أحسن فاونديشن للبشرة الـ.......................

[لمى...]

السلام عليكم


شخباركم صبايا ..................................!!


بنات تعبت تعبت من بشرتي ومن الفاونديشن مدري العيب وين

تعبت كل ماأختار فاونديشن مايضبط معي لا ماك ولاهلثي مكس ولا كريولاين

ولا ماكس فاكتر ولا ولا شي دايم ويهي مغبر ومشهب ويرفع الضغط ......

أنا بشرتي جافة قبل الميك اب دايم انضفها واقشرها وارطبها واحط بيس بس

ماكو نفس الشي .....................

ودايما اختار لون غلط دايما........ انا بشرتي مدري شلون لونها حنطي فاتح احيانا احس اني مايلة للأصفر مو متأكدة

المهم بحطلكم صورة من لون بشرتي يمكن تعطوني درجة صح سويت طريقة اني اخذ عينات ماعرفت :eh_s(4)::eh_s(4):

انقذوني

مواصفات بشرتي

جافة تقشر لما احط فاونديشن :eh_s(14):

:yaaaaaarb: أبي تذكرون لي فاونديشن يعطي لوك رطب ديوي وتغطية متوسطة مو خفيفة لأن عندي عيوب ببشرتي :eh_s(22):

وبعد كونسيلر لأن جربت ماك الكونسيلر مانفعلي ولا غارنيه ولا مكياجي ولا شي :eh_s(11):

تذكرو نوع بشرتي جافة

وهذا لون بشرتي ابي الدرجة تكفون :eh_s(16):

 

[بكتني الذكريات]

جربي غيرلاااان طبي ومرررطب وفي حماية بعد

 

[بحر الذكريات]

حطي كريم مرطب قبل ما تحطين الفاونديشن

 

[رماد الحب]

:eh_s(4): نففففففففس مشكلتي جفااف ولوني ماادري شلون بس انا اسمر منج بشوي انتي احس على بياض وانا على سمار لمن احط برونز تتضبط اموري باللون الى مادري شلون صاير

وفاونديشن عندج ميك اب فور ايفير انا رحت وقتلها بشرتي جااااااافه عطتني سااااائل لانه عندهم واااااايد انواع ودرجتي انا اخترت اغمج بدرجه كلش كلش مو مبين الفر و مو حييييل غامج طلع حلوو

وشربي ماي انا اول كنت حدي اطفررررررر من كثر ليما كنت احط فاونديشن يصير ناااااااااشف بس والله من بديت دايت وقمت اشرررب مااي وااااايد خفت حييييل :eh_s(1): الحين اهون مع المرطب

 

[لمى...]

مشكوووووووووووووووووووورين

بس وين الخبيرات وينهم @@

ساعدوني

ابي فاونديشن يناسب البشرة الجافة واسم الدرجة اللي تناسب لوني

 

[البخت ضايع]

والله هالبشره الجافه جننتنا؟؟ حتي انا جافه ابي فاونديشن للمناسبات بعد

 

[لمى...]

افاااااااااااااااا مافي احد يساعدني وين الناس

 

[om dalaly]

اختاري غسول و كريم مرطب يوصفلج اياه الطبيب او الصيدلي يكون ترطيبه عالي و الغسول ما ينشف الوجه
و نطري شوي عالبشرة لما تتشرب المرطب بعدين حطي البيس
و نطري شوي بعد و بعدها كريم الاساس
بوبي براون عنده للبشرة الجافه و جيرلان حلو و شوفي بعد الماركات الثانيه​

 

[جوجو1428]

هلا حبيبتي انا اعاني من نفس المشكله واتذكر الي ناسبني وصار جدا حلو هو كانيبو الدائري وطبعا خذي الدرجه الي تناسبك بعد ما تجربيها على يور فيس جدا انصحك برضو فانديشن حق ديور روعه وابتعدي عن البودره خصوصا الكومبكت لانها تبين جاف جدا ومن تجربه وزي ماقالت الاخت الي قبلي لازم ترطيب بالكريم للبشره الجافه

 

[N.o.L]

عندك ماكس فاكتورر حلوو للبشررره الجافه والدهنيه وهم غيرلان حلووو على مدح البنات

 

[lovely lovely]

انا مثلج بشرتي جافه واذا حطيت فاونديشن يقشر وكذا كريم اساس ماضبط علي
الا واحد عشقته وعشقني
كريم اساس ماركة ايسادورا
انا واختي نستعمله لانه بشرتنا جافه وتقشر

اولا طبي ويرطب وثابت 16 ساعه وفيه حمايه من الشمس
صج صج يهبل انصحج فيه
لانه انتي مثل بشرتي وراح يصلحلج
تلقينه بسنتر بوينت

وبشرتج لاتشترين اي غسول والسلام
اشتري غسول فيه ترطيب او فيه كريم
لانه اذا شريتي غسول عادي بيجفف بشرتج زياده وبتنغثين
واهتمي فبشرتج رطبيها عدل حطي كريم الليل والنهار قبل الفاونديشن
لان انتي بشرتج جافه حيل ويبيلها ترطيب حييييييييييل
اهتمي بهالشغله وصدقيني راح يصلحلج اي فاونديشن
وموووووفقه حبيبتي

 

[om deaj]

حبيبتي الافضل انج تجربين الاساس على ويهج مو على ايدج

ومن ناحية الجفاف لا تقشرين ولا تسوين هالحوسة كلها

كل الي عليج تهتمين فيها وترطبينها والحماية
وقبل الاساس الترطيب

 

[STAR FAR]

جربي تخلطين كريم مرطب مع كريم الأساس وتكون بشرتج ندية يمكن يعطيك نتيجة حلوة لانه واضح انه بشرتج فيها جفاف وايد

 

[Tiffany]

جربي من بوبي براون اسمه extra tinted moisturizer balm جدا جدا دسم، بس الصراحه تغطيته خفيفه
عندهم لاين كامل اسمه EXTRA خاص للبشره شديدة الجفاف
روحي لهم بدون لا تكونين حاطه مكياج و قولي للبياعه تجرب لج، اشك ان بيكون فيه قشور بوجهج لما تحطينه
و زيادة حرص سوي بحث عنه بالنت

 

[لمى...]

مشكورااااااااااااااااااااااات حبيباتي