أحـصلـها مـن وين ولا من ويين :) .. محتآجتلكم ..

[NoNoSha Al-3oba]

السلام عليكم ورحمة الله و بركاته

اتمنى اني ما اثقل عليكم ..
بس بصرآحه تعبت نفسياً ..
وماكو غيركم ..

..

انا بنت عمري 16 سنة ابوي و امي مطلقين من كنت صغيره ..
و ابوي من كآن عمري 4 سنوات ما شفته , ولا سأل عني ولا شيء ..
و كنا لما نروح لهم يأذوني انا و اخوي ..
عشان ما نصير نروح لهم ..
و عمآتي وحده بس اللي زينه و اللي زينه اخت ابوي من ابوه ..
و علاقتها رسمية حييييييييييييل ويانا
اما الباجي مااعرفهم حتى ابوي لو امر جدامي مااعرفه ..
ما يدري عني اذا انا ناجحه بدراستي او راسبة ميته ولا حيه ..
اللهم هالاعانه كل شهر يحطها و بالغصب بعد ..

و انتو تعرفون البنت من 13 سنة تقريباً تحتاج ابوها اكثر من الام او يمكن بس انا صار وياي جذي
بس ماابي اسال عنه
لان لو اهوا لو يبينا جان ما يأذينا و احنا صغار و صارت عندي حالة نفسية ..
لان كان اييب الشرطة لبيتنا عشان ياخذنا
و الحين لو يتحجون عنه جدامي اقعد ابجي لا شعوري
لدرجته الحين و انا قام اكتب قام ابجي بس لاني ذكرته

العيد اللي طاف دقينا عليه طبعاً انا ما كلمته بس اخوي
و قعد يقوله ترى انا اخوانكم مدخلهم مدارس خاصة
و انا و انا مسوي لهم
بس انتو ما تبوني ولا ترى انا حاط لكم غرف عندي
و لو تبون احولكم مدارس خاصة و اسوي لكم نفسهم انا حاضر بس انتوا ما تبون <- اي خير !
و تعالوا عندي و من هالحجي !
زين انت ناسينا احنا دقينا تعال اخذنا انت تدري ان ماكو احد بودينا لك !
و يا ليت بعدها صار يسأل ولا دق ولا سأل ولا شيء
تخخخخيلوا لدرجة ان اصلا ما يعرف انا جم عمري الحين !!!
و هالعيد امي تحن تقول لي لازم تكلمينه بس انا ماابي
صج ابي احس و لو لمره ان عندي ابو
بس ماابي , ياما كسرنا نفسنا و سألنا بس اهوا ما يبينا ..
و ذاك اليوم لما شفت يدتي و عمتي بعرس قالت لي امي روحي سلمي
رحت سلمت تسلم و اهيا قرفانه مني ..

هذا ابوي ..

الحين امي ..

امي مو مقصره وياي بلبس ولا بمشترى ولا شيء من هالأشياء ..
بس اقول " ابي " تعطيني تحرم نفسها عشآن تعطيني ..
و اطلعني احسن وحده ..

بس اسلوبها وياي xxxxx

يعني كلا تعايرني بـ ابوي و بـ عمآمي ..
كلا تقول لي لو انتي عند مرت ابوج شفتي العيشه شلون
كلا اطقني على اتفه الاسباب اطقني
وصل عمري 16 سنة و ليما الحين اطقني طق طق ..
و كذا مره يورم جسمي من طقها ..
على اتفه شيء
قعدت وياها كلمتها ماكو فايدة كلللللش ..
انا صارت لي سالفة بالمتوسط ويا ابلة لي يومكم هذا تعايرني فيها
انتي و انتي و انتي
و كلا تقول لي انا مااابيج انتي شنو بحصل من وراج غير المصايب ..
و كلا تفكيرها سلبي ..
ودي مره اقعد اكلمها مثل ام و بنتها ما يصير
ودي مره افضفض لها مااقدر
ودي مره تكون مثل رفيجتي ماااكوووو
ودي مره تمدح فيني ماكو
ودي مره اسوي شي يعجبها ماكو
ودي مره ما تقارني ببنات ماكو
و لا اللبس كلا تاخذ لي قياس اكبر مني بـ 10 مرات
ليش يا ماما الرها زين
الموديل راح و اهيا عشان الرها
انا قياسي S تاخذ لي L !
ابي البس لبس مو وسيع و حالته حاله علي ما يصير ..

و اللي قاهرني اكثر ان امي تخصص علم نفس و علم اجتماع
و اهيا بالواقع ما تدري عن علم النفس و علم الاجتماع
تعدل اسلوب امهات و ما تعدل اسلوبها وياي !


و الحين انا دشيت علمي , و لو بتخرج بدرس برا ..
اهيا تقول لي روحي درسي برا ولا تردين لي
و اخوي من كثر اهيا ما اطقني صار يتجرأ يطقني و اهوا اصغر مني و طقه يكسر !


هذي امي ..

..

و الحين خآلتي !

خآلتي هذي كلا تظلمني ولا كلا تقول لي انتي تحاجين شباب و لج سوالف
ليش خاله ؟ عشآن انا من النوع اكتم و مااحب احد يحوش شيء لي و كل شي عندي اعتبره خصوصية
تقول لي من البلاوي اللي عندج خايفة عليهم !
و انا وييين و هالسوالف وين !
و الي يقهر ان اهيا انا كذا مرا سامعتها تحاجي واحد
و كذا مره لما تقط علي حجي و ابي اواجها بس مااقدر
و هم اهيا تعايرني بـ اهل ابوي !


تععععععععبت والله تعبت ..
شسوي ماادري بس افكر متى اتخرج ..
لان على كبيره و صغيره امي تدعي علي ..
انتي بس تتخرجين بوديج ادرسين برا و روحي ولا تردين لي !
انتي ماكو من وراج غير المصايب ..
فكرت اروح لـ دكتور نفسي ماكو احد بوديني
و ماكو غيركم
سآعدوني

 

[دلوعة صلوح]

الله يعينج والله ماعندى شئ اقولة الا انى ادعيلج ان الله يصبرج على اهلج ويهديهم لج يارب العالمين.

 

[طفلة غبية]

سمعي حبيبتي
لازم لازم تتشجعين تدقين على ابوج وتسلمين علية
وقولي يبة انا اخوي قالي على المدرس ويغرة وانا موافقة
وعلى فكرة الرجال عاطفتهم اكثر من المراءة وخاصة على بنتة
بس فيهم عيب ابد ابد مايبينون عاطفتهم لان هيبة لهم وشي ثاني
مايعرفون
باين الوالد يبي يصلح من كلامه مع اخوج


سمعي امج
انتي تقولين مو مقصرة معاج بشي بس باين لازم تغير اسلوبج
مع امج مو كلة طلبات
جيبي لها سالفة من المدرسة تبين انج ثقة وسوالف
البنات اللي مو زينات وتحمدي ربج جيبي لها سوالف جدية
وحاولي حيل حيل توددين لها
على فكرة كل الا مهات كذا مو انتي بس حمدي ربج في غيرج
بنفس البيت وامها ماتشتهي تكلمها

وامج تقول بدرسج برى جابها بسلوب قوي وماتدري انج بتحسسين
وهي ماتقصد بنجاسة


وخالتج هاذي حلها الوحيد بعدي عنها وسطحي العلا قات وياها
وتركيها ان شاء الله تكلم جني
وانتبهي انتبهي تغلطين بشي لا شباب ولا بنات مو زينات
واذا عندج شي صلحية


ونصيحة لج تقربي لله


الله معاج

 

[مجنونة هع]

اه حالتج احسن مني على الاقل بتدرسين برا مو نفسي

 

[سارونه الامورة]

حبيبتي والله:eh_s(2):

انا عمري قريب لعمركِ عمري 18 سنه يمكن اقدر افيدكِ في شي

حبيبتي اذا على ابوكِ اتصلي عليه هذا العييييييييد حراااااااااااام هذا ابوكِ وانتي بكذا قطعتي صله

رحم عااد ابوكِ هذا مهما كان يظل ابوكِ وتاكدي ان ابوكِ يحبكِ بس كان عنده اشغال شغلته عنكم

وانتي عاادي اتصلي عليه انتي ماعندكِ شي اهو حرااام يمكن مشغول وانتي اتصلي عليه في

الاعيااد واتصلي عيله اطلبي منه اي شي تبينه عاادي هذا ابوكِ اذا ماطلبتي منه من اجل تطلبينه

وقولي له ايه موافقين تدخلنا مدارس خصوصيه عاادي وافقي واذا على امكِ كانكِ تتكلمين تماماً

عن امي بس انا اسكت لاني عاارفه ان كل ام تتمنى لبنتها الخير بس كل ام تختلف طريقتها من

وحده لثانيه وتاكدي ان امكِ تحبكِ ويمكن تحبكِ اكثر من نفسها وانتي اصبري على امكِ واذا هي

تقول لكِ سافري برى اكيييد تبغى مصلحتكِ واكييد تبغى لكِ الشي الزين واذا على اخوكِ لا وقفيه

عند حده علمي ابوكِ عليه اذا مد ايده واذا على خالتكِ خلي علاقتكِ جداً سطحيه ولاتتكلمين معاها

واذا هي تكلم رجال لاتعلمين عليها لان السسالفه راح تنقلب ضدكِ واذا على عمانكِ اذا اهم يسبون

طنشي واسكتي وقولي ترى هذولاء اهلي اذا انتم تتضايقون احد يسب اهلكم فانا اتضايق اذا احد

سب اهلي ونصيحه من لكِ اكثري من الاستغفار يومياً لاتنقطعين عن الاستغفار والله راح تتغير

حياتكِ للافضل من ناحيه حياتكِ الاجتماعيه والماليه وربي وحتى دراستكِ ربي بيوفقكِ فيها

والليله صلي صلاه الثلث الاخير لا ن الليله ليله جمعه فانصيحه لاتفوتينها

والله ييسر اموركِ ويفرج همكِ ياااااارب انه على كل شي قدير:eh_s(17):​

 

[NoNoSha Al-3oba]

انتي تقولين مو مقصرة معاج بشي بس باين لازم تغير اسلوبج
مع امج مو كلة طلبات
جيبي لها سالفة من المدرسة تبين انج ثقة وسوالف
البنات اللي مو زينات وتحمدي ربج جيبي لها سوالف جدية
وحاولي حيل حيل توددين لها

انا حامدة ربي على كل حال ..
و ادري هذي امي جنتي و ناري ..
بس انا مو اللي اطلب منها حيييل ..
و هم اهيا مو مقصره ..
بس امي حتى لو عطتني الشغله تظل تذكرني انا سويت
وسويت و سويت ..
و اما بالنسبة لسالفة المدرسة
انا اصلا ما رديت ع الابلة لما قالت لي بسج سخافة
عشان قلت لبنت عطيني بشوف الرسمه مالت الهندسة بدفترج
مو عارفة ارسمها
و قالت لأمي بنتج مو محترمه و ردت عليها امي
بس امي لأن اول مره تسوي جذي ابلة وياي
ليما الحين بخاطرها , و ليما الحين تشوف اني غلطانة مع اني
اصلا ما رديت ع الابلة و قلت لها ان شاءالله

و اللي حاز بخاطري ان امي تنكر كل اللي اسويه لها و كل مدح الابلات و الناس فيني
و واقفة لي على هالسالفة
انا ابلتي الرياضيات كانت تقول لها بنتج هذي انا احسدج عليها البنت هذي ما مرت علي بنت مثلها
لدرجة كانت تمشي و تقول انا بس تصير عندي بنت بتسميها بـ اسمي عشان تكون مثلي
هذا غيير و غييير و غييير
بس امي مو مبين كلا تنكر و مو عاجبها !

 

[NoNoSha Al-3oba]

مشكورين بنات ..
و ان شاءالله بدق على ابوي ..
بس ان شاءالله هم ما يكسر فيني

 

[Vdieta]

الله يفرج همج ويعينج

 

[NoNoSha Al-3oba]

مشكوره حبوبه

 

[سارونه الامورة]

الله يفرج همكِ يااااااااااااارب

ومثل ماقلت لكِ كثري من الاستغفار والله ييسر اموركِ والله الاستغفار يغير حياتكِ180 درجه والله له تاثير عظيم في حياه اللي يكثر

منه نصيحه لالالالالالالالا تتهاونين في الاستغفار والليله من بعد السسساعه 12 صلي الثلث الاخير لان الليله ليله جمعه لاتنسين

والله يوفقكِ ياااااااارب​

 

[سارونه الامورة]

واذا تبين اي شي فتاكدي ان لكِ اخت تعزكِ وتقدركِ وتحب لكِ الخير
ولا تستحين من اي شي فانا حاظره باللي اقدر عليه​

 

[NoNoSha Al-3oba]

بعد عمري والله
تسلمين ..
بميزآنج يَ رب :*

 

[طفلة غبية]

سمعي بقولج شي ودي انا ماقولج لج
تدرين لية امج تذكرج بلي سوتة لانها من داخل تحترق وخايفة تنسين عشرتها لان وقفت معاكم بلحالها
وهم لية تعايرج بالابلة لانها ماتبيج تغلطين
لاكن اهيا مسكينة ماتدري انج تتأذين ونفسيتج تتعب وممكن تسوين مثلة اكثر لان النفسية لها دور

بس حيل لا تعصبين بمج لان حسيت من كلامج اهي طيبة لاكن عيبة ماتخش اللي بقلبها واتوقع يطلع كلام امج اكثر شي عند العصبية فلا تعصبينها
ونصيحة من اخت كثر المشاكل تسوي بالقلب اشيااااااااااااااااء عند الام ويالله قواج الله
وباين من اسلوبج ماشاء انج فاهمة وايد شاطرة بالمدرسة الكلام محنك والصيغة مرتب وايد

 

[NoNoSha Al-3oba]

ان شاءالله
و مشكوره حبوبه ؛*
بميزآنج يَ رب

 

[عونك يارب]

الله يكون بعونج
وربي يفرج همج ويسسسسسعد قلبج
عليج بالدعآء ..

 

[گنت أحبگ]

البنات ماقصرو بالرد


بس حبيت اضيف بخصوص امج واسلوبها معاج

عااادي حبيبتي والله عادي

ترا كلنا امهاتنا جي والله


انا بعد تعايرني مرات

وتحرني وايد

ومرات اشياء اصلا مو بيدي

بس ترا قلبهم طيب والله بس اهما جي هذا اسلوبهم مانلومهم تحملو وايد علشانا

لا تحطين ابالج ان امج بس اللي جي

بالعكس امج وايد ضحت علشانكم كافي تمسكت فيكم

ولا لو وحده ثانيا جان قطتكم ع ابوكم وراحت شافت حياتهاا


وانتي بعمرج الحين عمرج ما راح تتفقين وياها او يعجبج تصرفها

كلنا كنا جي

انا لما كنت كبرج كنت ازعل ع امي واقعد شهر ماكلمها وكله مايعجبني اللي تقوله


الحين لما كبرت شوي وفهمت والله اقول الله يعينها علي


وكلمي ابوج

يمكن يطلع انسان طيب و يحبكم ويعوضكم ع اللي طاف

 

[NoNoSha Al-3oba]

تسلمين و انا ماانكر ان اهيا ضحت عشآنآ ..
بس هم تخف علي شوي بـ المعاير
لان كرهت ابوي و اهله و السبب المعاير اللي احصله منها و من خوآلي
و مشكوره ع ردج ؛*

 

[Aloolah]

حبيبتي ميخالف اتعرف عليييج


عمري 15 سنه

انتي المفرووض تفتخريين بنفسج تدرين ليش لانج تحملتي كل هذا و لا تخافين ربج ما ينسى عبده و ماراح انساج بصلاتي

 

[الحللللوه]

الله يفررج همي وهمك نصيييحه اصنعي الللف عذذر واشغلي نفسسسك بالذكر او اي موهبه لك واللا اقعدي استغفري

 

[غلأأأأ مغليهأأأ]

الله يكوووووووووون في العووووووووووون