أحسن دكتور تجميل في الكويت

[شيهانه]

السلام عليكم ورحمة الله وبركاته

يا خواتي أبيكم تساعدوني ودي أسوي عمليه شفط وشد للبطن ؟؟

وأبي أحسن مستشفى و أحسن دكتور يسوي هذي العمليه ..

وتشاركوني بتجاربكم في هذا الموضوع

ومشكورين وما قصرتوا

 

[Q8_ButterFly]

مشاركة: أحسن دكتور تجميل في الكويت

السلام

اختي شيهانه انا مسويه هالعمليه وتقدرين تقرين موضوعي بقصم الرجيم

 

[ريفيل]

مشاركة: أحسن دكتور تجميل في الكويت

نصيحة لا تعرضين نفسك وحياتج للخطر سوي رجيم ولا تخاطرين شكثر ناس سوها وبعد فترة ردوا مثل قبل

 

[jolie_q8]

مشاركة: أحسن دكتور تجميل في الكويت

اعتقد ان لاري للحين الافضل بالكويت

والله أعلم

 

[منطلقة بطموحي]

مشاركة: أحسن دكتور تجميل في الكويت

هذا الموضوع اللي تقول عنه الاخت Q8_butterfly

ضغطوا على العنوان هذا
http://q8yat.net/showthread.php?t=15037

 

[xxx]

مشاركة: أحسن دكتور تجميل في الكويت

لاري أشهر الموجودين بالكويت

 

[منطلقة بطموحي]

مشاركة: أحسن دكتور تجميل في الكويت

انزين بنات شلون العملية !!

يعني هالدكتور بيشوف جسمي كله ؟!!؟!؟!؟!!!!!!!!!!!!!!!

:|

 

[xxx]

مشاركة: أحسن دكتور تجميل في الكويت

لا مو كله أكيد بس مكان العمليه

 

[منطلقة بطموحي]

مشاركة: أحسن دكتور تجميل في الكويت

الله يعين

 

[شادية]

مشاركة: أحسن دكتور تجميل في الكويت

اعرف وحده سوتها بغت تنتحر من شده الالم صج بغت تنتحر مع انها مسميه ومصليه بس بعد العمليه تحسين بالم فضيع ودج تموتين بس لو امها ما الحقت عليها جان ماتت

اعراضه الم شديد وكابه

 

[bnt q8 in usa]

مشاركة: أحسن دكتور تجميل في الكويت

عندج طيبه كلينك وعندج دكتور سمه طلال الخليفي اضن ممتاز والله

 

[منطلقة بطموحي]

مشاركة: أحسن دكتور تجميل في الكويت

اختي وادي الغروب .. اهي وين سوت العملية ؟

 

[شقحة جاكسون]

مشاركة: أحسن دكتور تجميل في الكويت

انا اللي اعرفه اللي تسوي هالعملية لازم ماتحمل عقبها
بس الشفط عادي اما الشد لا ماتحملين
ووايد قالوا انها تذبح من العوار

 

[xxx]

مشاركة: أحسن دكتور تجميل في الكويت

وادي الغروب

مسكينه شلون جذي بس ما الومها شايلين وقاصين يماااااااا تخرع الصراحه

 

[جوريه]

مشاركة: أحسن دكتور تجميل في الكويت

لا ترا مو للهدرجه امس سوت افتاك واشالوا بطنها كله وشدوا عضلات البطن وخياطها من خاصره يمين للشمال صج كانت تتالم بس شي يستحمل بالمسكنات يعطونها ابر وحبوب اول 3 ايام تعبت بعد لان امي كبيره وفيها سكر وضغط والكلى ودهون وفوق هذا ثاني يوم مشيتها وكلت عالخفيف عادي لا تبالغون بنات عواره نفس الولاده بفتح البطن شي يستحمل

بس محد يعرف شفط الفخوذ والمؤخرة بجم؟

 

[xxx]

مشاركة: أحسن دكتور تجميل في الكويت

جوريه

امج وين سوتها ؟؟؟؟؟؟؟؟؟؟

وشلون النتيجه ؟؟؟؟؟؟؟؟؟؟؟


تستاهل نغامر ؟

 

[كويتية أمورة]

مشاركة: أحسن دكتور تجميل في الكويت

الدكتور الفرنسي اللي يزور المواساة كل شهر اريك بلو
انا لما اروحله القى عنده مليون وحدة دبة ناطرة برة دورها وكلهم كاتبلهم لايبوسكشن وتامي تاك اللي هو شفط وشد
انا ماجربته بهالاثنين بس هو عموما ممتاز وانا قايلة اذا قررت اسوي شفط بسوي عنده ان شاء الله
بس مادري بجم

 

[Dancing^Queen]

مشاركة: أحسن دكتور تجميل في الكويت

ترا الفرنسي مو لي هناك اموره في اشطر منه


بنات ترا الالم شي يحتمل بالنسبه للشد مال البطن اللي يزيلون الشحوم ويشدون اليلد متعب اول ثلاث ايام الم
اول يوم الم شديد بس اغلب شي يكون الشخص مخدر يعني يصحا ويرد ويحس بالم بدون لايقدر يحدد او يركز تدرون بنج
ثاني يوم الم بس مستحمل وعادي الابر المسكنه ماتقول لأ
ثالث يوم يبتجي يحس انه احسن
طبعا يمنوعونه اسبوعين من السياقه
والنتيجه المبدئه عقب شهر ونص والكامله عقب ثلاث اشهر حق اي شفط او شد
بالنسبه للشفط
شدعوا الالم مايسوي جذي
مايخلي الواحدي بي ينتحر هذيج جزوعه !

 

[jolie_q8]

مشاركة: أحسن دكتور تجميل في الكويت

بس المشكله منو الدكتور الشاطر اللي يعطيج نتيجه تسوى

مو البطن مشبن والا مادري اشلون صاير !!

 

[كويتية أمورة]

مشاركة: أحسن دكتور تجميل في الكويت

ههههههههههههههه شلون بعد يتشبن البطن خخخخخ

عموما الدكتور مال برنامج ذا سوان اللي يسنع النسوان بيزور الكويت شهر واحد حجزوا عنده اذا لقيتوا حجز طبعا