما اذا من 2 كورس لج ونازل معدلج صعب يرتفع بعدين حراام

فاستخيري واسحبي الثنتين الصعبات ... واخذي صيفي عوضي عن الكورس اللي طاف ..

موفقه حبيبتي وسلمي عالوالده ههههههههه قوليلها دايما نايمين الجامعه مو شي جديد هههه

 

[ريـ’ـآنـهـ‘]

السلام عليكم



حبيبتي انا رايي من راي البنات

وانتي نفس حالتي ثاني كورس لج
انا خذيت 5 مواد
انا اقول خلج على 5 لانه وراج تخصص
وانا اللي اعرفه فلسفه العلوم حييل صعبه
اسحبيها وخلج ع الباجي لانه المواد الثانيه يعني مو حيل صعبه والدكاتره اهم شي زينين
وبعد عشان مايصير عندج تعارض وتقدرين تدرسين وتشدين حيلج
وبعدين احنا الكورس اللي طاف بس نلعب لا درسنا ولاشي
تمهيدي وماده بالتمهيدي ماندري الله وين قاطنه واصول بس نضحك
بس الحمدلله فمومتعودين ع الدراسه او نسينا شلون ندرس
وترى عندج وقت تفكرين لي يوم السبت

وانتي كيفج

موفقه

 

[ريـ’ـآنـهـ‘]

لووووووووووووووووووووووول


اي والله السستم كله ناايم


نواره

آنا بعد بتخصص علوم ورياضيات ابتدائي

>>كل رفيجاتي رياض اطفال

 

[بنت غازي]

لا بتخصص رياضيات متوسط وثانوي

 

[..نواره..]

بنت غازي الله يوفقج يا رب

نفس تخصص رفيجتي



_______________

ريانه

واخيرا لقيت وحده نفس تخصصي من المنتدى

>>>>>>>>>>>>> الحين تطرنا بنت غازي من موضوعها تقول مصخوها

 

[بنت غازي]

لا عادي افا عليكم ولوووو << يعني لبنانيه

 

[مطيريه ميه ميه_]

بنت غازي اسحبي فلسفة علوم شقا واخذي بالصيفي بدالها مدخل منطق يهببببببببببل وخصوصا عند محمود سيد روعه هالدكتور

منطق اسهل من الفلسفة الله يوفقج ياااارب وترا قباني انا قبل ماخذه عنده انتي بس نوتي معاه وادرسي نوتج واضمني a لان كل امتحاناته مايطلع من النوت ابد حتى قبل ماشريت الكتاب بس على النوت

 

[بنت غازي]

مشكوره بنت عمووو


جاري السحب بس ننطر يفتحون الموقع الجميل