أحس نفسي طيبة لدرجة الهبالة !!

[الفتاة الثلجية]

السلام عليكم ورحمة الله

بنات انا ما اعرف كيف اغير طبعي......صج احس نفسي هبله وينقص علي ......
برغم من ان انقرصت من الناس وااااااااااااايد

شوفو انا اللي على قلبي على لساني......وافتح قلبي للناس يوم يسالوني عن اسئله حتى شخصية.....يعني ما اعرف اخش وادس....وعفويه وايد اتصرف على طبيعتي...بس صااااارت لي مشاكل من هالموضوع....

ولله صارت لي مواقف مع ناس طعنوني طعنات قويه.....وكله كنت اقول في قلبي خل أحسن الظن فيهم.....حرام اظلمهم......برغم من ان كانت واضحه تصرفاتهم وضوح الشمس بس لإن ما عندي دليل......كنت اقول لا حرام الظلم......وبس لفيت ظهري قامو اطعنوني....

اليوم قاعده افكررررررررررر انا لين متى بتم جذي.....

ولله يوم اشوف الحريم الدواهي اقول يا ريتني مثلهم .....هذيل اللي يايه الدنيا على ما يبون مو أنا اللي بطيبتي الزايد الناس مستقلتني.....في ناس احشمهم واقدرهم وما الاقي منهم غير الجحود والخباثه.....وآخرها اليوم صارت لي من اقرب الناس لي......والله عورني قلبي على نفسي.....أنا انكسر خاطري على نفسي....:eh_s(2):

ابغي اصير داااااهيه واعرف اخش وادس واطنش..:bbbiu:

 

[بطوووطة$بيضة]

حبيبتي انا نفسج ..اقول حق رفيجتي ابي اصير نسرة وبومة ونحيسة..وحاولت ان اتغير بس ماكو فايدة..الطيب يظل طيب ...ويظل ينقص عليه..انا انقرصت من خواتي ورفيجاتي ...بس الله كريم

 

[hellen]

الحال من بعضو يا ويختي
بس انا خلاص مليت من الناس وما ابي اعطي الامان حق ولا احد

 

[NEW WOMEN]

السلام عليكم
ابفهم ليه الطيب يكره نفسه مع المفروض اهوا اللي يفتخر بنفسه عكس الشرير الخبيث اهو المكروه المفروض
بطفولتنا كنا جذي نشوف بكرتون الطيب محبوب والشرير مكروه بس بالواقع لا
اسأال الله بمنه وكرمه ان ينصرج على من ضلمج وعاداج سوي خير وقطي بحر وعيشي مثل الغريب فطوبى للغرباء والمفروض اهم اللي يستحون مو انتي

 

[є 3 τ и α q]

يَ حياتي انتِ ,
لآ تغيرين من نفسك ابدآ ..
بس سطحي علآقاتك مع اللي حولك
ولا تقولين اي شي .. خليك على الصآمت افضل شي
وترا كثير يتمنون هالصفه اللي فيك ..
فـ لآ تغيرينها عشآن النآس .. بعدين تعالي ..
شفتي الناس اللي داهيه على قولتك .. كآسبين حب الناس
ولا قربهم ؟!

بَ العكس انا اشوفهم عايشين حياتهم على ظلم غيرهم
وعلى بجآحتهم ..

نصيحه اخت ..
خليك مثل مَ انتِ .. واكسبي قلوب اللي حولك .. بهالطيبه
لكن لآ تعطينهم كل شي وخليك جدآ سطحيه ..

بترتاحين ..

تراي اكلمك عن تجربه .. واقعيه ..جدآ كنت مثل واردى
الحين لله الحمد قدرت اغير من نفسي شوي ..


خليك مثل مَ انتِ الله يحفظك ..
=)

 

[أم توتو]

فعلا كلامج صح الطيبون لطيبت والخبيثات للخبيثن
الطيب يدور الطيب اللي مثله لكن الخبيث بالعكس بدور اللي مثله( فوافق شنن طبقه )

 

[عالمي انا غير]

يريت اساعدج بس للاسف انا مثل حالتج وللاسف بهل الزمن الطييبة تدل ع الهبال ومحد يقدرك للاسف حتى بالزواج لللاسف الشريرة والمكاره يبونها اكثر من المسكينة واللي مقلوبه ع امرها والله الدنيا صايرة عكسية بقوي قلبي وكمل باقي العمر وارفض كل الرفض اكون مكاره ومنافقه وخبيثة وطيبتي بتكون بعتدال

 

[سكوتي بذوقي]

انا طيبتي ودتني بداهيه

بعدين صرت اعامل الناس مثل مايعاملوني

مليت من كثر ماني طيبه

اللي يقرب مني ويحبني احبه

الله يبعد مايشوف شر وقربه مابيه اتعب نفسي ليش

اختي عيشي حياتك وانسي اللي يسيئون لك والطيب انسيه الكل يلهث ورى مصلحته بس

 

[Vdieta]

الله يعينج

 

[نورعيني أنا]

الله يكون بعونج احسج تكلمين عني ان بعد امس نزلت موضوع عن الطيبه الزايده والله وانا اكتب كنت كارهه نفسي اشوف اللي مومعبره العالم الناس ادورها ادوره وانا اسوي الواجب والزياده ومالي حظ وبسرعه الناس بغلطه وماتكون مقصوده على طول ينسون اللي سويتيه بغمضة عين وكلي امرج مثلي لله وخلينا نعامل الناس مثل مايعملونا

 

[سنيوريتآ]

الله يعينج ..~

 

[عاشقة هواك]

نفس الحاله

الحين انا ما يهمني احد

 

[ام زهقانه]

انا طيبتي ودتني بداهيه

بعدين صرت اعامل الناس مثل مايعاملوني

مليت من كثر ماني طيبه

اللي يقرب مني ويحبني احبه

الله يبعد مايشوف شر وقربه مابيه اتعب نفسي ليش

اختي عيشي حياتك وانسي اللي يسيئون لك والطيب انسيه الكل يلهث ورى مصلحته بس

هههه نفس حالي بس الحمد الله علي كل حال معروف اني طيوبه
بس حبيبتي مو كل شي ينقال
افهمني من المواقف
الله يوفقك

 

[lulwa-q8]

مثلي


بس حلاتج علي طبيعتج

حلاتج انتي !

وخليتي نيتج طيبه مثل مااهي احسن لج

علي قولتهم مظلوم ولا ظالم

 

[هيبة ملك]

أنت أحلى قلب صدقيني

خليج مثل ما أنتي

وصدقيني الأيام راح تعلمج وتكسبج خبرات وايد

 

[mf6nt el3lat]

أمبيه من صجج متأذيه من نفسج أنتي من أحسن وأندر فئات البشر في هالزمن !
بالعكس شخصيتج تهبل والعيب مو فيج بالناس اللي تعرفين غلطتج الوحيده أنج ما تعرفين تختارين الناس
ولا شخصيتج ولا أرووووع الله يعطيج على قد نيتج ..


لا تغيرين شخصيتج عشان ناس رايحه ارضي ضميرج أهم شي وسوي اللي يريحج ..


والله المستعان أختي العزيزه

 

[الصبر مفتاح]

قليبج صافي وهذي كل السالفه
حبيبتي انتي مو خبله على قولتج
الله عطاج قلب نظيف صافي مايشيل على احد
ترى وايد ناس تتمنى قلبج
الله يوفقج

 

[noura ooo]

اول خطوات حل المشكله
الاعتراف بوجود المشكله
انتي عارفه ان طيبتك مو زينه وساذجه
عارفه انا كنت مثلك عمري كله والحمدلله ربي من علي وعرفت الصح من الغلط وعرفت ان مو كل الناس مثلي وتفكيرها طيب مثلي
مااكذب عليك انطعنت وانجرحت وبكيييييييييييت بس البكاء له حد
والحمدلله هذا انا مااقوللك صرت شرانيه والعياذ بالله
بس ماابالغ بثقتي باللي قدامي
اتكلم معهم بطيب واضحك معاهم واذا بغوا مساعده نحاول على قد مانقدر
بس اني اثق فيهم زي اول نوو وووي
والحين تعالي شوفي مين يتجرأ << ياجبل مايهزك ريح كااك

 

[الفتاة الثلجية]

هلا خواتي

واشكركم على ردودكم ونصايحكم الحلوه.....:eh_s(7):
صدقوني يمكن البعض يشوفها مشكله تافهه بس ساعات الطيبه ولله تودي في دااااهيه.....الله المستعان

 

[Unusual]

الطيبة حلوووووة ...
بس اتعلمي تمسكي لسانك .. لما يسألونك عن امور ماتخصهم ..
هاذي مو خباثة ياحياتي ..

هاذي يسمووووونها خصوصيات ومو لازم الكل يطلع عليها ...

وووووبعد لاتكوني كتاب مفتوح للكل ..

بس هاذي نصايحي لك .. والطيبة حلوة وحلوووووة موت ..

فديتك ..