أحسن دكتور جلدية؟

[ناديه]

احسن دكتور بالكويت عبدالوهاب الفوزان

 

[jaggy-cat]

عن تجربه دكتور مجدي فتح الله في مركز اسعد الحمد ممتاز

 

[أميرة القادسية]

الدكتور أحمد رشيد أنا سامعه أنه طلع ولاراح يرد خلااااااااااص

 

[AwradAli]

لا ما طلع بس مسافر فتره وانشالله راد يمكن على الشهر الياي بس الله اعلم متى

 

[miss5]

ماعندي فكره

بس الصياد سامعه عنه مو زين معنه مره رحتله دشيت عليه بس ماسوا شي يعني ماعجبني مايشخص عدل عالسرييع لان زحمه

او قنال اكسسسسسسسسسسسسس اي شي

 

[هيه دنيا]

والله وانا بعد محتاجه دكتور جلدية تجميلي حق توحيد لون البشرة المرقعه والباهته وامدحو لي الدكتور منصور العرف بالجهرا حق حقن الفتامينات للبشرة

وامدحولي احمد الرشيد بس ما حصلت حجز بالمررررة

 

[fay]

dr yousef malallah is the best

 

[شجووون]

عيسى بشور حق توحيد اللون والليزر عجيب انا ما جربته بس شفت وحده امسويه عنده صايره عجيبه وراجعه 5 سنين ورا ولما ييت بروحله ماحصلت عنده موعد يالله شهر 9 لان الحين اهوا طالع اجازه

اما صالح الجريوي بصراحه طلع مغلب لما رحتله مع العلم ان في ناس نفع معاهم

اما حاليا فانا اروح حق عياده موسى جبر وما حصلته فدخلت عند المصري الثاني اللي يشتغل عنده والله يستر اذا احد سامع عنه جان زين يفيدني قبل لا اتوهق ؟؟؟؟؟

 

[AwradAli]

هيه دنيا صاجه من كثر الناس اللي تروحله ماشالله ما تلقين حجز بالمره .. انا اصلا دشيت عنده أول مره كنت رايحتله مع بنات عمتي عندهم موعد ليزر وفتحت لي ملف وعالجني .. خالتي نفس الشي قالولها ماكو مواعيد الا عقب سنه يمكن !!!! جان تدق علي تقول لي متى ما صار عندج موعد تراجعين دكتور احمد رشيد قوليلي عشان ايي وياج .. ويت وياي وعطاها موعد عقب اسبوع وراحت له .. اذا تبين تحجزين موعد عنده روحي مع وحده من معارفج تعالج عنده ولا ماراح تحصلين موعد .. اما اللي اساساً عندهم ملفات عنده عادي مواعيدهم يحصلونها

 

[q8yah_75]

في دكتور جلدية و تجميل ممتاز في مركز أوباجي اللي في الشعب اسمه محمد عبدالله. مع انه توه شاب لكنه وايد زين و أمين... بنت خالتي كان عندها مشاكل في بشرتها بسبب الهورمونات و الحين صارت وايد أحسن. هم يمكن صح غاليين بس في الآخر هو اللي فادها بعد ما قعدت تدور على كل دكاترة الجلدية في الكويت...

 

[فـدى جـابر]

حبيبتي يمدحوون بوحمراا
وبغيت أسألكم بنـات إذا أحد سامع عن الدكتـور مشعل الغريب ؟؟
شــرايكـم فيـه ؟؟
لأنه أهو معـالج رفيجتي ومشاءالله تمدحه حييل

 

[يفداك عمري]

تصدقون ودي بدكتور او دكتوره شاطره انا اعالج عند دلال التركيت وماكو فايده بس تعطيني كريمات بس وبشرتي هذا حالها ,,, وحده مدحت لي سحر غنااام وسلامه جبر معرووف

نزين بسالكم منو احسن دكتور متخصص بالبشره
ودكتور متخصص بالشعر ؟؟

 

[حرير]

نبي دكتور جلديه زين ومتخصص لمشاكل الشعر

 

[سنبلة]

د قنال الصايغ