أحلامي بالزوجه الثانيه اتعبتني تكفوون ريحوني

[البرنسيسه ksa]

السلام عليكم خواتي
هذي اول موضوع لي واتمنى تساعدوني وماتردوني
هذا يابنات انا لما كان عمري 17 تزوجت ولد عمي وتطلقت منه بدون اسباب طبعا
وبعدها بكم سنه تزوجت ولد عمي الثاني هم عيال عم مو اخوان
المهم انا صارلي سنه ونص متزوجه والحمد الله اعيش حياه سعيد ومريحه وعندي ولد الله يحفظه لي
المهم انا من تزوجت وانا احلم ان زوجي يتزوج علي ويتركني المشكله الحلم دايم يتكرر مره احلم انه متزوج خطيبه اخوه ومره متزوج خطيبه عمي
ومره وحده ما اعرفها وبكل احلامي يبيعيني ويروح لهم وانا حيل اتضايق واصحى من النوم منهاره المشكله اني فحياتي الواقعيه ولا مره فكرت انه يتروج لانه الحمد الله حيل يحبني ومرتاح معي بس احلامي مخوفتن
الله يجزاكم الجنه طمنوني وش معنى هذا

 

[بتبوتااا]

حياتي لانه انتي تفكرين بالموضوع وايد فتركز بعقلج الباطن فلا توسوسين وتفكرين وايد وكل ما فكرتي تعوذي من ابليس ولهي عمرج بأي شي ثاني

 

[فوفو22]

اول كلمه بالعنوان كتبتي ((احلامي))

يعني تظل احلام وليست واقع


عيشي حياتج صح وبلاش نكد على وهم

فوفو

 

[وحيدة خالد]

حبيبتي هذا كله من الشيطان مايبيك تعيشين حياة سعيدة ويجيب لك هالاحلام اللي تنكد عليك

حاولي تحافظين على اذكار النوم والدعاء وراح تحسين براحه

الله يحفظ لك زوجك وولدك ويكتب لك السعادة

 

[كربون امها]

مع فوفو وبتبوتا اوهام من حبج له وخوفج علي تحلمين

 

[اخت خالتهم]

حبيبتـي يمكن من الشيطـان ..
و مثل ما قالت فوفو احـلام مو واقـع
لا تحطين في بالـج

استمتعي

 

[M!ssq89]

وحده من اهلنا تحلمت جذي وكانت وايد متضايقه من
هالحلم وفسرته عند شيخ

قالها ئلي تحلم جذي تفسيرة ماراح يتزوج لو تنطبق السما علا الارض

لووووول

والله يسخر لج ريلج ان شاء الله

 

[~ كرز ~]

ترا عااادي حتا انا حلم جذي بس اهي مجرد احلام صج لما تقعدين ضايق خلقج بس لما تتذكرين انه مو واقع خلاص تروح الضيقة

 

[ســتارز]

يمكن بتحملين وتجيبين بنت لانها اهي الشريجة الصج

 

[سارة ة]

ااااب

 

[انثى عاشقة]

شيلي من بالج هالافكار هذا ابليس ما يبيج تستانسين بحياتج

 

[مموريز]

هدي نفسك حبيبتي.........
كل مافي الامر انك تفكرين طول الوقت بانه راح يتزوج عليك ,,فاذا جيتي تنامين تجيك هالاحلام ,,

تعوذي من الشيطان ,,وريح نفسك ,,,واستمعتي مع زوجك بحياتكم , ماله داعي تخربين حياتك بسبت احلام......
وبالتوفيق بحياتك....

 

[العز انا]

بتحملين ويرزقج الله ببنت

 

[توتا حمرا]

اففففففففف
الله يعينج ويعيني
يمكن بشكل اسبوعي احلم انه يبي يتزوج علي مع ان صغيرة واصحا منصدمة ومنهارة
عليج بالمعوذات قبل النوم
استغفر الله ياربي اقرا سور قبل النوم ودوم احلام مزعجة

 

[أمول 1989]

خل أقولج شغله انتي تقولين انج تحلمين من ماتكونين مفكره بهالسالفه صح ؟
اووكي يمكن اول مره حلمتي هالحلم صج كنتي قبلها مو مفكره ويالج هالحلم
بس بعدها مو تكونين تضايقتي و تكدرتي بسبة الحلم
فتخزن بعقلج الباطن وقام يتكرر معاج
عشان اوضحلج كلامي انا صارلي نفسج بالضبط
قبل فتره حلمت حلم كدرني حيل ولما قعدت من كثر التفكير فيه
وادور بكتب التفسير عن معناه ، قام بين فتره وفتره يتكرر نفس الحلم
لاني اهتميت حق الموضوع وعطيته اكبر من حجمه
بس الي بقولج اياه وحطيه ابالج ترا الاحلام وايد لها علاقه بأفكارنا
حتى مو شرط تكون أفكار فريش توني مفكره فيها
لا ساعات تخزنت بالعقل الباطن
ف مو كل حلم له تفسير
واصلاً هذا علم كبير عشان يتفسر الحلم في الف سؤال وسؤال يسئلونج
نفسيتج ووضعج الإجتماعي مثلاً ........ الخ
والشي الأخير عموماً في احلام تكدر بس يطلع التفسير حلو
والعكس صحيح في احلام عبالج انها زينه بس تفسيرها موو حلوو
والعلم عند الله مو شرط اي شي احلم فيه بيتحقق شدعوه !!
لاتخلين هالأوهام والوساوس تسيطر عليج وتخرب حياتج
تعوذي من ابليس وتوكلي على الله
ومافيه الا العافيه ان شاء الله

 

[البرنسيسه ksa]

جزاكم الله خير خواتي من جد ريحتني ردودكم
الله يرزق كل من ردت علي ويوفقها بحياتها

 

[منو انت]

لا تخلين هالاحلام تاثر على علاقتج بالواقع بزوجج


تعوذي من ابليس وقربي من زوجج اكثر واذا ان شاءالله علاقتكم حلوه ان شاءالله ماكو الا كل خير


مثل ماقالت الاخت ان شاءالله هالشريجه مولوده حلوه يحبها اكثر منج * _*

 

[ام الغريب]

هذا من الشيطان
لانج سعيدة والشيطان يحب يحزن المؤمنين
ابعدي عن حياتج الشك احسن لج واذا شفتي شي من هالقبيل
اول ماتصحين انفثي عن يسارك ثلاثا وتعوذي بالله من الشيطان
ولاتكلمي باللي شفتيه اي احد واهمليه
وربي يوفقك ويسعدك ومايشوف زوجك غيرك

 

[sosowaty]

ااااااااب

 

[جادل سبيع]

انا نفسك ماافكر انه راح يتزوج علي بس جات فتره كله احلم انه بيتزوج ويتزوج ويتركني فعلا اقعد من النوم مخنوقه ومرعووووووووووبه:
حملت وجبت بنت وحلمت نفس الشيء مرا ثانيه وحملت وجبت بنت>>هذا تفسيره

بالتوفيق خيتي.