أحسن نوع تلفزيون

[حيوته]

السلام عليكم ورحمة الله وبركاته

اشلونكم خواتي ان شاءالله بخير

مبارك عليكم الشهر والله يعوده عليكم كل سنة يارب وانتو بصحة وعافية ...

أما بعد

أبي اشتري تلفزيون لصالة المعيشة ( يعني نشوف فيه الافلام ، الحركات السريعة ، اليهال يلعبون بلاي ستيشن ... ) شنو أحسن نوع الي شاشته بلازما ولا ال ال سي دي ؟؟؟

كل واحد يقول شي احترت قلت أسألكم ؟؟؟؟

مابي من النت أبي من تجاربكم لأني سويت سيرج وشفت النت أبي من خبرتكم خواتي

شاكرة لكم حسن تعاونكم معاي ...

موفقين لكل خير ..

 

[شوكلاتهـ]

انا بعد قاعده اسئل بشتري تلفزيون فقالولي ان ال سي دي احسن للافلام والبلاي ستيشن والسيديات والبرامج

يعني تطلع لج الصورة اوضح من البلازما


هذي المعلومات اللي عندي

 

[kuwaitya-frawla]

اب



اب


لعيونج

 

[*ريما*]

رد : أحسن نوع تلفزيون

رفع

 

[lovely jojo]

انا عندي السي دي ماخذته من ال جي عجيب ماشالله ...

 

[رهوف]

ال سي دي طبعا احسن من البلازما.. لان البلازما يعكس لج الاضاءة لكن ال سي دي شاشته واضحة وما تعكس .. ومن خبرتي بالتلفزيونات احسن شي ماركة فيليبس فيها فتحات hdmi وفيها فتحة usb

 

[حيوته]

الله يعطيكم الف عافيه يارب
شكولاته يوعتيني باسمج مشكورة على الرد ما قصرتي ..
فراولة وريما الله يعطيكم العافية يارب على الأب تسلم عيووونكم ..
جوجو مشكورة على الرد
مشكورة رهوف ما قصرتي ..
رحم الله والدينكم بس في ناس قالولي ال ال سي دي تعور العين صج ؟؟؟؟؟

 

[حلوة قمرية]

رد : أحسن نوع تلفزيون

شوفي حيوته انا بقولج الصافي المفيد بالموضوع و انتي عليج الإختيار

الإلسيدي حلو و ما يعكس الإضاءه بس في انواع قليله تعكس فلازم تتأكدين بعينج قبل لا تشترينه و لكن هني مربط الفرس ان شاشات الإلسيدي درجه وضوحها اقل من البلازما يعني لو تسألين البايع عن الرزلوشن ( درجه نقاوه ووضوح الصوره ) راح تحسين بفرق الأرقام بين النوعين يمكن البلازما وضوحها عشر دبلات و الإلسيدي فيه عيب كبير خصوصا بالأفلام الي تكون فيها حركه سريعه الشي الي يتحرك بسرعه تحسين مثل الي خياله يركض وراه يسمونه فلو شادو Fallow shadow مع ان الإل سي دي مثاليه حق العرض من الكمبيوتر عكس البلازما الي وضوحها ضعيف من ناحيه العرض عن طريق وصله الكمبيوتر
انا عن نفسي افضل البلازما وضوحها عالي جدا و كل ما كانت الماركه اقوى كل ما كانت الصوره انقى مافيها عيب الفلو شادو الي تكلمنا عنه بالصوره السريعه و طبعا بما ان الجهاز بكون بغرفه المعيشه ما اتصور ان بتحتاجينه للكمبيوتر و وايد حلو حق البلي ستيشن مافيه مشاكل
فراح يكون الحل الأمثل هو البلازما بس هذا ما يمنع ان للبلازما عيوب قويه مثل عكس الإضاءه اذا كنتي حاطته قبال ابجوره مثلا او يم الدريشه تعكس الشمس عليه و فيه عيب ثاني ان لو خليتي التلفزيون على قناه معينه فتره راح يطبع خيال الشعار مال القناه على الشاشه بشكل مؤقد بعد ما تغيرين القناه بس كل ما كان تلفزيونج قوي كماركه راح يخف هالعيب

طبعا البلازما يعتمد على غاز البلازما .. و الإلسيدي يعتمد على سائل الكريستال يعني وحده غاز وحده سائل هذي معلومه بس مو اكثر
و النوعين لهم عمر افتراضي بساعات التشغيل بس ما بتحسين فيه لأن الساعات تقريبا 20 الف ساعه شي جذي

جذي اخذتي كل العيوب و المميزات و عليج الإختيار

و دمتم سالمين

 

[عيون السواهي]

حبيبتي ال سي دي ال جي وبلا مناااازع نصيييييييييحه لاتفكرين بالبلازما على بو ارخص ترى بدال لاتشوفين التلفزيون تشوفين اضائة غرفتج وبتوفيج

 

[D@LoOoL]

سامسونج

 

[bobo lover]

اختاري lcd طبعا لأنه أوضح و قارني بين الـ lcd و البلازما و بتشوفين الفرق و أغلبهم فيهم فتحة HD و أنصحج تشترين رسيفر HD بعد عشان يكون الصفاء عالي لأن لو عندج رسيفر عادي و تلفزيون واضح ما راح تحسين بالفرق وايد و عن نوع الماركة طبعا لا تفكرين غير سوني لأن لا يعلى عليها و قارني بينها و بين شركات ثانية و بتشوفين الفرق و الحين نازل تلفزيون LED بس أغلى لكن أخف و ما أعرف شنو بالضبط المميزات.

 

[law love]

انا ادور بعدد
حلوه قمريه ما شاء الله خبره بس حيرتيني
حق داري اخذ لسيدي و لا بلازما و صج الhd يفرق و لا لا ؟؟

 

[حلوة قمرية]

رد : رد: أحسن نوع تلفزيون

انا ادور بعدد
حلوه قمريه ما شاء الله خبره بس حيرتيني
حق داري اخذ لسيدي و لا بلازما و صج الhd يفرق و لا لا ؟؟

:gr4uu:
والله انا عن نفسي بيتي كله بلازما مقتنعه فيها و مثل ما قلت النظامين لهم عيوب بس البلازما ترضيني و هم سعرها ارخص من الإلسيدي انا اقول ترضيني كإستخدام في الحياه العاديه تلفزيون مو موصله عليها كمبيوتر مثلا

الألسيدي احسن بأمور ثانيه و بكلامي ذكرت الفرق
اما بالنسبه للـ HD فطبعا هذا تقنيه متطوره عاليه الوضوح و اسمها اختصار حق جملة High Definition تعبر عن وصف التقنيه العالية الوضوح والنقاوة
بس في شي لازم تعرفينة علشان تشوفين الصورة HD
لازم تلفزيونج يكون HD
لازم الرسيفر HD
لازم القناة الي قاعدة تشوفينها يكون البث مالها HD
اي واحد من هالثلاث اذا ما كان نظام HD ما راح تشوفين صورة HD
و لو كنتي تبين تشوفين فيلم مثلا مو من الرسيفر عن طريق الـ DVD
نفس الشي لازم يكون جهاز تشغيل الـ DVD هم HD والفيلم الي قاعدة تشوفينة يكون HD
يعني بإختصار علشان تشوفين صورة HD لازم كل شي شغال يكون HD

اتمنى اكون قدرت اجاوبج و تقدرين تختارين الجهاز الي تبين و اي استفسار انا حاضرة

 

[law love]

مششششكووووره
صج صج انتي عجييبه
انزين باذيج
انا باخذ تلفزيون حق داري و مفكره اخذ 32 بوصه زيين ؟؟
وحابه اخذ احسسسن شي عن الحسافه
مفكره يا سوني او باناسونيك شرايج ؟؟
و ودي بال hd لاني ناويه اشترك باوربت وششوتايم و رسيفرهم hd وعندهم قنوات hd
بس خليتيني افكر بخصوص الديفدي لاني اشتري دفديات بونص يعني اكييد مو hd !!!
و ما ادري اكو تلفزيون 32 hd ؟؟
انا ليلحين ما فتريت بس شفت الكتلوجات بالنت
واااي صج اذيييتج

 

[حلوة قمرية]

رد : رد: أحسن نوع تلفزيون

مششششكووووره
صج صج انتي عجييبه
انزين باذيج
انا باخذ تلفزيون حق داري و مفكره اخذ 32 بوصه زيين ؟؟
وحابه اخذ احسسسن شي عن الحسافه
مفكره يا سوني او باناسونيك شرايج ؟؟
و ودي بال hd لاني ناويه اشترك باوربت وششوتايم و رسيفرهم hd وعندهم قنوات hd
بس خليتيني افكر بخصوص الديفدي لاني اشتري دفديات بونص يعني اكييد مو hd !!!
و ما ادري اكو تلفزيون 32 hd ؟؟
انا ليلحين ما فتريت بس شفت الكتلوجات بالنت
واااي صج اذيييتج

العفو ولو ما سويت شي
عموما ال 32 وايد مناسب انا صارلي سنتين حاطه بغرفتي 32 ممتاز غرفتي حجمها 4x5 تقريبا
عاد شريت تلفزيون للصاله يديد قمت خذيت الـ 42 القديم و حطيته بغرفتي هم حلو بس اول ما تحطينه تحسينه كبير
في 32 hd بس ما اتصور في منه بلازما الي hd 23 اتصور بس الـ lcd
و اذا بغيتي dvd hd لازم تكون افلامج hd
مثل ما قلت قبل علشان تشوفين صوره hd لازم كل شي يكون hd

و اذا عندج اي استفسار بعد انا بالشوفه لا يردج الا لسانج

 

[law love]

مشكوووره و الله يوفقج وين ما رحتي يااارب
خلاص بعتمد على 32
شكلي بشيل فكرة الhd خو احنا التطور موو لييه هناك !!
انزيين ما قلتي شنو احسن ماركه ؟؟
و من وين تشترين تلفزيواتج ؟؟
بس فيه شي استغربن منه انتي تقولين البلازما اوضح من ال lcd عيل ليش يعتبر الالسيدي اغلى و احدث ؟؟
شكراااا مقدما

 

[حلوة قمرية]

رد : أحسن نوع تلفزيون

يعني الـ hd شروطه مو دايما متوفره و القنوات الي تعرض hd لي الحين قليل و على ما القنوات اغلبها يحول نظام hd يكون التلفزيون الي عندج صار قديم و تفكرين تغيرينه ولا شرايج ؟
ليش الـ lcd اغلى هذي غالبا امور مصنعيه من المواد الأوليه في التصنيع ولا بالعكس المصانع من مصلحتها تبيع الشي ارخص علشان يكون عليه الإقبال اكثر و اهم المستفيدين مثل ما قلت قبل البلازما غاز ولـ lcd سائل
بس كمميزات و عيوب الأثنين متساوين عندي يمكن غيري يشوف شي ثاني
ممكن في البيت انا اشوف ان البلازما احسن بس بمكان ثاني يمكن يكون اختياري الـ lcd على حسب الحاجه

و تسلمين لي يا رب على الدعوه الحلوه و الله يعطيج مثل ما تتمننين لي و اكثر
و هم ارد و اقولج اذا ظرى على بالج اي سؤال انا حاضره

 

[فاهييه]

حلوه قمريه يسلمو عالمعلومات

احسن ماركه للtv ؟

 

[xxx]

lcd افضل من البلازما خصوصا اذا بتسخدمين بلي ستيشن

وماركة سوني + LG ممتازة

 

[حلوة قمرية]

رد : أحسن نوع تلفزيون

ترتيب الماركات على حسب الاحسن من وجهه نظري
1 Sony
2 LG
3 Panasonic
4 TOSHIBA