أحسن أتيليه يخيط نفنوف عروس وبسعر اقتصادي

[Peace Soul.Q8]

بسم الله الرحمن الرحيم

والصلاة والسلام على خير المرسلين وعلى آله وصحبه وسلم


السلام عليكم عروسات الكويتيات






بنات رحم الله والديها وعسى الله ان شالله يعطيها مرادها وحقق امنياتها ألي تنقذني وتساعدني ..

بنات انا مخطوبه اولت امس .. بس خطيبي مستعيل ويبينا نعرس باقرب وقت .. فأنا من قبل الخطبه زهبت اغراض الملجه وخلصت .. والحين بزهب حق العرس وقاعده ادور الصاله وغيره ..

بنات انا أول وحده أطلع من بيت أهلي يعني ماكو وحده فبيتنا متزوجه من قبل فما عندنا خبره بهسوالف .. ويزاها الله خير حماتي اخت ريلي اهيا توها متزوجه فعندها خبره فرش وكل الي فبيتهم متزوجين عكسنا :$

بس بنات فشله يعني مو حلوه حماتج تعرف تفاصيل كل شي بتسوينه بعرسج حلاته فيه شغلات تخلينها مفاجأه لأهل المعرس ...


فقلت ماكو غير سوبر كويتيات خواتي العزيزاتي الي أكيد يقدرون ينقذوني وساعدوني بهشي ..



بدش بالموضوع الحين ...

أنا نفوف عرسي ان شالله من وانا صغيره احلم بتصميم معين ودي اسويه وهالتصميم ماكو محل بالكويت يسويه جاهز .. وأنا بطلع مميزه وبشي لمتد انا اول وحده البسه ...


بس بناااااااااااات ما عرف وين احسن اتيليه يسوي نفنوف عروس لبسه اولى تاجير وبسعر مناسب وقتصادي يعني اقل من 500 دينار وشغلهم مظبوط يكون

انا دشيت كذا محل وكذا اتيليه فيهم الي اسعارهم غاليه وفيهم الي ما يسوون تصميم .. بنات انا مادري وين فيه اتيليهات بعد بالكويت ومادري وين احسن مكان يسوي وباسعار حلوه ..



تكفوووون بنات الي تعرف وعندها فكره لا تبخل علي !!!


ناطرتكم بنات الي ادش وحتن لو ما عندها فكره خل تدعي لي وترفع لي الموضوع .....

 

[lolab]

اللة يوفقج واهنييج بس ليش مايسوونة قصدج انة يعني غريب ولا شنو؟ لانة اتوقع الحين المشاغل يبون اي زبوون واسوولة الي يبيية

 

[Peace Soul.Q8]

مادري حبيبتي كذا محل راقي دشيته يقولون ما يصممون لي الي فبالي

كل الي عندهم من مصممين كبار واو جاهز :\

 

[احبج q8]

حبوبة مو جنه 500 وايد قليل لتفصال
اعتقد هذا المبلغ اييبلج نفنوف تاجير بس اما تفصال بهالسعر احس ما تحصلين الا اذا الموديل اللي انتي تبينه وايد ناعم وساده لان القص الحين ابروحه على 500 قص الخام
هالسعر والله كنتي تحصلينه بسنة 2005 لما انا تزوجت خخخخخ الحين ماكو كلهم شابين ضو
الله يوفقج يارب
روحي الاميرة اللي على الساحلي بفحيحيل عندها استايلات ناعمه ويمها في واحد لبناني اسمه بيرلا
يمكن يساعدونج
انا سنة 2005 يعني سويت عندهم وكنت يعني شاطرة واخذته رخيس سوالي اياه على 700 لبسه اولى
الله يوفقج

 

[iLLuMinaTion]

للرفع

 

[انا لحبيبي .]

رد : أحسن أتيليه يخيط نفنوف عروس وبسعر اقتصادي

والله شفت مره وحده بالمنتدى ما شاء الله بتعمل تفصال خلال

اسبوع واسعارها رخيصه بس مو محصله الرابط تبعها

وكل تعاملها بره ​

 

[زهره الجلنار]

اتليهات اللي عند مجمع النقره اتحصلين بهالاسعار وشغلهم حلو

 

[اللمسة الذهبية]

مشغل تبارك 55872505 روحي وقدمي موديلج وراح تدعيلي

 

[جوري الغرام]

رد : أحسن أتيليه يخيط نفنوف عروس وبسعر اقتصادي

في رابط بتوقيعي راح يساعدج واجد بالتجهيز عن (( تجهيز العروس من الألف الى الياء ))

والله يوفقج يارب ​

 

[alsn3aa]

رد : أحسن أتيليه يخيط نفنوف عروس وبسعر اقتصادي

روحي الخبرررررررررررر وبس خلج من اللي هني نصبه والله روحي الخبر شارع السويكت تلقين بلااوي تجنن هنااك ملابس عراايس شغل عدل عندنا تنبااع باالف و800 وو لا 1200 انا هنااك بــ 4000 ريال يعني بحدود الــ400

 

[سمراء كالخمري]

في بالرقعي اتيليه المهره تفصال وحقج على 400 دينار
اذا تبينه تأجير تفاهمي معاها بس مكانها شوي دعسه روحي الرقعي وسألي عنه وايد المصممه كويتيه نفسيتها تينن

 

[طفلة كبيرة]

عندج بعد المصممة بدور المانع

اسعارها بهالحدود


موووفقة حبيبتي

 

[غـلآوي ّ ~]

في ام خالد اللي بغرب مشرف

تأجر بأسـعآر مـنآسبه

 

[dloo3a.q8]

انصحج باتليه فرح


ورى مجمع النقره

حلو حده ويفصل لبسه اولى وتاجير

وتاجير عنده اذا ماديتج على قدج روحيله

واذا تبينى شى راقى وحلو وجاهز


رشا شيك

وزياد انطوان

والدزه

بس ترا اسعارهم لبسه اولى الف وشى والفين


واذا تاجير ارخص الف وتحت

 

[نونى_r]

حبيبتى السعر حييييل مو مناسب على طلباتج بس بعطيج اسم مصمم اسمه يعقوب حلو شغله حيل وعندج نوال البعيجان

 

[قاهره عذالي]

حبيبتي

رفيجتي مسويه ثوب فخم على ناعم يجنن قد ما اقولج يجنن

روعه لدرجه بعرسها تمنين اني لابسته وراقي

اذا تبينه بيع اخر سعر 800 دك
واذا اجار اخليها تراعيج من 400 الى 500

ورقمها

55068301

صدقيني روعه روعه حيل الثوب انتي بس اتصلي عليها وارسلي مسج
وهي راح تواريج الثوب يجنن بكل معنى الكلمه

 

[Peace Soul.Q8]

بنات فديييييييييييييييييتكم

والله انكم شقرديه وبيضتو الويه وما نجلتوني

احبكم كلكم

اغلب الاتليهات الي قلتو عنها رايحه لها وساله عنها .. الي تمدحونهم وره النقره والدزه وجذيه

بنات انا مهري حالي حال باجي بنات الديره 4000 اقدر اقط اكثر بس مو اكثر من 1000 .. لازم اكون ذكيه وقتصاديه ووفر علشان اقدر اشتري وجهز كل شي على راحتي وشتري احلى الاشياء حق عرسي

بس انا قلت قبل لا اروح وصمم النفنوف عندهم خل اسال اصحاب الخبره بهسوالف يساعدوني

عسى الله يوفقكم وحفظكم ويسعدكم بدنياكم وباخرتكم يا رب

 

[M!ssq89]

انا فصلت بدله لبسه اولى في اتيليه عند مجمع النقره


فصلته اب 500 لانه افتريت وايد ما حصلت شي حلو والغلب ئلي اشوفهم حلوين بس

ملبوسين اكثر من مره وعلى 1000 وشي شدعوه ما عجبني

قلت افصل احسن

وللحين ما خلصت بدلتي لانه من شهر وديتها بيخلصونها لي اب شهرين


اذا تبينه رقم الاتيليه قوليلي عشان ادزه لج

 

[M!ssq89]

على فكره لاانه عرسي بدايه 4 عرفتي وراح استلمها قبل العرس اب 4 ايام

بس قبله باسببوع او اسبوعين اسوي البروفات واي تعديل على البدله اذا ما عجبني شي لانه اخاف امتن اضعف عرفتي

وقبل العرس استلمها نهائي

 

[~وريثة الملوكـ~]

الخبر
كل من يمدحهاا واسعاارهاا منااسبه
وفي كذاا وحداا معااناا هون مصممين عندهم ​