أحسن دكتوره بالسلام

[الوردة المكنونة]

مساء الخير بنات

بنات انا ولدت مرتين بالراشد ومره بدار الشفاء

بصراحه ولادتين بالراشد ممتازه بس عيب المستشفى كل ما اولد يكون عندهم ترميم وازعاج طقطقه ماقدر ارتاح

اما دار الشفاء ماعجبتني ولادتهم بالمرا كمام مو شي والخياط تعبان جدا

وقررت هالمره اراجع بالسلام وابي دكتوره شاطره وخياط مضبوط لاني بسويه تجميلي ابي ارقع اللي سووه دار الشفاء

ابي مساعدتكم بليز دكتوره مو دكتور (دكتووووووووووووره)

شكرا

 

[mini mouse]

دكتوره نزهت تهيللللل

 

[مشتطـه]

انا اول شي راجعت عند نزهت

و خسبقت بنت عمي استغفر الله
تعسرت ولادتها وام بنت عمي قالت لي شلون كانت تتصرف بغرفة الولادة تقول انها بارده وبس تحن تبي تولدها قيصري
وخلتها 22 ساعه بغرفة الولاده
وبالاخير ولدت طبيعي يه دكتور و و ولدها

رفيجتي كان راس البيبي فوق وقالت لها انتي قيصيرية ولما راحت لغيرها قال شكو انتي طبيعي لانج بأول شهرج عادي راح ينزل مع الايام و ولدت طبيعي عند غيرها


انا اراجع عند نهاد حسني ليلحين ماولدت مادحين لي ياها واهي مصرية طالعه من د. ماجدة اليتامى

وعندج أمل عبدالعزيز كويتيه ممتازة عيادتها برى السلام بسطرة مستشفى السلام واهي تبع السلام تيننننن راجعت
عندها اول شهرين وخليتها لانها غاليه وما عندي تأمين

 

[madam al fheed]

الله يهون عليج حبيبتي روحي حق امل الراشد بالسلام تهبل صج غاليه بس الولاده معاها تطمن وخياطها التجميلي انا جربته اصلا ولا كأني ولدت و الجرح ماله اثر ما شاء الله والسلام كمامهم وابرة الظهر عندهم رووووعه توكلي على الله

 

[madam al fheed]

على فكره الدكتوره اللي اتكلم عنها اهي نفسها اللي قالت عنها الاخت مشتطه اسمها امل عبدالعزيز الراشد وصح كلامها عيادتها برا بس يم المواقف مالت مبنى مستشفى السلام اسمه مستشفى المسيله عيادتها بالدور الرابع

 

[@ام يوسف@]

اااااااااااب

 

[c a t w o m a n]

أنا ولدت عند نزهت ممتازة

تعاملها راقي و ووافي وصبرت علي يومين وولدت طبيعي لله الحمد


شوفي البنات يفيدونج أكثر

الله يتمم عليج و تولدين بالسلامة عند منو ما كان

 

[Miss Golden]

انا جربت الدكتوره نجمه علي بالسلام

تيينن وايد مريحه

 

[الوردة المكنونة]

مشكورين على الردود

واللي يعافيكم دكتوره امل غاليه يعني كم تكلفني كل مراجعه عندها ووقت الولاده اروح المستشفى يدقون عليها ولا انا لازم ادق عليها وبالنسبه للخياط التجميلي كم يكلف مع الولاده ادري دوختكم بس مالي غيركم

 

[madam al fheed]

حبيبتي انا كنت منزله موضوع كامل عن اسعار الولادة عند الدكتوره امل عبدالعزيز الراشد و بالنسبه حق المراجعات فتح الملف كان ب ١٥ د.ك بس اعتقد الحين ب ٢٠د.ك والسونار ب ٢٠ اول الاشهر بعدين يصير ب ٣٠ مع تقدم مرحلة الحمل اتوقع من بداية الخامس والاستشاره ب ٢٠ وتحليل البول عزج الله مع الوزن والضغط ب ٣ دنانير وطبعا الادوية انتي تشترينها لكن لو عطتج ابره داخل العياده تاخذ ٥ دنانير غير سعر الدوا وبالنسبه للخياط التجميلي اعتقد سعره بحدود ال ٦٠ دينار مو متأكده بالضبط لاني دفعت المبلغ مع سعر الولاده كامل فا ما اذكر جم بالضبط بس اهو بهالحدود واسعار الولاده مثل ما قلت لج كنت منزلتهم بموضوع وبحطلج الرابط دشي اقري التفاصيل وان شاء الله اكون فدتج
وهذا رابط الموضوع
http://www.q8yat.com/t984445.html

 

[madam al fheed]

يعني المراجعات بأول الاشهر تكون بحدود ٤٣ دينار وبعدين تصير ب ٥٣ دينار تقريبا وانا الحين اراجع عندها صارلي اربع شهور كل مره ادفع ٤٣ وبالنسبه للطبيات انا مبدعه اخذ بالهبل طبيات ودايما اذا كانت اسبوع لي جدام ب ١٠ بشرط ما يكون ولا يوم طايف وتاريخه قديم اما الطبيات المتأخره ب ٢٠ لكل اسبوع وبالنسبه حق اليوم الواحد اذا تاريخ قديم ب ١٠ واذا تاريخ لي جدام يعني حق باجر مثلا ب ٥ دنانير هذي كل معلوماتي بالنسبه حق عيادتها

 

[الوردة المكنونة]

مشكوره حبيبتي ماقصرتي اسعاها مو غاليه عاديه انا كل مراجعه ادفعلي ٨٠ دينار ومرات توصل الفاتوره ١٠٠ دينار

مشكوره ما قصرتي

 

[monyy]

نزهت خوش دكتوره .. و انا ما قررت اراجع عندها الا لما سمعت عن نفسيتها و صبرها على الوحده حزت الولاده .. و اهم شي الكل يمدح خياطها ان صغير و ما يبين ...

 

[الفرح والدلال لي]

انا اراجع عند د/امل
وأسعار الولادة عندها
الطبيعي = ٥٠٠
القيصري = ٤٠٠
وانا اسميها أمي الحنونة لانها صج ام بالمراجعات ووقت الولادة

 

[ام الحلوااات]

ااااااااااااااااااب

 

[sha1234]

الكتوره نهاد وايد مريحه ولطيفه

 

[BubbLe87]

انا ناوية اولد هناك ان شا الله اذا ربي كتب
نجمة وايد امدحوها رفيجتي والدة عندها تقول وايد زينة
انا لحد الحين ابيها بس ودي اسمع عن غيرها
امل اول مرة ادري انها هناك
اب اب نبي معلومات زيادة

 

[نبض السعاده]

اب اب


فيدوونا عن مستشفي السلام

 

[منآير حمد ~]

دكتورتي أمل واايد حبيبة ومريحة صج تحسينها أم